კვლევის საგანგაშო შედეგები - რა დასკვნა გამოქვეყნდა თბილისის ჰაერში ტყვიის შემცველობაზე

მაშინ როცა საკუთარ ორგანიზმში ტყვია საქართველოში უკვე არაერთმა ადამიანმა აღმოაჩინა, არასამთავრობო ორგანიზაცია „ეკოხედვამ“ ტყვიის კვალს თბილისის ჰაერის მტვერში მიაგნო. ატმოსფერული ჰაერის ნიმუშების შესწავლის შემდეგ აღმოჩნდა, რომ დედაქალაქში ტყვია დასაშვები კონცენტრაციის მაქსიმუმს (0.3 მკგ/მ3) აღწევს და ზოგან აღემატება კიდეც (მინიმუმ 0.1 მკგ/მ3 და მაქსიმუმ 0.6მკგ/მ3). ვინაიდან ტყვია ორგანიზმში მოხვედრის შემდეგ ძნელად გამოდის გარეთ, ის დაგროვებას იწყებს და ყოველი შესუნთქვის დროს დამატებითი რაოდენობა კონცენტრირდება.ამიტომ ეს მაჩვენებელი უკვე დამაფიქრებელია. „ეკოხედვამ“ საქართველოში პირველად გაზომა ტყვია და კადმიუმი მტვრის ნაწილაკებში. ეს კვლევა საქართველოს პარლამენტის გარემოს დაცვისა და ბუნებრივი რესურსების საკომიტეტო მოკვლევის ფარგლებში ჩაატარა. ის მცირე მასშტაბის იყო და ივნის-ივლისის თვეში განხორციელდა, თუმცა დასკვნების გაკეთების საშუალებას მაინც იძლევა. კვლევის არეალში მოხვდა გმირთა მოედანი, ლისის ტბა, ვაკის პარკი და ორი მშენებლობა დიღმის მასივსა და დიდ დიღომში. 

 

როგორც აღმოჩნდა, ტყვიით ყველაზე მეტად მშენებლობების ირგვლივაა ჰაერი დაბინძურებული, ლისის ტბასა და ვაკის პარკში კი რეკრეაციული ზონისთვის შესაფერისი ჰაერი დაფიქსირდა. რაც შეეხება გმირთა მოედანს, აქ სამუშაო დღეებში, როცა ესტაკადაზე ავტომობილების რაოდენობა მეტი იყო, მაქსიმალურ დონეს უახლოვდებოდა ტყვიის შემცველობა და ზღვარს სცდებოდა აზოტის დიოქსიდი. ჯანდაცვის მსოფლიო ორგანიზაციის ცნობით, აზოტის დიოქსიდიც საკმაოდ ტოქსიკური აირია, რომელიც ასუსტებს ფილტვების ფუნქციონირებას და განსაკუთრებით საზიანოა ასთმით დაავადებული ბავშვებისთვის. ამ მავნე აირის დონეს თბილისში გარემოს ეროვნული სააგენტოც ხშირად ამოწმებს.

 

თბილისის ჰაერში ტყვიის შემცველობას ცალკეულ უბნებში 2008 წლიდან ზომავს გარემოს ეროვნული სააგენტო, თუმცა საგანგაშო მაჩვენებელი ჯერ არ დაფიქსირებულა. პასუხი კითხვაზე, თუ რა არის ჰაერში ტყვიის შემცველობის დასაშვები კონცენტრაციის ზღვარი, შეიძლება რამდენიმენაირი იყოს, რადგან განსხვავდება ზღვრული მაჩვენებლები ქვეყნების მიხედვით. მაგალითად, აშშ-ში ის განისაზღვრება 0,15-ით, საქართველოში კი დღე-ღამეში ზღვრული დასაშვები კონცენტრაცია 0,3-ია. კვლევაში თბილისის მაჩვენებელი 0.1-0,7-იყო, რაც მცირედით აღემატება ადგილობრივ სტანდარტს, მაგრამ სხვა ქვეყნის სტანდარტებთან შედარებით ის შეიძლება მაღალ მაჩვენებლად ჩაითვალოს.

