„ზურგში ჩაცემული დანა“- უნგრეთი ნატოსა და ევროკავშირში უკრაინის და საქართველოს წინააღმდეგ გამოდის

უკრაინულმა გამოცემამ „ევროპეისკაია პრავდამ“ გამოაქვეყნა კრიტიკული სტატია, რომელიც უნგრეთის წინააღმდეგაა მიმართული: პუბლიკაციის ავტორი, გამოცემის მთავარი რედაქტორი სერგეი სიდორენკო ამხელს მეზობელი ქვეყნის ანტიუკრაინულ პოლიტიკას - თუ როგორ უშლიან ხელს უნგრეთის ხელისუფლების წარმომადგენლები უკრაინისა და საქართველოს ინტეგრაციას ევროატლანტიკურ სტრუქტურებში.



საინფორმაციო სააგენტო ,,ჯორჯიან თაიმსი" გთავაზობთ სტატიის მოკლე შინაარსს:



უნგრეთ-უკრაინის ურთიერთობა ბოლო დროს მაინცდამაინც დიდი მეგობრობითა და ურთიერთპატივისცემით არ გამოირჩევა. საქმე იმაშია, რომ უნგრეთი უკრაინას ბრალს სდებს განათლების ისეთი კანონის მიღებაში, რომელიც ეროვნული უმცირესობების, კერძოდ, დასავლეთ უკრაინაში, კარპატებში მცხოვრები უნგრელების უფლებებს არღვევს. თავის მხრივ, უკრაინა აცხადებს, რომ კანონი დემოკრატიულია და სრულად პასუხობს „ვენეციის კომისიის“ მოთხოვნებს. 



იმის გათვალისწინებით, რომ ნატოს მოახლოებულ სამიტზე დაგეგმილია უკრაინის შესახებ გარკვეული გადაწყვეტილებების მიღება (უნგრეთს კი ნატოში ვეტოს უფლება აქვს), აუცილებელი იყო ბუდაპეშტ-კიევის სადაო საკითხის მოგვარება. ამ მიზნით 22 ივნისს უჟგოროდში უკრაინისა და უნგრეთის დელეგაციების შეხვედრა გაიმართა, რომლის დროსაც იმსჯელეს პრობლემის მოგვარების გზებზე. შეხვედრის დასრულების შემდეგ „ევროპეისკაია პრავდამ“ ინტერვიუ ჩამოართვა უნგრეთის დელეგაციის ხელმძღვანელს, საგარეო საქმეთა მინისტრს პეტერ სიარტოს. მინისტრმა აღნიშნა, რომ უნგრეთი ისეთი კატეგორიული აღარ არის უკრაინული კანონის მიმართ და, შესაბამისად, არ გამორიცხა, რომ ბუდაპეშტი მხარს დაუჭერს ნატოს სამიტზე უკრაინის ახალი სტატუსის აღიარებას.



„ორიოდე დღის წინათ კი ნატოს გენმდივანმა იენს სტოლტენბერგმა უნგრეთის საგარეო საქმეთა მინისტრ პეტერ სიარტოსაგან უცნაური წერილი მიიღო. მასში მინისტრს თითქოსდა მთლიანად დაავიწყდა, რაც ინტერვიუში ილაპარაკა კარპატებში, უჟგოროდში გამართული შეხვედრის შესახებ - კომპრომისზე, დიალოგის აუცილებლობაზე და ა.შ. ამის ნაცვლად, უნგრეთის საგარეო საქმეთა სამინისტრო ოფიციალურად ატყობინებს ალიანსს: უჟგორიდის შეხვერდაზე არავითარი გადაწყვეტილება არ მიღებულა, აქედან გამომდინარე, უნგრეთის პრემიერ-მინისტრ ვიქტორ ორბანს, რომელიც ბრიუსელში დაგეგმილ ნატოს სამიტს დაესწრება, განზრახული აქვს დაბლოკოს და ხმა არ მისცეს არცერთ დოკუმენტს, რომლებიც სამიტის წინაშე იქნება წარდგენილი, უკრაინისა და საქართველოს ლიდერებთან შეხვედრის შედეგების გათვალისწინებით“, - ნათქვამია სტატიაში. 



