”100 წლის წინ აქ, ამ კედლებში, თავი მოიყარა ყველა პროგრესულმა იდეამ, რომელიც იბადებოდა სამეცნიერო და კულტურულ წრეებში"

უნივერსიტეტის იდეის განხორციელება გაცილებით ღრმა და მრავალმხრივი იყო, ვიდრე, თუნდაც ყველაზე წარმატებული, საგანმანათლებლო დაწესებულების შექმნაა, - ამის შესახებ საქართველოს პრემიერ-მინისტრმა გიორგი კვირიკაშვილმა თსუ-ს 100 წლის იუბილისადმი მიძღვნილ კონფერენციაზე სიტყვით გამოსვლისას განაცხადა. 



პრემიერ-მინისტრმა საკუთარ სიტყვაში უნივერსიტეტის, როგორც საგანმანათლებლო კერის მნიშვნელობაზე ისაუბრა და აღნიშნა, რომ თსუ-ს სახით ქართველმა განმანათლებლებმა დაადგეს გვირგვინი ქართულ ეროვნულ განათლებას.



”მინდა, ჩემი გამოსვლა დავიწყო უნივერსიტეტის დამაარსებლის, დიდი ივანე ჯავახიშვილის სიტყვებით, რომ ეროვნულ განათლებას უმაღლესი სამეცნიერო დაწესებულება, ეროვნული უმაღლესი სასწავლებელი უნდა აგვირგვინებდეს. 



სწორედ ივანე ჯავახიშვილმა და მისმა თანამოაზრეებმა იტვირთეს და დაადგეს ეს გვირგვინი ქართულ ეროვნულ განათლებას. მათმა დაუღალავმა შრომამ და რწმენამ იმისა, რომ ქართველებს გვქონდა საამისო ინტელექტუალური რესურსი, შესაძლებელი გახადა, ამ კედლებში ხორცი შესხმოდა ჩვენი სახელოვანი წინაპრების სანუკვარ იდეას და საქართველოს ცხოვრებაში სრულიად ახალი ეპოქა დაწყებულიყო. და სიმბოლურია, რომ ეს მოხდა ყველაზე დიდი ქართველის - დავით აღმაშენებლის ხსენების დღეს, 8 თებერვალს, ზუსტად ასი წლის წინ.



დღეს უნივერსიტეტი ივანე ჯავახიშვილის სახელს ატარებს. როგორც ისტორიკოსი მოსე ჯანაშვილი ბრძანებდა, ,,ივანე ჯავახიშვილი ბრძანდება… რაინდი ჩვენი უნივერსიტეტისა… ჯავახიშვილის მხნეობამ ყოველივე დაბრკოლება დასძლია და ახალი ლამპარი აგვინთო. ქართული გიმნაზიის შენობა მან გვიქცია ეროვნული დიდების ტაძრად, მისი პირველი უნივერსიტეტის სავანედ". 



უნივერსიტეტის იდეის განხორციელება გაცილებით ღრმა და მრავალმხრივი იყო, ვიდრე, თუნდაც ყველაზე წარმატებული, საგანმანათლებლო დაწესებულების შექმნაა. ეს სულისკვეთება ეროვნულ და სახელმწიფოებრივ დონეზე იქნა აყვანილი, რადგან იგი მომწიფდა მაშინ, როდესაც საქართველოში სულ უფრო ძლიერდებოდა იმპერიისგან თავისუფლებისა და სახელმწიფოებრივი დამოუკიდებლობის აღდგენის იდეა. ჩვენი დიდი წინაპრები ქვეყნის დამოუკიდებლობასა და მძლავრი საგანმანათლებლო, ეროვნული კულტურული კერის არსებობას ერთ კონტექსტში განიხილავდნენ. და ეს სულ მალე გამოჩნდა - უნივერსიტეტის დაარსებიდან რამდენიმე თვეში, საქართველომ, 26 მაისს, დამოუკიდებლობის აქტით, დემოკრატიული რესპუბლიკის შექმნა გამოაცხადა. ამ თარიღებს უდიდესი მნიშვნელობა გააჩნია ჩვენი ისტორიისთვის. 



