„ორ კვირაში უნდა დაიდოს ამ გამოძიების კონკრეტული შედეგი!" - გორის რაიონში გარდაცვლილი ახალგაზრდის მამა

გორის რაიონის სოფელ ხელთუბანში გარდაცვლილი თორნიკე მერებაშვილის მამა შს სამინისტროს „ობიექტური გამოძიებისა და კონკრეტული ბრალდებულის დასახელებისთვის“ ორკვირიან ვადას აძლევს. გარდაცვლილის ოჯახი მიიჩნევს, რომ თორნიკე მერებაშვილი ავარიის შედეგად არ დაღუპულა და იგი მოკლულია.

„ორ კვირაში უნდა დაიდოს ამ გამოძიების კონკრეტული შედეგი, წინააღმდეგ შემთხვევაში, გაცილებით მასშტაბური საპროტესტო აქციები გაიმართება. არაერთხელ ვუთხარი შსს-ს წარმომადგენლებს, რომ ობიექტურად ჩაეტარებინათ გამოძიება და ნუ მაიძულებდნენ, რომ ქუჩაში გამოვსულიყავი და ამგვარი ზომებისთვის მიმემართა. თუმცა, როგორც ვხედავთ, მაინც ქუჩაში გამოსვლა და პროტესტი გახდა საჭირო“, - განაცხადა გარდაცვლილის მამამ, მერაბ მერებაშვილმა.

გარდაცვლილი თორნიკე მერებაშვილის ახლობლები საპროტესტო აქციას დღეს რამდენიმე საათის განმავლობაში მართავდნენ. აქციას ზაზა სარალიძე და მალხაზ მაჩალიკაშვილი შეუერთდნენ.

გარდაცვლილი ახალგაზრდის მამამ მერაბ მერებაშვილმა გორის ცენტრში შეკრებილ მხარდამჭერებს თანადგომისთვის მადლობა გადაუხადა და მოუწოდა, რომ ვისაც სურვილი აქვს დღეს, თბილისში, 18.00 საათზე დაგეგმილ აქციას შეუერთდნენ, რომელსაც ზაზა სარალიძე და მალხაზ მაჩალიკაშვილი გამართავენ.

შეგახსენებთ, რომ სოფელ ხელთუბანში თორნიკე მერებაშვილის გარდაცვალებასთან დაკავშირებით, რომლის გამოც გორში აქცია გაიმართა, შსს-მ განცხადება გაავრცელა.

„გამოძიების პირველადი ინფორმაციით, მიმდინარე წლის 6 ივლისს, გორის მუნიციპალიტეტის სოფელ ხელთუბნის მიმდებარე ტერიტორიაზე, საავტომობილო გზაზე მყოფ 1999 წელს დაბადებულ თ.მ.-ს შეეჯახა ამავე გზაზე მოძრავი „მერსედესის“ მარკის მიკროავტობუსი, რის შედეგადაც თ.მ. საავადმყოფოში მიყვანამდე გარდაიცვალა.

საქმეზე მიმდინარე გამოძიების ფარგლებში, ხორციელდება კომპლექსური საგამოძიებო მოქმედებები, მათ შორის, ამოღებულია შემთხვევის ადგილის მიმდებარე ტერიტორიაზე არსებული ვიდეოსათვალთვალო კამერის ჩანაწერი, გამოკითხულია 137 პირი. თ.მ.-ს გარდაცვალების ზუსტი მიზეზების დასადგენად - კერძოდ, იყო თუ არა პიროვნების სიკვდილი გამოწვეული ავტოსატრანსპორტო საშუალების შეჯახებით თუ რაიმე სხვა გარემოებით - დანიშნულია ყველა შესაბამისი და კომპლექსური სამედიცინო ექსპერტიზა“, - ნათქვამია შსს-ს განცხადებაში.





