"დარწმუნებული ვარ, საქართველო გახდება ერთ-ერთი პირველი ქვეყანა, რომელიც სრულებით დაამარცხებს C ჰეპატიტს"

საქართველო არის ძალიან კარგი მაგალითი, რომ ერთად დგომით, ერთმანეთის მხარდაჭერით ყველაზე რთულ დაავადებებთან გამკლავება შესაძლებელია, - ამის შესახებ საქართველოს პრემიერ-მინისტრმა ვირუსულ ჰეპატიტებთან დაკავშირებულ რეგიონულ საკონსულტაციო შეხვედრაზე - ''მიღწევები ელიმინაციის გზაზე'' სიტყვით გამოსვლისას განაცხადა.

 

მთავრობის მეთაურმა ხაზი გაუსვა იმ ფაქტის მნიშვნელობას, რომ მსგავსი სახის ღონისძიება ევროპაში პირველად ტარდება და მასპინძელ ქვეყნად 53 სახელმწიფოდან სწორედ საქართველო შეირჩა.

 

მამუკა ბახტაძის შეფასებით, ეს საქართველოს მიერ ჯანდაცვის სფეროში განხორციელებული წარმატებული რეფორმების, განსაკუთრებით კი, C ჰეპატიტთან ბრძოლის საქმეში მიღწეული მნიშვნელოვანი პროგრესის უდავო აღიარებაა.

 

„2012 წელს, არჩევნებში გამარჯვების შემდეგ, ჩვენმა პოლიტიკურმა გუნდმა აბსოლუტურ პრიორიტეტად გამოაცხადა ჯანდაცვის სისტემა. ჩვენ ძალიან ბევრი გამოწვევა გვქონდა ჯანდაცვაში და ამ წლების განმავლობაში არაერთი მნიშვნელოვანი რეფორმა განვახორციელეთ. თავიდან ბოლომდე შევცვალეთ ის საბიუჯეტო აქცენტები, რომელიც დაგვხვდა და დღეს გვაქვს ძალიან სწორად გაანალიზებული ჯანდაცვის პრიორიტეტები. ამაზე მეტყველებს ის სტატისტიკა და ძალიან მნიშვნელოვანი შედეგები, რომელსაც მივაღწიეთ. ჩვენ შევიმუშავეთ საყოველთაო ჯანდაცვის პროგრამა, რითაც საქართველოს თითოეულ მოქალაქეს ხელმისაწვდომობა აქვს საბაზისო სამედიცინო მომსახურებაზე და ეს ჩვენი პოლიტიკური გუნდის ერთ-ერთი ყველაზე მნიშვნელოვანი მიღწევაა", - განაცხადა მამუკა ბახტაძემ.

 

მთავრობის მეთაურმა აღნიშნა, რომ სამწუხაროდ, C ჰეპატიტი  მსოფლიო საზოგადოებისთვის კვლავაც მნიშვნელოვან გამოწვევად რჩება და ითხოვს როგორც მთავრობების, ისე სამოქალაქო საზოგადოების აქტიურ ჩართულობას ამ დაავადებასთან ბრძოლაში.

 

პრემიერმა 2015 წელს საქართველოში ჩატარებული კვლევის შედეგები გაიხსენა, რომელმაც აჩვენა, რომ საქართველოში მოსახლეობის თითქმის 8% ჰეპატიტის მატარებელი იყო.

 

მამუკა ბახტაძის განცხადებით, ეს იყო ქვეყნის წინაშე მდგარი ძალიან რთული გამოწვევა, რომელთან ბრძოლაც და C ჰეპატიტის ელიმინაციის უპრეცედენტო პროგრამის წამოწყება შესაძლებელი გახდა მეგობრების - სტრატეგიული პარტნიორი ამერიკის შეერთებული შტატების დაავადებათა კონტროლის ცენტრის, კომპანია „გილეადის" და ჯანმრთელობის მსოფლიო ორგანიზაციის მხარდაჭერით.

 

„დღეს ჩვენ სიამაყით შეგვიძლია ვთქვათ, რომ სახელმწიფოს მხარდაჭერით C ჰეპატიტით დაავადებული ათი ათასობით ჩვენი მოქალაქე სრულიად განკურნებულია, როდესაც, სულ ცოტა ხნის წინ, ეს დიაგნოზი საქართველოში ფაქტობრივად განაჩენს ნიშნავდა, ხოლო ამ უმძიმეს დაავადებასთან ფინანსურად დამოუკიდებლად გამკლავება  წარმოუდგენელი იყი. ჩვენ გვაქვს ძალიან მნიშვნელოვანი წარმატება. განკურნების მაჩვენებელი საშუალოდ 98 პროცენტია. ჩვენ არც სამომავლოდ დავიშურებთ ძალისხმევას იმისთვის, რომ საბოლოოდ აღმოვფხვრათ ეს დაავადება და დარწმუნებული ვარ, საქართველო გახდება ერთ-ერთი პირველი ქვეყანა, რომელიც სრულებით დაამარცხებს  C ჰეპატიტს", - განაცხადა მამუკა ბახტაძემ.

 

მთავრობის მეთაურმა პროგრამის განხორციელებაში ჩართულ თითოეულ ადამიანს, პარტნიორებსა და ჯანდაცვის მინისტრ დავით სერგეენკოს განსაკუთრებული მადლობა გადაუხადა, ასევე ხაზი გაუსვა ჯანდაცვის საზოგადოების მიერ გაწეულ საქმიანობას და განაცხადა, რომ მიღწეული შედეგები ყველასთვის საამაყოა.

