"ჯამალ ხაშოგის მკვლელობის ბრძანება საუდის არაბეთის მემკვიდრე პრინცმა გასცა"- The Washington Post

აშშ-ს ცენტრალური სადაზვერვო სააგენტო (CIA) დასკვნამდე მივიდა, რომ სტამბოლში საუდის არაბეთის საკონსულოში საუდელი ჟურნალისტის ჯამალ ხაშოგის მკვლელობის ბრძანება საუდის არაბეთის მემკვიდრე პრინცმა მოჰამედ ბენ სალმან ალ საუდიმ გასცა.

 

ამის შესახებ ინფორმაციას ამერიკული გამოცემა The Washington Post აშშ-ს ცენტრალურ სადაზვერვო სააგენტოში წყაროზე დაყრდნობით ავრცელებს.

 

„მიღებული პოზიცია ის არის, რომ ჟურნალისტის მკვლელობა არ შეიძლება მომხდარიყო მემკვიდრე პრინცის ჩართულობის გარეშე“, - აცხადებს ამერიკული გამოცემის წყარო.

 

წყარო ასევე აღნიშნავს, რომ აშშ-ს ცენტრალურმა სადაზვერვო სააგენტომ შეისწავლა აშშ-ში საუდის არაბეთის ელჩის ხალედ ბენ სალმანის ზარები. ხალედ ბენ სალმანმა ჯამალ ხაშოგის შეატყობინა, რომ საჭირო დოკუმენტების მისაღებად მას სტამბოლში მდებარე საუდის არაბეთის საკონსულოსთვის უნდა მიემართა.

 

აღსანიშნავია, რომ The Washington Post აშშ-ს პრეზიდენტის დონალდ ტრამპის გარემოცვაზე დაყრდნობით ასევე იუწყება, რომ დონალდ ტრამპს მემკვიდრე პრინცის ამ საქმესთან კავშირის მტკიცებულებები წარუდგინეს, თუმცა ტრამპმა სკეპტიკურად მიიღო ეს მტკიცებულებები.

 

შეგახსენებთ, რომ საუდელი ჟურნალისტი ჯამალ ხაშოგი ერ-რიადის მიმართ კრიტიკული განცხადებებით იყო ცნობილი. 2017 წელს მან სამშობლო დატოვა და საცხოვრებლად აშშ-ში გადავიდა. მიმდინარე წლის 2 ოქტომბერს ის სტამბოლში, საუდის არაბეთის გენერალურ საკონსულოში მივიდა, მას შემდეგ რაც საკონსულოს თანამშრომლები მას ტელეფონით დაუკავშირდნენ და გარკვეული დოკუმენტების ხელმოწერის მიზნით საკონსულოში მისვლა სთხოვეს.

 

თავის მხრივ საუდის არაბეთის გენერალური პროკურატურა საუდელი ჟურნალისტის ჯამალ ხაშოგის მკვლელობის საქმეზე ბრალდებულების სიკვდილით დასჯას მოითხოვს.

 

„ჩვენ ხუთი ბრალდებულისთვის, მათ შორის მათი, ვინც ხაშოგის მკვლელობის ბრძანება გასცეს და შეასრულეს ეს ბრძანება, სიკვდილით დასჯას მოვითხოვთ. ამ საქმეზე ბრალდება 11 ადამიანს წავუყენეთ. სულ საქმის ფარგლებში 21 ადამიანია დაკავებული“, - განაცხადა საუდის არაბეთის გენერალური პროკურატურის წარმომადგენელმა.

 





მსგავსი სიახლეები
აფხაზეთში ოპოზიციამ უვადო პროტესტი გამოაცხადა, რუსი ტურისტები გარბიან
საქართველო დიდი საფრთხის ქვეშ - "საქართველოს შესაძლოა მოუწიოს ირან-ამერიკის დაპირისპირებაში ჩათრევა“
“სააკაშვილს ძალიან უნდა, რომ საქართველოში ვითარება “აადუღოს”, მაგრამ...”
“დაძაბულობა, პროვოკაციები, ყუთების გატაცება, საარჩევნო უბნებზე შევარდნა - რა მოლოდინებია 19 მაისის არჩევნებზე
“დაძაბულობა, პროვოკაციები, ყუთების გატაცება, საარჩევნო უბნებზე შევარდნა" - რა მოლოდინებია 19 მაისის არჩევნებზე
ბოლო დღეებში ორი სამხედრო გარდაცვლილი იპოვეს- რა გახდა სიკვდილის მიზეზი და რას ყვებიან ახლობლები
ბრძოლა ზუგდიდისთვის - საქმეში მანანა არჩვაძე-გამსახურდია ჩართეს
რაში ჭირდებათ თურქებს და აზერბაიჯანელებს მართლმადიდებლური ტაძრები
"ჩვენ მოხარულნი ვიქნებით ევროკავშირში დიდი ბრიტანეთის ადგილი დავიკავოთ“ - სალომე ზურაბიშვილი
ადგილობრივი ორგანოების არჩევნებმა ქვეყანაში შეიძლება მორიგი დაპირისპირების პროვიცირება გამოიწვიოს
ტრაგედია დამცავი ღვედით - თვითმხილველები აცხადებენ, რომ დაღუპული მუშა თოკმა ვერ შეიმაგრა
თავდასხმა ჟურნალისტზე და პირველი მასშტაბური ინციდენტი არჩევნებამდე ხუთი დღით ადრე
"ოცნება“ დაბერდა და მომავლის არ მქონე პარტიაში მისვლა არავის უნდა“
ნიკოლოზ მჟავანაძეს ოჯახის განადგურებით ემუქრებიან
“საქართველოს ხელისუფლებაში გაბედულების დეფიციტია!”
"ნარკოტიკებს რუსეთში ვყიდულობდით და საქართველოში ავტობუსით ჩამოგვქონდა, აქ კი ჩვენი მშობლები აფასოებდნენ"
“თუ ჰესების მშენებლობა არ გამოვიდა, უნდა ვიფიქროთ ატომური ელექტროსადგურის მშენებლობაზე”
რა კითხვები არსებობს მაჩალიკაშვილის საქმეში და რატომ არ დააკავეს აქამდე
“რუსთავი 2”-ის საქმემ შესაძლოა ხელისუფლება გადაიყოლოს” - გია ხუხაშვილი
"აღარ დაგვასვენეს... მისი დაკავება ხეობაში სიტუაციას დაძაბავს..." - პანკისელების რეაქცია მაჩალიკაშვილის ჩანაწერზე