მსგავსი სიახლეები
ბათუმის საზღვაო ჰოსპიტალიდან ექვსი ათასი ამპულა მორფინი დაიკარგა, პოლიცია 44 წლის ლეილა ბასილაძეს ეძებს
„ჩვენი რეგულაცია იქნებოდა ისეთი მკაცრი, რომელიც გამორიცხავდა თუნდაც ერთი გრამი კანაფის მოხვედრას ბაზარზე უკონტროლო რეჟიმში, მაგრამ ვფიქრობ, მეტი კომუნიკაცია იყო საჭირო საზოგადოებასთან“
კანაფის თემაზე სასაუბროდ ირაკლი კობახიძე კათოლიკოს-პატრიარქს, ილია მეორეს შეხვდა
1 ოქტომბრიდან საქართველოში პოლიეთილენის პარკების გამოყენება, იმპორტი და წარმოება იკრძალება
საპატრულო პოლიციამ სახელმწიფო საზღვრის უკანონოდ გადაკვეთის მცდელობისა და ყალბი დოკუმენტის გამოყენების ბრალდებით ორი პირი დააკავა
ფინანსთა სამინისტროს საგამოძიებო სამსახურმა სახელმწიფო ქონების მართლსაწინააღმდეგო დაუფლების ფაქტებზე 19 მეწარმე სუბიექტი პასუხისგებაში მისცა
„ქართული ოცნების“ დადგენილება ხორავას ქუჩაზე მომხდარ მკვლელობასთან დაკავშირებით პარლამენტმა მიიღო
ფრაქცია “ქართული ოცნება“ ხორავას ქუჩაზე მომხდარი მკვლელობის საქმის დადგენილების პროექტში ჩაასწორებს პუნქტს, რომელიც საქმეში მ.კ-ს როლის გამოკვეთას ეხება
რამდენს შეადგენს ნინო გვენეტაძის მიერ თანამდებობიდან გადადგომამდე აღებული სახელფასო დანამატი
ფინანსთა სამინისტროს საგამოძიებო სამსახურმა უაქციზო სიგარეტის შენახვა-გადაზიდვის ოთხი ფაქტი გამოავლინა
ხორავას ქუჩაზე მომხდარი მკვლელობის საქმეზე საგამოძიებო კომისიის დასკვნის განხილვა ხვალ გაგრძელდება
„დაადგინა კომისიამ, ვინ მიაყენა სასიკვდილო ჭრილობა დავით სარალიძეს? - ვერ დაადგინა“
სასულიერო პირების ქადაგებებზე საია ცესკოს სამართლებრივი რეაგირებისკენ მოუწოდებს
„ხელი აუქნიე ბებიაშენს, ბიჭო, შე იდიოტო“
კანაფის კულტივაცია–წარმოებასთან დაკავშირებული კანონპროექტის განხილვის შეჩერებაზე შს მინისტრის მოადგილე განმარტებას აკეთებს
„საქართველოს სახელმწიფო უსაფრთხოების სამსახური არის წამყვანი უწყება ტერორიზმთან ბრძოლაში და ზოგადად, არის კარგად აღჭურვილი და მომზადებული“
ფინანსთა სამინისტროს საგამოძიებო სამსახურმა სახელმწიფო შესყიდვებში მონაწილეობის წესის დარღვევისა და ტენდერზე ყალბი დოკუმენტაციის წარდგენის ფაქტებზე 36 მეწარმე სუბიექტი პასუხისგებაში მისცა
„მცენარე კანაფის კონტროლის შესახებ“ კანონპროექტის გაწვევა საკითხზე ჯანსაღი დისკუსიის დაწყებას შეუწყობს ხელს"
შემაკავებელი ორდერის პირობების დარღვევის პირველივე შემთხვევაზე სისხლის სამართლის პასუხისმგებლობა გავრცელდება
ექსპერტიზამ დაადგინა, რომ სმიტების 4 წლის შვილის მიმართ 3-4 გასროლაა განხორციელებული