22 იანვარს, კონფერენცია თემაზე - "ჩინეთის გამოცდილება საქართველოსთვის“ გაიმართა

22 იანვარს,  სასტუმრო ,,ჰოლიდეი ინნ“ თბილისში, ჩინეთის სახალხო რესპუბლიკის საელჩო საქართველოში და მედიაჰოლდინგ „ჯორჯიან თაიმსის“ ორგანიზებით, კონფერენცია თემაზე - "ჩინეთის გამოცდილება საქართველოსთვის“ გაიმართა.

 

კონფერენციის მიზანი იყო საზოგადოებას უკეთ გაეცნო ჩინეთში მიმდინარე საზოგადოებრივ-პოლიტიკური და ტერიტორიული მთლიანობის აღდგენის პროცესები. ასევე, ჩინეთში  გატარებული ეკონომიკური რეფორმების შედეგები, იქაური გამოცდილება მოსახლეობის სოციალური დაცვის სფეროში, კორუფციასთან ბრძოლა და იმ წარმატებების მიზეზები, რამაც ჩინეთის სწრაფი განვითარება უზრუნველყო.

 

კონფერენციას ესწრებოდნენ:  ჩინეთის სახალხო რესპუბლიკის საგანგებო და სრულუფლებიანი ელჩი საქართველოში ძი იენჩი, „საპარტნიორო ფონდის“ აღმასრულებელი დირექტორი დავით საგანელიძე,  წამყვანი ჟურნალისტები, ექსპერტები, საზოგადო მოღვაწეები და ბიზნესმენები.

 

 

კონფერენციის პირველი ნაწილი  შემდეგნაირად წარიმართა:

 

ზოგადი მოხსენება - მალხაზ გულაშვილი - მედია ჰოლდინგ „ჯორჯიან თაიმსის“ დამფუძნებელი და პრეზიდენტი, პოლიტოლოგი

მისასალმებელი სიტყვა - ძი იენჩი - ჩინეთის სახალხო რესპუბლიკის  საგანგებო და სრულუფლებიანი ელჩი საქართველოში 

მომხსენებელი -  ჩინეთის გეოპოლიტიკურ გავლენაზე - ვახტანგ მაისაია -  პოლიტიკურ მეცნიერებათა დოქტორი, ასოცირებული პროფესორი, სამხედრო პოლიტოლოგი. თემა: როგორ შეიძლება საქართველომ ეს გავლენები თავის სასარგებლოდ გამოიყენოს

მომხსენებელი სიმონ კილაძე, პოლიტოლოგი. თემა: ჩინეთის გამოცდილება შრომითი პერსონალის მართვაში, კორუფციასთან ბრძოლაში და ტერიტორიული მთლიანობის აღდგენაში

 

მომხსენებლების სიტყვით გამოსვლის შემდეგ, კონფერენციის დამსწრე საზოგადოებამ, თემაზე, - ჩინეთის ეკონომიკური როლი საქართველოსთვის, კითხვა-პსუხის რეჟიმში ზოგადი დისკუსია გამართა. 

 

 

 

კონფერენციის მნიშვნელობაზე „ჯორჯიან თაიმსის" დამფუძნებელმა და პრეზიდენტმა - მალხაზ გულაშვილმა ისაუბრა:

 

 

„დღევანდელი  კონფერენციის ჩატარება ჩვენი ქვეყნისთვის ძალიან მნიშვნელოვანი ფაქტია. ჩინეთმა მოახერხა და  უმოკლეს დროში შეძლო გამხდარიყო ერთ-ერთი უძლიერესი სახელმწიფო. შექმნა ახალი ეკონომიკა, ტექნოლოგიები, უნიკალური სოფლის მეურნეობა, უკვე კოსმოსის ათვისებაზეც კი გადავიდა. ასევე, შექმნა სოფლის ტურიზმის განვითარების მოდელი, რითაც ჩინეთი გახდა ერთ-ერთი წამყვანი ქვეყანა მსოფლიოში.

 

საქართველოს აინტერესებს ჩინეთთან ურთიერთობა,რადგან ერთდროულად წარმოშობილი ცივილიზაციებია. ის ფაქტიც, რომ აბრეშუმის გზა საქართველოზე გადიოდა, ძალიან მნიშვნელოვანია ჩვენთვის. აღსანიშნავია ის ფაქტიც,  რომ  საქართველომ ჩინეთთან თავისუფალი ვაჭრობის შეთანხმება გააფორმა, რამაც ხელი შეუწყო ქართული ბიზნესის განვითარებას ჩინეთის ბაზარზე. დღესდღეობით, ბევრი ქართული კომპანია ჩინეთის ბაზარზე დომინანტთა როლს ასრულებს.

