"ხელისუფლება თუ იგრძნობს ხალხის მხარდაჭერას, გაუადვილდება დასავლეთთან საუბარი და ბოკერიას „შტუკების“ მოგერიება"

პატრიარქთა ალიანსის ერთ-ერთი ლიდერი ირმა ინაშვილი ფეისბუქის საკუთარ გვერდზე წერს:

,,მეხუთე ეპიზოდი!

პრემიერის მიმართვის გავრცელების შემდეგ, დაიწყო მძაფრი პოლემიკა,- საჭიროა თუ არა პირდაპირი დიალოგი სოხუმთან და ცხინვალთან, ასევე, რუსულ მხარესთან. დააკვირდით, რაზე გვიწევს კამათი. შევთანხმდით, რომ რუსეთს ოკუპირებული აქვს ჩვენი მიწები? ვიყვიროთ ეს, თუ უბრალოდ, აღვნიშნოთ, როგორც ფაქტი, როგორც მოცემულობა. აღვნიშნოთ, როგორც მოცემულობა! კი, ბატონო, მაშინ გავაანალიზოთ ვითარება. არსებობს ჟენევის ფორმატი, რომელიც, ჩემი აზრით, ჩვენთან ერთად კიდეც დაბერდა და რომელმაც ყველა შემთხვევაში მაინც უნდა იარსებოს. არსებობს აბაშიძე-კარასინის ფორმატი, რომლის პროფილიც ეკონომიკურია და არა პოლიტიკური და სხვა არ არსებობს არაფერი. ბოკერია-ბერძენიშვილები, იგივე თითქოსდა ევროატლანტიკური კურსის მიმდევრები და სინამდვილეში- სამშობლოს გამყიდველები, საქართველოს ხელისუფლებას მუდმივი იდეოლოგიური ტერორის რეჟიმს უქმნიან. თუ საქართველოს ხელისუფლება გაბედავს და იტყვის, რომ მზადაა პირდაპირ დიალოგზე სოხუმთან, ცხივნვალთან და რუსულ მხარესთან, რაც გაკეთა კიდეც პრემიერმა კვირიკაშვილმა, ბოკერია-ბერძენიშვილები მონოტონურად იწყებენ შეტევას, რომ ეს არის ქვეყნის ინტერესების ღალატი, საგარეო კურსის შეტრიალება, სამარცხვინო კაპიტულაცია და ა.შ. დღეს აქცენტირება მსურს იმაზე, რა უბედურებაში ვართ, ვინ გვესაუბრება კაპიტულაციასა და ღალატზე. მოგმართავთ ჩვენი საზოგადოების იმ ნაწილს, ვინც საღად აფასებს პროცესებს და ზუსტად ესმის, რომ პირდაპირი დიალოგის გარეშე წარმოუდგენელია ფიქრიც კი აფხაზებთან და ოსებთან ჩატეხილი ხიდების აღდგენაზე. ქართველმა ხალხმა უნდა გარდატეხოს ბოკერია-ბერძენიშვილების დღის წესრიგი. სამარცხვინო უნდა გახდეს მათი აზრის არა მარტო ტირაჟირება, არამედ მოსმენა და მითუმეტეს, გათვალისწინება. საზოგადოებამ, ხალხმა უნდა აგრძნობინოს ხელისუფლებას, რომ ის მარტო არაა ბოკერია-ბერძენიშვილების პირისპირ, რომ ხელისუფლების მოკავშირეა მოსახელობის უდიდესი ნაწილი, რომელიც მხარს უჭერს პირდაპირი დიალოგის ფორმატს და ინიციატივას. ხომ ხვდებით, რომ ახლა ერთგვარად იტესტება პრემიერის მიმართვა, როგორ შეაფასებს ამას ხალხი, როგორ შეაფასებს საერთაშორისო თანამეგობრობა, როგორ შეაფასებენ თვითონ აფხაზები, ოსები და რუსული მხარე. ერთდროულად რამდენიმე მიმართულებაზე ხდება დაკვირვება და შედეგიც იმაზე იქნება დამოკიდებული, რამდენად მყარად დავიცავთ ჩვენს პოზიციას ბოკერია- ბერძენიშვილებისაგან. აი, ამიტომაა აუცილებელი ყოველი თქვენგანის აქტიურობა. ხელისუფლება თუ იგრძნობს ხალხის მხარდაჭერას, გაცილებით გაუადვილდება დასავლეთთან საუბარი და გაუადვილდება ბოკერიას „შტუკების“ მოგერიება. არ გამოვრიცხავ იმასაც, რომ საჭირო გახდეს მასშტაბური მსვლელობის ორგანიზება, რომ დასავლეთმა დაინახოს, რამდენი ადამიანი უჭერს ქვეყანაში მხარს პირდაპირი დიალოგის დაწყების ინიციატივას. მზად ხართ, რომ შემოუერთდეთ ასეთი სახის აქციას, თქვენი აზრი გამიზიარეთ.

