„თითქოს 14 მილიონით შემცირდა განათლების ბიუჯეტი, სინამდვილეში, ბიუჯეტი გაიზარდა 30 მილიონით და სკოლების რეაბილიტაციაზე ახლა 150 მილიონი ლარია გამოყოფილი“

ჩვენ დავიცავთ მთავარ პრინციპს - მიმდინარე ხარჯები უნდა დაფინანსდეს მიმდინარე შემოსავლებიდან, - ამის შესახებ საქართველოს ფინანსთა მინისტრმა, ივანე მაჭავარიანმა პარლამენტის სხდომაზე 2019 წლის ბიუჯეტის პროექტის წარდგენისას განაცხადა. მისივე თქმით, არ შეიძლება დონორების მიერ, ინფრასტრუქტურული პროექტებისთვის გამოყოფილი ფინანსური რესურსები, მიმდინარე ხარჯებში იქნას გადატანილი. „სერგო რატიანმა თქვა, რომ თითქოს 14 მილიონით შემცირდა განათლების ბიუჯეტი, სინამდვილეში, ბიუჯეტი გაიზარდა 30 მილიონი ლარით. როგორც აღვნიშნე, სკოლების რეაბილიტაციის კომპონენტი ნაწილობრივ გადავიდა რეგიონული განვითარებისა და ინფრასტრუქტურის სამინისტროს ასიგნებებში და მას კიდევ დავუმატეთ 30 მლნ, ანუ ჯამურად 120 მლნ იყო გათვალისწინებული სკოლების რეაბილიტაციაზე მეორე მოსმენის დროს და ახლა 150 მილიონი ლარია,“ - აღნიშნა ფინანსთა მინისტრმა. ოპოზიციის დასმულ კითხვაზე, რატომ არ მოხდა აუთვისებელი თანხების ასახვა ხელფასებისა და პენსიების ზრდაში, ფინანსთა მინისტრმა განაცხადა, რომ მიმდინარე ხარჯები ფინანსდება მიმდინარე შემოსავლებიდან.

 

„კიდევ ერთხელ ვიმეორებ, რატომ არ შეიძლება ეს თანხები გადმოვიტანოთ და გავზარდოთ ხელფასები ან პენსიები - აქ არის ერთადერთი პასუხი. ვინც ეკონომიკაში ცოტა მაინც ერკვევა, დამეთანხმება - ჩვენ ინფრასტრუქტურული პროექტები, რომელიც ძირითადად, უცხოური ვალებით ფინანსდება, დანაზოგები გვექნება თუ აუთვისებლობა, არ უნდა გადმოვიტანოთ მიმდინარე ხარჯებში. მიმდინარე ხარჯები უნდა დაფინანსდეს მიმდინარე შემოსავლებიდან ეს არის ის წესი, რომელიც მგონი საერთოდ განხილვას არ უნდა ექვემდებარებოდეს“, - განაცხადა ფინანსთა მინისტრმა. როგორც მან აღნიშნა, ამ პრინციპს აღიარებს ყველა საერთაშორისო ორგანიზაცია. „როდესაც თავს ვიწონებთ სავალუტო ფონდის პროგრამით. ყველაზე მთავარი კომპონენტი ეს არის, რომ მიმდინარე ხარჯებს ვაკონტროლებთ და მიმდინარე ხარჯებს ვაფინანსებთ მიმდინარე შემოსავლებიდან. ეს იქნება უპასუხისმგებლო და მოკლევადიან ეფექტის მქონე. ერთჯერადი ეფექტით არ შეიძლება მუდმივი, განმეორებადი ხარჯების დაფინანსება - ეს არის ორჯერ ორი ოთხი, არანაირი კავშირი ამას არ აქვს აუთვისებლობასთან ან იმასთან, რომ არ გვინდა ხელფასების გაზრდა“, - აღნიშნა ფინანსთა მინისტრმა.





მსგავსი სიახლეები
სოფელ მატანში თანამედროვე სტანდარტებით აღჭურვილი მეცხოველეობის ფერმა „დორანი ფერმა“ აშენდა
პრემიერი არ გამორიცხავს, რომ გამკაცრებული საბანკო რეგულაციები, შესაძლოა, ისევ შეამსუბუქონ
ერთი ამერიკული დოლარის ღირებულება 22 მარტის 17:00 საათისთვის
„ანაკლიაში ძირითადი სამუშაოების დაწყება დაგეგმილი იყო 2 აპრილიდან, თუმცა პროექტირება 60%-ით არის შესრულებული, არ არის მოზიდული დაფინანსება და ეს ვადებიც, სამწუხაროდ, ნაკლებად რეალურია“
საქართველოს ეკონომიკა 2018 წელს 4.7%-ით გაიზარდა
ერთი ამერიკული დოლარის ღირებულება 21 მარტის 17:00 საათისთვის
"თქვენ, ორ წელში გზას მიიყვანთ პორტამდე?! რკინიგზას ააშენებთ?"
„ანაკლიის პორტს არ დავთმობთ, ბევრი ბერკეტი გვაქვს და ამ პროექტს მივიყვანთ ბოლომდე“
თბილისში გამოფენა „დამზადებულია ბელარუსში“ და ბიზნეს ფორუმი გაიმართა
ვითიბი ბანკისა და ტოიოტა ცენტრს თბილისის ერთობლივი შეთავაზება
„მთავრობა მაქსიმალურად იყო დაინტერესებული ანაკლიის პროექტის განხორციელებით - ასე კონკურსს შალიკოც მოიგებდა ხვინგიაძე!“
ერთი ამერიკული დოლარის ოფიციალური ღირებულება ამ დროისათვის
"დღეს ბელარუსულ მხარესთან ხელი მოეწერა მნიშვნელოვან სავაჭრო კონტრაქტებს, რომლის მიხედვითაც საქართველოში ერთობლივი საწარმოები ჩამოყალიბდება"
"ბელარუსთან ერთობლივი საწარმოების მაგალითი უკვე გვაქვს, საუბარი იმაზეა, როგორ შეიძლება თანამშრომლობა გავამყაროთ" - გიორგი ქობულია
„ჯეოსელის ქსელში ფიქსირდება შეფერხება როგორც ხმოვან, ასევე ინტერნეტ მომსახურებაზე“
ერთი ამერიკული დოლარის ოფიციალური ღირებულება ამ დროისათვის
საფრანგეთის სავაჭრო პალატისა და PKF საქართველოს მხარდაჭერით ბიზნეს აქსელერატორი CBA Solutions დაფუძნდა
ფშავ-ხევსურეთისა და გუდამაყრის სათემო ინტერნეტიზაციის პროექტი დაიწყო
ინტელექტბანკის აქციონერები თიბისი ბანკის გარშემო ატეხილ აჟიოტაჟს ეხმაურებიან
მამუკა ბახტაძის გამოსვლა საქართველო-იაპონიის ბიზნესფორუმზე