2017 წელს პრეზიდენტის ადმინისტრაციაში შრომის ანაზღაურებაზე 4 622 445 ლარი დაიხარჯა

2017 წელს პრეზიდენტის ადმინისტრაციაში შრომის ანაზღაურებაზე 4,622,445 ლარი დაიხარჯა. ამის შესახებ ინფორმაცია აუდიტის სამსახურის მიერ პრეზიდენტის ადმინისტრაციის ფინანსური აუდიტის ანგარიშშია აღნიშნული. ანგარიშის თანახმად, გასულ წელს ადმინისტრაციის დამტკიცებული საშტატო რიცხოვნობა 140 იყო, თუმცა ფაქტობრივად ადმინისტრაციაში 120 ადამიანი იყო დასაქმებული. გასულ წელს ადმინისტრაციაში დასაქმებულთა თანამდებობრივმა სარგომ 2,649,852 ლარი; დანამატმა - 1,067,922 ლარი; პრემიამ კი - 904,671 ლარი შეადგინა. 



როგორც აუდიტის სამსახურის ანგარიშშია აღნიშნული, 2017 წელს პრეზიდენტის ადმინისტრაციაში დანამატების გაცემის არსებული პრაქტიკა შრომის ანაზღაურების სათანადო გამჭვირვალობას ვერ უზრუნველყოფდა, ვინაიდან ბრძანებებში დანამატის გაცემის მიზანშეწონილობა სათანადოდ დასაბუთებული არ იყო.


„საჯარო სამსახურის შესახებ“ კანონის თანახმად, დანამატის გაცემისას, უნდა დასაბუთდეს თითოეული მოხელის მიერ შესრულებული ზეგანაკვეთური სამუშაო ან განსაკუთრებით საპასუხისმგებლო ფუნქციური დატვირთვა, რაც პრეზიდენტის ადმინისტრაციაში არ განხორციელებულა. პრეზიდენტის ადმინისტრაციის უფროსის ბრძანებით დამტკიცებული წესის შესაბამისად, ,,დასაქმების ბაზარზე არსებული კონკურენციის გათვალისწინებით, საქართველოს პრეზიდენტის ადმინისტრაციაში კვალიფიციური კადრების მოზიდვისა და შენარჩუნების მიზნით“, პრეზიდენტის ადმინისტრაციის თანამშრომლებისთვის წინასწარ დანიშნულია ყოველთვიური დანამატები (სულ 2017 წელს გაცემულია 1,067,922 ლარის დანამატი), რაც თავის შინაარსიდან გამომდინარე, ყოველთვიური თანამდებობრივი სარგოს ხასიათს უფრო ატარებდა, ვიდრე დანამატის. 

შედეგად, 2017 წელს დანამატების გაცემის არსებული პრაქტიკა ვერ უზრუნველყოფდა შრომის ანაზღაურების სათანადო გამჭვირვალობას, ვინაიდან ბრძანებებში არ იყო სათანადოდ დასაბუთებული დანამატის გაცემის მიზანშეწონილობა,“- აღნიშნულია ანგარიში.





მსგავსი სიახლეები
ერთი ამერიკული დოლარის ღირებულება 21 სექტემბრის 17:00 საათისთვის
"ყოველთვის ვებრძოდი სახელმწიფოს ხარჯზე გამდიდრების მოსურნე ადამიანების არაჯანსაღ ინტერესებს"
ანაკლიის პორტმა და ანაკლიის სეზ-მა, ევროპისა და აზიის მასშტაბით, აბრეშუმის გზის საუკეთესო პროექტის ჯილდო მიიღო
ერთი ამერიკული დოლარის ღირებულება 20 სექტემბრის 17:00 საათისთვის
ეკონომიკის სამინისტრო განცხადებას ავრცელებს
სამოქალაქო ავიაციის ავიასპეციალისტის მოწმობის მიღება მარტივდება
ფიზიკური პირებისთვის სესხის აღების პროცესი მარტივდება და პროექტი ოქტომბერში ამოქმედდება
ერთი ამერიკული დოლარის ღირებულება 19 სექტემბრის 17:00 საათისთვის
ერთი ამერიკული დოლარის ოფიციალური ღირებულება ამ დროისათვის
ანაკლიის ღრმაწყლოვანი პორტის მშენებლობა და ოპერირება I ფაზის განმავლობაში
თბილისში, შემოსავლების სამსახურთან, სატვირთო ავტომობილის 300 მძღოლი საპროტესტო აქციას აწყობს
ერთი ამერიკული დოლარის ღირებულება 17 სექტემბრის 17:00 საათისთვის
Urcu Group-ი საქართველოში ახალ საინვესტიციო კამპანიას იწყებს
ანაკლიის ღრმაწყლოვანი პორტის მასშტაბური საზღვაო სამუშაოები დაიწყო
„ვვარაუდობთ, რომ მომავალი ორი-სამი წლის განმავლობაში, თავისუფლად შეგვიძლია ავიდეთ მილიარდი ლარის კანაფის ექსპორტზე“
"დოლარიზაციის შემდგომი შემცირება კაპიტალის ბაზრის და მთლიანობაში საფონდო სეგმენტის განვითარებაზე იქნება დამოკიდებული“ - გიორგი ცუცქირიძე
ექსპერტის აზრით, ლარიზაცია საფონდო სეგმენტის განვითარებაზეა დამოკიდებული
ერთი აშშ დოლარის კურსი 14 სექტემბრის საღამოს მონაცემებით
"აღტაცებულები ვართ საქართველოს ახალი მთავრობის ამბიციური გეგმებით, შექმნან საზღვაო ჰაბი"–მარკ ონილი
ერთი ამერიკული დოლარის ღირებულება 13 სექტემბრის 17:00 საათისთვის