„სოფელში მცხოვრები ნახევარ მილიონზე მეტი ადამიანი, პირველ მარტამდე თავად გადაწყვეტს, როგორ დაიხარჯება პროგრამისთვის განკუთვნილი 20 მილიონი ლარი“

სოფლის მხარდაჭერის პროგრამის საერთო კრებას ქარელის მუნიციპალიტეტის სოფელ ფცაში ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი დაესწრო.

 

,,დღეს პირველი დღეა, როდესაც მთელი საქართველოს მასშტაბით ტარდება სოფლის მხარდაჭერის პროგრამის კრებები. ჯამში ვგეგმავთ 3700 სოფლის კრების ჩატარებას, რაც იმას ნიშნავს რომ ნახევარი მილიონი ადამიანის ნებით განაწილდება ის 20 მილიონი, რომელიც სოფლის პროგრამაში გვაქვს წელს გათვალისწინებული. დღეს მქონდა პატივი დავსწრებოდი კრებას და ძალიან სასიამოვნოა რომ სოფელში არის ასეთი ერთსულოვნება. მოსახლეობამ გადაწყვიტა რომ მათ გარე განათების სამუშაოების დასრულება სურთ. პროგრამის მიხედვით, ამ სოფლის ზომიდან და ხლხის რაოდენობიდან გამომდინარე შესაძლებელია 10 ათასი ლარის დაფინანსება და შესაბამისად, ეს თანხა ამ სოფელში მოხმარდება გარე განათებას“, - განაცხადა მაია ცქიტიშვილმა. დღეიდან, საქართველოს 3700 სოფლის კრების ჩატარება დაიწყო. დასაფინანსებელი პროექტები სოფლებში მოსახლეობასთან კონსულტაციებითა და სოფლის კრებებზე მიღებული გადაწყვეტილებებით შეირჩევა. სოფელში მცხოვრები ნახევარ მილიონზე მეტი ადამიანი, პირველ მარტამდე თავად გადაწყვეტს, როგორ დაიხარჯება პროგრამისთვის განკუთვნილი 20 მილიონი ლარი. 

 

პირველი კრებები დღეს სხვადასხვა რეგიონის 21 სოფელში ჩატარდა. უკვე მიღებულია რამდენიმე გადაწყვეტილება განსახორციელებელი პროექტების შესახებ, მათ შორისაა საბავშვო ბაღის ეზოს მოწესრიგება, ატრაქციონების დადგმა, ხიდის შეკეთების სამუშაოები. ,,ამ პროგრამის მთავარი დანიშნულებაა, უშუალოდ მოსახლეობამ გადაწყვიტოს თუ რა სჭირდება მას, იქ მაცხოვრებლებმა ყველაზე უკეთ იციან რა საჭიროებები აქვს სოფელს. ჩვენთვის ასევე მნიშვნელოვანია, რომ განვითარდეს თვითმმართველობა და ხალხმა მიიღოს ის გადაწყვეტილებები, რომელსაც ჩვენ ცენტრალური ხელისუფლების მხრიდან დავუჭერთ მხარს“, - განაცხადა ვიცე-პრემიერმა.

 

სოფლის მხარდაჭერის პროგრამით, მუნიციპალიტეტებში მცირე ინფრასტრუქტურული პროექტები დაფინანსდება. 5-დან 10 ათას ლარამდე თანხა კი დასახლების ზომის მიხედვით განაწილდება. სოფლების მიერ შერჩეული პროექტები დასამტკიცებლად მუნიციპალიტეტის საკრებულოს წარედგინება. აღნიშნულ ინფორმაციას რეგიონალური განვითარებისა და ინფრასტრუქტურის სამინისტროს პრესსამსახური ავრცელებს.





მსგავსი სიახლეები
ერთი ამერიკული დოლარის ოფიციალური ღირებულება ამ დროისათვის
"წმინდა ექსპორტის მზარდი დინამიკა ეკონომიკაზე და ლარის კურსზე მხოლოდ დადებითად აისახება" - გიორგი ცუცქირიძე
"ექსპორტის ზრდა ეკონომიკური განვითარების მიმართ პოზიტიურ მოლოდინს ამყარებს "
რით ვვაჭრობთ - საექსპორტო კალათის წამყვანი ათეული
ერთი ამერიკული დოლარის ღირებულება 16 აგვისტოს 17:00 საათისთვის
"ოპოზიციის დღევანდელი განცხადებები, კობი-გუდაურის მაგისტრალის თაობაზე, დემაგოგიის ელფერს ატარებს"
ერთი ამერიკული დოლარის ღირებულება ამ დროისათვის
"საქართველოში თითქმის 6 წელიწადში უფრო მეტი ინვესტიცია შემოვიდა, ვიდრე მანამდე 12 წლის განმავლობაში"
რეკომენდაციების პაკეტი საქართველოს მთავრობას სიღარიბისა და უთანასწორობის დასაძლევად
"ბოლო 6 წელიწადში უფრო მეტი ინვესტიცია შემოვიდა, ვიდრე მანამდე 12 წლის განმავლობაში" - გიორგი ცუცქირიძე
ერთი ამერიკული დოლარის ღირებულება 14 აგვისტოს17:00 საათისთვის
"გადასახადების დაგროვების მანკიერი პრაქტიკა უნდა დასრულდეს" -ფინანსთა მინისტრი
"იმედი გვაქვს, რომ ანაკლიის კონსორციუმი ჩაეტევა ვადაში, ჩვენ კი, ყველაფერს ვაკეთებთ იმისთვის, რომ მათ გვერდით დავუდგეთ" - ნათია თურნავა
"ჩვენი ტერიტორიის 2/3 არის მთა და ეს არის უდიდესი სიმდიდრე" - მამუკა ბახტაძე
ერთი ამერიკული დოლარის ოფიციალური ღირებულება ამ დროისათვის
"ამ ტიპის დანაშაულის აღკვეთა უპრეცედენტოა თავის მაშტაბურობით" - გიორგი ცუცქირიძე
"ლარი თავის წონასწორულ კურსს ნებისმიერ შემთხვევაში იპოვის"- ფინანსთა მინისტრი
ერთი ამერიკული დოლარის ღირებულება 12 აგვისტოს 17:00 საათისთვის
ბათუმში ვითიბი ბანკის ახალი ფილიალი გაიხსნა
"მთავარი, არა ზრდის ან კლების მაჩვენებლებია, არამედ ის პოტენციური ზარალი, რაც რუსეთის მხრიდან ტურიზმზე ავია სანქციებმა გამოიწვია"