"ეს არის უკანონო განაჩენის კანონიერი დადასტურება"- მიხეილ რამიშვილი

თბილისის სააპელაციო სასამართლომ ძალაში დატოვა თბილისის საქალაქო სასამართლოს გადაწყვეტილება და დეკანოზი გიორგი მამალაძე შურისძიების მოტივით განზრახ მკვლელობის მომზადებაში დამნაშავედ ცნო. ასევე გამამტყუნებელი განაჩენი გამოიტანა იარაღის უკანონო შეძენა-შენახვის ბრალში. 



მკვლელობის მომზადებისთვის დეკანოზს 9 წლიანი პატიმრობა შეუფარდა სასამართლომ, ხოლო იარაღის უკანონო შეძენა-შენახვისთვის მას 2 თვით თავისუფლების აღკვეთა აქვს მისჯილი. 



სასჯელის შთანთქმის პრინციპით უფრო მაღალმა სასჯელმა შთანთქა დაბალი სასჯელი და საბოლოოდ, გიორგი მამალაძეს 9 წლით თავისუფლების აღკვეთა აქვს შეფარდებული. 



პროკურატურა დეკანოზ გიორგი მამალაძეს ანგარებით განზრახ მკვლელობის მომზადებას ედავებოდა.



სასამართლოს სხდომას არ ესწრებოდა თავად მსჯავრდებული.

 

განაჩენის შესახებ "ჯორჯიან თაიმსთან" გიორგი მამალაძის ადვოკატმა, მიხეილ რამიშვილმა ისაუბრა:

 

"სააპელაციო სასამართლომ თავისი განაჩენით კიდევ ერთელ დაამტკიცა, რომ მართლსაჯულება არ აღსრულდება. ეს არის უკანონო განაჩენის კანონიერი დადასტურება.აბსოლუტური იგნორი გაუკეთა კანონის უზენაესობას მოსამართლემ და დაუკანონა უკანონო განაჩენი. რაც შეეხება პოზიციას, მე მაინც იმედი მქონდა, რომ შეიძლებოდა სასამართლო აპელაცია დამოუკიდებელი ყოფილიყო. 


განაჩენს საკასაციო წესით გავასაჩივრებთ, სადაც იმედიც არ გვაქვს, რომ რამე შიეცვლება. ისევ ძალაში დატოვებენ იმიტომ, რომ აქ გარკვეული პირების ახირებებზეა მთელი სასამართლო სისტემა,  რომლებიც ძალაუფლებას ფლობენ. ამის შემდეგ გვრჩება ევროპის სასამართლო და შემიძლია პირდაპირ გითხრათ,რომ თუ ეს საქმე სტრასბურგის სასამართლომდე მივიდა, ეს იქნება ერთი დიდი სირცხვილი ჩვენი მართლსაჯულებისთვის და სახელმწიფოსთვის.


იმის გამო, რომ ჩვენ წინასწარ ვიცოდით, აპელაციის განაჩენი, ბრალდებული სასამართლო პროცესზე არ იმყოფებოდა. ჯერ-ჯერობით ბოროტება და უსამართლობა იმარჯვებს, თუმცა,  ეს დროებითია. 


ეს ამბავი ბუმერანგივით დაუბრუნდება ყველას, - ამ უსამართლობის ორგანიზატორებსაც და გარკვეულ ხელისუფლების მაღალჩინოსნებსაც. ვაჟკაცობაც არ ჰყოფნით,რომ აღიარონ საკუთარი შეცდომები და სწირავენ ადამიანს. მარტო ადამიანს კი არა, საზოგადოებას გადაამტვრიეს ღირსება თავზე, რომ არაფრის იმედი არ უნდა ქონდეს ქვეყანას, სადაც სამართალი არ არსებობს".-განაცხადა მან.

