"ყველაზე არაპროგნოზირებადი საპრეზიდენტო არჩევნები საქართველოში"-«КоммерсантЪ»

"საქართველოში წინასაარჩევნო კამპანიამ სტარტი აიღო. პრეზიდენტის არჩევნები 28 ოქტომბერს უნდა გაიმართოს. ახალი კონსტიტუციის მიღების შემდეგ, რომლის საფუძველზე საქართველო საპრეზიდენტო რესპუბლიკიდან საპარლამენტო რესპუბლიკად გადაიქცა, პრეზიდენტი უკანასკნელად იქნება არჩეული საყოველთაო ხმის მიცემით. მიუხედავად იმისა, რომ ქვეყნის ახალი ძირითადი კანონით პრეზიდენტს მხოლოდ წარმომადგენლობითი ფუქციები აქვს, 28 ოქტომბრის არჩევნებით გამოჩნდება, თუ რამდენად უჭერს მხარს მოსახლეობა ოპოზიციას, განსაკუთრებით კი „ერთიან ნაციონალურ მოძრაობას“ და მის ლიდერს, ექს-პრეზიდენტ მიხეილ სააკაშვილს, რომელიც ამჟამად ამსტერდამში ცხოვრობს და იქიდან „ქართულ ოცნებას“ და მილიარდერ ბიძინა ივანიშვილს დამხობით ემუქრება“, - ნათქვამია რუსული გამოცემის, «КоммерсантЪ»-ის მიერ გამოქვეყნებული სტატიის დასაწყისში.



„საქართველოს ცენტრალურმა საარჩევნო კომისიამ (ცესკო) უკვე გააფრთხილა პარტიები და პრეზიდენტობის კანდიდატები, რომ არ დაუშვან ამომრჩეველთა მოსყიდვა, ადმინისტრაციული რესურსის გამოყენება და ამ დროს ხაზი გაუსვა, რომ ეს ყველაზე მეტად ეხება ხელისუფლებას - მმართველ პარტიას. თუმცა, ოპოზიციისათვის ასეთი გაფრთხილებას „სპექტაკლად“ მიიჩნევს და აცხადებს, რომ ცესკო ხელისუფლებასთან ერთად არჩევნების შედეგებს თვითონ გააყალბებს: „არჩევნები ყალბდება არა მხოლოდ არჩევნების დღეს, არამედ წინასაარჩევნო კამპანიის პერიოდშიც. ხელისუფლებამ უკვე დაიწყო ადმინისტრაციული რესურსის გამოყენება“, - ამბობს „კომერსანტ“-თან საუბარში ოპოზიციური პარტია „ევროპული საქართველოს“ ერთ-ერთი ლიდერი დავით დარჩიაშვილი.



პუბლიკაციაში ხაზგასმულია, რომ მმართველი პარტია საკუთარი საპრეზიდენტო კანდიდატის წამოყენებაზე უარს ამბობს. მასალაში ყურადღება ეთმობა პრეზიდენტობის ერთ-ერთ ყველაზე რეალურ კანდიდატს (ამ ეტაპზე), საგარეო საქმეთა ყოფილ მინისტრს სალომე ზურაბიშვილს: გადმოცემულია მისი მოკლე ბიოგრაფია, წარსული საქმიანობა და აღნიშნულია, რომ იგი მოსახლეობაში გარკვეული პოპულარობით სარგებლობს. ამასთან, ავტორი აღნიშნავს, რომ ექს-პრეზიდენტ მიხეილ სააკაშვილის აზრით, სალომე ზურაბიშვილს გამარჯვების არანაირი შანსი არ აქვს და მას პარტიათაშორისო გაერთიანების („ძალა ერთობაშია“, რომელშიც „ნაციონალებიც“ შედიან) კანდიდატი გრიგოლ ვაშაძე აუცილებლად დაამარცხებს. „ექს-პრეზიდენტს ძალიან სურს სამშობლოში დაბრუნება, მაგრამ მას დაუსწრებლად აქვს მისჯილი ცხრა წლით თავისუფლების აღკვეთა. მიხეილ სააკაშვილს ჰაერივით ჭირდება ახალი რევოლუცია, ციხეში რომ არ აღმოჩნდეს“, - ამბობს პოლიტოლოგი ვანო გამგებელი „კომერსანტ“-თან საუბარში.

