"არც ფული, არც საბანკო ბარათი, ყველაფერი გაქრა..."- ამერიკელი პროფესორის ჩანაწერები თბილისზე

შშ-ის პენსილვანიის შტატის გაზეთში - «Republican Herald» გამოქვეყნებულ სტატიაში გადმოცემულია თბილისის ერთ-ერთ სახელმწიფო უნივერსიტეტში ლექციების კურსის წასაკითხად მოწვეული სპეციალისტის შთაბეჭდილებები.

 


„პარიზიდან თბილისში ჩასვლა კიევის გავლით გადავწყვიტე. გუგლის მეშვეობით თბილისში ბინაც დავიქირავე. სამწუხაროდ, უკრაინის ავიაკომპანიის პარიზი-კიევის თვითმფრინავში არც საკვები არ ჩამოუტარებიათ, არც ყავა. მხოლოდ ერთი ჭიქა წყალი. რაც შეეხება კიევი-თბილისის რეისს, მგზავრები წინასწარ იყვნენ მომზადებულნი - მათ პაკეტებში გახვეული საჭმელი ამოიღეს (ალბათ, მაკდონალდსიდან) და სულ მალე თვითმფრინავში ამერიკული სწრაფი კვების რესტორნის სუნი დადგა. ჩემს გვერდით მჯდომმა ქალბატონმა და მისმა გოგონამ საჭმელი მიწილადეს და ცოტა მოვცოცხლდი.



ჩვენი თვითმფრინავი თბილისში დღის მეორე ნახევარში დაეშვა. ავიღე ბარგი, ბანკში ფული ავიღე და ქართულ ეროვნულ ვალუტაში გადავცვალე, ქუჩაში გამოვედი, რომ ავტობუსით ქალაქში წავსულიყავი. ერთ-ერთი მამაკაცი მომიახლოვდა და ტაქსით წასვლა შემომთავაზა, იაპონიური მარჯვენასაჭიანი ავტომანქანით. საერთოდ, საქართველოში, ისევე როგორც აშშ-ში, მარჯვენა მხარის მოძრაობაა, მაგრამ, როგორც ჩანს, საქართველოში ნახმარი ავტომაქანების ბაზარი ჰყვავის - საკმაო რაოდენობის იაფფასიანი ავტომობილების იმპორტი ხდება იაპონიიდან, სადაც, დიდი ბრიტანეთის მსგავსად, ქუჩაში მარცხენა მხარის მოძრაობაა.



ტაქსისტმა მგზავრობისთვის ისეთი ფასი მითხრა, რომელიც, ქალაქამდე მანძილის გაანგირეშებით (12 მილი) პარიზთან შედარებით ბევრად იაფი იყო, ამიტომ დავთანხმდი.



როგორც იქნა, საბჭოთა პერიოდის დროინდელი ფერგადასული მრავალსართულიან საცხოვრებელ კორპუსებთან მივედით. მძღოლს გაკვირვებული მიყურებდა, რადგან ასეთ შენობებში ტურისტები არ ცხოვრობენ. მოკლედ, რამდენიმე წუთში მე უკვე „ჩემს ბინაში“ ვიყავი. მომეწონა, რადგან სარკმელიდან მთიანი პეიზაჟი მოჩანდა, ქალაქის ხმაური კი ჩემგან შორს იყო. რადგანაც ძალიან მშიოდა (მთელი დღე მხოლოდ ერთი ჰოთ-დოგზე ვიყავი), ქუჩაში გავედი და ახლადგამომცხვარი ადგილობრივი პური ვიყიდე, რომელიც და ისეთი ცხელი იყო, ხელში ძლივს მეჭირა. ასევე შევიძინე კიტრი, პომიდორი, ყველი, არომატული ადგილობრივი თაფლი. ბინაში დავბრუნდი, გემრიელად ვივახშმე და ძილისთვის მოვემზადე: ხვალ დილით თბილისის სახელმწიფო უნივერსიტეტში მუშაობა უნდა დამეწყო მოწვეული ლექტორ-პროფესორის სტატუსით. 



