,,ამერიკამ არასწორი პარტნიორი შეარჩია" - „ნიუ იორკ ტაიმსი"

თურქეთის საგარეო საქმეთა მინისტრის მევლუთ ჩავუშოღლუს სტატია, რომელიც 2018 წლის 28 იანვარს გამოქვეყნდა გაზეთ „ნიუ იორკ ტაიმსში“

 

 

 

შეერთებულ შტატებს შუა აღმოსავლეთში გააჩნია საკუთარი ინტერესები, მაგრამ თურქეთს აქვს დაახლოვებით 800 მილის საერთო საზღვარი სირიასთან და ერაყთან. ამ გეოგრაფიულ არეალში და მის მიღმა, თურქეთი და შეერთებულუ შტატები ერთ მიზანს ემსახურებიან: დაამარცხონ ტერორისტული ორგანიზაციები, რომელბიც ემუქრებიან ჩვენს ხალხებს. DAESH-ი (ან ე. წ. ისლამური სახელმწიფო) იყო ჩვენი საერთო მტერი, და ამ დაჯგუფებაზე გამარჯვება შეუძლებელი იქნებოდა თურქეთის აქტიური მონაწილეობის გარეშე.

 

მიუხედავად იმისა, რომ ჯგუფმა სამხედრო დამარცხება განიცადა ერაყსა და სირიაში, თურქეთი კვლავ აგრძელებს თვისი წვლილის შეტანას. თურქეთის სამხედრო მოქმედებები იყო გადამწყვეტი სირიის ჩრდილოეთით მდებარე ქალაქ ჯარაბულუს DAESH-იგან განთავისუფლების საკითხში, 2016 წელს. თურქეთმა დააკავა 10.000-ზე მეტი DAESH-ის ეწვრი და ალ ქაიდასთან აფილირებული პირი, დეპორტაცია გაუკეთა 5.800 ტერორისტს და უარი უთხრა 4.000 საეჭვო მოგზაურს ქვეყანაში შეშვებაზე.       

 

DAESH-მა დაკარგა სირიაში და ერაყში ტერიტორებზე კონტროლი, მაგრამ მას კვლავ შესწევს ძალა რომ ჩაიდინოს საშინელებები. თურქეთის ხელისუფლებამ ახლახანს ჩაატარა ოპერაცია DAESH-ის ქსელის წინააღმდეგ, რითიც აღკვეთ მისი რეორგანიზაციის მცდელობები.

 

ამერიკულმა უწყებებმა გვითხრეს, რომ შეერთებული შტატებს სურს ჰყავდეს საკუთარი სამხედრო ძალა სირიის ტერიტორიაზე, რათა აღკვეთოს DAESH-ის  გადმონაშთების გადაჯგუფება. ამასთანავე, DAESH-ის წინააღმდეგ ბრძოლა ვერ და არ ნიშნავს იმას, რომ ჩვენ არ შევებრძოლებით სხვა ტერორისტულ დაჯგუფებებს ჩვენს რეგიონში, რომლებიც ემუქრებიან ჩვენს ქვეყანას და ჩვენი მოქალაქეების უსაფრთხოებას.

 

ამ ომში, შეერთებული შტატების მიერ შერჩეულმა ადგილობრივმა პარტნოიორმა  ჩვენს შორის შექმნა ჩიხი. ესაა ჯგუფი, რომელიც ამერიკის მთავრობამ თვითონ აღიარა ტერორისტულ ორგანიზაციად. ე. წ. „სახალხო დაცვის შენაერთები“ ანუ, Y.P.G. არის უბრალოდ სხვა სახელით მოქმედი, კანონგარეშედ გამოცხადებული, ტერორისტული ორგანიზაცია „ქურთ მუშათა პარტია“.

 

ჯგუფებმა დაირქვეს სხვადასხვა სახელები და განავითარეს ჩახლართული სტრუქტურები,  მაგრამ ეს ვერ ნიღბავს სინამდვილეს. ისინი იმართებიან ერთიდაიმავე კადრებით, იწვრთნებიან ერთიდაიგივე ბანაკებში, იყენებენ საერთო საორგანიზაციო და სამხედრო სტრუქრტურებს, პროპაგანდის საშუალებებსა და ფინანსურ რესურსებს. „ქურთ მუშათა პარტია“ ე.ი. P.K.K. ხელმძღვანელობს   Y.P.G.-ს და  P.K.K-ს თვითმკვლელი მებრძოლები იწვრთნებიან Y.P.G.-ის ბანაკებში სირიაში.