 

/სალომე სანთელაძე/




მსგავსი სიახლეები
ახლახან დოლიძის ქუჩაზე 42 წლის მამაკაცი მოკლეს
სასჯელაღსრულების მე-8 დაწესებულებაში პროკურატურის ყოფილი მაღალჩინოსნის, მირზა სუბელიანის გამოკითხვა დასრულდა
უვადო პატიმრობამისჯილი შალვა აბულაძე, იგივე „შალალო“ პროკურატურას სხვადასხვა გახმაურებული საქმის რეალურ დამნაშავეებს უსახელებს - ადვოკატი ოპოზიციის წარმომადგენლების დაჭერებს აანონსებს
სასჯელაღსრულების მე-8 დაწესებულებაში პროკურატურის ყოფილი მაღალჩინოსნის, მირზა სუბელიანის გამოკითხვა მიმდინარეობს
იტალიაში 71 არალეგალი მიგრანტის უკანონო გადაყვანის ბრალდებით საქართველოს ორი მოქალაქე დააკავეს
პოლიციამ სოფელ ლამბალოს მკვიდრი არასრულწლოვანი გოგონა თავშესაფარში გადაიყვანა
"მირზა სუბელიანმა ფეხებზე, ხელსა და კისერზე დაზიანებები სუიციდის მცდელობის გამო მიიღო"-ადვოკატი
ფინანსთა სამინისტროს საგამოძიებო სამსახურმა ავტოსატრანსპორტო საშუალებებზე ტექნიკური ინსპექტირების ყალბი ანგარიშების გაცემის ფაქტები გამოავლინა
მირზა სუბელიანი უარყოფს ინფორმაციას მის ცემასთან დაკავშირებით, თუმცა სხეულზე მცირე დაზიანებები აღენიშნება
„გამახსენდა წინა ხელისუფლების პერიოდი, როცა შეშინებული ადამიანები, ხედავდნენ სასტიკ სისტემას და ხმას არ იღებდნენ.... დღეს რაღამ შეგაშინათ ხალხო? ნუთუ ასეთმა შოკისმომგვრელმა კადრებმა არ აგაღელვათ?“
„მირზა სუბელიანს კარგად ვიცნობ - მას ასეთი ლაპარაკი ახასიათებს, მაგრამ ის კაცია, რომელიც არასდროს წავა ოჯახის, მეგობრების, სვანური კლანის წინააღმდეგ“
იმერეთსა და თბილისში ერთდროულად ჩატარებული რამდენიმე სპეცოპერაციისას, მძევლად ხელში ჩაგდების ბრალდებით, 10-კაციანი ჯგუფი დააკავეს
„მალხაზ კობაურს ბრალად წარედგინა ქელები სმიტის და რაიან მაიკ სმიტის მკვლელობა, ანუ ბავშვისა და მამის მკვლელობა, რაც შეეხება ლორა სმიტს, მასთან დაკავშირებით მიმდნარეობს გამოძიება“
"ჯერ-ჯერობით მალხაზ კობაურს ლორა სმიტის გაუპატიურებაში არ ვედავებით"-პროკურატურა
"დეტალურ დონეზე ვიცით ვინ, სად, როდის და რას გეგმავდა და გეგმავს ქვეყნის დესტაბილიზაციის მიზნით"
"ნარკოტიკული საშუალებების გაყიდვამდე რეალიზატორები ახალ მომხმარებელს ე.წ. "ფეიქებს" არანარკოტიკულ საშუალებებს ასაღებდნენ"- შსს
პოლიციამ სოფელ ლამბალოს მკვიდრი 17 წლის გოგონა იპოვა
როგორ გატეხა სიტყვა გიორგი თარგამაძემ და როგორ ცემეს სასიკვდილოდ მთავარი მოწმე სასამართლოში მისვლამდე
„სუს-ი ამზადებს ჩემი და მიხეილ სააკაშვილის საუბრის ჩანაწერს გამოსაგდებად“
„გამიშვით, ვაბშე, მიშას დავბრიდავ, სამი-ოთხი თვე მოვამზადებ და... ვაბშე იარაღს არ გამოვიყენებ, ისე დავბრიდავ“ - მირზა სუბელიანისა და დეპუტატ ვიქტორ ჯაფარიძის საუბრის ახალი აუდიოჩანაწერი