შეიწყალებენ თუ არა ე.წ. ციანიდის საქმეზე ბრალდებულ გიორგი მამალაძეს?

ე.წ. ციანიდის საქმეზე მსჯავრდებული გიორგი მამალაძის ადვოკატებმა საქართველოს პრეზიდენტს დაკავებული დეკანოზის შეწყალების თხოვნით მიმართეს. დეკანოზის ადვოკატის, გიორგი ფანცულაიას თქმით, პრეზიდენტ გიორგი მარგველაშვილისთვის შეწყალების თხოვნით მიმართვა იქიდან გამომდინარე მოხდა, რომ არამარტო ადვოკატებმა, არამედ საზოგადოების სრულმა სპექტრმა დაინახა, საქმეში როგორი სამართლებრივი დარღვევები არსებობს და “როგორი გამრუდებული მართლმსაჯულებით გაიარა საქმემ პროცესები გამოძიებით დაწყებული, უზენაესი სასამართლოთი დასრულებული, რომელსაც იმის უნარი არ აღმოაჩნდა, რომ საქმე წარმოებაში მიეღო“.



„აქედან გამომდინარე, ვის, თუ არა პრეზიდენტს აქვს პასუხისმგებლობა და უფლება, რომ დეკანოზი გიორგი მამალაძე შეიწყალოს, ვინაიდან ჩვენ ყველა ძირითადი სამართლებრივი დარღვევები, რაც ამ საქმეშია, რა თქმა უნდა, მივაწოდეთ საქართველოს პრეზიდენტის ადმინისტრაციას, დავურთეთ გარკვეული შინაარსის დოკუმენტები, რომელიც აფიქრებინებს და დაარწმუნებს საქართველოს პრეზიდენტს, რომ რეალურად ეს საქმე არის მიკერძოებული. აქედან გამომდინარე, ვფიქრობთ, რომ საქართველოს პრეზიდენტს ექნება ყველა ის ინფორმაცია, რომელიც მას ობიექტურ გადაწყვეტილებას მიაღებინებს, რომ დეკანოზი გიორგი მამალაძე არის ქართული მართლმსაჯულების მსხვერპლი და გარკვეული ჯგუფების ინტერესებს შეეწირა”,-აღნიშნა გიორგი ფანცულაიამ. 



შეკითხვაზე, აქვთ თუ არა მოლოდინი ადვოკატებს, რომ პრეზიდენტი დეკანოზ გიორგი მამალაძეს შეიწყალებს, გიორგი ფანცულაიამ უპასუხა, რომ მას ვერ წარმოუდგენია, თხოვნაზე სწორი გადაწყვეტილება არ მიიღოს პრეზიდენტმა და დეკანოზი არ შეიწყალოს. 



„მე, უბრალოდ ამ ქვეყნის მოქალაქეს, იურისტს, რომელმაც ამ შუამდგომლობის შინაარსი კარგად იცის, ვერ წარმომიდგენია, საქართველოს პრეზიდენტმა სწორი რეაგირება არ მოახდინოს და დეკანოზი გიორგი მამალაძე არ შეიწყალოს. საქართველოს პრეზიდენტს ამ ნაბიჯის გადადგმა არ უნდა გაუჭირდეს, ვინაიდან, თუ ამ საქმით დაინტერესებული და მიკერძოებული არ არის ადამიანი და არის ნებისმიერი რიგითი მოქალაქე, არავის არ ექნება პროტესტის გრძნობა, თუ რატომ შეიწყალა გიორგი მამალაძე, უფრო მეტი - მათ ამ საკითხზე პრეზიდენტის მიმართ თანაგრძნობა ექნებათ”, - განაცხადა გიორგი ფანცულაიამ.



დეკანოზ გიორგი მამალაძეს პროკურატურა შორენა თეთრუაშვილის მკვლელობის მომზადებას ედავება. მას ბრალი თავდაპირველად მკვლელობის მომზადებისა და იარაღის უკანონო შეძენა-შენახვაში ედებოდა, თუმცა მოგვიანებით პროკურატურამ მას ბრალი დაუმძიმა და ანგარებით განზრახ მკვლელობის მომზადების მუხლში გადაუკვალიფიცირა. საგამოძიებო უწყების ვერსიით, არსებული მატერიალური და იერარქიული მდგომარეობის შენარჩუნებისა და მომავალში კარიერული წინსვლის უზრუნველსაყოფად, დეკანოზმა გიორგი მამალაძემ ანგარებით განიზრახა ძლიერმოქმედი მომწამვლელი ნივთიერების ციანიდის გამოყენებით შორენა თეთრუაშვილის მკვლელობა. 



