ვინ არის უცხოელი ქალი, ვინც ე.წ. "ბარიგების" საქმის ერთ-ერთი მოწმეა?!

თბილისის საქალაქო სასამართლოს მოსამართლე 6 საათზე მეტხანს განიხილავდა 12 მაისს ნარკორეალიზაციის ბრალდებით დაკავებული პირების საქმეს და 8 ბრალდებულს: გიორგი მამუკელაშვილს, ლაშა მამულაიშვილს, ვიქტორ ჟამუტაშვილს, თორნიკე ჩუტკერაშვილს, ჯემალ ელიავას, მიხეილ მიქაძეს, ბორის დარახველიძეს და ქეთი მურუსიძეს წინასწარი პატიმრობა შეუფარდა. არც ერთი დანაშაულს არ აღიარებს. "კვირის პალიტრა" აქვეყნებს ვრცელ სტატიას მომხდარზე, რომელშიც საქმის მთავრი მოწმის მიერ მიცემული ჩვენებები ექსკლუზიურადაა გასაჯაროებული. გთავაზობთ ამონარიდებს სტატიიდან: 

 


თითოეულ დაკავებულს წაყენებული ბრალი 7-დან 14-წლამდე პატიმრობას ითვალისწინებს. ყველაზე მძიმეა 23 წლის ბორის დარახველიძის ბრალდება - ის სამ ეპიზოდში ამხილეს, ამიტომ 20 წლამდე ან უვადო პატიმრობა ემუქრება. ბორის დარახველიძის წინააღმდეგ ჩვენება უცხოელმა ქალმა აზიტა ზაკერმა მისცა. მოწმე ამბობს, რომ სამი წელია საქართველოში ჩამოვიდა, ქირით დიდ დიღომში ცხოვრობს და დედასთან ერთად ტურისტულ კომპანიაში მუშაობს. "ბასიანში" დადის, სადაც, მისი თქმით, ბორის დარახველიძე გაიცნო. ის 22 მარტს, ქავთარაძეზე მდებარე "გუდვილთან" შემთხვევით შეხვდა დარახველიძეს და უთხრა, რომ მეორე დღეს აპირებდა "ბასიანში" მისვლას. ბორისმა უთხრა, რომ "ექსტაზის" 5 აბი 700 ლარად ჰქონდა და თუ სურდა, "ბასიანში" მიუტანდა. ზაკერის თქმით, მას არ სურდა დანაშაულის ჩადენა, ამიტომ ეს პოლიციაში განაცხადა. საქმის მასალების მიხედვით, სამართალდამცავებმა აზიტას გადასცეს დარახველიძისთვის გადასაცემი თანხა. გაკეთდა სამი საკონტროლო შესყიდვა, პირველი - 23 მარტს. ზაკერმა ბორისს დაურეკა და ნარკოტიკი სთხოვა, მერე "ბასიანში" შეხვდა, სადაც დარახველიძემ 5 აბი "ექსტაზი" გადასცა. ეს და კიდევ ორი ფაქტი აღბეჭდილია ფირზე. ბრალდებულის ადვოკატი ნინო ლალიაშვილი ირწმუნება, რომ დარახველიძე პროვოკაციის მსხვერპლია...


ცნობილია, რომ გამოძიების მთავარი მოწმე ვინმე სოლომონ მათიკაშვილია. ის ბრალდებულების უმრავლესობას ამხელს. მათიკაშვილი არაერთ საკონტროლო შესყიდვაში გამოიყენეს ძალოვანებმა. ჩვენ ექსკლუზიურად მოვიპოვეთ გამოძიების მთავარი მოწმის, სოლომონ მათიკაშვილის დაკითხვის ოქმები, სადაც ის ამხელს ვიქტორ ჟამუტაშვილს, ლაშა მამულაიშვილს, მიხეილ მიქაძეს და ქეთევან მურუსიძეს.

