საქართველოში, ყველაზე მეტად დაბინძურებული ჰაერის მქონე ქალაქების ოთხეული დასახელდა

ატმოსფერული ჰაერის მონიტორინგის შედეგების მიხედვით, საქართველოში ყველაზე დაბინძურებული ჰაერი თბილისში, ქუთაისში, ბათუმში და ზესტაფონშია.

 

როგორც გარემოს დაცვისა და სოფლის მეურნეობის სამინისტროს ატმოსფერული ჰაერის სამმართველოს ხელმძღვანელმა ნოე მეგრელიშვილმა განაცხადა, საქართველოს აღნიშნული დიდი ქალაქების ჰაერის მთავარ დამაბინძურებელს აზოტის ორჟანგი, მყარი ნაწილაკები, ხოლო ზესტაფონში მანგანუმის ორჟანგი წარმოადგენს.

 

ნოე მეგრელიშვილის თქმით, აზოტის ორჟანგი საწვავის არასრული წვის შედეგად წარმოიქმნება და ატმოსფეროში მათი გაფრქვევა ძირითადად ავტომობილების გამონაბოლქვით ხდება. მყარი ნაწილაკების (PM10) გაფრქვევის წყარო, კი სამშენებლო სექტორია, ასევე, მიწის ღია გრუნტი (სადაც ბალახი არ არის ამტვერება იოლად ხდება). რაც შეეხება ევროდირექტივებით განსაზღვრულ ატმოსფერული ჰაერის სხვა დამაბინძურებლებს, როგორის არის: ნახშირჟანგი, გოგირდის დიოქსიდი, მიწისპირა ოზონი, ტყვია, იგივე ბენზოლი, ისენი საქართველოში ნორმის ფარგლებშია.


„აზოტის ორჟანგი, იგივე დიოქსიდი, არის წვის პროდუქტი. მას საკმაოდ მავნე ზემოქმედება აქვს ადამიანის ჯანმრთელობაზე და პირდაპირ კავშირშია არა საწვავის, არამედ წვის ხარისხთან – რამდენად სრულყოფილად მიმდინარეობს წვა, ანუ რამდენად გამართულია ჩვენი ავტომობილები. აზოტის დიოქსიდი ჩვენს ქალაქებში იმიტომ არის პრობლემური, რომ ჩვენი ავტომობილების პარკი მოძველებულია და ტექნიკურად გაუმართავი. დაახლოებით, 14 წლის წინ გაუქმდა ტექდათვალიერება და ავტოპარკი ტექნიკურად კარგ მდგომარეობაში ვერ იქნება. იცით, ქვეყანაში კატალიზატორების პრობლემაცაა. მესამე თაობის კატალიზატორები იმ მიზნით იყო შექმნილი, რომ აზოტის ჟანგეულების გაფრქვევა შეემცირებინა. როცა ასეთი კატალიზატორი ავტომობილზე არ აყენია, გაფრქვევაც მაღალია. ჩვენი მონიტორინგის შედეგებიც ამას გვიჩვენებს მსხვილ ქალაქებში: თბილისში, ქუთაისსა და ბათუმში“, – დასძინა ნოე მეგრელიშვილმა.

 

მისივე თქმით, ავტომობილების უდიდეს ნაწილს ტექდათვალიერება ჯერ არ გაუვლია. 1 ოქტომბრიდან იგი სავალდებულოა დიდი ძრავის მქონე სატრანსპორტო საშუალებებისთვისაც. ასე, რომ ამ თვალსაზრისით ჰაერის გაუმჯობესებაზე საუბარი ჯერ ნაადრევია.

 

მეგრელიშვილის განცხადებით, ზესტაფონში მანგანუმის ორჟანგის მაღალი დონე კი „ფეროშენადნობი ქარხნის დამსახურებაა“.

 

„ბოლო წლებში მანგანუმის ორჟანგის დასაშვებ ნორმაზე მაღალი დონე მცირედით შემცირდა, თუმცა მაინც სერიოზული პრობლემაა. დღე-ღამეში მანგანუმის ორჟანგის მინიმალური ნორმა 0,001 მილიგრამია მეტრ კუბში. ბოლო მონაცემებით კი, ეს მაჩვენებელი 0,004–0,005 მილიგრამს შეადგენს მეტრ კუბში. შედარებისთვის, 2011 წელს ეს მაჩვენებელი 0,008 მლგ–ია მ3–ში“, – აღნიშნა მეგრელიშვილმა.

