„ეს სამინისტრო არის თქვენი სახლი, თითოეული ჩვენთაგანი ვალდებულია, გამოგიწოდოთ თანადგომისა და ერთგულების ხელი"

შინაგან საქმეთა მინისტრი აგვისტოს ომში დაღუპული თანამშრომლების ოჯახის წევრებს და თანამებრძოლებს შეხვდა. აგვისტოს ომის 10 წლისთავთან დაკავშირებით, 2008 წლის რუსეთ-საქართველოს ომის დროს სამინისტროს დაღუპული თანამშრომლების ოჯახის წევრებთან ერთად, სამინისტროს ეზოში, სამსახურებრივი მოვალეობის დროს დაღუპული პოლიციელების მემორიალი გვირგვინით შეამკო და მათ ხსოვნას პატივი მიაგო.

 

“თითოეული თქვენგანის ოჯახს მადლობა უნდა გადავუხადოთ ასეთი ადამიანების გვერდში დგომის და აღზრდისთვის. ათი წელი გავიდა. ეს ჩვენი, თითოეული ადამიანის ცხოვრებაში ყველაზე ტრაგიკული დღეები იყო. ეს დღეები გვემახსოვრება ყოველთვის, სანამ ამ თავგანწირვის ერთადერთი მიზანი მიღწეული არ იქნება. აბსოლუტურად გულწრფელად, თავს ვალდებულად ვთვლით, რომ რისი გაკეთებაც შეგვიძლია, მაქსიმალური ყურადღებით ვიყოთ თქვენ მიმართ და რა თქმა უნდა, ამ ბავშვების მიმართ. თითოეულმა ჩვენგანმა იცის, რომ ეს ჩვენი ვალია და ამას, გარწმუნებთ, პირნათლად შევასრულებთ. ამ ადამიანების და ქვეყნის მიმართ ჩვენი ვალი შეგვიძლია, აღვასრულოთ, პირველ რიგში, ამ ბავშვების, ამ ახალგაზრდების და თქვენი მხარდაჭერით. ამიტომ, ყოველთვის გქონდეთ ჩვენი იმედი და მერწმუნეთ, რომ ყოველთვის თქვენ გვერდით ვიქნებით. იცოდეთ, რომ ამ უწყებაში, ამ სამინისტროში ყოველთვის განსაკუთრებულად დაფასებული იქნება ის ხალხი, ვინც ღირსეულად გააგრძელებს იმ გზას, რა გზითაც ამ ხალხმა - თქვენმა ოჯახის წევრებმა, თქვენმა შვილებმა, მამებმა, მეუღლეებმა იარეს და თითოეული ადამიანისთვის ეს იქნება ღირსებისა და ადამიანობის საკითხი. მადლობა კიდევ ერთხელ. დაღუპული 14 პოლიციელი, 5 მესაზღვრე... მიუხედავად იმისა, რომ სამინისტრო დიდია, თითოეულ ახალგაზრდას, თითოეულ ადამიანს უდიდესი ფასი აქვს ამ ქვეყნისთვის და ამ სამინისტროსთვისაც. ამიტომ, იცოდეთ, რომ ეს არის თქვენი სახლი. როცა საჭირო იქნება, მაშინ შეგიძლიათ მოხვიდეთ და თითოეული ჩვენგანი იქნება ვალდებული და მზად, შესაბამისად გამოგიწოდოთ თანადგომის და ერთგულების ხელი, რასაც ღირსეულად და სიამოვნებით შევასრულებთ. მადლობა და იცოდეთ, რომ ამ ბავშვებზე პასუხისმგებლობა ჩვენზეც არის,” - განაცხადა გიორგი გახარიამ.

 

2008 წლის აგვისტოს ომის დროს შინაგან საქმეთა სამინისტროს 14 და სანაპირო დაცვის 5 თანამშრომელი დაიღუპა. სამინისტრომ 19-ვე დაღუპული თანამშრომლის ოჯახს წელს მატერიალური დახმარება გაორმაგებული თანხით გაუწია. ღონისძიებაზე კიდევ ერთხელ გაიხსენეს 2008 წლის აგვისტოს მოვლენები. დაღუპული თანამშრომლების შვილებმა მამების თანამებრძოლებისა და მეგობრებისგან მოისმინეს მშობლების გმირობის ისტორიები. შინაგან საქმეთა სამინისტრომ 2008 წლის აგვისტოში ერთ-ერთი დაღუპული პოლიციელის იუბილარ შვილებს დაბადების დღე სიმბოლური საჩუქრებით მიულოცა.