ასე რომ, 2018 წელი საქართველოსთვის განსაკუთრებულია, საიუბილეო წელი გახლავთ და ჩვენი დიდი წინაპრების უკვდავი სულების წინაშე ვალდებული ვართ, ღირსეულად აღვნიშნოთ ეს ორი უდიდესი ეროვნული მოვლენა”, -განაცხადა გიორგი კვირიკაშვილმა. 



საქართველოს პრემიერ-მინისტრმა აღნიშნა, რომ საამაყოა, რომ უნივერსიტეტის 100 წლის იუბილე იუნესკოს ეგიდით იმართება. 



”100 წლის წინ აქ, ამ კედლებში, თავი მოიყარა ყველა პროგრესულმა იდეამ, რომელიც იბადებოდა სამეცნიერო და კულტურულ წრეებში, განსაკუთრებული და მნიშვნელოვანი კი ის იყო, რომ აქ ყალიბდებოდა ქართულ ენაზე მეცნიერული აზროვნებისა და მეტყველების ჩვევები. როგორც შემდეგ ივანე ჯავახიშვილი ბრძანებდა, ,,ახალგაზრდობამ აქ ენა გაიკვეთა... ქართული კულტურის შესწავლა, ქართული კულტურის ცოდნა მოგვცემდა საშუალებას იმ ძველი მარაგის გამოსაყენებლად, რომელზედაც უნდა აღმოცენებულიყო, თუ გნებავთ, მკვდრეთით აღმდგარიყო ძველი ქართული მეცნიერება, ოდესღაც მდიდარი, მაგრამ შემდეგ დაკნინებული," - ასე ბრძანებდა დიდი ივანე ჯავახიშვილი. 



ამავე დროს, უნივერსიტეტში მოღვაწე მეცნიერებმა აქციეს ეს სივრცე არა მარტო განათლების, არამედ კულტურისა და ეროვნულ-სახელმწიფოებრივი აზროვნების კერად. თავისი ცხოვრებითა და მოღვაწეობით არა მხოლოდ ჩვენს უნივერსიტეტს, არამედ მსოფლიო ინტელექტუალურ ელიტას დაამშვენებდნენ ქართველი მეცნიერები: პეტრე მელიქიშვილი, ივანე ბერიტაშვილი, დიმიტრი უზნაძე, კოტე ბაქრაძე, ანდრია რაზმაძე, შალვა ნუცუბიძე, გიორგი ახვლედიანი, ნიკო კეცხოველი, კორნელი კეკელიძე, აკაკი შანიძე და მრავალი სხვა”, -განაცხადა პრემიერმა.



გიორგი კვირიკაშვილმა სიტყვით გამოსვლისას აღნიშნა, რომ დღეს უნივერსიტეტი სწორედ ამ დიდი მეცნიერების ნაშენ ფუნდამენტზე დგას და 100 წლის იუბილეს ხვდება როგორც ქვეყნის უმნიშვნელოვანესი სასწავლო და სამეცნიერო-კვლევითი დაწესებულება, რომელიც მსოფლიოს საუკეთესო უნივერსიტეტების სიაში შედის. 



”უმაღლესი სასწავლებლების გაცვლითი პროექტები, რომლებიც ასე აქტუალურია დღეს, თბილისის სახელმწიფო უნივერსიტეტმა ერთი საუკუნის წინ დაიწყო და ჯერ კიდევ მაშინ თანამშრომლობდა მსოფლიოს წამყვან უნივერსიტეტებთან სტუდენტებისა და პროფესორების გაცვლის მიმართულებით. ამიტომ, სრულიად ბუნებრივია, რომ დღეს უკვე თბილისის სახელმწიფო უნივერსიტეტს ჰყავს 180-მდე პარტნიორი უნივერსიტეტი 50-მდე ქვეყანაში. და მე მივესალმები ქართველოლოგიის კათედრების გახსნას ჩვენს პარტნიორ უნივერსიტეტებში, რაც უდავოდ აღსანიშნავი მოვლენა გახლავთ”, -განაცხადა გიორგი კვირიკაშვილმა. 





