"საქართველომ ევროპისადმი ნდობა რომ არ დაკარგოს, ევროკავშირი თანმიმდევრულად უნდა გმობდეს რუსეთის აგრესიულ მოქმედებას"

ევროკავშირი მუდმივად უნდა გმობდეს რუსეთის აგრესიულ მოქმედებას სამხრეთ კავკასიაში და მას შესაბამის სანქციებს უწესებდეს, - წერს თავის სტატიაში გერმანიის მხარის ქვემო საქსონიის ექს-პრემიერ-მინისტრი, ამჟამად კი ევროპარლამენტის დეპუტატი დევიდ მაკალისტერი. 


„ჩვენ ამ დღეებში რუსეთსა და საქართველოს შორის ათი წლის წინ მომხდარ ომს ვიხსენებთ. რუსეთის მიერ ყირიმის ანექსიისა და აღმოსავლეთ უკრაინაში მიმდინარე მოვლენებთან შედარებით საქართველოს ტერიტორიაზე რუსეთის შეჭრის ფაქტი ნაკლებად ფიგურირებდა ბოლო წლების პოლიტიკურ დისკუსიებში. ძალიან ხშირად მხედველობიდან იკარგებოდა ისეთი მნიშვნელოვანი გარემოება, რომ საქართველოს რეგიონები - აფხაზეთი და სამხრეთ ოსეთი 10 წლის წინათ რუსეთის მიერ იქნა ოკუპირებული, დღეს კი არაა გამორიცხული, რომ მოსკოვის მიერ ორივეს თანდათანობით ანექსია მოხდეს“, - აღნიშნავს ავტორი.



ევროპარლამენტის დეპუტატი გმობს რუსეთის მოქმედებას, რომელმაც ამ დღეებში თვითგამოცხადებულ, საერთაშორისო თანამეგობრობისაგან არაღიარებული რესპუბლიკების - აფხაზეთ-სამხრეთ ოსეთის ტერიტორიებზე სამხედრო წრთვნები ჩაატარა. მისივე აზრით, ევრროკავშირის მუდმივი ყურადღების ქვეშ უნდა იყოს საქართველოს ტერიტორიის შიგნით იძულებით გადაადგილებული პირების მდგომარეობაც.. 



„მოსკოვმა აფხაზეთთან და სამხრეთ ოსეთთან 2014 და 2015 წლებში საერთაშორისო სამართლის ნორმების საწინააღმდეგო ხელშეკრულებები გააფორმა ე.წ. „სტრატეგიული პარტნიორობის“ თაობაზე, რომელთა საფუძველზე აფხაზური და ოსური შეიარაღებული ქვედანაყოფები სულ უფრო აქტიურად ინტეგრირდება რუსეთის ფედერაციის სამხედრო სტრუქტურებში“, - ნათქვამია სტატიაში.



„ამგვარი სიტუაცია სრულიად მიუღებელია. ევროპამ ერთმნიშვნელოვანი რეაგირება უნდა მოახდინოს - კრემლს თავისი მკაცრი პოზიცია უნდა აჩვენოს და დაამტკიცოს, რომ ევროკავშირის ყველა ქვეყანას ერთიანი ფასეულობები და მიდგომები აქვს. ჩვენ რუსეთისაგან მოვითხოვთ გაიყვანოს თავისი სამხედრო მოსამსახურეები ოკუპირებული ტერიტორიებიდან და შეწყვიტონ ქმედებები, რომლებიც [საქართველოს საყოველთაოდ] აღიარებული საზღვრების შეცვლისაკენაა მიმართული“, - წერს დევიდ მაკალისტერი.



მართალია, ევროკავშირის სადამკვირვებლო მისიის (EUMM) დახმარებით, განვლილი 10 წლის მანძილზე რუსეთსა და საქართველოს შორის ღია კონფრონტაცია თავიდან იქნა აცილებული, მაგრამ ამასთან ერთად, სამწუხაროდ, „კონფლიქტის საბოლოო მოგვარებამ გაურკვეველი ვადით გადაიწია. ჟენევის მოლაპარაკებებს, რომლებიც ევროკავშირის, ნატოსა და ეუთოს მონაწილეობით ტარდება, რაიმე მნიშვნელოვანი შედეგები არ მოაქვს. რუსეთის მიერ ჩადენილი ყოველი პროვოკაცია ნეგატიურად მოქმედებს საქართველოზე: მცირდება თბილისის მზადყოფნა მოლაპარაკებებში მონაწილეობაზე და იზრდება დაძაბულობა ოკუპირებულ ტერიტორიებზე მცხოვრებ ქართული უმცირესობის მიმართ.



