დიუსელდორფის გრან სლემზე საქართველოს ღირსებას 7 ძიუდოისტი დაიცავს

23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას.



დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.



აღსანიშნავია, რომ დიუსელდორფში წლების მანძილზე ძიუდოს გრან პრი ტარდებოდა, წელს კი პირველად ქალაქი გრან სლემს მასპინძლობს, რაც ძიუდოს საერთაშორისო ფედერაციის უფრო პრესტიჟული რანგის ტურნირია.


შეიცვალა ტურნირის სპორტული არენის ადგილმდებარეობაც. წინა წლებისგან განსხვავებით, ამჯერად გრან სლემი ქალაქის გაცილებით დიდ სპორტულ დარბაზში - „
ISS DOME“-ში გაიმართება, რომელიც 13.000 მაყურებელს იტევს.



დიუსელდორფში საქართველოს ნაკრები გადახალისებული შემადგენლობით გამოვა. გერმანიაში სულ 7 ქართველი ძიუდოისტი იჭიდავებს, მათ შორის არიან - ნაკრების კაპიტანი, ოლიმპიური და მსოფლიოს ვერცხლის პრიზიორი, ევროპის სამგზის ჩემპიონი ვარლამ ლიპარტელიანი და 2015 წლის ევროპის ჩემპიონი, მრავალი საერთაშორისო ტურნირის გამარჯვებული ადამ ოქრუაშვილი.


გრან სლემის გამარჯვებულები 1000 სარეიტინგო ქულას გამოიმუშავებენ, მე-2 ადგილოსნები 700 ქულას, მე-3 ადგილოსნები კი 500 ქულას მიიღებენ. ტურნირის ჯამური საპრიზო თანხა 154.000 დოლარია. საპრიზო თანხები თითოეულ წონით კატეგორიაში შემდეგნაირად ნაწილდება - 1 ადგილი - 5.000 დოლარი, მე-2 ადგილი 3.000, მესამე ადგილი 1.500-1.500.



დიუსელდორფის გრან სლემის ფინალური ბლოკის პირდაპირი ტელეტრანსლაციის ხილვა ტელეკომპანია „სილქ უნივერსალზე“ და „სილ სპორტ
HD3“-ზე იქნება შესაძლებელი, ინტერნეტტრანსლაცია კი ძიუდოს საერთაშორისო ფედერაციის არხზე - www.ippon.tv გადაიცემა.



საქართველოს ნაკრების შემადგენლობა დიუსელდორფის გრან სლემზე

60 კგ - ლუხუმ ჩხვიმიანი
81 კგ - თამაზ კირაკოზაშვილი, კობა მჭედლიშვილი
100 კგ - ვარლამ ლიპარტელიანი, ლაშა ტაველური
+ 100 კგ - ადამ ოქრუაშვილი, ლევან მატიაშვილი.





მსგავსი სიახლეები
ლაშა ტალახაძემ ძალოსანთა საქართველოს ჩემპიონატზე კიდევ ერთი მსოფლიო რეკორდი დაამყარა
საქართველომ ლატვიის ნაკრები ანგარიშით 1:0 დაამარცხა
ფეხბურთელთა ეროვნულმა ნაკრებმა ერთა ლიგაზე ყაზახეთი სტუმრად 2:0 დაამარცხა
„ბასილაშვილმა პატარა პოსტ საბჭოთა ქვეყნის იმედები გაამართლა“ - New York Times-ი
"ნიკოლოზ ბასილაშვილი ფანტასტიურად თამაშობდა, ის შექებას იმსახურებს"– რაფაელ ნადალი
Us Open: ბასილაშვილი ნადალთან ღირსეულ ბრძოლაში დამარცხდა
ბექა ღვინიაშვილმა ავთანდილ ჭრიკიშვილი დაამარცხა და ევროპის თასის მფლობელი გახდა
ქართველმა ნიჩბოსანმა ზაზა ნადირაძემ კიდევ ერთი ოქროს მედალი მოიპოვა
ნიკოლოზ ბასილაშვილმა წარმატებით იასპარეზა და US OPEN-ის მერვედ ფინალში გავიდა
ვითიბი ბანკის თასზე საცხენოსნო ტურნირი გაიმართება
გურამ კაშიას კუთვნილი „თანასწორობის ჯილდო“ საქართველოს ფეხბურთის ფედერაციის პრეზიდენტს გადასცეს
სპორტული ბიზნესი საქართველოში
„ მას უნდა, რომ ბიჭები არაჯანსაღი კონკურენციით, ტატამს გარეთ დაგვაპირისპიროს ერთმანეთს, რასაც, არ დავუშვებთ, რადგან ჩვენ ერთი გუნდი ვართ“
ნონა გაფრინდაშვილი სენიორთა შორის ევროპის ჩემპიონია
ადამ ოქრუაშვილმა რუსი მეტოქე დაამარცხა
გურამ თუშიშვილმა ზაგრების გრანპრი მოიგო
ავთანდილ ჭრიკიშვილმა, იძულებითი პაუზის შემდეგ, ზაგრების გრანპრიზე ოქროს მედალი მოიპოვა
ნიკოლოზ ბასილაშვილი ჰამბურგის ტურნირის გამარჯვებულია
2018 წლის მსოფლიო ჩემპიონი ფეხბურთში საფრანგეთის ეროვნული ნაკრები გახდა
ტოჩინოშინის პირველი მარცხი ნაგოია ბაშოზე