მიხეილ გიორგაძემ გორში სპორტული ინფრასტრუქტურის მშენებლობა დაათვალიერა

გორში, თელავსა და ბათუმში უპრეცედენტო მასშტაბის სპორტული ინფრასტრუქტურის მშენებლობა დასასრულს უახლოვდება.  6 თებერვალს სარემონტო სამუშაოების ფინალური ეტაპი  კულტურისა და სპორტის მინისტრმა  მიხეილ გიორგაძემ და კანადური სამშენებლო კომპანიის „ბეჰლენ ინდასთრი“ პრეზიდენტმა და მფლობელმა, პოლ კანინგემმა და შიდა ქართლის გუბერნატორმა კახა სამხარაძემ  დაათვალიერეს.

 

ღონისძიებას ესწრებოდნენ პარლამენტის სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილი,  გუბერნატორის ადმინისტრაციის, ადგილობრივი თვითმმართველობისა და საკანონმდებლო ორგანოს წარმომადგენლები, ვეტერანი და მოქმედი სპორტსმენები, სპორტული ჟურნალისტები.

 

სამივე პროექტის საერთო ღირებულება 34 მილიონ დოლარს აღწევს. თელავსა და გორში დიდი დარბაზი 1 500 მაყურებელს დაიტევს, პატარა - 500, ხოლო ბათუმში დიდი დარბაზი 2 500, პატარა 500 მაყურებელზეა გათვლილი. სპორტის სასახლეების მიმდებარედ დასასვენებელი სკვერების მოწყობაც იგეგმება.  

 

“გორში, თელავსა და ბათუმში უპრეცედენტო სპორტული ინფრასტრუქტურის მშენებლობა პრაქტიკულად დასასრულს მიუახლოვდა. სამივე ქალაქში მშენებარე სპორტული ობიექტები მრავალფუნქციური სპორტული დარბაზებია, რომლის მშენებლობას კანადური ფირმა „ბეჰლენ ინდასთრი“ ახორციელებს. 


საქართველოს მთავრობასთან შეთანხმების ფარგლებში, თავად კომპანიამ დააფინანსა ამ ობიექტების მშენებლობაც და მოიზიდა საჭირო საკრედიტო რესურსი. ვფიქრობ, ასეთი მასშტაბური პროექტის განხორციელება კიდევ ერთი წინ გადადგმული ნაბიჯია როგორც საქართველოსა და კანადას შორის ურთიერთობების გაღრმავების პროცესში, ასევე სპორტული ინფრასტრუქტურის განვითარების და კანადური ინვესტიციების მოზიდვის პროცესში. 


დიდი მადლობას ვუხდი კომპანიის მფლობელს და პრეზიდენტს, პოლ კანინგემს ასეთი აქტიური ჩართულობისთვის და ნაყოფიერი თანამშრომლობისთვის. როგორც მოგეხსენებათ, ჩვენი მთავრობის ერთ-ერთი მთავარი პრიორიტეტი სპორტის ხელმისაწვდომობა და მასობრიობის გაზრდაა, სპორტული ინფრასტრუქტურის მშენებლობა კი მთელი ქვეყნის მასშტაბით სასიცოცხლოდ აუცილებელია. ხოლო, როდესაც ჩვენ გორზე ვსაუბრობთ, ამ ქალაქს და ზოგადად, ამ რეგიონის სპორტულ ტრადიციებს ნამდვილად ეკუთვნის  მულტიფუნქციური, მაღალტექნოლოგიური, საერთაშორისო სტანდარტების სპორტული ობიექტი,“ - განაცხადა კულტურისა და სპორტის მინისტრმა მიხეილ გიორგაძემ.

 

მაღალტექნოლოგიური ენერგოეფექტური თანამედროვე სპორტული ობიექტები  კანადური კომპანიის „ბეჰლენ ინდასთრი“ მიერ შენდება, რომელიც წარმოადგენს ფართომალიანი ნაგებობების უმსხვილეს მწარმოებელს კანადაში. კომპანია აღიარებული ლიდერია ასაწყობი ფოლადის შენობების დამზადების სფეროში გლობალური მასშტაბით და მას დიდი გამოცდილება გააჩნია.

 

ბეჰლენსა და საქართველოს მთავრობას შორის მიღწეული შეთანხმების ფარგლებში, პროექტი დაფინანსდა ბეჰლენის მიერ, რომელმაც პროექტისთვის საჭირო გრძელვადიანი საკრედიტო რესურსი თავად უზრუნველყო.

