"საქართველოსთვის ახალი დიდგორი იწყება, ჩვენ ამ ბრძოლის წინაშე ვდგავართ"

ეს არჩევნები ბრძოლაა არამხოლოდ კონკურენტებს შორის, არამედ ბრძოლაა დიდგორის, გადამწყვეტი ბრძოლაა, სტაბილურობისთვის, მშვიდობისთვის, - ამის შესახებქართული ოცნების“ მიერ მხარდაჭერილმა საპრეზიდენტო კანდიდატმა სალომე ზურაბიშვილმა თეთრიწყაროში ამომრჩეველთან შეხვედრაზე განაცხადა. ზურაბიშვილის თქმით, ბევრი რამაა გასაკეთებელი, რომ საქართველომ კავკასიაში, ევროპაში, მსოფლიოში თავისი ადგილი დაიბრუნოს.

 

„საქართველოსთვის იწყება ახალი დიდგორი. ჩვენ ამ ბრძოლის წინაშე ვდგავართ. ბევრი რამ გაკეთდა წინა წლებში, დღეს საქართველო სტაბილური ქვეყანაა, მაგრამ ბევრი რამაა გასაკეთებელი, რომ კავკასიაში, ევროპაში, მსოფლიოში ჩვენმა ქვეყანამ თავისი ადგილი დაიბრუნოს. არ უნდა დავიჯეროთ, რომ რახან საქართველო პატარა ქვეყანაა და მითუმეტეს ბევრი ჩვენი მოქალაქე საზღვარგარეთაა წასული, ის ვერ მოიპოვებს თავის ადგილს მსოფლიო რუკაზე. დიდგორი პირველ რიგში, რასაც ნიშნავს, ეს არის ჩვენში გაერთიანება, რომ აღარ იყოს ამ ქვეყანაში ისეთი დაპირისპირება, რომელიც დაფუძნებული არის სიძულვილზე, რევანშზე. გაუთავებელმა დაპირისპირებამ ქვეყანა შეიძლება გახლიჩოს. ჩვენ ვართ ქვეყანა, რომელმაც შეძლო სხვადასხვა ეროვნების, კულტურის, რელიგიის მიუხედავად ადამიანების თანაცხოვრება ისე, რომ შიგნით არასდროს მომხდარა დაპირისპირება. ჩვენ ვართ ის ქვეყანა, რომელზეც მაგალითად, ისრაელში ამბობენ, რომ თუ რომელიმე ქვეყანა არის მსოფლიოში, რომელსაც არ აქვს ბოდიში მოსახდელი ისრაელის და ებრაელების მიმართ, ეს არის საქართველო, რადგან დანაშაული ამ კუთხით მას არასდროს ჩაუდენია. ეს არის ძალიან დიდი იშვიათობა მსოფლიოში, რადგან პრაქტიკულად ყველგან იყო ასეთი გამოვლინებები. ასევე, ეს არის საქართველოს ძალიან დიდი ისტორიული განძი, რომლითაც მოვდივართ.


ყველა გამოვლინება, ძალადობის, სიძულვილის, დაპირისპირების არის ამ განძის მიმართ დანაშაული, საქართველოს იდენტობის მიმართ დანაშაული. დღეს ვართ, ადგილზე, სადაც სხვადასხვა წარმოშობის ადამიანები ცხოვრობენ ერთად. ჩვენ ამით ტოლერანტობის და ერთმანეთის პატივისცემის გზაზე მივდივართ. ჩვენ არ უნდა დავიხიოთ უკან, არ უნდა დავუბრუნდეთ წარსულს. პირიქით, ამაზე უნდა ავაშენოთ მომავალი საქართველო“, - აღნიშნა სალომე ზურაბიშვილმა.

 

მისივე თქმით, პრეზიდენტად არჩევის შემთხვევაში ის იქნება ქვეყანაში სტაბილურობის გარანტი.

 

„მე მიმაჩნია, რომ ეს არჩევნები ძალიან მნიშვნელოვანია ქვეყნისთვის. ეს ბრძოლაა არამხოლოდ კონკურენტებს შორის, არამედ ბრძოლაა დიდგორის, გადამწყვეტი ბრძოლაა სტაბილურობისთვის, მშვიდობისთვის. ეს არჩევანი ყველას გასაკეთებელია. თქვენ თვითონ უნდა გადაწყვიტოთ, როგორი ქვეყანა გინდათ თქვენი შვილებისთვის და შვილიშვილებისთვის. მე ამ სტაბილურობის გარანტი ვიქნები, თუ თქვენს ნდობას დავიმსახურებ, რისთვისაც წინასწარ გიხდით მადლობას. დარწმუნებული ვარ, ჩვენ ვიქნებით ერთად საქართველოსთვის“, - განაცხადა სალომე ზურაბიშვილმა.