 

ჩინეთის მთელ რიგ რეგიონებში გაიხსნა საქართველოს პოპულარიზაციის კუთხეები. ცოტა ხნის წინ, „ჯორჯიან თაიმსის“ ბიზნეს რეიტინგის ღონისძიებაზე დავაჯილდოვეთ ადამიანი, რომელმაც ჩინეთში პატარა საქართველო შექმნა.

 

ჩინეთის გეოპოლიტიკური როლი განუზომელად იზრდება მთელ მსოფლიოში. მან ეტაპობრივად მოახდინა იმ დაკარგული ტერიტორიების დაბრუნება, რომელიც ბედის უკუღმართობის გამო დაკარგა.

 

რაში შეიძლება ეს ყველაფერი საქართველომ გამოიყენოს? ზუსტად ამ საკითხებს ეხება კონფერენცია.

 

ჩვენი მიზანია, ჩინეთის გეოპოლიტიკური გავლენა საქართველომ ისე გამოიყენოს, რომ მისი ტერიტორიული მთლიანობის აღდგენაც მოხდეს.

 

გვსურს, რომ როგორც ჩინეთში ებრძვიან სიღატაკეს, ზუსტად ასევე ვებრძოლოთ საქართველოში ამ პრობლემას.  ჩინეთში 1 700 000 000 ადამიანია და აქედან მხოლოდ 50 000 000 აქვს სიღარიბის ზღვარს ქვევით სტატუსი.  როგორც ჩინეთის კომუნისტური პარტიის ყრილობაზე, რომელსაც მე ვესწრებოდი, ჩინეთის პრეზიდენტმა სი ძინ პინმა განაცხადა, 2020 წლისთვის საერთოდ აღარ იქნება ასეთი სტატუსის მქონე ადამიანი.  ჩინეთს აქვს უნიკალური მოდელი მოხუცებულთა მოვლის. ასევე საპენსიპო რეფორმა. შემციერებული აქვს საპენსიო ასაკი 50-55 წლამდე.

 

დღეს, მსოფლიო ეკონომიკის 2/3 ჩინეთში იქმნება. ეს ყველაფერი კი ნამდვილად მისაბაძია,“ - განაცხადა "ჯორჯიან თაიმსთან" საუბარში მალხაზ გულაშვილმა.

 

 

 

კონფერენციის  მიზნებზე ისაუბრა ჩინეთის სახალხო რესპუბლიკის  საგანგებო და სრულუფლებიანმა ელჩმა საქართველოში - ძი იენჩიმ:

 

 

“დღევანდელი კონფერენცია ჩინეთის საელჩოსა და მედიაჰოლდინგ „ჯორჯიან თაიმსის“ ორგანიზებით ტარდება. ეს კონფერენცია ჩინეთის რეფორმებისა და გახსნილობის პოლიტიკის დაწყებიდან ორმოც და „ერთი გზა-ერთი სარტყელის“ ინიციატივის გაჟღერებდან ხუთი წლისთავს ემთხვევა. ჩვენ ამ კონფერენციას ექსპერტებისა და ჟურნალისტების თხოვნით ვატარებთ. 


აღსანიშნავია, რომ ორმოცი წლის მანძილზე, ჩინეთმა ძალიან ბევრ წარმატებას მიაღწია როგორც ეკონომიკაში, ასევე, სხვადასხვა სფეროებში. იგი დღესდღეობით მსოფლიოში რიგით მეორე ადგილზეა ეკონომიკის დონის მხრივ. ქართველებისთვის ძალიან საინტერესოა ჩინეთის განვითარების შესაძლებლობები და აღმშენებლობის გზაზე მის მიერ მიღწეული წარმატება. კონფერენციაზე დამსწრე ჟურნალისტებიდან და ექსპერტებიდან ბევრი არაერთხელაა ჩინეთში ნამყოფი. ჩევნი კონფერენციის მიზანიც ის არის, რომ უკეთ გავაცნოთ მათ ჩინეთის გამოცდილება და ერთად განვიხილოთ, თუ როგორ შეიძლება გამოიყენოს საქართველომ ეს გამოცდილება ქვეყნის აღმშენებლობისა და მეტი კეთილდღეობის მისაღწევად," - განაცხადა  ძი იენჩიმ.