მსგავსი სიახლეები
"კატეგორიულად მიუღებელია სიცრუის პროპაგანდა, რომელსაც ჩვენი ოპონენტები აწარმოებენ"
„საქართველო ევროპული ოჯახის ღირებული წევრია“ - ნორვეგიის სახელმწიფო მდივანი
„სარალიძის იდიოტმა დედამ რამის ჩაგვიშალა გეგმები! - ნუ ელოდებით, ააგორეთ, კარვები დაიწვას, ხალხი დაშავდეს“
„პრეზიდენტობის ქალბატონი კანდიდატის მიმართ იყო შეურაცხმყოფელი გამონათქვამები და შეტევა - ეს სამარცხვინოა საქართველოს იმიჯისთვის“
„ყოფილი რუსი ელჩი და „ნაციონალური მოძრაობის“ კანდიდატი ვერ იქნება მისაღები საქართველოს პრეზიდენტის პოსტზე“ - ევროპარლამენტის წევრი
„სწორედ მაშინ უთხრა პუტინმა, თუ შენ ომს დაიწყებ, იქ დგანან ჩვენი სამშვიდობო ძალები, დავამარცხებ შენ ჯარს, ვცნობ აფხაზეთს და სამხრეთ ოსეთს და დაგიშლი ქვეყანასო"
„რიტორიკაში შალვა ნათელაშვილს გადაასწარით და დადიხართ ბენდუქიძის სურათით, რაც დისკომფორტს არ განიჭებთ“
„გამოიძიეთ, ვინ გასცა ცხინვალში ჩვენი ქვედანაყოფის შესვლის ბრძანება, სადაც გეგმის მიხედვით, არ უნდა შევსულიყავით და სადაც ყველაზე მეტი მსხვერპლი მივიღეთ“
„ნაცმოძრაობის“ ლიდერები პირდაპირ საუბრობენ იმაზე, რომ დაგეგმილი აქვთ რევოლუციური სცენარი, თუმცა, ისინი დესტაბილიზაციას და რევოლუციას ვერ ეღირსებიან
"ვიზიარებთ ევროკავშირის ელჩის სულისკვეთებას - ნამდვილად შემაშფოთებელია ის აგრესია, რომელსაც საარჩევნო აგიტაციის პროცესში ვხედავთ"
„ნაციონალური მოძრაობა“ არის კრიმინალური, ბინძური პოლიტიკური ძალა, რომელსაც არ აქვს პოლიტიკური მომავალი საქართველოში"
„ჰააგის სასამართლომ უარი თქვა ნაცების მოუმზადებელ სარჩელზე და განიხილავს რუსეთის სარჩელს, რომელიც ეყრდნობა ტალიავინის დასკვნას - საქართველოს მთავრობამ დაბომბა საკუთარი მოსახლეობა!“
„ქსენია სობჩაკი არ ყოფილა დამოუკიდებელი კანდიდატი, მისი ნათლიის ვალოდია პუტინის მონდომებით შეიქმნა და ამათი პიარტექნოლოგი ვიტალი შკლიაროვი როგორაა კრემლისგან უმართავი ფიგურა“
გრიგოლ ვაშაძის რუსი პიარტექნოლოგი ვიტალი შკლიაროვი დეკემბერში საქართველოში რიგგარეშე „ვარდების რევოლუციას“’ პროგნოზირებს
„შენ აუცილებლად უნდა მისცე ხმა გრიგოლ ვაშაძეს, რადგან კანდიდატი ამომრჩევლის სახეა! შენ, პატრულიდან გაგდებული ნარკომანი ხარ! ძალიან გული დამწყდებოდა, რომ სალომესთვის მიგეცა ხმა!“
საპრეზიდენტო არჩევნების მეორე ტური ქართული დემოკრატიისთვის კარგი ნიშანია
„საირმის გორაზე, ელიტური სახლი რომ დგას, ზეელიტური რემონტით, ბალერინას პუანტების დამსახურებაა ხომ?“ - რა წერია გრიგოლ ვაშაძის ქონებრივ დეკლარაციაში
„ნაციონალური მოძრაობის და მისი რუსი პოლიტტექნოლოგების ზრახვები საბოლოოდ გაცხადდა. ჩვენ თვეებია ვამბობთ, რომ მათი გეგმები არა არჩევნებს, არამედ, რევოლუციურ სცენარს უკავშირდება“
"მუქარის ობიექტი მეც გავხდი, მემუქრებოდნენ შუბლის გახვრეტით, სნაიპერის ტყვიით"
"ეს უკვე მეტისმეტია დაემუქრო ადამიანს სიცოცხლის მოსპობით, ამას სჭირდება მკაცრი რეაგირება"