ფოთის პორტის მაგალითზე, საქართველოს საშიშროება გაუჩნდა, რომ ევრაზიული სატრანსპორტო დერეფნის ფუნქცია დაკარგოს

2008 წელს, მიხეილ სააკაშვილის ხელისუფლებამ, ფოთის პორტი გაყიდა და არაბულ კომპანია ,,რაკიას“ მიჰყიდა. იმის გამო, რომ ,,რაკიამ“ ვერ შეასრულა საინვესტიციო ვალდებულებები, ფოთის პორტი გაყიდეს და მიჰყიდეს „APM ტერმინალს“, რომელმაც, აიღო ვალდებულებები, რომ ფოთის პორტს გააფართოვებდა და გადააქცევდა ევროპის ერთ-ერთ წამყვან პორტად. გარიგება, რომელიც მოხდა ფოთის პორტთან დაკავშირებით, იწვევს სერიოზულ ეჭვებს და სააკაშვილისა და მისი გუნდის კორუფციულ გარიგებაზე მიუთითებს. აღსანიშნავია, რომ იგი გაიყიდა 130 მილიონ აშშ დოლარად, მაშინ, როცა, ის შეფასებული იყო მინიმუმ 500 მილიონ აშშ დოლარად.

 

საინტერესოა, რატომ არ ინტერესდება საქართველოს პროკურატურა ამ  თემით?! რატომ არის შემცირებული პორტის თვითღირებულება 370 მილიონი დოლარით?! ფოთის პორტის გაყიდვას რომ საქართველოსთვის რაიმე სიკეთე მოეტანა, ადამიანები დაიჯერებდნენ, რომ ღირდა ეს ოპერაცია...

 

აღსანიშნავია ისიც, რომ ტვირთბრუნვა, რომელიც, 6 მილიონი იყო,  3 მილიონზე ჩამოვიდა.

 

აქვე უნდა ითქვას, რომ, შტორმის დროს, პორტი, ფაქტიურად, გამოუსადეგარი ხდება და არ მუშაობს. ტვირთბრუნვა შემცირებულია 50%-ით საზღვაო ნავსადგურებში და ტერმინალებში ჯამურმა რაოდენობამ კრიტიკულ ზღვარს მიაღწია. თუ 2014 წელს იგი იყო 21,3 მილიონი ტონა, დღეს, ტვირთების რაოდენობა 12,1მილიონია. მისი დახურვის კოეფიციენტი თუ 2012 წელს იყო 14 %, წელს უკვე 38,5 %-ს მიაღწია, რაც ნიშნავს, რომ 40 %-ით ფოთის პორტი დახურულია საერთაშორისო სტანდარტით.

 

დღეისათვის, ფოთის პორტის სიღრმე 8, 4 მეტრია, მაშინ, როდესაც, ისტორიულად მისი სიღრმე 11 მეტრი იყო. სწორედ „APM ტერმინალის“ ოპერირების პირობებში, ფოთის პორტი მსოფლიოში ათი ყველაზე ძვირი პორტის სიაში შევიდა. მაგალითად, თუ ფოთში 440 აშშ $ ღირს გემიდან-ხმელეთზე კონტეინერის გადმოტანა, ოდესის პორტში, იგივე მომსახურება, ერთ კონტეინერზე  186 აშშ $-ია. პორტი სისტემატიურად კარგავს ტვირთს, მისით უკმაყოფილოები არიან ისეთი გიგანტები, როგორიცაა აზოტის ქარხანა, რუსთავის მეტალურგიული ქარხანა, ფეროშენადნობთა ქარხა და მადნეულის გადამამუშავებელი ქარხანა. მათი ტარიფები 3-ჯერ გაიზარდა, შესაბამისად, საქართველოს გაუჩნდა საშიშროება, რომ ევრაზიული სატრანსპორტო დერეფნის ფუნქცია დაკარგოს.