 

 

როგორც „საპარტნიორო ფონდის“ ხელმძღვანელმა, - დავით საგანელიძემ აღნიშნა, ჩინეთის, როგორც სწრაფად მზარდი ეკნომიკისა და უზარმაზარი ბაზრის მქონე  ქვეყნის გამოცდილების გაზიარება საქართველოსთვის ძალიან მნიშვნელოვანია:

 

„ორ ქვეყანას შორის არსებული ურთუერთობები და  თავისუფალი სავაჭრო რეჟიმები დიდ და ახალ შესაძლებლობებს აძლევს ქართველ მეწარმეებს. მოხარული ვარ, რომ „საპარტნიორო ფონდს“ თავისი წვლილი შეაქვს საქართველო-ჩინეთს შორის ბიზნეს კონტაქტების გაღრმავებასა და ჩინეთის ბაზარზე ქართული პროდუქციის ექსპორტის ხელშეწყობისთვის. ქართველ მეწარმეებს ჩინეთის მილიარდ ნახევრიანი ბაზრის კარი ექხსნებათ და ეს ქართული ეკონომიკის განვითარებისთვის წინ გადადგმული ნაბიჯია“, - განაცხადა დავით საგანელიძემ.  

 

კონფერენციის მეორე ნაწილი დამსწრე საზოგადოებისთვის ჩინეთში ყოფნის შთაბეჭდილებების გაზიარებას დაეთმო. აქცენტები გაკეთდა ჩინეთის საპენსიო რეფორმაზე, მის ეკონომიკურ მოდელზე, „ერთი გზა - ერთი სარტყელის“ კონცეფციაზე, ჩინური ეკონომიკისა და სოფლის მეურნეობის მოდელზე, სიღარიბესთან ბრძოლაზე და სხვა.

 

 

„მსგავსი კონფერენციის ჩატარება ძალიან მნიშვნელოვანი ფაქტია საქართველოს სახელმწიფოებრივი განვითარებისათვის. სხვა, წარმატებული ქვეყნების გამოცდილების გაზიარება, დანერგვა და იმ  გაკვეთილების ჩვენს რეალობაზე მორგება, ვფიქრობ, ერთ-ერთი წინაპირობაა იმისა, რომ ქვეყანა გეოპოლიტიკურ, სტრატეგიულ ჭრილში განვითარდეს. 

იმედია, დღევანდელი ღონისძიება პირველი, პიონერული სვლა იქნება იმისა, რომ ჩვენმა ქვეყანამ ისეთი განვითარებული ქვეყნის გამოცდილება გაიზიაროს, როგორიცაა ჩინეთი.

რაც შეეხება ჩინეთს, ამ ქვეყანამ, გასული საუკუნის 80-90 წლიდან დღემდე, არნახულ წარმატებას მიაღწია თითქმის ყველა სფეროში. 

რა მიმართულებით შეიძლება გამოიყენოს ჩინური გამოცდილება საქართველომ? მაგალითად, შეიძლება დავასახელოთ სამხედრო სტრატეგია, საგარეო პოლიტიკა, რეგიონული ინიციატივის თანამშრომლობის პოლიტიკური ბჟენი, რომელიც, ჩვენთვის ძალიან აქტუალურია თუნდაც კავკასიისა და შავიზღვისპირეთის აუზის რეგიონების ფორმატში. ჩვენთვის საინტერესოა ასევე, ჩინეთის პოლიტიკური მოდელი. 

ძალიან კარგია, რომ ამ ყველაფერზე დიალოგი უკვე დაიწყო და მეც, რა თქმა უნდა, მივესალმები ამ კარგ ინიციატივას,“ - განაცხადა ვახტანგ მაისაიამ. 

