მსოფლიო ჩემპიონატზე დასასწრებად რუსეთში გამგზავრება საქართველოს მოქალაქეებს უვიზოდ შეეძლებათ

ფეხბურთში 2018 წლის მსოფლიო ჩემპიონატზე დასასწრებად რუსეთში გამგზავრება უვიზოდ იქნება შესაძლებელი. ამის შესახებ „მსოფლიო ჩემპიონატის საორგანიზაციო კომიტეტის“ მიერ გულშემატკივრებისთვის შექმნილ სპეციალურ ვებ-გვერდზე, welcome2018.com-ზეა ნათქვამი. შესაბამისად, საქართველოს მოქალაქეებსაც ჩემპიონატზე დასასწრებად რუსეთში გამგზავრება უვიზოდ შეეძლებათ. 



როგორც ვებ-გვერდზე განთავსებულ ინფორმაციაშია აღნიშნული, მსოფლიო ჩემპიონატის მატჩზე დასასწრებად ფეხბურთის გულშემატკივარს დასჭირდება მხოლოდ მატჩის ბილეთი და მაყურებლის პერსონიფიცირებული ბარათი - „გულშემატკივრის პასპორტი“ (FAN ID). 



გულშემატკივრის ბარათი გაიცემა კონკრეტულ მაყურებელზე და აუცილებელია მატჩზე დასწრების ყველა მსურველისთვის, მათ შორის რუსეთის მოქალაქეებისა და ბავშვებისთვის. 



უცხოელებისთვის „გულშემატკივრის პასპორტი“ რუსეთში უვიზო შესვლის უფლებას იძლევა. „გულშემატკივრის პასპორტის“ ერთჯერადი აღება საკმარისია ჩემპიონატის ყველა მატჩზე დასასწრებად, რომელზეც მაყურებელს ბილეთი აქვს შეძენილი.



აღსანიშნავია, რომ „გულშემატკივრის პასპორტის“ მიღება შეიძლება როგორც ინტერნეტით, ოფიციალურ საიტზე, ისე რუსეთის ქალაქებში საგანგებოდ გახსნილ ცენტრებში.



მსოფლიო ჩემპიონატი ფეხბურთში რუსეთში 14 ივნისიდან 15 ივლისის ჩათვლით გაიმართება. 





მსგავსი სიახლეები
სპორტული ბიზნესი საქართველოში
„ მას უნდა, რომ ბიჭები არაჯანსაღი კონკურენციით, ტატამს გარეთ დაგვაპირისპიროს ერთმანეთს, რასაც, არ დავუშვებთ, რადგან ჩვენ ერთი გუნდი ვართ“
ნონა გაფრინდაშვილი სენიორთა შორის ევროპის ჩემპიონია
ადამ ოქრუაშვილმა რუსი მეტოქე დაამარცხა
გურამ თუშიშვილმა ზაგრების გრანპრი მოიგო
ავთანდილ ჭრიკიშვილმა, იძულებითი პაუზის შემდეგ, ზაგრების გრანპრიზე ოქროს მედალი მოიპოვა
ნიკოლოზ ბასილაშვილი ჰამბურგის ტურნირის გამარჯვებულია
2018 წლის მსოფლიო ჩემპიონი ფეხბურთში საფრანგეთის ეროვნული ნაკრები გახდა
ტოჩინოშინის პირველი მარცხი ნაგოია ბაშოზე
კრიშტიანო რონალდო "იუვენტუსში" გადავიდა
საქართველოს სასკოლო სპორტული ოლიმპიადა 2018 დასრულდა
"#იყავიაქტიურისაქართველოში ეგიდით, საინტერესო სპორტული მოვლენები დაიგეგმა - ზურაბ ბოკოლიშვილი
„ურტყით თქვენ ტაში და ესპანელებმა კაი მაყუთიც მოღუნეს!“
ევროპის კალათბურთის ფედერაციის პრეზიდენტი საქართველოს ეწვია
საქართველოს სასკოლო სპორტული ოლიმპიადა 2018 ჩემპიონებს გამოავლენს
ქართველმა 20-წლამდელმა მორაგბეებმა შოტლანდია 39:31 დაამარცხეს
„გლდანი - 400 000 მოსახლე, ისლანდია - 348 000 მოსახლე“
ირაკლი როსტომაშვილმა აზიდვებში მსოფლიო რეკორდი დაამყარა
Neymar Jr’s Five - საქართველოში პირველად გაიმართება
"უმცროსმა ბორჯღალოსნებმა" იაპონია 24:22 დაამარცხეს