ირლანდიაში თავშესაფარს სულ უფრო მეტი ქართველი ითხოვს

„საქართველოს სულ უფრო მეტი მოქალაქეს სურს ირლანდიაში თავშესაფრის მიღება, ვიდრე მსოფლიოს სხვა რომელიმე ქვეყნიდან. მსურველთა რაოდენობა განსაკუთრებით ბოლო ორ წელიწადში გაიზარდა“-ამის შესახებ ირლანდიური გამოცემა «The Irish Times»-ი წერს.

 

ჯერ კიდევ 2016 წელს საქართველო ბოლო ადგილზე იყო იმ ქვეყნების ხუთეულში, რომელშიც მასთან ერთად სირია, პაკისტანი, ალბანეთი, ზიმბაბვე და ნიგერია შედიოდა, მაგრამ უკვე 2017 წლისათვის საქართველომ ჩამოთვლილი ქვეყნების რიგში წინა პოზიციებზე გადაინაცვლა - პირველი ადგილი ისევ სირიას უკავია (თავშესაფრის 545 მაძიებელით), საქართველომ კი ბოლო მეხუთე ადგილიდან მეორეზე გადაინაცვლა (302 მაძიებლით).

 

2018 წელს ქართველ მთხოვნელთა რაოდენობამ კიდევ უფრო მოიმატა: გასული წლის მხოლოდ 11 თვის მონაცემებით, 409 ქართველის თხოვნაა დაფიქსირებული, რაც ყველა სხვა ქვეყნის მოქალაქეზე მეტია.

 

საერთოდ, საქართველოდან ყველაზე მეტი მიგრანტი ტრადიციულად რუსეთში მიდიოდა, მაგრამ როცა მოსკოვმა 2000 წელს სავიზო რეჟიმი დააწესა, ქართველებმა მიგრაციის გეოგრაფია გააფართოეს და მზერა სხვა სახელმწიფოებსაც მიაპყრეს - უპირველესად კი ევროკავშირის წევრ-ქვეყნებს და ამერიკის შეერთებულ შტატებს.

 

როგორც საქართველოს ხელისუფლების მიერ ჩატარებული კვლევის შედეგად გაირკვა, მართალია, მიგრანტთა რაოდენობის ზრდაზე მნიშვნელოვანი გავლენა მოახდინეს ქვეყნის შიგნით არსებულმა ეთნიკურმა კონფლიქტებმა და საქართველო-რუსეთს შორის მომხდარმა ომმა, მაგრამ ამის მიუხედავად, უფრო მეტი ქართველი უცხოეთში სხვა მიზეზებით არის წასული. „ქართველებს საზღვარგარეთ წასვლაზე უფრო მეტად უბიძგებს ქვეყანაში არსებული ცხოვრების არასახარბიელო ხარისხი, სიღარიბე და ეკონომიკური შემოსავლების მკვეთრი დისპოროპორცია, აგრეთვე განათლების მიღებისა და სამედიცინო მომსახურებით უზრუნველყოფის სურვილი, ვიდრე პოლიტიკური არასტაბილურობა და უსაფრთხოების დაბალი დონე“, - აღნიშნულია გამოკვლევაში.

 

გარდა ამისა, ბოლო წლებში [საქართველოსა და ევროკავშირის ურთიერთობებში] მომხდარი ცვლილებების წყალობით, ქართველებისათვის უფრო იოლი გახდა ევროკავშირის ქვეყნებში გამგზავრება. როგორც ჩანს, სწორედ ამ ცვლილებებმა გამოიწვია თავშესაფრის მაძიებელთა რაოდენობის სწრაფი ზრდა.

 

ირლანდიის იუსტიციის სამინისტროს ცნობით, 2017 წლის მარტიდან საქართველოს მოქალაქეებს ევროკავშირის შენგენის ზონის ქვეყნებში უვიზოდ გადაადგილების უფლება აქვთ. შენგენის ზონში 26 ევროპული ქვეყანა შედის, რომლებმაც, ურთიერთშეთანხმების საფუძველზე, სასაზღვრო კონტროლი გააუქმეს. რაც შეეხება ირლანდიას და დიდ ბრიტანეთს, მათ თავიანთი უფლებით ისარგებლეს და უარი თქვეს შენგენის ზონაში გაერთიანებაზე. თუმცა, როგორც სამინისტრო აღნიშნავს, ამ გარემოების მიუხედავად, ქართველ მიგრანტთა ნაკადი და თავშესაფრის მთხოვნელთა რაოდენობა მაინც იზრდება. 