მსგავსი სიახლეები
„როცა მიჭირდა, ყოველთვის მეხმარებოდა - შეიძლება ითქვას, სიცოცხლე შემინარჩუნა - ის ჩემთვის, როგორც პიროვნება, ძალიან ძვირფასია, მაგრამ როგორც პოლიტიკოსი ქვეყანას არ გამოადგება
„ეს რაუნდი ბიძინა ივანიშვილმა ნოკდაუნით მოიგო! მაგრამ ბრძოლა საბოლოო გამარჯვებამდეა და ერთ–ერთი მულტიმილიონერის ნოკაუტით უნდა დამთავრდეს!“
„მოაშორეთ სასამართლო სისტემას ეს გარეწრები, მთელი სასამართლო კორპუსი რომ მძევლად აიყვანეს, ანდა თქვენ მოშორდით ქართულ პოლიტიკას და ყველაფერი თავის ადგილზე დადგება!“
„ნაცების რეჟიმად გამოცხადების რეზოლუციას ვინ მისცა ხმა „ქართული ოცნებიდან“
„სწორედ ქადაგიძის ხელშეწყობით „თიბისი ბანკი“ მოხვდა ლონდონის საფონდო ბირჟაზე, ანუ გიორგი ქადაგიძემ ლონდონის საფონდო ბირჟას გაფუჭებული პროდუქტის სახით შეასაღა TBC...“
„ბანკი დიდი საპროცენტო განაკვეთით ატყავებს მოსახლეობას - შემდეგ მოდის "დიდი ბიძია" და ატყავებს ამ ბანკს - ბანკი კი თხოვნით მიმართავს მის მიერ გატყავებულ მოსახლეობას მხარდაჭერისთვის“
„ხაზარაძე არც ომეგა ფიქჩერსია, არც ვინმე ოქრუაშვილი, არც ოქუაშვილი და არც ოპერის მომღერალი ბურჭულაძე! - თუ პოლიტიკაში მოსვლა გადაწყვიტა, არ იქნება მარტივი მასთან ომი“
„ქართული ოცნების“ 17 დეპუტატი, რომელთათვის მოსამართლეების თემა წყალგამყოფი აღმოჩნდა“
„რა კობახიძე, რა მურუსიძე, მდინარაძე და სხვა ბურატინოები, რა მალვინა ბესელია, კარაბას-ბარაბასია მოსაშორებელი“
ლევან გოგიჩაიშვილმა საპარლამენტო უმრავლესობა დატოვა - „ოცნებამ" დაკარგა მორალური უპირატესობა, ვინაიდან იმ ადამიანებს დაუჭირა მხარი, ვინც სააკაშვილს წლების განმავლობაში იურიდიულად უფორმებდნენ ყველაფერს“
„სამწუხაროდ, ირაკლი კობახიძე, ზარდიაშვილები და ოხანაშვილები არიან დღეს „ქართული ოცნების“ სახე“
პარლამენტმა 9 დეპუტატის მიერ ხელმოწერილ „საერთო სასამართლოების შესახებ“ კანონპროექტს მხარი არ დაუჭირა
„ნაცმოძრაობასთან“ გინდათ პარალელების გავლება? მე მათ არასოდეს ვაპატიებ იმას, რასაც სჩადიოდნენ და არც მიპატიებია, სხვებისგან განსხვავებით, არ ვკურკურებ და კულისებში არ ვეთამაშები მათ“
„შედგება თუ არ კენჭისყრა დღეს, თუ 400 ათას ადამიანს მოვუწოდოთ, აქ მოვიდეს პარლამენტთან? - მოგადგებათ ეგ 400 ათასი კაცი და მერე ნახავთ, ორივეს და სამივეს გაგდგამთ აქედან“
"ხალხი გრძნობს, რა შემთხვევაში "უნდა იხუვლოს მისმა ნებამ"- ჯუმბერ კირვალიძე
"მოსამართლეებმა პირდაპირი მნიშვნელობით ფეხი დაუბაკუნეს პარლამენტს"
"სულაც არ გამოვრიცხავ, რომ პარლამენტის თავმჯდომარის იმპიჩმენტის საკითხი დავაყენოთ"
„გერმანია და საფრანგეთი არის ის ორი ქვეყანა, რომლებიც დღეს ევროპისა და ევროკავშირის ძრავას წარმოადგენენ და ჩვენ ეს ორი ქვეყანა გვყავს, როგორც ძალიან ძლიერი მეგობრები“
„თუ აკაკი ზოიძის მოსაზრებას ყველა იზიარებს, მაშინ უმრავლესობა დატოვებული მაქვს - უმრავლესობის დატოვება-არდატოვება ბოლო დროს სპეკულაციური თემა გახდა“
„სათამაშო ბიზნესთან დაკავშირებული კანონპროექტის კენჭისყრა პარლამენტის თავმჯდომარე ირაკლი კობახიძის „თხოვნით თუ მოთხოვნით“ არის გაჩერებული“