მსგავსი სიახლეები
როგორ ანაზღაურდება ზეგანაკვეთური სამუშაო ახალი კანონმდებლობით
ვერცხლის ქუჩაზე მომხდარი მკვლელობის საქმესთან დაკავშირებით დაკავებულ ხუთივე პირს პატიმრობა შეეფარდა
სამართალდამცველებმა „მის საქართველო 2003"-ის, ირინა ონაშვილის გაქურდვის ბრალდებით 45 წლამდე ასაკის ქალი დააკავეს
„გგონიათ მამუკა ხაზარაძე თავისით გადადგა? აქციონერთა საბჭომ შეწყვიტა სასამართლო დავა და საბჭომვე გამოუცხადა მმართველობას, დაეტოვებინათ პოსტები“
თბილისის საქალაქო სასამართლოს განმარტებით, ზვიად კუპრავას პატიმრობა გირაოს პირობების დარღვევის გამო შეეფარდა
საგამოძიებო სამსახურმა ხორცის ნახევარფაბრიკატების ფალსიფიკაციის ფაქტზე ორი პირი პასუხისგებაში მისცა
ვერცხლის ქუჩის მკვლელობის ახალი დეტალები - ზვიად ჯაფარიძეს Volkswagen-ის მარკის ავტომობილიდან ალექსანდრე ბიძინაშვილმა 7-ჯერ ესროლა, იმ ადამიანის ძმამ, ვინც მანამდე ჯაფარიძემ დაჭრა
ინგლისის სასამართლოში - “რომან ფიფია BGEO PLC ჯგუფის წინააღმდეგ“ საქმის არსებითი განხილვა დაიწყო
შსს-მ პატრულ-ინსპექტორი დააკავა
„მზადდებოდა სახელმწიფო გადატრიალება ყველაზე შემზარავი სცენარით - უნდა მოეკლათ პატრიარქი და უნდა დაბრალებოდა შორენას, როგორც შემსრულებელს და ხელისუფლებას - როგორც დამკვეთს“
„ველოდები ზვიად კუპრავას დაკავებას“ - კუპრავა კი გამომძიებელთან მისვლას არ აპირებს
ვერცხლის ქუჩაზე მოკლული მამაკაცი წარსულში არაერთხელ არის ნასამართლევი - მას ცეცხლნასროლი ჭრილობა სახის არეში აქვს მიყენებული
„არამოსამართლე წევრების ბრალდება, რომ იუსტიციის უმაღლესი საბჭო შეგნებულად აჭიანურებს მოსამართლეთა შერჩევის პროცესს, ყოვლად უსაფუძვლოა“
„ეთიკური და კონსტიტუციური სტანდარტების დაცვის თვალსაზრისით, იუსტიციის საბჭო საზოგადოებასთან დიდ კონფლიქტში შევიდა“
„ახლა აღარ მოწონს რუსთავი 2-ად წოდებული ბოროტების ბუდე, მოსამართლე ალანიას - ჯერ სად ხართ, თქვენო ღირსებავ, ჯერ სად ხართ!“
„რომ არ დაგვბრალდეს, სასამართლო თავისუფალი მედიის წინააღმდეგ რეპრესიულ ღინისძიებებს ახორციელებს, შესაძლოა, ჩვენ უბრალოდ, დასაბუთებული განცხადებით შემოვიფარგლოთ“
„როგორც პარლამენტარი მივესალმები "თიბისი ბანკის" ხელმძღვანელების გადაწყვეტილებას, ამ პროცესში ხელისუფლებას და პირადად ბიძინა ივანიშვილს არანაირი ინტერესი არ აქვს“
„17 მილიონი დოლარი, რომელიც ვისესხეთ, გადაირიცხა მსოფლიო ბანკში და „თიბისი ბანკის“ კაპიტალში“ - მოთხოვა თუ არა ბიძინა ივანიშვილმა თიბისი-ს დამფუძნებლებს წილების დათმობა?
"TBC ბანკს” ზიანი არ უნდა მიადგეს, მამუკა ხაზარაძემ კი ყველა შეკითხვას პასუხი უნდა გასცეს"
საგამოძიებო სამსახურმა ყალბი სერტიფიკატებისა და ბარათების დამზადება-გასაღების ფაქტზე ერთი პირი დააკავა