ერთი წლის წინ რესტავრირებული საქართველოს ხელოვნების მუზეუმი ინგრევა?

საქართველოს ხელოვნების მუზეუმი, რომელიც შალვა ამირანაშვილის სახელს ატარებს, ეროვნული მუზეუმის შემადგენელი ნაწილია, ასევე, წარმოადგენს ხელოვნების ნიმუშთა უდიდეს სახელმწიფო საცავ-მუზეუმს საქართველოში. დაარსდა 1932 წელს, ეროვნული გალერიის ბაზაზე.

 

შენობა, რომელშიც მუზეუმია, 1835 წელს მდიდარმა ვაჭარმა იაკობ ზუბალაშვილმა ააგებინა შვეიცარიელ არქიტექტორს ბერნარდოცის რუსეთში იმ დროს მოდურ კლასიცისტურ სტილში.

 

მუზეუმი ბევრ საინტერესო ნაკეთობას და მხატვრულ ნიმუშს ინახავს.

 

ერთი წლის წინ, სასახლეს  ექსპულატაცია ჩაუტარდა. რამდენიმე დღის წინ კი, ყველასთვის მოულოდნელად, მას გარე ფასადის ზედა ნაწილი - ბათქაში ჩამოენგრა. შემთხვევას ,,ჯორჯიან თაიმსის“ ჟურნალისტი შეესწრო, რომელმაც, ეს ყველაფერი საკუთარი თვალით იხილა და ამ ფაქტით გადაკეტილი გზის გამო, გადაადგილების პრობლემაც შეექმნა.

 

ზემოთ აღნიშნულ ფაქტთან დაკავშირებით, „ჯორჯიან თაიმსი“   .თბილისის მერიას, კულტურის სამინისტროს და ეროვნულ მუზეუმს დაუკავშირდა.

 

ეროვნული მუზეუმის პრესსამსახურის თქმით, ეს ფაქტი შენობის სიძველის გამო მოხდა:

 

„შენობას ზედა ნაწილი , -  ბათქაში ჩამოეშალა. ამ ფაქტზე რეაგირება მერიის სპეცსამსახურმა  იმ საღამოსვე მოახდინა, მოხსნა ის ნაწილი, რაც იშლებოდა,რათა,  ფეხით მოსიარულეებისთვის გადაადგილება  უსაფრთხო ყოფილიყო. შენობა ძველია და იმ ფაქტს, - განმეორდება თუ არა მსგავსი შემთხვევა, ვერავინ განსაზღვრავს.

 

რამ გამოიწვია ეს ფაქტი, ზუსტ მიზეზს ვერ გეტყვით. ვერც გავრცელებულ ვერსიებს დავეყრდნობით, რადგან ფაქტია, რომ შენობას პრობლემები მანამდეც ჰქონდა, სანამ პანორამა თბილისის მშენობლობას დაიწყებდნენ და მანამდეც, სანამ ახალი გზები გაკეთდებოდა.

 

მთავარი პრობლემა არის ის, რომ შენობა არის ძველი.“-  აცხადებს ანო ვერულაშვილი.

 

„ჯორჯიან თაიმსი“  ასევე, არქიტექტორ გურამ ბეჟაშვილს დაუკავშირდა. მისი თქმით, შესაძლებელია სასახლის აშენების დროს იყოს შეცდომები დაშვებული:

 

„არსებობს რამდენიმე ფაქტორი იმის შესახებ, თუ რატომ მოხდა ეს ფაქტი. შეიძლება იმის გამო, თუ როგორ იყო გათვალისწინებული პროექტში, რა მასალისგან იყო გაკეთებული, რამდენად ხარისხიანად. სრულიად შესაძლებელია გამოყენებული იყოს ისეთი მასალა, რომელიც ვერ უძლებს ყინვას, ან - სითბოს.

 

ზოგადად, ასე ადვილად, პატარა ვიბრაციით შენობები არ უნდა ინგრეოდეს  და ესეც, რა თქმა უნდა, არ უნდა ჩამონგრეულიყო.  ეს ყველაფერი კი, საბოლოოდ, მშენებლობის უხარისხობაზე მეტყველებს.