 

წლების განმავლობაში არ ხდება ფოთის პორტში ინვესტირება, შესაბამისად, არ არის ის თანამედროვე ტექნოლოგიები, რომელიც, მას გაზრდიდა თანამედროვე ევროპულ პორტად და საქართველოს მიანიჭებდა ევრაზიული სატრანსპორტო დერეფნის ფუნქციას. საკითხავია, ეს ხელოვნურად ხომ არ ხდება ფოთის პორტის ,,APM ტერმინალის“ მხრიდან და და რატომ არის, რომ მუდმივად ამ პრობლემის გამო ზიანდება საქართველოს რკინიგზა?!

 

საქართველოს მთავრობამ მრავალჯერ მიმართა ,,APM ტერმინალს“, რომ მას შეესრულებინა საკუთარ თავზე აღებული ვალდებულებები, თუმცა, გამომდინარე ამ კაბალური კონტრაქტისა, რომელიც, სააკაშვილმა და მისმა გუნდმა დადო ,,APM ტერმინალთან“, საქართველოს მთავრობას აღნიშნულ ობიექტზე, დღემდე, არანაირი გავლენის ბერკეტი არ გააჩნია.

 

(იხილეთ სქემა)

 

 





მსგავსი სიახლეები
განათლების საერთაშორისო ცენტრი საზღვარგარეთ სწავლის გაგრძელების მსურველთა განაცხადების მიღებას იწყებს
„ვადა აქვს, გახსნი და სურპრიზი..." - მომხმარებელი ,,სანტეს" დაობებული პროდუქციის ფოტოს ავრცელებს
საავტომობილო გზების დეპარტამენტი განცხადებას ავრცელებს
ზუგდიდის მუნიციპალიტეტის მერია, „რუსთავი2 "- ის ეთერში გასულ სიუჟეტს ეხმაურება
საქართველოში ატმოსფერული ჰაერის ხარისხის მონიტორინგის მობილური ავტომატური სადგური ამოქმედდა
„გილოცავთ, ესე იგი... გქონიათ!“
ვინ არის მეფე ერეკლეს გვერდით დაკრძალული ქალი?
როგორ დაინდო აფხაზმა მფრინავმა სასიკვდილოდ განწირული თბილისელი ოსი მფრინავი
„რატომ მიდის საქართველოს ყველა ტელევიზიაში, ყველაფერი არაქართულის პროპაგანდა და ქართულის დისკრიმინაცია, განქიქება?“
„როცა მეუღლე დამიპატიმრეს, კონტაქტზე გამოვიდა ერთი პატიოსანი ''იმათთაგანი'' და გამაფრთხილა“
„რატომ მიდის მარიხუანას და კაიფის ასეთი პირდაპირი პროპაგანდა ყველა არხზე? გრანტებზე იბრძვით, თუ რა ჯანდაბა გჭირთ?“
„ლიდერი უნდა მოკვდეს, როგორც ფუნქცია, რადგან მას შეუძლია საზოგადოების მობილიზაცია“
„ეს დედააფეთქებული, არც მომსვლელი ხართ და არც მომცემი და 400 ლარი პენსიის მაგივრად 4000 რომ თქვათ, ვისი რა მიდის“
,,დიდ მწუხარებას გამოვთქვამ ქართველი მოჭადრაკის, ნინო ხურციძის გარდაცვალების გამო''-პრემიერი
ბაჩო ახალაიას სერგო თეთრაძის წამების საქმეზე 9 წლით თავისუფლების აღკვეთა მიესაჯა
თბილისის N109 ბაგა-ბაღმა ფუნქციონირება ალტერნატიულ ფართში გააგრძელა
შინაგან საქმეთა სამინისტრომ უცხოელ ექსპერტებთან და არასამთავრობო სექტორთან ერთად ოჯახში და ქალთა მიმართ ძალადობის მიმართულებით განხორციელებული სამუშაოები შეაჯამა
როგორ მოვიცილოთ „ნეგატიური სტატუსი“ და აღარ ვიყოთ „კრედიტ- ინფოს“ ბაზაში
,,ჯერ საქართველოს პანკისის ხეობის დაკარგვით დაიმუქრა, ახლა საქართველოს წინააღმდეგ დანაშაულის ჩადენა არ გამორიცხა ცოტა მეტისმეტი ხომ არაა"
საოკუპაციო ხაზთან ახლოს, ე.წ. მესაზღვრეებმა საქართველოს კიდევ ერთი მოქალაქე დააკავეს