 

 

 

სპეციალურად კონფერენციისათვის, პოლიტიკურმა მიმომხილველმა, - სიმონ კილაძემ შეადგინა და გამოსცა ბროშურა სახელწოდებით „საქართველო-ჩინეთის ურთიერთობა: ისტორიული ასპექტები“.  სიმონ კილაძის განმარტებით, კონფერენციას დიდი მნიშვნელობა აქვს საქართველო-ჩინეთის ურთიერთობისთვის, ვინაიდან, ის პირველად იმართება და შეიძლება ითქვას, გაკვალული გზაა ამ მიმართულებით:

 

„ჩინეთ-საქართველოს ურთიერთობას ძალიან მდიდარი ისტორიული წარსული აქვს.  ამას მოწმობს აბრეშუმის დიდი გზის არსებობა, რომელიც, ჯერ კიდევ  მეთორმეტე-მეცამეტე საუკუნეებში საქართველოზე, კავკასიაზე გადიოდა. მოგვიანებით, მეოცე-ოცდამეერთე საუკუნეებში, უკვე ჩინეთის მასშტაბური პროექტი განხორციელდა კავკასიაზე. ამ პროექტით, ერთ-ერთი მარშუტი აბრეშუმის დიდი გზის გავლით გადის და აქედან გამომდინარე, ჩვენი ეკონომიკისათვის და საერთოდ, გეოპოლიტიკური მდგომარეობისათვის ამას ძალიან დიდი მნიშვნელობა აქვს. 

ჩინური ეკონმიკური სასწაული - ცნობილი გამოთქმაა და ჩვენთვის საინტერესოა გავიგოთ, თუ როგორ მიაღწია მან ამ შედეგს. 

რაც შეეხება ჩემს ბროშურას, მასში განხილულია საქართველო-ჩინეთის ურთიერთობა ჯერ კიდევ აბრეშუმის დიდი გზიდან, მეთორმეტე საუკუნიდან დაწყებული. მოგეხსენებათ, რუსთაველის „ვეფხისტყაოსანშიც“ ნახსენებია ჩინეთი, რაც ამ ორი მეგობარი ქვეყნის ურთიერთობას მოწმობს. 

განხილულია ასევე, ის ფაქტიც, რომ მეცხრამეტე საუკუნეში, საქართველოში პირველად სწორედ ჩინეთიდან შემოვიდა ჩაი,- ლაუ ჯინ ჯოუს მიერ. 

მოგვიანებით, საქართველო-ჩინეთის ურთიერთობა უკვე კულტურისა და მეცნიერების დარგების მიმართულებით ვითარდებოდა. სწორედ ამ საკითხებზეა გამახვილებული ყურადღება ჩემს ბროშურაში, “ - განაცხადა სიმონ კილაძემ.

 

 

კონფერენციის დასასრულს, ჩინეთის სახალხო რესპუბლიკის  საგანგებო და სრულუფლებიანმა ელჩმა საქართველოში - ძი იენჩიმ,  დამსწრე საზოგადოებას ნაყოფიერი მუშაობისთვის მადლობა გადაუხადა და სამომავლოდ, მსგავს აქტივობაში ჩართვაში საკუთარი მხარდაჭერა და თანამშრომლობა აღუთქვა:

 

„ვფიქრობ, ძალიან საინტერესო კონფერენცია ჩავატარეთ. მე დღეს მოვისმინე ქართველი ექსპერტების, ჟურნალისტებისა და საზოგადოების სხვადასხვა სფეროს წარმომადგენლების მოსაზრებები  ჩინეთ-საქართველოს მაგალითზე. მათ არა მარტო აკადემიური კუთხით, არამედ, პრაქტიკული საქმიანობიდან გამომდინარე შეაფასეს ჩინეთის ეკონომიური მიღწევები. მე დღეს აღმოვაჩინე, რომ ბევრი ქართველი ექსპერტი ძალიან მაღალ დონეზე იცნობს ჩინეთს. სამწუხაროა, რომ აქამდე არ მქონია მათთან შეხება. ამ კონფერენციამ მათი სახით ბევრი მეგობარი  შემძინა. 

რა თქმა უნდა, მხარს ვუჭერ დღეს გამოთქმულ მოსაზრებას, რომ შემდგომში მსგავსი კონფერენცია, უკვე ბიზნეს სექტორის თანდასწრებით ჩატარდეს. დიდი მადლობა კონფერენციის ორგანიზებისათვის!“  - განაცხადა ძი იენჩიმ. 