დილით სწრაფად ვისაუზმე, ჩანთაში წიგნები ჩავალაგე, ავიღე ნოუთ-ბუქი და ვეძებ პაკეტს, რომელშიც პასპორტი, საბანკო ბარათი და ნაღდი ფული მედო. მთელი ბარგი და ბინა გადავატრიალე, მაგრამ ვერსად მივაგენი. დრო მიდიოდა, მე კი ლექციაზე მაგვიანდებოდა. მღელვარებისაგან პირი გამიშრა. ბოლოს, ონლაინ-რუკის წყალობით, ავტობუსის გაჩერებაზე გავედი. პარიზიდან რომ მოვდიოდი, ყველა მეუბნებოდა, რომ თბილისში ინგლისურ ენაზე კარგად ლაპარაკობენ და ყველა წარწერა ინგლისურ ენაზეც არისო. ქალაქში უკვე 24 საათი ვიმყოფებოდი და შევმაჩნიე, რომ ეს მთლად ასე არ იყო. ქართულ შრიფტს, რასაკვირველია, ვერ ვკითხულობდი (დამწერლობა მე-5 საუკუნეშია შექმნილი), მაგრამ ციფრები „51“ კარგად გავარჩიე. ავტობუსში სწრაფად ავედი, რომელსაც, ჩემი აზრით, სწორედ უნივერსიტეტთან უნდა მივეყვანე. მივდივართ... გავიარეთ ხიდი მდ.მტკვარზე, გადავჭერით დიდი მოედანი... შევშფოთდი - სად უნდა ჩამოვიდე? ერთ-ერთ ახალგაზრდა ქალს, ალბათ, სტუდენტი იყო, ინგლისურად ვკითხე და მან, საბედნიეროდ, ამიხსნა, რომ ერთი გაჩერების შემდეგო. 



შევედი უნივერსიტეტში, ვიპოვე 212-ე აუდიტორია. სტუდენტებს მივესალმე, ავუხსენი, ვინც ვიყავი, მათ კი სიცილი დაიწყეს: თურმე შეცდომით ტექნიკურ (საინჟინრო) უნივერსიტეტში მოვსულვარ. სამწუხაროდ, სტუდენტებიდან ვერავინ მიმახვედრა გასაგებად ინგლისურ ენაზე, თუ როგორ მივსულიყავი იქ, სადაც მიწვეული ვიყავი. ბოლოს, ერთ- ერთმა თანამშრომელმა ამიხსნა და ფეხით სწრაფად გავუყევი დაღმართ-აღმართებს. როგორც იქნა, ოფლში გაწურულმა მივაღწიე უნივერსიტეტს, მივედი 212-ე აუდიტორიაში, რომელიც დაკეტილი დამხვდა, მაგრამ სტუდენტები მელოდებოდნენ, გააღებინეს და შევედით. მათ მოკლედ მოვუყევი ჩემი ისტორია, რომელიც განსაკუთრებულად სტუდენტმა გოგონებმა გულთან მიიტანეს. როცა ლექცია დავასრულე, ჩემი მიმწვევი თბილისელი პროფესორი უკვე მელოდებოდა. მას ჩემი პრობლემების შესახებ მოვუყევი, თუმცა მხოლოდ მხრები აიჩეჩა და მაგრძნობინა, რომ ეს საკითხი არ ეხებოდა. სამწუხაროდ, იძულებული გავხდი ნირწამხდარი ქუჩაში გავსულიყავი: ჯიბეცარიელი და იდენტიფიცირების დოკუმენტის - პასპორტის გარეშე. მადლობა ღმერთს, რომ ერთ-ერთი სტუდენტი, სახელად ლელა, უკან გამომყვა და შემომთავაზა, ცოტაოდენ ფულს გასესხებო. 



