"გზა, რომელსაც ჩვენ ვადგავართ, ითვალისწინებს ისეთ ეკონომიკურ ზრდას, რომელიც აისახება ჩვენი თანამოქალაქეების სოციალურ ყოფაზე"

დღეს გამართულ მთავრობის სხდომაზე პრემიერ-მინისტრი, გიორგი კვირიკაშვილი პოზიტიურ დინამიკას გამოეხმაურა, რომელიც დაფიქსირდა სტატისტიკის ეროვნული სამსახურის მიერ 2017 წლის პირდაპირი უცხოური ინვესტიციების ზრდასთან დაკავშირებით:

 

"მინდა გამოვეხმაურო იმ ძალიან პოზიტიურ დინამიკას, რომელიც დაფიქსირდა სტატისტიკის ეროვნული სამსახურის მიერ 2017 წლის პირდაპირი უცხოური ინვესტიციების ზრდასთან დაკავშირებით.


ძალიან შთამბეჭდავი ზრდა გვქონდა 2017 წელს - ეს გახლავთ 16.2%-იანი ზრდა, ანუ 260მლნაშშდოლარით გაიზარდა პირდაპირი უცხოური ინვესტიციები წინა წელთან შედარებით.


ძალიან ბევრ სექტორში დაფიქსირდა ზრდა, განსაკუთრებით მინდა აღვნიშნო, რომ  39-%-იანი ზრდა არის, ანუ 615 მლნ. აშშ. დოლარი შეადგინა ინვესტიციების მოცულობამეკონომიკის რეალურ სექტორში, რაც არის ძალიან მნიშვნელოვანი სამუშაო ადგილების შექმნის თვალსაზრისით, ახალი ტექნოლოგიების შემოტანის კუთხით და რა თქმა უნდა, ეს პოზიტიურად აისახება წლევანდელ ექსპორტისა და დასაქმების ზრდაზე.


ასევე, ყურადღება მინდა გავამახვილო იმაზე, რომ რეინვესტირების მაჩვენებლის თითქმის 130%-იანი ზრდა გვქონდა, რაც არის მართლაც და უპრეცედენტო მაჩვენებელი და ეს არის პირდაპირი შედეგი მოგების გადასახადის იმ რეფორმისა, რომელიც 2017 წლის პირველ იანვარს დავიწყეთ ჩვენს ქვეყანაში.


სწორედ, მოგების გადასახადის გაუქმება და არამხოლოდ რეინვესტირებული, არამედ გაუნაწილებელი მოგების გათავისუფლებამ მოგების გადასახადისაგან მოგვიტანა ეს ძალიან სახარბიელო შედეგი რეინვესტირების მაჩვენებლის ზრდაში და რათქმაუნდა, ეს ტენდენცია აუცილებლად აისახება 2018 წლის ეკონომიკურ მაჩვენებლებზეც.


რათქმაუნდა, ჩვენ არ ვართ თვითკმაყოფილებაში, ჩვენს ქვეყანაში არის უამრავი გაჭირვებული ადამიანი, გვყავს ბევრი სოციალურად დაუცველი, მაგრამ გზა, რომელსაც ჩვენ ვადგავართ, არის ეკონომიკური განვითარების ის მოდელი, ითვალისწინებს ისეთ ეკონომიკურ ზრდას, რომელიც თანდათანობით აუცილებლად აისახება ჩვენი თანამოქალაქეების სოციალურ ყოფაზე.  დამერწმუნეთ, ის დინამიკა და ის ციფრები, რომელზეც ჩვენ ვსაუბრობთ, აუცილებლად აისახება ჩვენი თითოეული თანამოქალაქის ყოფაზე.


