„ქართული ოცნების“ კრიზისი გრძელდება-შეძლებს თუ არა ახალგაზრდა პრემიერი სიტუაციის გამოსწორებას?

სომხური გამოცემა, «Голос Армении» საქართველოში მიმდინარე პოლიტიკური პროცესების შესახებ ივან გრიგოროვის ავტორობით სტატიას აქვეყნებს.



საქართველოში მიმდინარე კრიზისის ფონზე პრემიერი გიორგი კვირიკაშვილი თანამდებობიდან გადადგა. მმართველმა „ქართულმა ოცნებამ“ იგი „განტევების ვაცად“ აქცია და მოსახლეობის ვნებათა ღელვის ჩაცხრომას ამ გზით შეეცადა. გამოსათხოვარი ტელეგამოსვლის დროს გიორგი კვირიკაშვილმა ისაუბრა იმ უთანხმოებაზე, რომელიც მას პარტიის დამაარსებელთან და ჩრდილოვან ლიდერთან - მილიარდერ ბიძინა ივანიშვილთან ჰქონდა. (...) 

 


პოლიტიკური სიტუაციის განვითარების ლოგიკა მიგვანიშნებს, რომ სწორედ ბიძინა ივანიშვილს უნდა აეღო პასუხისმგებლობა ქვეყანაში არსებულ სიტუაციაზე, გამხდარიყო პრემიერ-მინისტრი, რითაც იგი შეწყვეტდა მითქმა-მოთქმას ხელისუფლების დასუსტებაზე და საკუთარი ელექტორატის მობილიზებას მოახდენდა. მაგრამ იგი კიდევ ერთხელ შეჩერდა ნახევარზომებზე: პარტიაში ოფიციალური ლიდერობა კი დაიბრუნა, მაგრამ პრემიერ-მინისტრობის კანდიდატად 36 წლის მამუკა ბახტაძე წარადგინა, რომელიც ადრე ფინანსთა მინისტრად და საქართველოს რკინიგზის დირექტორად მუშაობდა.

 


მოკლედ, ბიძინა ივანიშვილმა მხოლოდ ბანალური როქირება მოახდინა და ისევ ჩრდილში ყოფნა (ამჯერად ნაწილობრივ) არჩია. ამას მოჰყვა უკვე ტრადიციად ქცეული დაპირებები და მომავალი საქმიანობის „ოთხი პრინციპი“, რომელიც ახალმა პრემიერმა გააჟღერა: ევროატლანტიკური მიზნის მიღწევა, ფუნდამენტური რეფორმების გატარება ახალი ეკონომიკური მოდელის შესაქმნელად, კორუფციასთან ბრძოლა და განათლების სისტემის გარდაქმნა.

 


საქართველოს მთავრობის ახალი ხელმძღვანელის მიერ გაცხადებული პრინციპები სხვა არაფერზე მიუთითებს, თუარა ხელისუფლების კრიზისზე. მმართველი პარტიის მიდგომა - „ძველი წავშალოთ და ახლიდან დავიწყოთ“ კარგად არის ცნობილი არამარტო საქართველოს, არამედ სომხეთის მოსახლეობისთვისაც. სადამდე მიიყვანა სომხეთი ასეთმა დამოკიდებულებამ, როცა მმართველი რესპუბლიკური პარტიაც იგივეს იძახდა ყოველი არჩევნების დროს, უკვე ვიცით. ჰოდა, „ქართული ოცნების“ მთავრობის მეთაურის სასტარტო დაპირებებიც არადამარწმუნებლად მოჩანს. 


დასავლური კურსის განმტკიცების საკითხში სიტუაცია მეტ-ნაკლებად გასაგებია: რუსეთმა საქართველოს სხვა გზა არ დაუტოვა, მაგრამ რაც შეეხება მამუკა ბახტაძის დაპირებას ახალი ეკონომიკური მოდელის ჩამოყალიბების თაობაზე, აი, ეს კი მიხეილ სააკაშვილისა და მისი დამქაშებისთვის ნამდვილი საჩუქარი გამოდგა: „ქართული ოცნება“ ხომ უკვე ექვსი წელია რაც ქვეყანას მართავს და მხოლოდ დღეს პირდება მოსახლეობას - ეკონომიკას ახლებურად განვავითარებო! აბა, რას აკეთებდა ის წინა წლებში? რა უშლიდა ხელს? ეს სრულიად გაუგებარია. გამოდის, რომ ახალგაზრდა პრემიერმა თავისი დაპირებებით უკვე მიანიშნა, რომ მისი წარმდგენი პოლიტიკური პარტია უსასოოა: თუ ქვეყნის ხელისუფლება ინოვაციურ და ფუნდამენტურ რეფორმებს მხოლოდ ახლა იწყებს, ვერ ყოფილა კარგად მისი საქმე...

