აშშ-ის კონგრესს საქართველოს მხარდამჭერი რეზოლუცია წარედგინა

2018 წლის 20 ივნისს აშშ-ის კონგრესს საქართველოს, უკრაინისა და მოლდოვის მხარდამჭერი, ორპარტიული რეზოლუცია წარედგინა. 



რეზოლუციის სპონსორია საქართველოს მეგობართა ჯგუფის თავმჯდომარე, კონგრესმენი ტედ პო (რესპუბლიკელი-ტეხასის შტატი). რეზოლუციას ამ ეტაპზე ჰყავს 8 თანასპონსორი კონგრესმენი, როგორც რესპუბლიკური, ასევე დემოკრატიული პარტიიდან.



რეზოლუცია წინ უძღვის საქართველოს, უკრაინისა და მოლდოვის პარლამენტის სპიკერების მომდევნო კვირას ვაშინგტონში დაგეგმილ ვიზიტს და ამ ქვეყნებისადმი აშშ-ის უპირობო მხარდაჭერას გამოხატავს. 



კერძოდ, რეზოლუცია მხარს უჭერს საქართველოს, უკრაინისა და მოლდოვის სუვერენიტეტსა და ტერიტორიულ მთლიანობას. ხაზს უსვამს, რომ 2016 წელს საქართველოში ჩატარდა კონკურენტუნარიანი, თავისუფალი და მაღალი სტანდარტით ორგანიზებული საპარლამენტო არჩევნები. ამასთან, რეზოლუცია ამახვილებს ყურადღებას რუსეთის მიერ საქართველოს სუვერენული ტერიტორიის ერთი-მეხუთედის ოკუპაციაზე. 



რეზოლუცია ადასტურებს საქართველოს, უკრაინისა და მოლდოვის დემოკრატიულად არჩეული ხელისუფლებებისა და ხალხისადმი, ასევე ამ ქვეყნების ევროკავშირში ინტეგრაციისადმი აშშ-ის მხარდაჭერას.    

  

კონგრესმენები მოუწოდებენ რუსეთს, რომ სამივე ქვეყნის ტერიტორიებიდან დაუყოვნებლივ გაიყვანოს შეიარაღებული ძალები; შეწყვიტოს საქართველოს, უკრაინისა და მოლდოვის საერთაშორისოდ აღიარებულ ტერიტორიებზე მოქმედი უკანონო  სამხედრო შენაერთების და შეიარაღებული ჯგუფების სამხედრო მხარდაჭერა; მათ შორის, შეწყვიტოს საქართველოს ოკუპირებულ რეგიონებში დესტაბილიზაციის მიზნით მიმდინარე ქმედებები.  



რეზოლუცია მოუწოდებს აშშ-ის მთავრობასა და ევროპელ მოკავშირეებს, ასევე გაეროსა და აშშ-ის საერთაშორისო პარტნიორებს, რომ განაგრძონ რუსეთის ხელისუფლებაზე ზეწოლა, რათა მან შეასრულოს საერთაშორისო ვალდებულებები.



კონგრესმენები მიესალმებიან რუსეთის დესტრუქციული ქმედებების საპასუხოდ საქართველოს, უკრაინისა და მოლდოვის მთავრობებს შორის მიმდინარე თანამშრომლობას და რუსეთის მხრიდან დესტაბილიზაციის გამომწვევ ქმედებებთან გასამკლავებლად, მხარს უჭერენ აღნიშნული ქვეყნების შესაძლებლობების, მათ შორის თავდაცვისა და უსაფრთხოების სფეროებში, განმტკიცებას.



კონგრესმენები აშშ-ის მთავრობას ევროპის ენერგომომარაგების გზების დივერსიფიცირების მხარდაჭერისაკენ მოუწოდებენ, მათ შორის გათხევადებული ბუნებრივი აირის ინფრასტრუქტურის განვითარების მიმართულებით.


რეზოლუცია მხარს უჭერს აშშ-სა და საქართველოს, უკრაინასა და მოლდოვას შორის ეკონომიკური თანამშრომლობისა და ორმხრივი ვაჭრობის გაზრდას.



რეზოლუცია ასევე მოუწოდებს აშშ-ის სახელმწიფო დეპარტამენტს, რომ საქართველოს, უკრაინასა და მოლდოვასთან აწარმოოს დიალოგი, რათა დაეხმაროს მათ შიდა დემოკრატიულ პროცესებში რუსეთის ჩარევის წინააღმდეგ ეფექტურ ბრძოლაში.         