გარდა ამისა, ავტორი იხსენებს ერთ მნიშვნელოვან ფაქტსაც: 26 ივნისს ევროკავშირმა უკრაინას ერთი მილიარდი ევრო გამოუყო მაკროფინანსური დახმარების სახით, რომელსაც უნგრეთმა ხმა არ მისცა. კიდევ კარგი, რომ ევროკავშირში ნატოს პრინციპი არ მოქმედებს და გადაწყვეტილება ხმების უმრავლესობით მაინც მიიღეს.
რისთვის ჭირდება ეს ყველაფერი უნგრეთს? 


ავტორის აზრით, შეიძლება უცნაურად ჟღერდეს, მაგრამ პრემიერ-მინისტრი ვიქტორ ორბანი თავისი წინააღმდეგობრივი საგარეოპოლიტიკური ნაბიჯებით აშშ-ის პრეზიდენტის დონალდ ტრამპის ყურადღების მიქცევას ცდილობს. და რადგანაც უნგრეთის ლიდერი ხედავს ამერიკის პრეზიდენტის საკმაოდ არაორდინალურ საგარეოპოლიტიკურ მიდგომებს, დონალდ ტრამპის შეხედულებებს, მასთან შეხვედრა და საუბარი სურს...





მსგავსი სიახლეები
საქართველო - ევროპა აზიაში - ქართულმა კულტურამ ჯებირი გაარღვია...
"მიმინო, ყველაფრის მიუხედავად რუსეთში ძალიან უყვარხართ და გაფასებენ"
“ივანიშვილი ცაიტნოტშია - უმოქმედობა ძალიან ძვირად დაუჯდება!”- გია ხუხაშვილი
ვინ არის ოთარ ფარცხალაძე, რომელიც “ოცნების” შავ საქმეებს აგვარებს
„გვეშინია ნაღმების გამო, გვინდა, რომ ჩვენი შვილები უსაფრთხოდ იყვნენ"– დანაღმული ველი და სადავო ტერიტორიები საქართველოსა და აზერბაიჯანს შორის
სახნავი მიწის 12-15% უცხოელების ხელში გადავიდა - რეზონანსი
სარფის სასაზღვრო პუნქტიდან თურქულმა მხარემ 8 თვეში 65 მილიონ დოლარზე მეტი შემოსავალი მიიღო
პატრიარქმა ფილარეტმა ილია მეორეს უკრაინის ეკლესიის ავტოკეფალიის აღიარებისაკენ მოუწოდა
"იმედის მზერას ისტორიულად საოცნებო ქვეყანას აპყრობენ" - რატომ მოდიან ირანელები საქართველოში?
თედო ჯაფარიძის პასუხი ედვარდ ლუისს
ისრაელისა და საქართველოს სამხედრო თანამშრომლობამ შეიძლება რუსეთი გააღიზიანოს
აფხაზეთი ლტოლვილებს გულთბილად იღებს და მათ ქართველების ყოფილ საცხოვრებელ სახლებს სთავაზობს
სად იკარგება ხშირ-ხშირად ეკონომიკის მინისტრი? - გიორგი ქობულიას უპასუხისმგებლობაში ადანაშაულებენ
რა იზიდავთ რუს ინვესტორებს საქართველოში
რუსეთში, საახალწლო ვიზიტისთვის დაჯავშნულ ტურისტულ ქვეყნებს შორის საქართველო პირველ ადგილზეა
"ყველაზე არაპროგნოზირებადი საპრეზიდენტო არჩევნები საქართველოში"-«КоммерсантЪ»
შვედეთში ათასობით ადამიანი სხეულში მიკროჩიპებს ისვამს - საშიშია თუ არა იგი ორგანიზმისთვის?
"რით ვერ დაცხრნენ, რაც მათ ქართველების სახლები და ბინები მიისაკუთრეს?" - სოხუმში უბინაო აფხაზები რუსების სახლებში შეიჭრნენ
"საქართველომ ევროპისადმი ნდობა რომ არ დაკარგოს, ევროკავშირი თანმიმდევრულად უნდა გმობდეს რუსეთის აგრესიულ მოქმედებას"
"საქართველოში შეჭრის გამო, რუსეთზე სანქციები უნდა დაგვეწესებინა"–მეთიუ ბრაიზა