 

მაგრამ, რადგან მე არ მაქვს დეტალური ინფორმაცია, გადაჭრით ვერ ვიტყვი ვერაფერს. ამას  ადგილზე მისვლა და დეტალურად შესწავლა სჭირდება“. - აცხადებს იგი.

 

,,ჯორჯიან თაიმსის“ ჟურნალისტმა, რომელიც ხელოვნების ეროვნული მუზეუმის ფასადის ნგრევის შემთხვევას შეესწრო, მისი ამსახველი ვიდეო და ფოტო მასალა გადაიღო:

 

ვიდეო

 

 

 

 

 

/სალომე სამხარაძე/ 

 

/ნინო ოთარაშვილი/





მსგავსი სიახლეები
დამატებით 12 ქუჩაზე მიკროავტობუსები მხოლოდ საზოგადოებრივი ტრანსპორტის მოსაცდელებთან გაჩერდებიან
კვლევა თუ საზოგადოებრივი მაუწყებლის მიზანმიმართული დისკრედიტაციის მცდელობა
„მასწავლებლის ხელფასი 1500-დან 1800 ლარამდე უნდა იყოს, რაც იმას ნიშნავს, რომ ჩვენ ფაქტობრივად სამჯერ ვზრდით ანაზღაურებას“
ვინ უმალავს საკუთარ შვილებს სავალდებულო სამხედრო სამსახურს - პოლიტიკოსების სია
რუბრიკა - ვწეროთ და ვიმეტყველოთ სწორად
"ავერსსა" და "თბილისის საკრებულოს" შორის ურთიერთანამშრომლობის მემორანდუმი გაფორმდა
საქართველოში ფრანგული გასტრონომიის კვირა «Goût de France / Good France» გაიმართება
„ანაკლიის განვითარების კონსორციუმი“ განცხადებას ავრცელებს
საბაკალავრო საფეხურის 3-წლამდე და მაგისტრატურის საფეხურის 1-წლამდე შემცირება დადგენილია
სკოლებში პირველკლასელთა რეგისტრაციაში ცვლილებები შევიდა
თბილისში ინგლისურ-ანალიტიკური ჰაბი გაიხსნა
ამ ეტაპზე ყველა დევნილი ოჯახის საცხოვრებლით უზრუნველყოფას 1.9 მილიარდ ლარამდე ესაჭიროება
როგორი ამინდია მოსალოდნელი საქართველოში
"დღეს „ნიუ ჰოსპიტალსს" შეემატა ახალი კორპუსი, სადაც წარმოდგენილი იქნება ჯანდაცვის ახალი მიმართულებები."- მამუკა ბახტაძე
„პირველი, რაც გააკეთა თქვენმა ხელისუფლებამ, ეგ იყო - სწორედ მაგ პარტიზანების კისერზეა უამრავი ქართველის მტრის განადგურება!“
თბილისში, დიდ დიღომში, ტექნიკის საწყობში გაჩენილი ხანძარი ლოკალიზებულია
მსოფლიო სამეცნიერო საზოგადოებამ აღიარა, რომ მეღვინეობის უძველესი კვალი საქართველოს ტერიტორიაზე იქნა აღმოჩენილი
„გენიალური რობერტ სტურუას ბრწყინვალე სპექტაკლი "ბედი ქართლისა" აუცილებლად უნდა ნახოთ და მიხვდებით, - რატომ კივიან კასტრატები!“
„ნოდარია დაქნეულო! ტროლები არის სწორედ ეგ, რასაც შენ იყენებ, მაგას ჰქვია მოსახლეობის დატროლვა! გადაეცი ნიკაია დაფერთხილს - 2003 წელი აღარ არის ახლა და აღარ ჭამს ხალხი მაგას!“
„ოცნების“ თავგადაკლული ხალხი რომ დღემდე უმუშევარია და იმ უზრდელი, ენაწაგდებული, ბობოლა ნაცის ცოლი სახელმწიფო სამსახურშია ბედნიერად დასაქმებული, ესაა დემოკრატიის მწვერვალი!“