"ადგილობრივი თვითმმართველობის რეფორმის ძირითადი მიზანია, რეგიონებში გადაწყვეტილების მიღების ძალაუფლება და შესაბამისი რესურსი მათი აღსრულებისთვის"

ადგილობრივი თვითმმართველობის რეფორმის ძირითადი მიზანია,  რეგიონებში იყოს, როგორც გადაწყვეტილების მიღების ძალაუფლება, ასევე - შესაბამისი რესურსი ამ გადაწყვეტილებების მიღებისა  და აღსრულებისთვის, - ამის  შესახებ საქართველოს პრემიერ-მინისტრმა გიორგი კვირიკაშვილმა ადგილობრივი თვითმმართველობისა და დეცენტრალიზაციის სტრატეგიული ეროვნული ხედვის პრეზენტაციაზე სიტყვით გამოსვლისას განაცხადა.

 

მთავრობის მეთაურმა აღნიშნა, რომ რეგიონებს შორის ცხოვრების დონის განსხვავება მნიშვნელოვანი გამოწვევაა, რომლის აღმოფხვრა ერთ-ერთი უმნიშვნელოვანესი პრიორიტეტია.  

 

"მე ძალიან დიდი ენთუზიაზმით ვუყურებ ამ რეფორმას. ჩვენი ნატვრა იქნება ის, რომ საქართველოში საუკეთესო განათლების მქონე ახალგაზრდებს ჰქონდეთ  სურვილი,  მონაწილეობა მიიღონ ადგილობრივი თვითმმართველობების ხელისუფლებებში და - უდიდესი მოტივაცია, რომ პირველ რიგში ხელი შეუწყონ  რეგიონულ განვითარებას. მოგეხსენებათ, ბოლო ათწლეულების განმავლობაში მნიშვნელოვნად გაღრმავდა განსხვავებები ცხოვრების დონეს შორის სხვადასხვა რეგიონში. ამიტომ, ჩვენთვის ძალიან  მნიშვნელოვან გამოწვევად იქცა რეგიონებს შორის უთანასწორობის პრობლემა, რაც ხშირ შემთხვევაში, სოფლად მცხოვრებ ხალხს აიძულებდა, დაეტოვებინათ თავიანთი სოფელი, წასულიყვნენ ქალაქში, ბევრმა მათგანმა დატოვა ჩვენი ქვეყანა. ამიტომ, ჩვენთვის ერთ-ერთი უმნიშვნელოვანესი პრიორიტეტია, რომ რეგიონებს შორის ცხოვრების დონის უთანასწორობა აღმოვფხვრათ", - განაცხადა გიორგი კვირიკაშვილმა.

 

პრემიერმა ამ მიმართულებით დიდ წინგადადგმულ ნაბიჯად შეაფასა 2014 წელს მიღებული თვითმმართველობის კოდექსი, რომელმაც  ქვეყანაში უმნიშვნელოვანესი ცვლილების ინსტიტუციური და საკანონმდებლო ჩარჩო შექმნა.

 

მისივე თქმით, სწორედ ეს არის ის მთავარი ღერძი, ფუნდამენტი, რომელზეც უნდა აიგოს  რეფორმის შემდგომი ნაბიჯები.

 

დეცენტარალიზაციის საშუალოვადიანი სტრატეგიული ხედვა, რომლის მიზანიც არის ადგილობრივ დონეზე თვითმმართველობის კიდევ უფრო გაძლიერება და განმტკიცება, სამ ძირითად მიმართულებას მოიცავს:

 

პირველი - თვითმმართველობის უფლებამოსილებების გაფართოება;

 

მეორე - თვითმმართველობას, მეტი ეფექტიანობისთვის, უნდა ჰქონდეს მეტი ფინანსური რესურსი და ის თანდათან გადანაწილდება თვითთმმართველობებში;

 

მესამე - თვითმმართველობა უნდა აკმაყოფილებდეს გამჭვირვალობისა და ანგარიშვალდებულების უმაღლეს პრინციპებს, სტანდარტებს,  უნდა უზრუნველყოფდეს მოქალაქეების  ჩართულობას გადაწყვეტილებების მიღების, მართვის პროეცსში. 