დეკანოზი სასამართლომ 5 სექტემბერს დამნაშავედ სცნო და 9 წლით თავისუფლების აღკვეთა შეუფარდა. ამასთან, მოსამართლის გადაწყვეტილებით, დეკანოზს ბრალი გადაუკვალიფიცირა და მამა გიორგი მამალაძე შურისძიების მოტივით მკვლელობის მომზადებაში სცნო დამნაშავედ. პირველი ინსტანციის სასამართლოს გადაწყვეტილება სააპელაციო სასამართლომ ძალაში უცვლელად დატოვა. უზენაესმა სასამართლომ კი ე.წ. ციანიდის საქმეზე საკასაციო საჩივარი დაუშვებლად სცნო. 





მსგავსი სიახლეები
სამედიცინო ცენტრ ,,გორმედში“ გარდაცვლილის ნათესავები რეანიმაციულ განყოფილებაში შეიჭრნენ
რუსეთში, სტავროპოლის ოლქში ავტოსაგზაო შემთხვევას საქართველოს ერთი მოქალაქე ემსხვერპლა
დადგინდა, რომ რუსეთში, სტავროპოლის ოლქში მომხდარი ავარიისას საქართველოს სამი მოქალაქეა დაშავებული
პიატიგორსკის საავადმყოფოში მოთავსებულ 9 დაშავებულს შორის, საქართველოს მოქალქეები არ არიან
შინაგან საქმეთა სამინისტრო დიკლოს სიახლოვეს რუსეთის მხრიდან საზღვრის გადმოწევის შესახებ მედიაში გავრცელებულ ინფორმაციას უარყოფს
შსს-მ ერთი პირი თვითმკვლელობამდე მიყვანის და არასრულწლოვანის მიმართ გარყვნილი ქმედების ბრალდებით ოზურგეთში დააკავა
შინაგან საქმეთა სამინისტრომ ნივთმტკიცებად ამოღებული 5,5 მილიონი ლარის ღირებულების ნარკოტიკები გაანადგურა
ხაშურში საპატრულო პოლიციის მანქანა ქალს დაეჯახა
დაკარგულია პანამის დროშის ქვეშ მცურავი გემი, რომელზეც 17 ქართველი მეზღვაური იმყოფება
სასტუმრო „ველმონდი“, ყოფილი „ლეოგრანდი“ ახლახან დაიხურა
შინაგან საქმეთა სამინისტრომ დედა-შვილი ახალშობილი ბავშვის გაყიდვის ბრალდებით დააკავა
ახლახან დოლიძის ქუჩაზე ნაპოვნი გარდაცვლილი მამაკაცი მსახიობი ზუზუ ბეჟაშვილია
დოლიძის ქუჩაზე მამაკაცის ცხედარი იპოვეს
სტეფანწმინდაში, სოფელ კობში, ძველ სასაფლაოზე, უცნობმა პირებმა ე.წ. სამხრეთ ოსეთის დროშა ააფრიალეს და სავარაუდოდ, ადგილი დანაღმეს
"დიაგნოზი ჯანმრთელობისთვის და სიცოცხლისთვის საშიში არ არის"– იუსტიციის სამინისტრო მერაბიშვილის საავადმყოფოში გადაყვანაზე
მერაბიშვილმა გამოკვლევისთვის კლინიკაში მხოლოდ ერთი საათი დაჰყო - იუსტიციის სამინისტრო
სასუნთქი გზების პრობლემის გამო ვანო მერაბიშვილი სასჯელაღსრულების დაწესებულებიდან კლინიკაში გადაიყვანეს
„ჩვენ ვაპირებთ, ჩავატაროთ ექსპერტიზა, არის თუ არა კობაური ვაჟიშვილი, რადგან მისი თქმით, მას სექსუალური კავშირი არასდროს ჰქონია“
საგანგებო სიტუაციების მართვის სამსახური სასტუმრო „ლეოგრანდს“ აძლევს ვადას, 17 აგვისტოს, 18:00 საათამდე შენობიდან გაიყვანოს სტუმრები და შეწყვიტოს საქმიანობა
ფრანგი და ქართველი სამართალდამცველების თანამშრომლობით, ქურდობის ბრალდებით დაკავებულია საქართველოს ერთი მოქალაქე