გია კორკოტაშვილი და ,,ქართული მარშის“ წევრები დედაქალაქის ქუჩებში პატრულირებას იწყებენ

გია კორკოტაშვილი და „ქართული მარშის“ წევრები ახალი საზოგადოებრივი ინიციატივით გამოდიან.  ისინი შინაგან საქმეთა სამინისტროს დახმარების მიზნით, დედაქალაქის ქუჩებში პატრულირებას იწყებენ.

 

როგორც გია კორკოტაშვილი „ჯორჯიან თაიმსთან“ საუბრისას აცხადებს, ეს საზოგადოებრივი აქტივობაა, რომლის მიზანიც ქართველების ქუჩაში თავისუფლად გადაადგილებაა.

 

„ეს იქნება ახალგაზრდა ადამიანებისგან შემდგარი რამდენიმე კაციანი დაჯგუფება, რომლებიც, თბილისის ქუჩებში, იმ ტერიტორიებზე , სადაც,  უცხოელების ბარები და სავაჭრო ცენტრებია განლაგებული, ისეირნებენ, რადგან, ძირითადად მანდ ხდება  ემიგრანტების შეკრება. შეკრებილებს შორის შეიძლება იყვნენ საქართველოში როგორც ლეგალურად, ასევე, არალეგალურად ჩამოსული პირები, რომლებიც შესაძლოა სხვადასხვა კრიმინალურ საქმიანობაში იყვნენ ჩართულები. მაგალითად, ნარკორეალიზაციაში.

 

ეს ყველაფერი არის სახელმწიფო უწყების პრეროგატივა, თუმცა, ისინი ვერ აუდიან მუშაობას და ჩვენ სწორედ მათი დახმარების მიზნით ვიწყებთ ამ მსვლელობას.  მაგალითად, პლეხანოვზე, სადაც თქვენ შეგიძლიათ ნახოთ, რომ თუ ადრე შეეძლოთ ქართველ ქალებს ღამე გასეირნება, ახლა ისე თავისუფლად ვეღარ გამოდიან".

 

კორკოტაშვილის აზრით, ყველაფერი განპიროვნებულია იმით, რომ უცხოელებმა არ იციან ქართული ადათ-წესები:

 

"ჩვენ გვაქვს ინფორმაცია და ფაქტები,  რომლის შესახებაც შეიძლება პრესაში არც იწერება - ვგულისხმობ ქალბატონების  სექსუალურ შევიწროებას და ეს გამომდინარეობს იქედან, რომ მათ არ იციან ქართული ადათ-წესები და ტრადიციები. შეიძლება ცუდად მოექცნენ ქალს და ეს გამოხატული იყოს სიტყვიერი შეუცხყოფით, ან თუნდაც ხელის ფათურით. .. ამიტომ ეშინიათ და ამჯობინებენ სახლში დარჩენას. ხშირად მეკითხებიან, ქართველები იგივეს თუ გააკეთებენ, რას მოვიმოქმედებთ ამ შემთხვევაში. თუმცა, ქართველი ასე არ მოიქცევა, ვიანიდან, მან კარგად იცის ჩვენი ქვეყნის ადათ-წესები.“

 

„ქართული მარშის“ ლიდერი ყურადღებას ამახვილებს იმ ფაქტზე, რომ ეს არანაირად არ იქნება უცხოელების შევიწროვება:

 

„ჩვენ არ ვაპირებთ არავის დასჯას, ან საბუთის მოთხოვნას. ჩვენ უბრალოდ ვიქნებით იმ ხალხის იმედად, ვინც ვეღარ გამოდის ქუჩაში შევიწროვების გამო. 

 

ეს არის საზოგადოებრივი აქტივობა, რომელსაც არანაირი იურიდიული ძალა არ გააჩნია. ქუჩებში პატრულირებისას, თუ ჩვენ  წავაწყდით ძალადობრივ ან დისკრიმინაციულ შემთხვევას, გავაჩერებთ მათ და ადგილზე, საკუთარი ძალებით აღმოვფხვრით ამ პრობლემას. მაშინ, თუ ეს რთული  შემთხვევა იქნება, ჩვენ გადამცემის საშუალებით დავუკავშირდებით ჩვენსავე თანამოაზრეებს და მათ დავიხმარებთ. საბოლოოდ, ერთობლივი ძალებით გადავცემთ მათ ძალოვან სტრუქტურებს.

 

არაფერს ისეთს არ ვიღებთ საკუთარ თავზე, რაც ქვეყნის იმიჯს დაანგრევს, ეს არც დისკრიმინაცია არ არის, ეს არის უბრალოდ 5-10 კაციანი დაჯგუფება, რომელიც დადის განსხვავებული სამოსით და არ ერჩის არავის. ამ ქმედებით  დავამტკიცებთ, რომ  უცხოელები დომინანტები არ არიან.