 

გარდა ამისა, ღირს ყურადღების გამახვილება იმაზე, რომ „ეკოხედვის“ კვლევა ზაფხულში ჩატარდა, როცა ავტომობილების რაოდენობა იმდენი არ იყო, რამდენიც წელიწადის სხვა დროს. მასზე მომუშავე ექსპერტებმა კი ამ კვლევის შედეგად ისიც დაასკვნეს, რომ თბილისის ჰაერი უფრო მასშტაბურ, რამდენიმეწლიან შესწავლას საჭიროებს. ტყვია განსაკუთრებით საშიშია ბავშვებისთვის. მათ ორგანიზმში ეს მავნე კანცეროგენი სხვა გზებითაც შეიძლება ხვდებოდეს, მაგალითად, სათამაშოებიდან, რომელიც ქართულ ბაზარზე შემოდის. აღსანიშნავია, რომ სათამაშოების ხარისხის კონტროლი ევროკავშირთან ასოცირების შეთანხმების ერთ-ერთი მოთხოვნაცაა. სახელმწიფო ამ დირექტივის შესრულებას 2019 წლის შემოდგომიდან დაიწყებს, შესაბამისი მოსამზადებელი სამუშაოების შემდეგ. მანამდე კი სახალხო დამცველის ანგარიში ასეთ სურათს იძლევა: 2-5 წლის პაციენტების 33%-ის სისხლი ტყვიით არის დამძიმებული. ბავშვების ორგანიზმში ტყვიის შემცველობაზე ვრცელი კვლევა საქართველოში ჯერ არ არსებობს. გაეროს ბავშვთა ფონდი 2018 წლის სექტემბერში იწყებს კლასტერულ კვლევას, რომელმაც ტყვიით მოწამვლის მასშტაბები და სიმძიმე უნდა შეაფასოს. 

 

 


რადიო თავისუფლება






მსგავსი სიახლეები
„ეს იყო, ჯანსაღი შეხვედრა ქვეყნისთვის“ - მეუფე იაკობი ბიძინა ივანიშვილს შეხვდა?
ბერა ივანიშვილი ინსტაგრამზე პარიზულ ფოტოებს აქვეყნებს
„ვაშლიჯვარში მცხოვრებ ირანელებს 112-ში დაურეკავთ, ზარების ხმა გვაწუხებს და ხმა ჩააწყვეტინეთო, მოვიდა პატრული და იმ დღის მერე ზარები აღარ რეკავენ“
ცნობილი რუსი მო­დე­ლი ნა­ტა­ლია ვო­დი­ა­ნო­ვა სა­ქარ­თვე­ლო­ში ისვენებს
სად დაიკარგა ზვიად კუპრავა და რატომ ცემეს ზაზა სარალიძის მეგობრებმა ყოფილი თანამოაზრე
„სახლის კარი არ ჩაგვიკეტავს, მხოლოდ მოვხურეთ, იქნებ რომელიმე ქართველს დამალვა დასჭირდეს და ღია დახვდება-მეთქი - ცოტა ხანს მაინც შეაფარებდნენ თავს, აფხაზის ოჯახში არავინ შევარდებოდა“
რუსთავში მესამე სართულის ფანჯრიდან ერთი წლის გოგონა გადმოვარდა, რომელიც თბილისის ბავშვთა საავადმყოფოში გადმოიყვანეს
"ჩემი მაინც არ გრცხვენიათ? ადამიანები არ ხართ? ბავშვის ძვლებზე სათამაშოდ მოვიდნენ და პანკისობის გამართვა უნდათ"
თბილისში „ღამის ავტობუსის“ მარშრუტი ამოქმედდა
კალაძეების დიდი ოჯახი თბილისის ქუჩებში
სოფელ გეგუთის საბავშვო ბაღში ბავშვები მოიწამლნენ
ქალებს, რომლებიც ავტობუსის მძღოლის ვაკანსიით არიან დაინტერესებულნი, ავტოსკოლაში უფასოდ გადაამზადებენ
როგორი ამინდია მოსალოდნელი საქართველოში
"მინდა პასუხი გავცე ახალ ჭორებს ვაქცინაციასთან დაკავშირებით..." - პაატა იმნაძე
23 სექტემბერს კოჯორი-კიკეთის გზაზე N106 ავტობუსი მცირედი შეფერხებით იმოძრავებს
საპარლამენტო ქალაქი ქუთაისი აღარ იქნება?
21 სექტემბერს მართლმადიდებელი ეკლესია ღვთისმშობლის შობას აღნიშნავს
„ღამის ავტობუსი“ - 21 სექტემბრიდან ყოველ პარასკევსა და შაბათს, 00:00-დან 06:00 საათამდე, მეტროსადგურ „ახმეტელის თეატრიდან“ „ვარკეთილამდე“ ავტობუსი იმოძრავებს
„ყველაზე ძალიან როცა გიჭირს და უკანასკნელ თავშესაფარად ეკლესია და მოძღვარი გახსენდებათ, მაშინ აღარ გახსენდებათ ხომ ეკლესიის "სიბნელეები"... ან ბავშვს რომ ანათლინებთ "ბნელებს", ან "ჯვარს იწერთ", ან მიცვალებულს აპატიოსნებეთ?“
"წავალ, მივიღებ ამერიკის მოქალაქეობას და ძალიან მალე გავხდები ამერიკის სენატორი" - გიორგი შენგელაია