 

ჩვენ შეშფორებულები ვართ იმის გამო, რომ Y.P.G. / P.K.K. ტერორისტები ჩვენი საზღვრის გასწვრივ ერაყსა და სირიაში იწვრთნებიან და იარაღდებიან შეერთებული შტატების მიერ. ჩვენ უსაფრთხოების ძალებს ხელში უვარდებათ P.K.K.-ს ტერორისტების შეიარაღება, რომელიც თანდათან იზრდება, როგორც რაოდენობრივად ასევე, თვისობრივად და ხდება მისი მოდერნიზება.  

 

ის ფაქტი, რომ ნატოს მოკავშირე აიარაღებს ტერორისტულ ორგანიზაციას, რომელიც თავს ესხმის ასევე, ნატოს სხვა მოკავშირეს, არის ნატო-ს მიერ გაცხადებული ყველა ფუნდამენტური პრინციპის დარღვევა. ესაა, პოლიტიკური ანომალია, რომელსაც გამოსწორება სჭირდება.

 

ეჭვი არ გვეპარება, რომ შეერთებული შტატები გააცნობიერებს, რომ ეს პოლიტიკა საზიანოა ნატო-ს საიმედოობის თვალსაზრისით, იგი შეცვლის მას და კვლავ პრიორიტეტს მიანიჭებს თავის მეკავშირეებისა და  გრძელვადიან ინეტერსებს.  ამერიკელების ნდობა „სახალხო დაცვის შენაერთებისადმი“ წარმოადგენს საკუთარი თავისადმი მიყენებულ სავალალო შეცდომას, მაშინ როდესაც შეერთებულ შტატებს უკვე ჰყავს აღიარებული პარტნიორი თურქეთში.

 

მაგრამ, თურქეთს, არ შეუძლია დაელოდოს კურსის საბოლოო და გარდაუვალ  ცვლილებას. ფუჭი საუბარი იმაზე, რომ თითქოსდა გასაგებია თურქეთის შეშფოთება უსაფრთხოების პრობლემებით, დღის წესრიგიდან ვერ ხსნის არსებულ საფრთხეებსა და მუქარას. 

 

ბოლო კვირების განმავლობაში, თურქეთის მთავრობამ  დოკუმენტურად დაასაბუთა ის საფრთხეები, რომლებსაც იწვევენ Y.P.G-ისა და DAESH-ის ბანაკები სირიაში. სირიის აფრინის რეგიონში ტერორისტები ემუქრებიან როგორც რეგიონის მოსახლეობის, ასევე საზღვრისპირა მცხოვრები თურქების სიცოცხლესა და ქონებას.

 

ჩვენ უნდა გვემოქმედა, და ამგვარად თურქეთმა აფრინში დაიწყო ანტიტერორისტული ოპერაცია „ზეთის ხილის რტო“.

 

ოპერაციას აქვს ნათელი  მიზანი: ჩვენს საზღვრებზე უსაფრთხოების უზრუნველყოფა და აფრინში ტერორისტების ნეიტრალიზება; ოპერაცია ტარდება საერთაშორისო სამართლის პრინციპების დაცვით, ჩვენი ლეგიტიმური თავდაცვის უფლების შესაბამისად; მის სამიზნეს წარმოადგენენ ტერორისტები, მათი თავშესაფრები, მათი შეიარაღება და  შესაბამისი ინფრასტრუქტურა.  თურქეთის არმია მოქმედებს სიფრთხილის უმაღლესი ზომების გამოყენებით, რათა თავიდან იქნას აცილებული სამოქალაქო პირების დაზარალება.

 

ჩვენ უკვე არსებითად გავაძლიერეთ ჩვენი ჰუმანიტარული ძალისხმევა, შევქმენით რა ბანაკები აფრინიდან გამოქცეული მშვიდობიანი მოასახლეობისათვის. ჩვენ უკვე მივიღეთ სამ მილიონ სირიელზე მეტი, ხოლო თურქეთის ჰუმანიტარული ორგანიზაციები ეხმარებიან ყველას, ვისაც ჩვენი დახმარება სჭირდება.        

 

თურქეთი გააგრძელებს ოპერაციას მანამ, სანამ ტერორისტები საბოლოოდ არ განადგურდებიან. თურქეთი ვერ შეურიგდება სეპარატისტული ანკლავების შექმნას ანდა ტერორისტების  თავშესაფრებს, რომლებიც ემუქრებიან მის ეროვნულ უსაფრთხოებას და ეწინააღმდეგებიან სირიელის ხალხის ნებას.

