კანაფის და მარიხუანას მოხმარება იკრძალება ყველგან, გარდა ფიზიკური პირის საცხოვრებელი ადგილისა

 

 

მცენარე კანაფის ან მარიხუანას მცირე ოდენობით უკანონო შეძენა, შენახვა, გადაზიდვა ან გადაგზავნა გამოიწვევს პირის დაჯარიმებას - 500 ლარის ოდენობით. მარიხუანასთან დაკავშირებით შს სამინისტრო “ადმინისტრაციულ სამართალდარღვევათა კოდექსისთვის“ ახალი, სპეციალური მუხლის დამატების ინიციატივით გამოდის. უწყების მიერ მომზადებული პროექტის მიხედვით, კანაფისა და მარიხუანას მოხმარება ნებისმიერი დანიშნულების შენობა-ნაგებობაში, გარდა ფიზიკური პირის საცხოვრებელი ადგილისა, გამოიწვევს დაჯარიმებას 500 ლარიდან 1 000 ლარამდე ოდენობით. აღნიშნული ქმედების განმეორებით ჩადენა - გამოიწვევს დაჯარიმებას 1 000 ლარიდან 1 500 ლარამდე ოდენობით.

 

მარიხუანას 21 წლამდე ასაკის პირის მიერ მოხმარება 500 ლარიდან 1000 ლარამდე ოდენობით დასჯადი ქმედება იქნება. აღნიშნული ქმედების განმეორება კი, 1000 ლარიდან 1500 ლარამდე ოდენობით დაჯარიმებას გამოიწვევს. კანაფის ან მარიხუანას მოხმარება ქუჩაში, ეზოში, სტადიონზე, სკვერში, პარკში, სასამართლოში, აეროპორტში, სამედიცინო ან ფარმაცევტული დაწესებულებების შენობა-ნაგებობებში და მათ საკუთრებაში არსებულ ტერიტორიებზე, კინოთეატრში, თეატრში, საკონცერტო დარბაზში, კაფეში, რესტორანში, ყველა სახის საზოგადოებრივ ტრანსპორტში (მათ შორის, საზღვაო და საჰაერო ტრანსპორტში), ავტოსადგურში, რკინიგზის სადგურში ან საზოგადოებრივი თავშეყრის სხვა ადგილას – გამოიწვევს დაჯარიმებას 500 ლარიდან 1000 ლარამდე ოდენობით. აღნიშნული ქმედების განმეორებით ჩადენა 1000 ლარიდან 1500 ლარამდე ოდენობით დასჯადი იქნება.

 

გარდა ამისა, 1 000 ლარიდან 1 500 ლარამდე ოდენობით დაჯარიმებას გამოიწვევს კანაფის ან მარიხუანას მოხმარება ან ზემოქმედების ქვეშ ყოფნა არასრულწლოვანის თანდასწრებით, ან სასწავლო-საგანმანათლებლო და სააღმზრდელო დაწესებულების, ბიბლიოთეკის, მოსწავლე ახალგაზრდობის ბანაკის, ბავშვთა გასართობი ცენტრის და 18 წლამდე ასაკის პირებისთვის განკუთვნილი სხვა დაწესებულების შენობა-ნაგებობებში და მათ საკუთრებაში არსებულ ტერიტორიებზე, აგრეთვე 18 წლამდე ასაკის პირებისთვის განკუთვნილ საზოგადოებრივ შეკრებებზე ან მათ მიმდებარე ტერიტორიაზე 150 მეტრის რადიუსში. იგივე ქმედების განმეორებისთვის ჯარიმა 1 500 ლარიდან 2 000 ლარამდე იქნება. მარიხუანას მოხმარება ან ზემოქმედების ქვეშ ყოფნა სამსახურებრივი მოვალეობის შესრულებისას – გამოიწვევს დაჯარიმებას 1 000 ლარიდან 1 500 ლარამდე ოდენობით, ხოლო განმეორებით ჩადენა 1 500 ლარიდან 2 000 ლარამდე ოდენობით დაჯარიმებას.