ათი წლის წინათ რუსეთსა და საქართველოს შორის საომარი მოქმედებების შეწყვეტა საფრანგეთის პრეზიდენტის ნიკოლა სარკოზის ძალისხმევით მოხერხდა. იქნებ მსგავსი ახალი ინიციატივა რუსეთის პრეზიდენტის წინაშე დღესაც დაგვეყენებინა, რომ ოკუპირებულ ტერიტორიებზე ძალადობის ფაქტები აღიკვეთოს?’, - აღნიშნავს ავტორი და იქვე შენიშნავს, რომ იმედისმომცემია საქართველოს მთავრობის პროექტი „ნაბიჯი უკეთესი მომავლისაკენ“, რომელიც აფხაზეთისა და სამხრეთ ოსეთის მოსახლეობის სოციალურ-ეკონომიკური და ჰუმანიტარული მდგომარეობის გაუმჯობესებისკენაა მიმართული, ხელს უწყობს ქვეყნის გამთლიანებას. ავტორის აზრით, საჭიროა აგრეთვე ჟენევის მოლაპარაკებების გააქტიურება და მეტი ძალისხმევა ევროკავშირის სადამკვირვებლო მისიის ჩარჩოებში.





მსგავსი სიახლეები
აფხაზეთში ოპოზიციამ უვადო პროტესტი გამოაცხადა, რუსი ტურისტები გარბიან
საქართველო დიდი საფრთხის ქვეშ - "საქართველოს შესაძლოა მოუწიოს ირან-ამერიკის დაპირისპირებაში ჩათრევა“
“სააკაშვილს ძალიან უნდა, რომ საქართველოში ვითარება “აადუღოს”, მაგრამ...”
“დაძაბულობა, პროვოკაციები, ყუთების გატაცება, საარჩევნო უბნებზე შევარდნა - რა მოლოდინებია 19 მაისის არჩევნებზე
“დაძაბულობა, პროვოკაციები, ყუთების გატაცება, საარჩევნო უბნებზე შევარდნა" - რა მოლოდინებია 19 მაისის არჩევნებზე
ბოლო დღეებში ორი სამხედრო გარდაცვლილი იპოვეს- რა გახდა სიკვდილის მიზეზი და რას ყვებიან ახლობლები
ბრძოლა ზუგდიდისთვის - საქმეში მანანა არჩვაძე-გამსახურდია ჩართეს
რაში ჭირდებათ თურქებს და აზერბაიჯანელებს მართლმადიდებლური ტაძრები
"ჩვენ მოხარულნი ვიქნებით ევროკავშირში დიდი ბრიტანეთის ადგილი დავიკავოთ“ - სალომე ზურაბიშვილი
ადგილობრივი ორგანოების არჩევნებმა ქვეყანაში შეიძლება მორიგი დაპირისპირების პროვიცირება გამოიწვიოს
ტრაგედია დამცავი ღვედით - თვითმხილველები აცხადებენ, რომ დაღუპული მუშა თოკმა ვერ შეიმაგრა
თავდასხმა ჟურნალისტზე და პირველი მასშტაბური ინციდენტი არჩევნებამდე ხუთი დღით ადრე
"ოცნება“ დაბერდა და მომავლის არ მქონე პარტიაში მისვლა არავის უნდა“
ნიკოლოზ მჟავანაძეს ოჯახის განადგურებით ემუქრებიან
“საქართველოს ხელისუფლებაში გაბედულების დეფიციტია!”
"ნარკოტიკებს რუსეთში ვყიდულობდით და საქართველოში ავტობუსით ჩამოგვქონდა, აქ კი ჩვენი მშობლები აფასოებდნენ"
“თუ ჰესების მშენებლობა არ გამოვიდა, უნდა ვიფიქროთ ატომური ელექტროსადგურის მშენებლობაზე”
რა კითხვები არსებობს მაჩალიკაშვილის საქმეში და რატომ არ დააკავეს აქამდე
“რუსთავი 2”-ის საქმემ შესაძლოა ხელისუფლება გადაიყოლოს” - გია ხუხაშვილი
"აღარ დაგვასვენეს... მისი დაკავება ხეობაში სიტუაციას დაძაბავს..." - პანკისელების რეაქცია მაჩალიკაშვილის ჩანაწერზე