რადგან აფხაზები ვახსენე, რამდენიმე ფრაზა ადა მარშანიას შესახებ მინდა დავწერო. თქვენ გესმით, რომ ადა მარშანია ერთადერთი აფხაზი დეპუტატი მანდილოსანია საქართველოს პარლამენტში, რომელიც სოხუმში დაიბადა და გაიზარდა. ეს ერთადერთი აფხაზი დეპუტატი საქართველოს პარლამენტში იღწვის იმისთვის, რომ ჩვენი ქვეყანა გამთლიანდეს. აფხაზი ადა მარშანია ქართული საქმისთვის იბრძვის და ჩვენ... ამ ერთი აფხაზი დეპუტატის არ გვესმის, მისი ტკივილი არ გვინდა გავიგოთ და აფხაზებთან ლაპარაკს ( პირდაპირი ან არაპირდაპირი დიალოგის გზით) როგორ ვაპირებთ? ბევრჯერ მიფიქრია, რამდენს იტანს ადა მარშანია აფხაზეთის გამო, საქართველოს გამო... რამდენ შეურაცხყოფას, რამდენ ცინიზმს, რამდენი ღვარძლია მის გარშემო. ნაცვლად იმისა, რომ ტერიტორიული მთლიანობის აღდგენის საპარლამენტო კომისიას სწორედ ადა მარშანია ხელმძღვანელობდეს, ესეც ვერ გავიმეტეთ. სიტყვით გამოდის და დარბაზში ისეთი ხმაურია, შთაბეჭდილება მრჩება, რომ დეპუტატების უმრავლესობას ყველაფერი აინტერესებს, აფხაზეთის გარდა. საგარეო დაზვერვის უფროსთან შეხვედრისას, როცა შეკითხვა დაისვა, სწორედ ადა მარშანია გვპასუხობდა, რამდენი ქართველი ცხოვრობს დღეს აფხაზეთში, რამდენი აფხაზი და რამდენი სომეხი. მან ზუსტი ციფრები დაასახელა. მე რომ ხელისუფლება ვიყო, მაქსიმალურად გამოვიყენებდი ადა მარშანიას რესურსს, როგორც საქართველოს ერთიანობის მხარდამჭერი აფხაზი დეპუტატის რესუსს, მაგრამ ამის ნაცვლად, ადა მარშანია მუდმივი დარტყმების ეპიცენტშია. ახლა მე რომ აფხაზი ვიყო და სოხუმში, სახლში ტელევიზიით ვუყურებდე საქართველოს პარლამენტის სხდომას, არ ვიფიქრებდი: რა უნდოდა ამ ქალს თბილისში, დაჩენილიყო სოხუმში და აფხაზები ხელისგულზე მაინც ვატარებდით?! იმედი მაქვს, ზუსტად გამიგეთ, რისი თქმა მსურდა. ჩვენი მრავალწლიანი უბედურების მიზეზი საკუთარ თავშიც უნდა ვეძებოთ და არა მარტო სხვებში.

