კამპანია "გაიცანი საქართველო" სვანეთში

კამპანია "გაიცანი საქართველო" გრძელდება. ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით, სვანეთში მედიასაშულებების წარმომადგენლებისთვის პრესტური მოეწყო.

 

20-ზე მეტი ჟურნალისტი, ოპერატორი და ფოტოგრაფი მესტიას, ჰაწვალს, თეთნულდს, ბეჩოს, მაზერს და უშხვანარს ეწვია.

 

მედიის წარმომადგენლებმა ახლადშექმნილი ტურისტული ინფრასტრუქტურა დაათვალიერეს, რომელიც სვანეთში სამთო კურორტების განვითარების და ტურისტების რაოდენობის გაზრდის მიზნით შეიქმნა.

 

მთის კურორტების განვითარების კომპანიამ მესტია-ჰაწვალის დამაკავშირებელი საბაგიროს მშენებლობა რეკორდულ დროში დაასრულა. საბაგირომ ფუნქციონირება 2017 წლის 23 დეკემბრიდან დაიწყო . ღია სავარძლის ტიპის 6 ადგილიანი საბაგიროს სიგრძე 1200 მეტრია. მესტია-ჰაწვალის საბაგიროს მნიშვნელოვანი დატვირთვა აქვს, რადგან ის მესტიის ცენტრს კურორტთან აკავშირებს. ჰაწვალი მესტიიდან 8 კმ-ში მდებარეობს. ახალი საბაგირო დამსვენებლებს საშუალებას აძლევს 4 წუთში კურორტ ჰაწვალზე ავიდნენ და ამით 30 წუთიანი სამარშრუტო გზა თავიდან აიცილონ. კურორტზე 7 კილომეტრიანი 5 სათხილამურო გზა არის, რომელიც ყველა კატეგორიის მოთხილამურისთვის არის გათვლილი.  

 

ჰაწვალის შემდეგ პრესტურის მონაწილეები კურორტ თეთნულდს ეწვივნენ, სადაც ამიერკავკასიაში ყველაზე გრძელი სათხილამურო ტრასა მედებარეობს. კურორტზე სათხილამურო ტრასების საერთო სიგრძე 30 კილომეტრია.

 

თეთნულდზე 5 საბაგიროა, საბაგიროს უმაღლესი წერტილი 3600 მეტრზე მდებარეობს.

 

წინა წლის ანალოგიური პერიოდთან შედარებით ვიზიტორების რაოდენობა თეთნულდზე 185%-ით ჰაწვალზე 166 %-ით გაიზარდა.

 

ადგილობრივ მოსახლეობაში სათხილამურო სპორტის პოპულარიზაციის მიზნით ზემო სვანეთის სოფლებში მაზერში, უშხვანარში, ეცერში, უშგულში. ასევე ქვემო სვანეთში, დაბა ლენტეხში დამონტაჟდა მცირე ზომის საბაგიროები.

 

საქართველოს პრემიერ-მინისტრის გიორგი კვირიკაშვილის ინიციატივით დაწყებული პროექტი ქვეყნის სხვა მაღალმთიან რეგიონებშიც გაგრძელდება.

 

მცირე ზომის საბაგირო გზები ჯანსაღი ცხოვრების წესის დამკვიდრებას შეუწყობს ხელს და ბავშვებს შესაძლებლობა ექნებათ იმ სოფლებში, სადაც ცხოვრობენ განავითარონ საკუთარი შესაძლებლობები სამომავლო კარიერისათვის.

 

პრემიერ-მინისტრის ინიციატივით, ზაფხულში, იგეგმება სასეირნო და მთამსვლელებისთვის განკუთვნილი ბილიკების გაკეთება და ამ ბილიკების გასწვრივ საჭირო ტურისტული ინფრასტრუქტურა მოწყობა, სადაც ადგილობრივები დასაქმდებიან.

 

საქართველოს სამთო კურორტებზე ახალი ტურისტული ინფრასტრუქტურის მოწყობა აქტიურ ფაზაში გადადის და ახალი სპორტული და ტურისტული ობიექტების მშენებლობა უმნიშვნელოვანესია იმფონზე, როდესაც საქართველოს აქვს უნიკალური პერსპექტივა 2030 წელს უმასპინძლოს ზამთრის ოლიმპიურ თამაშებს.

 

"გაიცანი საქართველოს" ფარგლებში მედიასაშუალებების წარმომადგენლებმა მესტიაში საოჯახო სასტუმრო Old House დაათვალიერეს. სახელმწიფო პროგრამის "აწარმოე საქართველოში" ფარგლებში დაწყებულია სასტუმროს გაფართოება. მშენებლობა ზაფხულში დასრულდება.

 





მსგავსი სიახლეები
ერთი ამერიკული დოლარის ღირებულება 15 თებერვლის 17:00 საათისთვის
„ჩვენი ეკონომიკის განვითარების ერთ-ერთი ძირითადი დაბრკოლება არის ის, რომ ქვეყანაში არ არის საკმარისი კვალიფიციური მუშახელი"
"დავათვალიერე საწარმო, რომლის მაგალითზე კარგად ჩანს, რომ საქართველო კონკურენტუნარიანია სხვა ქვეყნებთან შედარებით"
ერთი ამერიკული დოლარის ღირებულება 14 თებერვლის 17:00 საათისთვის
„ეს იყო გამიზნული ნაბიჯი, რომ დავიცვათ ჩვენი მოქალაქეები და განსაკუთრებით, ის ღარიბი შრეები, რომელთაც არ შეუძლიათ, კრედიტები გაისტუმრონ.
ერთი ამერიკული დოლარის ღირებულება 13 თებერვლის 17:00 საათისთვის
"ის სპეკულაციები, რომ საპენსიო ფონდში ფული დევს, იკარგება ან ინფლაციას განიცდის, ეს ასე არ არის"
"ჩვენი ეკონომიკური სტრატეგიის განუყოფელი ნაწილია, რომ საქართველო გადავაქციოთ რეგიონის ცენტრად"
ერთი ამერიკული დოლარის ღირებულება 12 თებერვლის 17:00 საათისთვის
"თიბისი ბანკის ირგვლივ განვითარებული მოვლენები უცნაურია, ნამდვილად"- საფრანგეთის ელჩი
ერთი ამერიკული დოლარის ოფიციალური ღირებულება ამ დროისათვის
ერთი ამერიკული დოლარის ღირებულება 8 თებერვლის 17:00 საათისთვის
ერთი ამერიკული დოლარის ღირებულება ამ დროისათვის
„ბათუმის საკონტეინერო ტერმინალში კონტეინერების გადაზიდვა გაორმაგდება და 200 000-ს მიაღწევს"
კომპანია VEON-ის ხელმძღვანელი ბიზნესგანვითარების სტრატეგიების დარგში საქართველოს მოქალაქე ალექსანდრე ყაზბეგი იქნება
ერთი ამერიკული დოლარის ღირებულება 6 თებერვლის 17:00 საათისთვის
გერმანიის განვითარების ბანკმა და ნიდერლანდების განვითარების ბანკმა ანაკლიის პორტში ინვესტირების გადაწყვეტილება მიიღეს
ერთი ამერიკული დოლარის ოფიციალური ღირებულება ამ დროისათვის
ვითიბი ბანკმა სამომხმარებლო სესხებზე აქცია დაიწყო
2019 წლის იანვრის მონაცემებით საქართველოს აეროპორტებში მგზავრთნაკადი 25% გაიზარდა