 

პროექტი საფუძველს უყრის საქართველოსა და კანადას შორის საქმიანი ურთიერთობების განვითარებას, და მისი წარმატება, საქართველოს ინფრასტრუქტურაში კანადური ინვესტიციების ზრდის სამომავლო გარანტიაა. ხელშეკრულება სპორტისა და ახალგაზრდობის საქმეთა სამინისტროს, შპს „სპორტმშენსერვისსა“ და კანადურ კომპანიას BEHLENINDUSTRIES LP-ს შორის 2016 წლის 4 ოქტომბერს გაფორმდა.

 

პარალელურად, თბილისსა და ქუთაისში საფეხბურთო და სარაგბო 10 მოედნის მშენებლობა მიმდინარეობს. პროექტის ღირებულებაა 10 700 000 ლარი. საერთო ჯამში, კულტურისა და სპორტის სამინისტროს  მშენებარე სპორტულ ობიექტზე დასაქმებულია 1 000-მდე ადამიანი. 

 

 





მსგავსი სიახლეები
„დაპირისპირებულ მხარეებს მოვუწოდებთ, დაელოდონ გამოძიების შედეგებს და სასამართლოს გადაწყვეტილებას“
კახა კალაძე ჭიდაობის ფედერაციაში მომხდარ დაპირისპირებას „ამაზრზენ ფაქტს“ უწოდებს
ჭიდაობის ეროვნულ ჩემპიონატზე მომხდარ დაპირისპირებაში მონაწილეები, რომლებიც გამოძიებასთან არ თანამშრომლობენ, სასამართლო წესით დაიკითხებიან
ნიკოლოზ ბასილაშვილი მსოფლიო რეიტინგის ოცეულში მოხვდა
მწვრთნელი ანზორ თენაძე საქართველოს ჩემპიონატის მსვლელობისას გიორგი პაპუნაშვილის ცემის შესახებ გავრცელებულ ინფორმაციას არ ადასტურებს
„თქვენ 2018 წელს კიდევ ერთხელ დაამტკიცეთ, რომ ჩვენ შეგვიძლია გამარჯვება და საქართველო არის ჩემპიონების სამშობლო“
წლის საუკეთესო ქართველ სპორტსმენად ძალოსანი ლაშა ტალახაძე დასახელდა
ნონა გაფრინდაშვილმა ქალ ვეტერან მოჭადრაკეთა შორის მსოფლიო ჩემპიონის წოდება მოიპოვა
"შავდათუაშვილი მაგრად უცემიათ" - რა მოხდა ოსაკაში ქართველ ძიუდოისტებს შორის?
ქართველმა „ბორჯღალოსნებმა“ ტონგას ნაკრები ანგარიშით 20:9 დაამარცხეს
ქეთევან გორჯესტანს საქართველოს სპორტულ ჟურნალისტთა ასოციაციამ საპატიო წევრობის სტატუსი მიანიჭა
თბილისში, ევროპის ძალისმიერ ჩემპიონატში კომპანია QNET-ის წარმომადგენელი მონაწილეობდა
ძმების ტრიუმფი ბუქარესტში - ავთო და ნიკა კენჭაძეები მსოფლიოს ჩემპიონები არიან
ისტორიული შედეგი - საქართველოს სახელით მოასპარეზე მორის ყვითელაშვილმა გრან პრის მეხუთე ეტაპზე ვერცხლის მედალი მიიღო
ქართველმა რაგბსტებმა სამოა 27:19 დაამარცხეს
ქართველი ძიუდოისტი ვაჟა მარგველაშვილი ჰააგის გრან-პრის გამარჯვებულია
ხობელი ფალავანი ნუგზარ წურწუმია მსოფლიო ჩემპიონი გახდა
პირველად კავკასიის მასშტაბით სკეფ-უმასპინძლებს თბილისის პირველ საერთაშორისო ტურნირსა და სემინარს კენდოში
კიდევ ორი ოქრო სამბოში - ელენე ქებაძე და ბექა ბერულავა მსოფლიო ჩემპიონები არიან
ბუქარესტში მიმდინარე მსოფლიო ჩემპიონატზე სამბოში, ვახტანგ ჩიდრაშვილმა ოქროს მედალი მოიპოვა და მსოფლიოს ხუთგზის ჩემპიონი გახდა