 

„საქართველოს მოქალაქეებს, ირლანდიისა და დიდი ბრიტანეთის ტერიტორიაზე შესასვლელად, ვიზა აუცილებლად უნდა ჰქონდეთ“, - ნათქვამია სამინისტროს განცხადებაში. „ზრდის ტენდენციას განაპირობებს შენგენის ზონიდან სხვა ქვეყნებში წასვლის ფაქტები, როცა მგზავრები ირლანდიის ტერიტორიას, აეროპორტების სახით, სატრანზიტოდ იყენებენ. სწორედ ირლანდიის აეროპორტებში ჩამოსვლის დროს, იმის ნაცვლად, რომ მათ ფრენა გააგრძელონ, ისინი ქვეყანაში რჩებიან და საერთაშორისო დაცვის მოტივით, ირლანდიაში თავშესაფარს ითხოვენ“.

 

2017 წლის 16 ივლისიდან ირლანდიის მთავრობამ საქართველო იმ ქვეყნების სიაში შეიტანა, რომლის მოქალაქეებს ირლანდიაში ტრანზიტისათვის შესაბამისი ვიზა უნდა ჰქონდეთ, თუმცა, როგორც ჩანს, ამ ზომამ ქართველებს ირლანდიაში ჩასვლა-დარჩენაზე და თავშესაფრის ძიებაზე უარი ვერ ათქმევინა.





მსგავსი სიახლეები
“ეს იყო რუსული სპეცსამსახურების სპეცოპერაცია” - მამუკა არეშიძე
“ივანიშვილის საზოგადოებაში გამოჩენა ნეგატივისკენ წავიდა და ამას თვითონაც ამჩნევს”
ეროვნული საქმე თუ იაფფასიანი პოპულიზმი - გოგებაშვილის "დედა ენის“ სკოლებში "დაბრუნებას“ ექსპერტები აკრიტიკებენ
ვინ ცდილობს აზერბაიჯანთან კონფლიქტის პროვოცირებას
“ეს დაშლა კი არა, ომობანას თამაში იყო”- ლევან ალაფიშვილი
„ცდილობენ, გახარია ხელისუფლებიდან ამოაგდონ - ვის სურს “ოცნებაში” შს მინისტრის მოშორება
რა სახის პოლიტიკური გზავნილები ჩამოიტანა ტუსკმა საქართველოში
რატომ გადაიფიქრა პუტინმა საქართველოს დასჯა?
ლარი უფსკრულში გადაიჩეხა - ეროვნულმა ბანკმა და მთავრობამ კაპიტულაცია გამოაცხადეს
საქართველო ზღვარზე! - პოლიციის კორდონით გაყოფილი რუსთაველი და აქციათა ნაირსახეობა
“გაბუნიას პროვოკაცია იყო მიზანმიმართული დანაშაული საქართველოს დამოუკიდებლობის წინააღმდეგ”
“პუტინი ოლიგარქს პოლონიუმით ემუქრება”- მეგი გოცირიძე
“ოცნება” პოლიტიკურ დაჭერებზე საზოგადოებრივი აზრის შექმნას და მტკიცე ხელის პოლიტიკის გატარებას ცდილობს”
როგორ იხელთა მომენტი და რა გააკეთა იუსტიციის საბჭომ “გავრილოვის ღამეს”
რუსული მედიის ანტიქართული ისტერია და საფრთხე, რომელიც ასეთ პროპაგანდას შესაძლოა მოჰყვეს
რა მიზანი აქვს კრემლის მიერ რუსი ტურისტებისთვის საქართველოში დასვენების აკრძალვას
"ჩვენს ტრადიციებში არ არის უხეშობის და მუქარის „გადაყლაპვა“ ჩვენი ადამიანების მიმართ"
“გახარიას პრესკონფერენციამ აჩვენა, რომ მას კითხვებზე პასუხი არა აქვს”
4 - 91-ის წინააღმდეგ - რა ელით “ურჩ” დეპუტატებს
“არეულობა და პოლიტიკური კრიზისი ივანიშვილს თავად აწყობს ვადამდელი არჩევნების დასანიშნად“