მარიხუანას მოხმარება ან ზემოქმედების ქვეშ ყოფნა სამხედრო ნაწილში - გამოიწვევს დაჯარიმებას 1 000 ლარიდან 1 500 ლარამდე ოდენობით. იგივე ქმედების განმეორებით ჩადენა 1 500 ლარიდან 2 000 ლარამდე ოდენობით დაჯარიმებით დაისჯება. დაწესებულების მიერ კანაფისა და მარიხუანას მოხმარების ან სამსახურებრივი მოვალეობის შესრულებისას ზემოქმედების ქვეშ ყოფნის გამოვლენილი ფაქტის აღსაკვეთად ზომების მიუღებლობა - გამოიწვევს დაწესებულების დაჯარიმებას 1 500 ლარის ოდენობით, ხოლო განმეორების შემთხვევაში - 2 000 ლარის ოდენობით.





მსგავსი სიახლეები
იტალიაში ტურისტულ ავტობუსში მყოფი საქართველოს 8 მოქალაქიდან არცერთი დაშავებულა
გარიგებულ მატჩების საქმეზე ბრალდებულებს სხვადასხვა ბრალი წარედგინათ
არასრულწლოვანმა გოგომ საკუთარი 7 თვის შვილი საწოლში გაგუდა
ცოლის და ორი მცირეწლოვანი შვილის სახლში გამოკეტვის გამო სამართალდამცავებმა მამაკაცი დააკავეს
საქართველოს ფინანსთა სამინისტროს საგამოძიებო სამსახურში, სამუშაო ვიზიტით, გაერთიანებული სამეფოს და ჩრდილოეთ ირლანდიის დელეგაცია იმყოფებოდა
საქართველოს უზენაესმა სასამართლომ არ დაკმაყოფილდა საქართველოს ყოფილი პრეზიდენტის მიხეილ სააკაშვილისა და მისი ადვოკატის საკასაციო საჩივარი ალექსანდრე გირგვლიანის საქმეზე
ცივი იარაღის გაყიდვისას, შსს-სთვის მყიდველის შესახებ ინფორმაციის წარდგენა სავალდებულო გახდება
საგამოძიებო სამსახურმა ჯგუფურად ყალბი საგადასახადო დოკუმენტების დამზადებისა და გამოყენების ფაქტზე ერთი პირი დააკავა
რუსთავის კულტურისა და დასვენების პარკში ქალზე უცნობმა მამაკაცმა ძალადობა სცადა
თავისუფლების მოედანზე 26 მაისის ღონისძიებების გამო ავტომანქანების მოძრაობა აიკრძალება
51-ე საჯარო სკოლაში მოზარდები კვლავ დანებით დაუპირისპირდნენ ერთმანეთს - სისხლიანი ბოლო ზარი
საფეხბურთო მატჩების ჩაწყობის ფაქტზე 8 მოქმედი და 3 ყოფილი ფეხბურთელი დააკავეს
„ვინაიდან „რუსთავი2“-ის ჟურნალისტი საკუთარი ქმედებით ხელს უშლიდა ხმის დათვლის პროცესს, კომისიამ მას უბანი დაატოვებინა“
ზუგდიდში წვრილმანი ხულიგნობისა და პოლიციისადმი დაუმორჩილებლობის ფაქტზე presa.ge-ს დირექტორი გიორგი კაპანაძე დააკავეს
„5 პირი იყო დაკავებული ზუგდიდში, კოკში, ზესტაფონში, სხვადასხვა პოლიტიკური პარტიის წარმომადგენლები - გამოძიება დაიწყო სისხლის სამართლის 2 საქმეზე“
„ადმინისტრაციულით გამომიშვეს - წითლიძემაც მომაყენა შეურაცხყოფა და მეც მივაყენე“
ზუგდიდში, 87-ე საარჩევნო უბანთან მომხდარ ინციდენტზე ორი პირი დააკავეს
თელავის მუნიციპალიტეტის სოფელ ლეჩურში, მდინარესთან მამაკაცის ცხედარი იპოვეს
ზუგდიდში, დადიანების სასახლესთან მომხდარ ინციდენტში მონაწილე ჟურნალისტ ლევან თორიას ზუგდიდის სასამართლომ 3000 ლარი გირაო შეუფარდა
პოლიციამ თბილისში ყალბი 500-ევროიანების გასაღების ფაქტზე უკრაინის 2 მოქალაქე დააკავა