"რა თქმა უნდა, ამ სამივე ღერძის ერთობლიობა მოგვცემს სრულიად სხვა, თვისობრივ შედეგს თვითმმართველობაში. რასაკვირველია, ეს კომპლექსური სამუშაო გახლავთ და მას, სათანადო რესურსი და, რა თქმა უნდა, დრო სჭირდება და წარმოგიდგენთ დროში გაწერილ ხედვას, როგორ მივდივართ მიზანმიმართულად ამ მიმართულებით", -განაცხადა პრემიერმა. 

 

გიორგი კვირიკაშვილმა ამ პროცესში გაწეული დახმარებისთვის განსაკუთრებული მადლობა გადაუხადა საერთაშორისო პარტნიორებს და აღნიშნა, რომ მათ გარეშე ძალიან რთული იქნებოდა 2014 წელს თვითმმართველობის კოდექსის მიღება. პრემიერ-მინისტრმა გამოთქვა იმედი, რომ საერთაშორისო პარტნიორები განაგრძობენ საქართველოს მხარდაჭერას რეფორმის მეორე ძალიან მნიშვნელოვან ეტაპზეც.

 

მთავრობის მეთაურმა ასევე ხაზი გაუსვა პროცესში სამოქალაქო სექტორის აქტიური ჩართულობის მნიშვნელობას.

 

„ამ რეფორმის წარმატებით განხორციელებისთვის ასევე უმთავრესი წინაპირობაა პროცესში სამოქალაქო საზოგადოების მონაწილეობა და ხალხის აქტიური ჩართულობა. სწორედ ამიტომ, ის, რომ დღეს, პირველივე ეტაპზე აქ წარმოდგენილია არასამთავრობო სექტორი, რეფორმის წარმატების ძალიან მნიშვნელოვანი წინაპირობაა. ამ რეფორმის სულისკვეთებას ყველა მაქსიმალურად უნდა ვიზიარებდეთ, რადგან ვთვლით, რომ ეს რეფორმა არის ყველას ერთობლივად გასაკეთებელი. მე დიდი სურვილი მაქვს, გვქონდეს თანამშრომლობა პარლამენტის ყველა წარმომადგენელთანდასამოქალაქო სექტორის მაქსიმალურად ფართო ჩართულობა იყოს რეფორმის განხორციელების პროცესში. სხვაგვარად შეუძლებელი იქნება წარმატებაზე საუბარი ისეთ რეფორმაში, რომელიც ჩვენი ადმინისტრაციული სისტემის ყველა ღერძს მოიცავს", - აღნიშნა გიორგი კვირიკაშვილმა.

 

პრემიერ-მინისტრმა მადლობა გადაუხადა პარლამენტის თავმჯდომარეს და განაცხადა, რომ რეფორმის მთავარი წარმმართველი იქნება პარლამენტი რეგიონული განვითარებისა და ინფრასტრუქტურის სამინისტროსა და მთლიანად მთავრობის აქტიური ჩართულობით.

 

რეფორმის კონცეფციის პრეზენტაციას პარლამენტში საქართველოს აღმასრულებელი და საკანონმდებლო ხელისუფლების წევრები, თბილისის მერი, დიპლომატიური კორპუსის, საერთაშორისო ორგანიზაციების და არასამთავრობო სექტორის წარმომადგენლები დაესწრნენ.