რეზოლუციას მომდევნო ეტაპზე კენჭს უყრიან აშშ-ის წარმომადგენელთა პალატის საგარეო ურთიერთობათა კომიტეტზე. კომიტეტის მიერ რეზოლუციის დამტკიცების შემთხვევაში, აშშ-ის კონგრესის პლენარულ სხდომაზე ჩატარდება შემდეგი კენჭისყრა. 

 





მსგავსი სიახლეები
თიანეთის ბაზარში სააგიტაციოდ მისული ნიკა მელია ადგილობრივებმა გამოაგდეს
„როგორ მოახერხეთ, მეუფეების გულის ტკენა?!!! როგორ მოახერხეთ, რომ მეუფე იობს ეთქვა - მარიონეტების თეატრს დაემსგავსა ყველაფერიო"
საქართველოს პრემიერ-მინისტრი მამუკა ბახტაძე ნელსონ მანდელას მშვიდობის სამიტზე სიტყვით გამოვიდა
გიორგი კვირიკაშვილი EBRD-ის საერთაშორისო მრჩევლად დაინიშნა
„გაკოტრებული პარტია ექვსი კაცით ზის კანტიკუნტად პარლამენტში - კანტი თქვენ ხართ და კუნტი გყავთ კიდევ ხუთი კაცი”
„ეს პარტია რასაც აკეთებდა 2012 წლამდე, იგივე მეთოდებით, სიცრუით, შანტაჟით, შავი პირით აგრძელებს მუშაობას“
"სპეციალური კანონი "იმპიჩმენტის შესახებ" გაუქმდება და საკითხები, რომლებსაც სპეციალური კანონი არეგულირებდა გადავა პარლამენტის რეგლამენტში"
"ევროპა, ნატო და დასავლეთი ისევეა თქვენთვის ახლოს, როგორც კრიალოსანი ვირთან"- კობახიძე გოცირიძეს
გაერთიანებული ოპოზიცია გიორგი მარგველაშვილს მიმართავს, ვანო მერაბიშვილი შეიწყალოს
პოლიტიკური გაერთიანება „ქართული ოცნება-დემოკრატიული საქართველო“ განცხადებას ავრცელებს
„ივანიშვილთან გარიგება იყო ორი საპარლამენტო ვადით და 2020 წლისთვის დაგეგმილია ნაცების ხელისუფლებაში დაბრუნება - ბოკერიას ფრთის გაძლიერება "ვარდების რევოლუციის" ლობის დირექტივით ხორციელდება“
„დავუშვათ დავიკიდეთ არჩევნები და სექტამ გაათრია კაგებეს მოქმედი „შტაბკვარწირა“, რა იქნება მერე? მერე იქნება სისხლი! ბევრი სისხლი!“
„არასოდეს ენდოთ ამ ორ ადამიანს“
ცესკოში 28 ოქტომბრის არჩევნებისთვის პრეზიდენტობის კანდიდატების რეგისტრაციის პროცესი დასრულდა - მონაწილეობას 25 კანდიდატი მიიღებს
„ვიცი, რომ სალომე ზურაბიშვილი არ გახდება პრეზიდენტი და თუ გახდა, ვეცდები, დავტოვო და არ ვიცხოვრო საქართველოში“
„რუსეთი უშუალოდ მუშაობს ჩვენს არჩევნებზე და რა არის ცრუ ცნობების მიზანი? ის, რომ დამაპირისპირონ ყველასთან, ეკლესიასთან, პატრიოტებთან“
ბა­ბუ­შე­რას აე­რო­პორ­ტში დაშ­ვე­ბულ ავი­ა­ლა­ი­ნერ Ту-154Б-ს აფხა­ზუ­რი კა­ტარ­ღი­დან რა­კე­ტა ეს­რო­ლეს - 25 წლისწინანდელი ტრაგედია და ცოცხლად დამწვარი პატრიოტები
„ამაზე სათაყვანებელი რა უნდა იყოს, როდესაც ადამიანი ემიგრაციაში დაიბადა, იქ გაიზარდა და თავისი ქართული შეინახა, თავისი საქართველო შეინახა და დაბრუნდა თავის ქვეყანაში“
შინაგან საქმეთა მინისტრმა გიორგი გახარიამ ნატოს გენერალური მდივნის მოადგილეს, როუზ გოტემიულერს ოფიციალურ ვახშამზე უმასპინძლა
„აბა თქვენ იცით, სცანით უკრაინელების ავტოკეფალია და აქაც ჩააფსით, ხოლო რასაც რუსეთი სამაგიეროდ გადაგვიხდის, ურაპატრიოტულ საყიყინოდ გამოიყენეთ“