ჩვენ ასევე, სულ ცოტა ხნის წინ დავიწყეთ ბრუნვის გადასახადის რეფორმა მიკრო-ბიზნესებისა და მცირე-ბიზნესებისთვის, ჩვენ ასევე ვამზადებთ შემდეგ, ძალიან მნიშვნელოვან ეტაპს, რომელიც განსაკუთრებულად იქნება ფოკუსირებული მცირე და საშუალო საწარმოებზე, სპეციალური დაფინანსების ინსტრუმენტების შექმნაზე. დარწმუნებული ვარ, რომ ეს კიდევ უფრო მეტად აისახება მცირე ბიზნესზე, მოსახლეობის იმ ფენაზე, რომელსაც ყველაზე მეტად უჭირს დღეს და რომლისკენაც ყველაზე მეტად არის საჭირო სახელმწიფო რესურსის მიმართვა იმისათვის, რომ მეწარმეობა წავახალისოთ, მცირე ბიზნესის სეგმენტში. ასე რომ, მგონია, რომ ეს ნაბიჯები ძალიან სერიოზულ შედეგს მოიტანს და 2018 წლის მაჩვენებლებიც იქნება ასეთივე პოზიტიური." - აცხადებს პრემიერი.





მსგავსი სიახლეები
ვიღაც მიზანმიმართულად ცდილობს საქართველოს სახელმწიფო ინსტიტუტების დისკრედიტაციას - რაღა დარჩა საქართველოს სახელმწიფოებრიობის მოსპობამდე?!
დიდი საკადრო წმენდა გრძელდება - ვახტანგ გომელაური და გუბერნატორები თანამდებობებს დატოვებენ
„ჩვენს პატრიარქს 30 წელი დასჭირდა აჭარაში მართლმადიდებლობის განსამტკიცებლად! ესენი ერთი ხელის მოსმით ანგრევენ ყველაფერს!“
„აღარ იქნება საქმე თქვენს პოლიტიკურ პაიკებთან და კახპებთან - საქმე გვექნება თქვენთნ - ბიძინა ივანიშვილთან!“
„ევროპულმა საქართველომ“ პრეზიდენტობის კანდიდატად დავით ბაქრაძე დაასახელა
აჭარის უმაღლესმა საბჭომ აჭარის ავტონომიური რესპუბლიკის მთავრობის შემადგენლობა დაამტკიცა
„გიორგი მარგველაშვილს თავის თავზე ზედმეტად დიდი წარმოდგენა აქვს“
„რაც უფრო მეტ უხეშ და უზრდელ განცხადებას გააკეთებს პრეზიდენტი, უფრო მეტი ყურადღება იქნება მის გარშემო“
"დარწმუნებული ვარ, მარგველაშვილს მოვუგებ საპრეზიდენტო არჩევნებში!" - რევაზ არველაძე
„გუშინწინ ბაგრატის ტაძართან აკურთხეს პრეზიდენტად და დაუწყია ქროლვა, ისვენებს ბიჭი“
„კვირიკაშვილმა დააჭირა მაზოლზე წიხლი და იმან აყვირა ბოლო ხმაზე?“
დროა, ბიძინა ივანიშვილი დაფიქრდეს, რამდენ ზიანს აყენებს მას, სახელმწიფოსაც და პარტიასაც პარლამენტის თავმჯდომარე
„ჩვენ ვიმსახურებთ პასუხს, რა იყო ასეთი მიუღებელი კვირიკაშვილის პოლიტიკაში, რომ მისი პოლიტიკიდან წასვლა გახდა აუცილებელი“
„მივესალმები გერმანიის მთავრობის გადაწყვეტილებას საქართველოს უსაფრთხო ქვეყნების სიაში შეყვანასთან დაკავშირებით“
„მივესალმები გერმანიის მთავრობის გადაწყვეტილებას საქართველოს უსაფრთხო ქვეყნების სიაში შეყვანასთან დაკავშირებით“
„ჩვენ ერთმნიშვნელოვანი მხარდაჭერა მოვიპოვეთ იმ ეკონომიკურ რეფორმებში, რომლებსაც განვახორციელებთ“
„დისიდენტ ჩარკვიანის პუბლიცისტი შვილი იტყვის, რომ "უმრავლესობაში მოსასვლელ გზაზე" რუსეთის აგენტები გადაეღობნენ “
საქართველოს პრემიერ-მინისტრმა საგანგებო სიტუაციების სამსახურის უფროსი გიორგი მღებრიშვილი თანამდებობიდან გაათავისუფლა
საქართველოს პრეზიდენტი ვლადიმერ პუტინის განცხადებას ეხმაურება
"ტრამპი, მონტენეგროს ნატო-ში წევრობის გამო შეშფოთებულია და საქართველოს ნატო-ში გაწევრიანებას დაუჭერს მხარს?!"