 

საზოგადოებრივი პატრულირება ჩვენი მოგონილი არ არის, ის უკვე არსებობს ევროპის არაერთ ქვეყანაში. ზოგიერთი ამბობს, რომ სტუმრის პატივისცემა უნდა ვიცოდეთო, თუმცა, სცადონ მათ, გაუშვან ქალბატონები ღამის საათებში გარეთ და შედეგს თავადვე ნახავენ.“

 

მისი თქმით, ეს მსვლელობა უახლოეს მომავალში დაიწყება, როდესაც მათ შესაბამისი აღჭურვილობა და მათ შორის, გადამცემები ექნებათ.  

 

„ბევრმა  ახალგაზრდამ  უკვე მოისურვა ჩვენთან მოსვლა, თუმცა ჯერ საჭიროა ფორმების და გადამცემების ქონა იმისთვის, რომ ხალხმა გვიცნოს.

 

ეს არის პრევენცია იმისა, რომ ქართველ ერს ღირსება არ შეელახოს და თამამად შეძლოს თბილისის ქუჩებში სიარული“. - განაცხადა გია კორკოტაშვილმა ,,ჯორჯიან თაიმსთან“ საუბარში.

 

/სალომე სამხარაძე/ 





მსგავსი სიახლეები
„გისურვებთ მარგალიტიან ნიჟარებს, ძვირფასო მამაკაცებო - დაე, პირველსავე ჩაყვინთვაზე გეპოვოთ თქვენი განძი და სილამაზე, თქვენი ''მარგალიტი''
ბადრი ჯაფარიძე შექმნილ სიტუაციასთან დაკავშირებით განცხადებას აკეთებს
ლადო აფხაზავა 2019 წლის „მასწავლებლის გლობალური ჯილდოს“ ფინალშია
„მათემატიკა ხო დავწერე და ისტორია ჩაგაბარე! სექსი გაგვიცდა გუშინ და ისევ ვაგინა დაგვიტოვეს!“ - ქართული სკოლა 10 წლის შემდეგ!
„ბევრს ეჭვი უჩნდება – რომელ გაბრწყინებაზეა ლაპარაკიო, მაგრამ ყველაზე მეტად დედა ღვთისმშობლის იმედი მაქვს, მისი მეოხებით და უფლის კურთხევით საქართველო გადარჩება და გაბრწყინდება“
როგორ იძია შური სტალინმა ილიას მკვლელებზე
„გიორგი მამალაძე ამპარტავნებამ დაღუპა - ერთი რამ ვერ გაითვალისწინეს დეკანოზმა და მისმა წამქეზებლებმა - "რაცა ღმერთსა არა სწადდეს, არა საქმე არ იქნების" - ვერ გაითვალისწინეს, თუ არასოდეს სჯეროდათ?!“
მძღოლებს ავტომანქანის უფასოდ პარკირება დღეში 4-ჯერ, 15 წუთით შეეძლებათ
ზაფხულიდან თბილისში პაკირების საფასურის საათობრივი სისტემა შემოდის
ჩინეთის სახალხო რესპუბლიკის საელჩოს ორგანიზებით ფარნების დღესასწაული და ქართველი სინოლოგების მიღება გაიმართა
მძღოლები, რომლებსაც არც ერთი ავარია არ დაუფიქსირდებათ, „ბონუს“ სისტემით ისარგებლებენ და მანქანის დაზღვევაში 100 ლარზე ნაკლებს გადაიხდიან
ვითიბი ბანკის აქცია ავტომობილით უზრუნველყოფილ სესხზე
„ერთმა იჩხუბა, უფლის და ჩემი დახმარებით, ის "ბუნტავშიკიც" გამოატარეს, ჩემი იმიტომ, რომ ვუთარგმნე, დედის 40-ზე მოდიოდნენ სიძე-ცოლის ძმა“
თბილისს სერიალ “გაქცევის” მთავარი როლის შემსრულებელი დომინიკ პარსელი სტუმრობს
გეგმა „ტაოს“ მთავარი მიზანი ძირძველი ქართული მიწების დაბრუნება იყო და ბერიას აბსოლუტურად სწორად ჰქონდა ყველაფერი გათვლილი
„ზუგდიდში, დადიანების ისტორიული სასახლის და უნიკალური ბოტანიკური ბაღის ტერიტორიაზე "m²" სასტუმროს მშენებლობას გეგმავს“
„ქართული საზოგადოება, სასტიკი და შეუბრალებელი - საკუთარი ფოტოები რომ ნახა და ის საშინელი კომენტარები, სპარტაკის მდგომარეობა დამძიმდა და რეანიმაციულ განყოფილებაში გადაიყვანეს!“
„საპატრიარქოში დახურული შეხვედრა იყო, თუმცა განიხილეს თუ არა დეკანოზ გიორგი მამალაძის საკითხი, უცნობია“
სამტრედიის მუნიციპალიტეტის სოფელ ტოლებში ბუნებრივი აირის დაგროვების შედეგად საცხოვრებელი სახლი აფეთქდა
საქართველოში მიწისძვრა მოხდა