 

მისივე თქმით, ატმოსფერული ჰაერის ხარისხის შესახებ უწყვეტ მონიტორინგს თბილისში, ქუთაისში, ბათუმსა და ჭიათურაში აწარმოებენ. წლის ბოლომდე ასევე ავტომატური მონიტორინგის სადგური რუსთავში დაიდგმება.

 

ამასთან, ქვეყნის 25 ქალაქში 80 წერტილზე ყოველკვარტალურ ინდიკატორული გაზომვები ხდება. სინჯები შესამოწმებლად კი ბრიტანეთის ლაბორატორიაში იგზავნება.





მსგავსი სიახლეები
„ორ­მო­ცის გახ­დე­ბა ახლა, ჩემ­ზე ათი წლით უფ­რო­სია - ფან­ტას­ტი­კუ­რი შეგ­რძნე­ბაა, ორი დედა გყავს, გიფრ­თხილ­დე­ბი­ან და ძა­ლი­ან მა­გა­რია“ - გი­ორ­გი ვარ­დო­სა­ნი­ძის ახლი სიყვარული
გათავისუფლებული თანამშრომლები ტელეკომპანია „იბერიასთან“ ხვალ გამაფრთხილებელ აქციას გამართავენ
სალომე ზურაბიშვილს ბადრი პატარკაციშვილის დედამ და დებმა, ჯამში 180 000 ლარი შესწირეს
უახლოესი დღეების ამინდის პროგნოზი
თიბისი სტატუსის დახმარებით თედო რეხვიაშვილი ნიუ-იორკის სამხატვრო აკადემიის სტუდენტია
ბორჯომის ტყის აღდგენაში მონაწილეობა თიბისის თანამშრომლება მიიღეს
"ლევან ყიფიანი ოთარ ფარცხალაძეზე - შევაგინე და მერე ხელი დამარტყა... გამლახეს" - რუსთავი 2 ვიდეოჩანაწერს აქვეყნებს
"შემოვლითი რკინიგზის პროექტს ჰქონდა სერიოზული საინჟინრო ნაკლოვანებები და მისი არსებული დიზაინით დასრულება იყო სრულიად მიუღებელი"
"ყველა რაიონში, ყველა უბანში იქნება პარკირების განსხვავებული ტარიფი" - კახა კალაძე
სამგორიდან ლილოს მიმართულებით ახალი მეტროსადგურები აშენდება
რესპუბლიკის მოედანზე საწვავზე ფასების დაკლების მოთხოვნით საპროტესტო აქცია მიმდინარეობს
უფლისციხის მუზეუმ-ნაკრძალში ექსკურსიაზე მყოფი ბავშვი კლდიდან გადმოვარდა
„სიმართლე ღვთისაგან მოდის, ურჯულოება ბოროტისაგან და ყველაფერი დამოკიდებულია ჩვენზე, ჩვენ რას მივიღებთ, სიმართლეს თუ ურჯულოებას“
რუსთავში აფეთქების შედეგად 10 ადამიანი დაშავდა, მათ შორის 5 არასრულწლოვანია
„იცით, რომ ერაყში არის სოფელი რუისი? თუ არ იცოდით, მომისმინეთ“
„გუშინწინ 19 წლის ბიჭი მოიყანეს მკვდარი, სავარაუდოდ, ნარკოკომით, გუშინ - 35 წლის ბიჭი, თითქმის მკვდარი და ნამდვილად ნარკოკომით! გუშინ, თანამენემსეებმა "ღუდუშაურშიც" მიიყვანეს ნარკოკომით ახალგაზრდა და გაიქცნენ“
ძველ თბილისსა და საბურთალოზე პარკირების საათობრივი გადასახადი დაწესდება
უახლოესი დღეების ამინდის პროგნოზი
ბადრი პატარკაციშვილის დედა, ნათელა პატარკაციშვილი ჩაფიძის კლინიკაში გადაიყვანეს - ექიმის განცხადებით, ჯანმრთელობის გაუარესება ძლიერ სტრესს უკავშირდება
„მისი დამსახურებით ხარ ცოცხალი შენც და ის 200 000 ადამიანიც, რომლებიც დაავადებულები იყავით და ხართ ც ჰეპატიტით და გადაგარჩინათ ამ ახალგაზრდა კაცის გურულმა გამჭრიახობამ“