 

ცნობისათვის, დღეს საქართველოს ჩინეთთან აქვს თავისუფალი ვაჭრობა და მთელი რიგი კომპანიები უკვე ამ ქვეყნის ბაზარზე ოპერირებენ. თუმცა, ეს საკმარისი არ არის და საჭიროა უფრო ინტენსიურ მოქმედებებზე გადასვლა ჩინეთის ახალი კონცეფციიდან - „ერთი გზა-ერთი სარტყელი“ - გამომდინარე.

 

/თამუნა დუღაშვილი/

/ნინო ოთარაშვილი/





მსგავსი სიახლეები
„არ არის ეს ის კაცი, ვინც ან საპატრიარქოს ფინანსების სამართლიანი ხარჯვისთვის დაიხოკავდა ლოყებს, ან უზიარებლობის გამო მიიღებდა ინსულტს - შეწყვიტეთ მისგან "გმირის" შექმნის მცდელობა!“
უფ­ლე­ბა­დამ­ცვე­ლი და მწე­რა­ლი ირაკ­ლი კა­კა­ბა­ძე და­ქორ­წინ­და
20-დღიანი სამძებრო-სამაშველო სამუშაოების შემდეგ, მაშველებმა 16 წლის მოზარდის ცხედარი იპოვეს
მართლმადიდებელი ეკლესია 17 თებერვალს მეზვერისა და ფარისევლის კვირას აღნიშნავს
რა ქონებას ფლობენ ცნობილი მოსამართლეები
„ან რა პატივისცემა უნდა გქონდეს მიღებული, ან რას უნდა ელოდო მამუკა ხაზარაძისგან, ბაიბურში რომ არ ხარ და მატროსოვივით მკერდით გადაეფარო ბიზნესმენს პროკურატურის, ეროვნული ბანკის, თუნდაც ბიძინასგან დასაცავად“
დეკანოზი მამა გიორგი მამალაძე ეზიარა - „იმედია, მალე განიკურნება“
„არ დაივიწყოთ ე.წ ტელეკომპანიის შეფის, ნიკოლოზ ანზორის ძე გვარამიას პროკურორობის დროს სასჯელაღსრულების სისტემაში გარდაცვლილი 101 ადამიანი - გრძნობს მორალურ პასუხისმგებლობას, თუ ერის დამმუნათებლის მანტია ჯერ არ გაცვეთია?“
გია ყანჩელი და რობერტ სტურუა საავადმყოფოში ერთმანეთს ამხნევებენ!
„ჯერჯერობით ექიმები არ აფასებენ მძიმედ და სასიხარულოა, რომ მას არ აქვს ასეთი მდგომარეობა - ემოციური მდგომარეობა კი მძიმეა, განსაცდელი მასზე, მის ოჯახზე ძალიან დიდია“
ბათუმში ახალაშენებულ კორპუსებში ბინა 154 დევნილ ოჯახს გადაეცა
„არასოდეს არ მოიპარო, ირაკლი! ყველაფერი კარგად იქნება - ხო, მაგაში მართალი ხარ, მარაა.... - ამ "მარა"-მ შემზარა და შემაშინა“
სურსათის ეროვნულმა სააგენტომ ბაზარზე ცხენის ხორცის უკანონოდ განთავსების შემთხვევები აღკვეთა
"დეკანოზ გიორგი მამალაძეს დაუზუსტებელი იშემიური ფორმის სისხლის მიმოქცევის დარღვევა აღენიშნება"
"ბიუჯეტიდან გამოყოფილი თანხიდან აუთვისებელი დარჩა 169 მილიონი ლარი" - გიგი უგულავა
შინაგან საქმეთა სამინისტროს მომსახურების სააგენტო განცხადებას ავრცელებს
"უჭირს მეტყველება და ვერ ამოძრავებს მარჯვენა კიდურს, უჭირს სიმძიმის დაკავება“
მსჯავრდებული მამა გიორგი მამალაძე, ჰიპერტონული კრიზის წინასწარი დიაგნოზით, საავადმყოფოშია გადაყვანილი
„შეიძლება იპოვო და იყიდო მატერიალური ნივთები, მაგრამ არსებობს ერთი ნივთი, რომელსაც ვერ იპოვი და იყიდი, როცა ის დაკარგულია - ვერ იყიდი "სიცოცხლეს" - სტივ ჯობსის უკანასკნელი სიტყვები
ვახუშტის ხიდზე 17 თებერვალს, დილის 10:00-დან 12:00 საათამდე ტრანსპორტის მოძრაობა ორმხრივად შეიზღუდება