თუ საქართველოს ერთიანობისთვის მებრძოლი აფხაზის ლოგიკა არ გინდა გაიგო, როგორ გავუგებ იმ აფხაზის ლოგიკას, რომელსაც საქართველოში დაბრუნება არ სურს?! (ვაგრძელებ)..."-განაცხადა მან.





მსგავსი სიახლეები
"არსებობს სტატისტიკა, რომლის თანახმადაც 2013-2018 წლებში, კრედიტების გამო ათასობით ადამიანმა თავი მოიკლა"
"სარალიძეს აუხსენით, რომ პრემიერის გადადგომა და სამთავრობო ცვლილებები პოლიტიკაა"
"ერთხელაც საიდუმლო გამიმხილა, თუ როგორ აპირებდა ჩელოსთან განშორებას"-მოგონებები მეუფე შიოზე
"აღარ მინდა ამ გაიძვერების კარნახით ვიცხოვრო"-მალხაზ თოფურია გამომძიებელი რეპორტიორის ფილმზე
"პოლიტიკოსის კარიერის დაწყება მინისტრის თანამდებობიდან ახალი არ არის, არამედ კარგად დაჟანგებული და ჯართად ქცეული ძველია"
"ქუჩის მუსიკოსებს უმაღლეს განათლებას სთხოვს მთავრობა, რომელსაც ყველაზე მეტი უდიპლომო მინისტრი ჰყავს"
"მე მეძახდა არა ვიღაცა ნაცარქექიას? ამ ბოდვებით არიან დაკავებულები ეს მართლა ნაცარქექიები!" - ალეკო ელისაშვილი
"არ მოგწონს შენი ქვეყნის დროშა, ჰიმნი და გერბი, მაგრამ სანამ შეიცვლება, მას პატივს სცემ, რადგან ისინი შენი სახელმწიფოს სიმბოლოებია"
"პირველი დარტყმა იმდენად მწარე იყო,რომ ტკივილისგან ვერც ვიყვირე და მოწყვეტით დავეცი"
"გერგეთის სამებაში ძველი იატაკი აყარეს, იატაკქვეშ გათბობა გაჰყავთ და ეს აბანოს ფილა უნდა დააგონ"
"ეჭვი მაქვს, პორტუგალიას ჯერ მოგუდავენ და მერე ააფეთქებენ" - დავით ზარდიაშვილი
"ახლა გაუღვიძია გუბაზას და ნაცებთან ერთად ოპოზიციაში შეკრულა" - ნინო ჯღარკავა
"ყეყეჩო და რეგვენო ნაცებო, იმაზე თუ გიფიქრიათ, მართლა რომ წავიდეს ,,ოცნება", - თქვენ რა გეშველებათ?!"
"4 პუნქტიან გეგმას რა ბედი ეწია, ან ეს "5 პრინციპი" რა შედეგებს მოიტანს?!"
"დევნილთა სამინისტროას და აფხაზეთის მთავრობის გაუქმება, სხვა არაფერია თუ არა მათი დამოუკიდებლობის აღიარება"
"ისე, ერთს კი აგარტყამდა კაცი, თან დიდი სიამოვნებით“ - ხათუნა ჟორდანია ნიკა მელიას
"ამაზე დიდ სიკეთეს მილიონრები და ხალხის ხარჯზე გამდიდრებულები, საქართველოს ვერაფერს გაუკეთებენ"
"ეს იყო ნამდვილი სკანდალი, გადატრიალება სამეცნიერო სწავლებაში და ამიტომ, დღემდე არაა გამოქვეყნებული ამ კვლევების მასალები!"
"ბახტაძე გახლავთ მიკლუხო მაკლაის და ტარტარენ ტარასკონელის შთამომავალი!" - გელა ზედელაშვილი
"საღორიას ტყის ნუკრის ნაამბობი..." - მალხაზ თოფურია