მსგავსი სიახლეები
„რუსეთი უშუალოდ მუშაობს ჩვენს არჩევნებზე და რა არის ცრუ ცნობების მიზანი? ის, რომ დამაპირისპირონ ყველასთან, ეკლესიასთან, პატრიოტებთან“
ბა­ბუ­შე­რას აე­რო­პორ­ტში დაშ­ვე­ბულ ავი­ა­ლა­ი­ნერ Ту-154Б-ს აფხა­ზუ­რი კა­ტარ­ღი­დან რა­კე­ტა ეს­რო­ლეს - 25 წლისწინანდელი ტრაგედია და ცოცხლად დამწვარი პატრიოტები
„ამაზე სათაყვანებელი რა უნდა იყოს, როდესაც ადამიანი ემიგრაციაში დაიბადა, იქ გაიზარდა და თავისი ქართული შეინახა, თავისი საქართველო შეინახა და დაბრუნდა თავის ქვეყანაში“
შინაგან საქმეთა მინისტრმა გიორგი გახარიამ ნატოს გენერალური მდივნის მოადგილეს, როუზ გოტემიულერს ოფიციალურ ვახშამზე უმასპინძლა
„აბა თქვენ იცით, სცანით უკრაინელების ავტოკეფალია და აქაც ჩააფსით, ხოლო რასაც რუსეთი სამაგიეროდ გადაგვიხდის, ურაპატრიოტულ საყიყინოდ გამოიყენეთ“
„ამბობენ, მოიტყუეს, თითქოს ფოლკლორის ცენტრის გახსნა იზეიმესო, ისე იმის დედა, ვინც იტყუებოდეს! შვილებს გეფიცებით, იქ მხოლოდ ხელოვნებაზე იყო საუბარი, რადგან ხელოვანი ხალხი ვიყავით“
„ევროპული საქართველოს“ წევრები პარლამენტის სხდომათა დარბაზიდან გაიქცნენ" - მამუკა მდინარაძე
"ნაციონალების მთვარი მიზანი სამოქალაქო ომის გაჩაღებაა“ - ვახტანგ მაისაია
საჯარო მოხელეებს სოციალურ ქსელში პოლიტიკური შინაარსის განცხადებების გაკეთება შესაძლოა შეეზღუდოთ
„ვიღაც თაღლითები ყველაფერზე ბიძინა ივანიშვილს ახოცავენ ხელს - მისი მონაწილეობა სიგარეტის ბიზნესის დალაგებაში ჩემთვის ფანტასტიკის სფეროდანაა“
„ცხონებული მამამისი, კომუნისტებთან მებრძოლი, დისიდენტობისთვის ჯერ ციხეში გრიგოლ ვაშაძესთან ერთად იჯდა პოლიტიკურზე, მერე შევარდნაძის ხუნტამ დაამხო და გროზნოში გააძევა“
„სამწუხაროდ, ზოგიერთი ოპოზიციური ძალა აგრძელებს იმ უმსგავსობას, რომელსაც სჩადიოდა, როდესაც ხელისუფლებაში იყო “
„სალომე ზურაბიშვილი არის ულვაშებგაპარსული სერგო ორჯონიკიძე, ეს არის მეხუთე კოლონის წარმომადგენელი, სუფთა რუსული პროექტი“
„ჩემს პროტოკოლს დავარეკინე ლავროვის პროტოკოლთან და შევუთვალე, უნდა იყოს აფახზეთის ომში დაღუპული გმირების საფლავებზე მისვლა და პატივის მიგება, სხვანაირად ოფიციალური ვიზიტი ვერ იქნება-მეთქი და როცა უარი მივიღე, აეროპორტში დაგებული წითელი ხალიჩა დავახვევინე“
ანატოლი ბიბილოვი თბილისთან დიალოგის დასაწყებად პირობებს აყენებს
"მთავარსარდალ სააკაშვილს სასწრაფოდ შეატყობინეს, ჩვენი დაზვერვის მონაცემებით, 100 ტანკი და 65 ბეტეერიაო"
„ევროპულმა საქართველომ” უწყებათაშორისი კომისია დატოვა
რეჟისორ გიორგი შენგელაიას ცესკომ საპრეზიდენტო კანდიდატად დარეგისტრირებაზე უარი უთხრა
თამრიკო ჭოხონელიძე გრიგოლ ვაშაძის მხარდამჭერი გახდა? - "ნაციონალური მოძრაობისგან" ბევრი კარგიც გვახსოვს"
„უკლებამ სოციალურ ქსელში შეურაცხმყოფელი პოსტი გამოაქვეყნა, სადაც სალომე ზურაბიშვილის ამომრჩევლებს აგინებდა“