 


საქართველოს მთავრობის ახალი შემადგენლობა უახლოეს დღეებში დამტკიცდება. პარლამენტში მისი პროგრამის განხილვაც მალე მოხდება. ალბათ, სწორედ მაშინ გვეცოდინება საბოლოოდ, განზრახული აქვს თუ არა ბიძინა ივანიშვილის პარტიას (თუნდაც დიდი დაგვიანებით!) გადადგას რეალური ნაბიჯები ქვეყნის სოციალურ-ეკონომიკური სიტუაციის გამოსასწორებლად, წესრიგის დასამყარებლად... ან იმასაც გავიგებთ, რომ ეს მხოლოდ ხელისუფლების მიერ გატარებული „კოსმეტიკური რემონტია“, რომელმაც საეჭვოა ქვეყნის წინაშე მდგარ გამოწვევებს პასუხი გასცეს.





მსგავსი სიახლეები
"საქართველომ ევროპისადმი ნდობა რომ არ დაკარგოს, ევროკავშირი თანმიმდევრულად უნდა გმობდეს რუსეთის აგრესიულ მოქმედებას"
"საქართველოში შეჭრის გამო, რუსეთზე სანქციები უნდა დაგვეწესებინა"–მეთიუ ბრაიზა
"თურქეთის წინააღმდეგ აშშ-ს ქმედებები ანკარას აიძულებს ახალი მოკავშირეები ეძებოს"-რეჯეფ თაიფ ერდოღანი
"მე არ ვადანაშაულებდი სააკაშვილს კრიზისის გამო და არც ახლა ვადანაშაულებ"- კონდოლიზა რაისი 2008 წლის აგვისტოს ომზე
რუსეთის სპეცსამსახურების ჯაშუში 10 წლის განმავლობაში მოსკოვში აშშ-ს საელჩოში მუშაობდა
"სად ქართველი და სად მარიხუანა?- რუსებმა მარიხუანას ლეგალიზაციას სტატია მიუძღვნეს
ვინ ებრძვის და ვინ იცავს "ქართულ ოცნებაში" ირაკლი კობახიძეს
"პირადად ვნახე, ჯორჯ ბუშმა სააკაშვილს მკერდზე თითი მიადო და უთხრა, რუსეთი არ გაეღიზიანებინა!"- სტივ ჰედლი
ცხელი ზაფხულის ომი, რომელმაც რუსეთი ცივ ომში დააბრუნა
საქართველოსგან რუსი მფრინავის მკვლელის გადასაცემად ანკარა ეკონომიკურ ბერკეტებს გამოიყენებს
„ზურგში ჩაცემული დანა“- უნგრეთი ნატოსა და ევროკავშირში უკრაინის და საქართველოს წინააღმდეგ გამოდის
"საქართველოში შემოდგომაზე, საპრეზიდენტო არჩევნების დროს დავბრუნდები"-მიხეილ სააკაშვილი
თბილისი-დიდი კულტურითა და სტუმართმოყვარეობით განთქმული ქალაქი
რატომ აღმოჩდნენ მკვდარი სულები „ოთხოზორია-ტატუნაშვილის სიაში“?
"არც ფული, არც საბანკო ბარათი, ყველაფერი გაქრა..."- ამერიკელი პროფესორის ჩანაწერები თბილისზე
"საბჭოთა კავშირის დაშლა რომ გავიგე სუფრა გავშალე, ბიჭები დავსხედით და კარგად ვიმხიარულეთ, ალბათ რუსეთსაც იგივე ელის"
30 ივნისს საქართველოს გავლით აზერბაიჯანული გაზის ექსპორტი იწყება -ქართული მოლოდინები და რეალობა
"ჩვენ ასეთი აფხაზეთი მოგვწონს-ხმაურიანი ქარხნებისა და ქალაქების გარეშე"- ტურისტის ჩანაწერები
„ქართული ოცნების“ კრიზისი გრძელდება-შეძლებს თუ არა ახალგაზრდა პრემიერი სიტუაციის გამოსწორებას?
"ქართული ოცნება" საპრეზიდენტო არჩევნების მოახლოების კვალობაზე, ქულების დაკარგვის რისკის წინაშე დგას