კვირის ასტროლოგიური პროგნოზი 26 მარტი - 1 აპრილი

არ არსებობს ალბათ ამ ქვეყანაზე ადამიანი, ვისთვისაც ფინანსური კეთილდღეობა ძალზე მნიშვნელოვან საკითხს არ წარმოადგენს ცხოვრებაში. დამდეგი კვირის დასაწყისი კი ერთობ არაპროგნოზირებადი იქნება ზუსტადაც რომ ფინანსური კუთხით. შესაძლოა ვიღაცის ცხოვრებაში დაუგეგმავი შემოსავლები გაჩნდეს, ვიღაცასთან კი აბსოლუტურად მოულოდნელად დადგეს დიდი ხარჯის გაწევის აუცილებლობა. გარდა ამისა, ნუ დაგვავიწყდება, რომ პლანეტა მერკური რეტროგრადულია ამ პერიოდში, რის ხარჯზეც ადამიანებს შორის კომუნიკაცია გართულებულია, აგვიანებს როგორც მნიშვნელოვანი ინფორმაცია, ასევე ჯანჯლდება მნიშვნელოვანი შეთანხმებები, მათ შორის ფინანსურიც.



აქედან გამომდინარე ცაზე კვირის დასაწყისში წარმოქმნილი ვენერასა და ურანის შეერთება, ზოგისთვის პოზიტიური, ზოგისთვის კი ნეგატიური შეიძლება იყოს. იმიტომ რომ, ვენერა სიმბოლურად ფულს შეესაბამება, ურანი კი ყველაზე "ხულიგანი" პლანეტაა მთელ გალაქტიკაში და რა ტიპის მოულოდნელობით გაგვახარებს ნებისმიერ ჩვენგანს ეს ინდივიდუალური მაგალითით განისაზღვრება. იგივე ვენერა-ურანის ასპექტი ძალიან ბევრი ადამიანის ცხოვრებაში წარმოშობს მოულოდნელი, სასიყვარულო აფიორების ალბათობას. თანაც გაზაფხულია და ნუ გაგიკვირდებათ, რომ ვიღაც მოულოდნელად და უგონოდ შეგიყვარდეთ. თუმცა, რეტროგრადულ მერკურზე დაწყებულ ურთიერთობას მაინც ნუ მიანიჭებთ დიდ მნიშვნელობას. იმიტომ რომ, როგორც წესი, ასეთ პერიოდში დაწყებული ურთიერთობები სიმყარით არასოდეს გამოირჩევა ხოლმე. 

 


29 მარტს მზისა და სატურნის ერთობ პირქუში კვადრატი ადამიანებს აიძულებს მოზომონ საკუთარი აგრესიები ზემდგომებთან და ასაკით/ჩინით უფროს ადამიანებთან ურთიერთობაში. ეს სახიფათო დღეა სამსახურებრივი კონფლიქტების კუთხით. ამიტომ მაქსიმალურად აკონტროლეთ როგორც ემოციები, ისე გამოთქმები პროფესიულ სარბიელზე. პატივისცემით მოექეცით ოჯახის უხუცეს წევრებს და ხანდაზმულ ადამიანებს. 

 


31 მარტს პლანეტა ვენერა აგრესიული ვერძის ზოდიაქოს დატოვებს, სადაც იგი თავს არცთუ მაინცდამაინც კომფორტულად გრძნობდა და მისთვის "შინაურ" ატმოსფეროს - კუროს ზოდიაქოს მიაშურებს. ამ პერიოდიდან სასიყვარულო და პარტნიორულ ურთიერთობებში საღი აზრი იმატებს. ფინანსურ საკითხებში კი გაცილებით მეტი რაციონალიზმი გამოვლინდება. ვენერას ტრანზიტისას კუროს ნიშანში, ადამიანები მეტ მიდრეკილებას ავლენენ კომფორტისა და მიწიერი სიამოვნებების მიმართ. ეს კარგი პერიოდია მიტოვებული სასწავლო პროცესების გასაახლებლად. მით უმეტეს, თუ წარსულში კულინარიით ან საბანკო-საფინანსო სფეროთი აპირებდით დაკავებას. 

 


კვირის ბოლოს სავსემთვარეობა დააგვირგვინებს სასწორის ზოდიაქოს ნიშანში. სასწორიც, კურს მსგავსად სილამაზის, ესთეტიკისა და ჰარმონიის "კურატორია". ამასთან ერთად, იგი "პატრონაჟს" უწევს პარტნიორული ურთიერთობებს საკითხს. ამიტომ რაკიღა სავსემთვარეობა ზუსტად სასწორის ნიშანს ემთხვევა, სასურველია, კარგად დაფიქრდეთ საკუთარ ურთიერთობებზე. მით უმეტეს, რომ რეტროგრადული მერკურის პერიოდში იდეალურია საკუთარ შეცდომებში ჩაღრმავება, ვენერას განლაგება კი კუროს ნიშანში შესანიშნავ შანსებს მოგცემთ სიტუაცია ცივი გონებით შეაფასოთ და თქვენთვისაც და თქვენი პარტნიორისთვისაც მომგებიანი გადაწყვეტილებები მიიღოთ. 





მსგავსი სიახლეები
3 დეკემბრის ასტროლოგიური პროგნოზი
ვინ შეიძლება გახდეს ჩვენი დაუძინებელი მტერი ზოდიაქოს ნიშნის მიხედვით
"ეს პერიოდი ყველა ზოდიაქოს ნიშნისთვის კოსმოსური გამოცდაა"- მიხეილ ცაგარელი საზოგადოებას აფრთხილებს
21 ივლისის ასტროლოგიური პროგნოზი
ივლისის სასიყვარულო ჰოროსკოპი ზოდიაქოს თითოეული ნიშნისთვის
რა არის ადამიანის წარმატების განმსაზღვრელი მის პირად ჰოროსკოპში - მომგებიანი სფეროები ზოდიაქოს ნიშნებისთვის
რას გვიმზადებენ ვარსკვლავები 25 ივნისი – 1 ივლისის პერიოდში
როგორია თქვენი სტილი ზოდიაქოს ნიშნის მიხედვით
რომელი ქალღმერთი ხარ ჰოროსკოპის მიხედვით (ფოტოკოლაჟი)
ზოდიაქოს სამი ყველაზე ჰარმონიული, კეთილი და ოპტიმისტი ნიშანი
ზოდიაქოს რომელი ნიშნით იბადებიან ყველაზე ჯიუტი ადამიანები
21 აპრილის ასტროლოგიური პროგნოზი
ზოდიაქოს რომელი ნიშნით დაბადებული ქალები მეგობრობენ ყველაზე უკეთ
გურმანთა ასტროლოგია - ანუ როგორია თქვენი იდეალური სადილი ზოდიაქოს ნიშნიდან გამომდინარე
4 აპრილის ასტროლოგიური პროგნოზი
კვირის ასტროლოგიური პროგნოზი 26 მარტი - 1 აპრილი
მიხეილ ცაგარელის კვირის ზოგადი ასტროლოგიური პროგნოზი ზოდიაქოს ნიშნებისთვის
რას ამბობს შენი ზოდიაქოს ნიშანი შენს ქალურ იმიჯზე
რას გვიმზადებენ ვარსკვლავები 5–11 მარტის პერიოდში
მარტის თვის სასიყვარულო ჰოროსკოპი ზოდიაქოს ნიშნებისთვის