დავბრუნდი ჩემს ბინაში, ისევ ძებნა დავიწყე, მაგრამ ისევ უშედეგოდ: არც ფული, არც საბანკო ბარათი, ყველაფერი გაქრა. მარტო ვარ უცხო ქალაქში... პასპორტის გარეშე. ასე დაიწყო ჩემი ცხოვრება თბილისში, ჯიბეში მხოლოდ 10 დოლარით“.


---------
როგორც გაზეთი იუწყება, ნენსი ჰონიკერის თბილისური თავგადასავალის გაგრძელება ივლისში გამოქვეყნდება.





მსგავსი სიახლეები
"საქართველომ ევროპისადმი ნდობა რომ არ დაკარგოს, ევროკავშირი თანმიმდევრულად უნდა გმობდეს რუსეთის აგრესიულ მოქმედებას"
"საქართველოში შეჭრის გამო, რუსეთზე სანქციები უნდა დაგვეწესებინა"–მეთიუ ბრაიზა
"თურქეთის წინააღმდეგ აშშ-ს ქმედებები ანკარას აიძულებს ახალი მოკავშირეები ეძებოს"-რეჯეფ თაიფ ერდოღანი
"მე არ ვადანაშაულებდი სააკაშვილს კრიზისის გამო და არც ახლა ვადანაშაულებ"- კონდოლიზა რაისი 2008 წლის აგვისტოს ომზე
რუსეთის სპეცსამსახურების ჯაშუში 10 წლის განმავლობაში მოსკოვში აშშ-ს საელჩოში მუშაობდა
"სად ქართველი და სად მარიხუანა?- რუსებმა მარიხუანას ლეგალიზაციას სტატია მიუძღვნეს
ვინ ებრძვის და ვინ იცავს "ქართულ ოცნებაში" ირაკლი კობახიძეს
"პირადად ვნახე, ჯორჯ ბუშმა სააკაშვილს მკერდზე თითი მიადო და უთხრა, რუსეთი არ გაეღიზიანებინა!"- სტივ ჰედლი
ცხელი ზაფხულის ომი, რომელმაც რუსეთი ცივ ომში დააბრუნა
საქართველოსგან რუსი მფრინავის მკვლელის გადასაცემად ანკარა ეკონომიკურ ბერკეტებს გამოიყენებს
„ზურგში ჩაცემული დანა“- უნგრეთი ნატოსა და ევროკავშირში უკრაინის და საქართველოს წინააღმდეგ გამოდის
"საქართველოში შემოდგომაზე, საპრეზიდენტო არჩევნების დროს დავბრუნდები"-მიხეილ სააკაშვილი
თბილისი-დიდი კულტურითა და სტუმართმოყვარეობით განთქმული ქალაქი
რატომ აღმოჩდნენ მკვდარი სულები „ოთხოზორია-ტატუნაშვილის სიაში“?
"არც ფული, არც საბანკო ბარათი, ყველაფერი გაქრა..."- ამერიკელი პროფესორის ჩანაწერები თბილისზე
"საბჭოთა კავშირის დაშლა რომ გავიგე სუფრა გავშალე, ბიჭები დავსხედით და კარგად ვიმხიარულეთ, ალბათ რუსეთსაც იგივე ელის"
30 ივნისს საქართველოს გავლით აზერბაიჯანული გაზის ექსპორტი იწყება -ქართული მოლოდინები და რეალობა
"ჩვენ ასეთი აფხაზეთი მოგვწონს-ხმაურიანი ქარხნებისა და ქალაქების გარეშე"- ტურისტის ჩანაწერები
„ქართული ოცნების“ კრიზისი გრძელდება-შეძლებს თუ არა ახალგაზრდა პრემიერი სიტუაციის გამოსწორებას?
"ქართული ოცნება" საპრეზიდენტო არჩევნების მოახლოების კვალობაზე, ქულების დაკარგვის რისკის წინაშე დგას