 

ორდღიან რეგიონულ საკონსულტაციო შეხვედრაში, რომელიც თბილისში ჯანდაცვის მსოფლიო ორგანიზაციის ეგიდით იმართება, სხვადასხვა ქვეყნების ჯანდაცვის სამინისტროების, აგრეთვე ევროკომისიისა და გაეროს სააგენტოების, ჯანდაცვის მსოფლიო ორგანიზაციის რეგიონალური და სათავო ოფისების და პროფესიული ასოციაციების წარმომადგენლები და წამყვანი ექსპერტები მონაწილეობენ. შეხვედრის მიზანია ვირუსული ჰეპატიტების გავრცელების დაძლევის პროცესში ქვეყნების მიერ მიღწეული პროგრესისა და გამოწვევების გადახედვა და გამოცდილების ურთიერთგაზიარება.





მსგავსი სიახლეები
„უდესიანი-ახალაიას მაფია და ქალბატონი „კუს ტბა" - ჩვენი ქვეყანა დანაშაულებრივ ტრანზიტად გამოიყენება მსოფლიოში ერთ-ერთი ყველაზე ბნელი ძალის მიერ“
ვინ არის სააკაშვილი და მისი გუნდი? - მხოლოდ ფაქტები
დავით დვალის განმარტებით, ბიძინა ივანიშვილია ის პირი, რომელიც მასსა და სამართლიანობის აღდგენას შორის დგას
„რ-2 და ნაცმოძრაობა თავფეხიანად გადაეშვა ევროპის ლანძღვის მორევში - რასაც ესენი და მათი ლიდერი გაეკარნენ, ყველგან რუსული საქმე აკეთეს“
„გადახედეთ ბოლო თვეების მოვლენებს, რუსთაველზე და ტელესივრცეში გამოფენილ, ეროვნულობის მანტიაში გახვეულ ჭუჭყიან საცვალს და იქნებ მიხვდეთ, ვის ინტერესებშია, დასავლეთს როგორმე დაუმტკიცოს, რომ....“
„რუსთავი 2“-ის მფლობელების შეცვლის საკითხი დახურულ თათბირზე გადაწყდა, რომელსაც მიხეილ სააკაშვილთან ერთად, ირაკლი ოქრუაშვილი, ზურაბ ადეიშვილი და ვანო მერაბიშვილი ესწრებოდნენ - ოქრუაშვილის სკანდალური ჩვენება
„ირაკლი ოქრუაშვილმა, სანამ ლაპარაკს დაიწყებს, უნდა ახსნას, როგორ ასესხა ქიბარ ხალვაშს, წარმატებულ ბიზნესმენს, ჩინოვნიკმა შვიდი მილიონი დოლარი მაშინ, როცა მაღალი თანამდებობის პირი იყო“
„ ოქრუაშვილი პირდაპირ ამ ინტერვიუს მერე უნდა წასულიყო ციხეში, ტიპმა აღიარა, რას აკეთებდნენ სააკაშვილის მმართველობის დროს“
„ეს ტელევიზია მართლა იყო ირაკლი ოქრუაშვილის, უბრალოდ, ის ამას ვერ დაწერდა და ყველაზე ახლო მეგობარს, ბიზნესპარტნიორ ქიბარ ხალვაშს გადაუფორმა“
„იმავე დღეს შეხვდა გიორგი არველაძე და უთხრა, ტელევიზია უნდა გადმოგვაბაროო, რაზეც ქიბარმა სასტიკი უარი უთხრა - არველაძემ გამოუცხადა, მაშინ პრეზიდენტი დაგელპარაკება ამ თემაზეო“
„ნაციონალური მოძრაობა, რომელმაც 20 ივნისს ყველა "წითელი ხაზი" გადალახა, მმართველმა პარტიამ პოლიტიკურად სრულიად ადეკვატურად შეაფასა როგორც - მტრული ძალა“
ჟურნალისტის კითხვაზე, საიდან ჰქონდა მას თანხა, რომელიც ქიბარ ხალვაშს ასესხა, ოქრუაშვილმა უპასუხა: „ბებიათქვენმა დამიტოვა“
„მოიქეცით როგორც გენებოთ, მაგრამ დასავლეთის სახელით ბინძური პოლიტიკური თამაშის საშუალება აღარ მოგეცემათ“ - მესიჯი ქართულ ოპოზიციას სტრასბურგიდან
„ახლა ოქრუაშვილი უპირისპირდება “ქართულ ოცნებას”, თავის მეგობარს, ვინც გირაო გადაუხადა და იცავს ნიკა გვარამიას და მიხეილ სააკაშვილს - მსგავსი ამორალური ადამიანები როგორ ჩნდებიან საერთოდ?“
„სასამართლო გადაწყვეტილება აღსრულდეს სამართლიანად, აპოლიტიკურად და რომ უზრუნველყოფილ იქნას მედიაში მოსაზრებათა სიმრავლის შესაძლებლობა“
"სტრასბურგის სასამართლოს გადაწყვეტილება არის კიდევ ერთი დასტური იმისა, რომ „ნაციონალური მოძრაობის" და სააკაშვილის რეჟიმის დროს ჩვენ არ გვქონდა სამართლებრივი სახელმწიფო"
IRI მიერ ჩატარებული კვლევის შედეგებით, გამოკითხულთა უმეტესობა ვადამდელი საპარლამენტო არჩევნების მომხრეა
„მოსკოვს სურს იყოს ქართველი ხალხის მეგობარი“
„ევროპამ, საქართველოსთვის უპრეცედენტო გადაწყვეტილება მიიღო“
„რუსთავი 2“ - ში "ერთიანი ნაციონალური მოძრაობის" ლიდერი გრიგოლ ვაშაძე მივიდა