 

თურქთმა უკვე მიიღო მონაწილეობა ყველა პოლიტიკურ პროცესში, რომელებიც მიმართულია სირიაში პრობლემის გადასაჭრელად. სირიის ტერიტორიული მთლიანობის შენარჩუნება წარმოადგენს საკვანძო პოზიციას მშვიდობისთვის ძალისხმევის საკითხებში. ტერორისტებისგან გაწმენდა ნიშნავს მშვიდობისათვის სივრცის გახსნას.

 

ჩვენ ისეთი მომავლისათვის ვიბრძვით, სადაც ადგილი არ ექნება: ტერორისტულ ორგანიზაციებს, მეზობლების აფეთქებებს, ომებსა და ჰუმანიტარულ კატასტროფებს ჩვენს რეგიონში. თურქეთი შეერთებული შტატებისაგან იმსახურებს პატივისცემასა და მხარდაჭერას მისთვის ამ ბრძოლაში.

 

 

 

 





მსგავსი სიახლეები
ვლადიმირ პუტინმა გადაწყვიტა, სააკაშვილს მიბაძოს - მან კანონიერ ქურდებს ომი გამოუცხადა
"ერთადერთი მიზეზი, რის გამოც თურქეთს ევროკავშირში არ იღებენ ის არის, რომ ჩვენ მუსლიმური ქვეყანა ვართ"
აშშ-ს უნივერსიტეტების წლიური ბიუჯეტი
ბერლინი და პარიზი შეთანხმდნენ, რომ „ჩრდილოეთის ნაკადი 2“-თან დაკავშირებით ყველა გადაწყვეტილებას გერმანია მიიღებს
გარდაიცვალა ფილმ „სამი კაკალი კონკიასათვის“ რეჟისორი ვაცლავ ვორლიჩეკი
სტამბოლში, საცხოვრებელი სახლის ჩამონგრევისას ორი ადამიანი დაიღუპა და ექვსი დაშავდა
„ვემზადები „მოსალოდნელი ფიასკოსთვის“, რომლითაც დიდი ბრიტანეთი ევროკავშირს შეთანხმების გარეშე დატოვებს“
"ხერხემალში გადავტეხეთ „ისლამური სახელმწიფო“, თუმცა დარჩენილია დაქსაქსული რაზმები"
უკრაინაში საქართველოს ელჩი, გელა დუმბაძე მიტროპოლიტ ეპიფანეს ინტრონიზაციის ცერემონიას დაესწრო
კიევში მიტროპოლიტ ეპიფანეს უკრაინის მართლმადიდებელი ეკლესიის წინამძღოლის ტახტზე აღსაყრდების ცერემონია გაიმართა
ვენესუელაში ხუან გუაიდოს აქციაზე საქართველოს დროშა გამოჩნდა
ამერიკის ეროვნული დაზვერვის დირექტორის დენ ქოუთსის განცხადებით, რუსეთი შეეცდება, 2020 წლის საპრეზიდენტო არჩევნებში ჩაერიოს, რისთვისაც სოციალურ ქსელებს გამოიყენებs
86 წლის ცნობილი ფრანგი კომპოზიტორი მიშელ ლეგრანი გარდაიცვალა
ევროპარლამენტმა დეზინფორმაციის წინააღმდეგ რეზოლუცია მიიღო
„ფაშინიანის მიერ წამოწყებული პროცესები სხვა არაფერია, თუ არა კრემლის მიერ სომხეთში ფერადი რევოლუციის იმიტირება“
კონსტანტინოპოლისადმი დამორჩილების ხუთი მომენტი უკრაინის ავტოკეფალიას უნიკალურად ნაკლულს ხდის - დამოუკიდებლობის ასეთი შეზღუდვა სხვა არც ერთ ეკლესიას არ აკადრეს
ხმელთაშუა ზღვაში ორი ნავი ჩაიძირა და 170-მდე მიგრანტი დაიღუპა
სახლებისა და ბინების ინტერნეტით გაქირავების საერთაშორისო სერვისი Airbnb-ი ოკუპირებულ აფხაზეთსა და ცხინვალის რეგიონში მდებარე სახლებს ვებგვერდიდან წაშლის
საფრანგეთში, ლიონის უნივერსიტეტში აფეთქება მოხდა (ფოტო,ვიდეო)
მსოფლიოს რომელმა მართლმადიდებელმა ეკლესიებმა დაგმეს „უკრაინის ტომოსი"