ფრაგმენტი ჩვენებიდან:

"...26 აპრილს მესენჯერში დამიკავშირდა ქეთი მურუსიძე და მითხრა, რომ მას ჰქონდა ნარკოტიკული საშუალება "ექსტაზის" ერთი აბი და შეეძლო ჩემთვის 100 ლარად მოეტანა. შევთანხმდით, რომ შევხვდებოდი კოსტავაზე, "მაკდონალდსის" გვერდით სკვერში. გამომძიებელმა გადმომცა 100 ლარი და წავედი აღჭურვილი. შეთანხმებულ ადგილას დამხვდა ქეთი მურუსიძე, რომელმაც მომცა ერთი აბი, როგორც მითხრა, "ექსტაზი". მივეცი 100 ლარი და როცა ვაპირებდი დაშორებას, მოვიდნენ მისი მეგობრები. მერე დავშორდი და გადავეცი გამომძიებელს".

 

 

კვირის პალიტრა





მსგავსი სიახლეები
ბიზნესმენს უთვალთვალებდნენ, რადგან სროლას არც შელაპარაკება და არც რაიმე ხმაური უძღოდა
მალხაზ მაჩალიკაშვილი ხვალ, სახელმწიფო უსაფრთხოების სამსახურში მოწმის სახით დაკითხვაზეა დაბარებული
შსს „ქურდულ სამყაროსთან“ დაკავშირებით ახლადამოქმედებული საკანონდებლო ცვლილებებით 4 პირი დააკავა
დოლიძის ქუჩაზე მომხდარი მკვლელობის დეტალები - ვინ იყო და რატომ მოკლეს ლევან სიგუა
„საცოდავებს ისეთი ჭრილობები ჰქონდათ, ვერ გადარჩებოდნენ - სასწრაფო რომ მივიდა, ორივე სისხლის გუბეში იწვა“
ბათუმში „ქართული მარშის“ ლიდერები და წევრები, დიდგორობასთან დაკავშირებით საპროტესტო აქციას მართავენ
წუხელ დოლიძის ქუჩაზე 42 წლამდე მამაკაცი მოკლეს
საკონსტიტუციო სასამართლო მარიხუანას მოხმარებასთან დაკავშირებით მიღებულ გადაწყვეტილებაზე განცხადებას ავრცელებს
"მამაკაცი ქალს თმებით მიათრევდა... ყოფილ შეყვარებულზე შური იძია" - ვარკეთილში მომხდარი სასტიკი მკვლელობის ახალი დეტალები
ფოთში ზღვამ რუსი ტურისტის ცხედარი გამორიყა
პროკურატურა გია ჭანტურიასთვის პატიმრობის შეფარდებაზე განცხადებას ავრცელებს
ტერორიზმის ხელშეწყობის საქმეზე მსჯავრდებული რუსლან შავაძე დაკავებულია
სამხარაულის კომისიური დასკვნით, არჩილ ტატუნაშვილის სხეულზე დაზიანებები უნდა შეფასდეს, როგორც სიცოცხლისთვის სახიფათო, რასაც სიკვდილი მოჰყვა
პრეზიდენტის მრჩევლებმა უზენაესი სასამართლოს თავმჯდომარის კანდიდატურის შერჩევის მიზნით კონსულტაციები საერთაშორისო ორგანიზაციების წარმომადგენლებთან გამართეს
შინაგან საქმეთა სამინისტრომ ბათუმში უცხო ქვეყნის მოქალაქის მიმართ ჩადენილი გამოძალვის ბრალდებით 2 პირი დააკავა
ფინანსთა სამინისტროს საგამოძიებო სამსახურმა დიდი ოდენობით ოქროს ნაკეთობების კონტრაბანდის ფაქტზე სამი პირი პასუხისგებაში მისცა
ტობავარჩხილზე დაკავებულ მამაკაცს ათი თვის ვადით თავისუფლების აღკვეთა მიესაჯა
შეიწყალებენ თუ არა ე.წ. ციანიდის საქმეზე ბრალდებულ გიორგი მამალაძეს?
გიორგი ჭანტურიას საგამოძიებო უწყებებმა იარაღი ჩაუდეს
2 წლის გოგონა, რომელიც რუსთავში მეოთხე სართულიდან გადმოვარდა, გარდაიცვალა