 


„შეიძლება ითქვას, რომ 28 ოქტომბრის არჩევნები ქვეყნის ისტორიაში ყველაზე უპროგნოზო არჩევნებია: ჯერ კიდევ არ ყოფილა ისეთი შემთხვევა, რომ მმართველ პარტიას არჩევნებში თავისი ოფიციალური კანდიდატი არ ჰყოლოდეს. არავინ არ იცის, თუ ვისკენ გადაიხრება ამომრჩეველთა სიმპათია“, - ამბობს პოლიტოლოგი გია ხუხაშვილი.





მსგავსი სიახლეები
“გარყვნილების ზეიმს არ დავუშვებთ, გახარია, მოდი, მოგვიხადე ბოდიში!”
"ოცნება“ 2020 წლის არჩევნების წინ განსხვავებული აზრის განეიტრალებისთვის ემზადება
ვინ უშლის ხელს გახარიას გაპრემიერებას სამთავრობო ცვლილებების ზღვარზე
ორხელისუფლებიანობა და სამოქალაქო ომის საფრთხე მოლდოვაში
"ისინი ხმებს ძირითადად მაინც „ოცნებას“ წაართმევენ " - ორი ახალი პოლიტიკური პარტია ერთ კვირაში
“მთაწმინდის მეორე ტური გაკვეთილი უნდა იყოს ხელისუფლებისთვისაც და ოპოზიციისთვისაც”
ივანიშვილის საიდუმლო კანდიდატი მთავარი პროკურორის პოსტზე
“ივანიშვილის ამოცანაა, არ გააძლიეროს პარტიის შიგნით არცერთი ჯგუფი” - პაატა ზაქარეიშვილი
იყო თუ არა ზელენსკი-ბახტაძის საიდუმლო შეხვედრა
ევროკავშირის წევრი ორი ქვეყნის ელჩი საქართველოს მთავრობის წინააღმდეგ
“ოცნების” ხაფანგში გაბმული “უმწიფარი” ოპოზიცია და მხარდაჭერის გარეშე დარჩენილი შავგულიძე
ნაღმი! - ვინ ცდილობს საქართველოს და აზერბაიჯანს შორის ურთიერთობის გაფუჭებას
13-დღიანი პროტესტი ჭიათურაში მაღაროელთა გამარჯვებით დასრულდა - რაზე მოხდა შეთანხმება
რა ხდებოდა ბაქოში მიმდინარე მოლაპარაკებებზე და რას გეგმავენ აზერბაიჯანელი აქტივისტები 28 მაისს
“პირის ამოკერვას კიდევ ბევრი მუშა დაიწყებს” - მაღაროელები პროტესტის უკიდურესი ფორმებით იმუქრებიან
გადამწყვეტი ბრძოლა მთაწმინდისთვის - რა შემთხვევაში გაიმარჯვებს ოპოზიცია
აფხაზეთში ოპოზიციამ უვადო პროტესტი გამოაცხადა, რუსი ტურისტები გარბიან
საქართველო დიდი საფრთხის ქვეშ - "საქართველოს შესაძლოა მოუწიოს ირან-ამერიკის დაპირისპირებაში ჩათრევა“
“სააკაშვილს ძალიან უნდა, რომ საქართველოში ვითარება “აადუღოს”, მაგრამ...”
“დაძაბულობა, პროვოკაციები, ყუთების გატაცება, საარჩევნო უბნებზე შევარდნა - რა მოლოდინებია 19 მაისის არჩევნებზე