ჩინეთის სახალხო რესპუბლიკის საელჩოს ორგანიზებით ფარნების დღესასწაული და ქართველი სინოლოგების მიღება გაიმართა

გუშინ, სასტუმრო „ჰუალინგში“ ჩინეთის სახალხო რესპუბლიკის საელჩოს ორგანიზებით,  ფარნების დღესასწაული და ქართველი სინოლოგების მიღება გაიმართა.

 

„გაზაფხულის სადღესასწაულო მიღება ქართველი სინოლოგებისათვის“ ტრადიციულად, ჩინური ახალი წლის დღესასწაულთან დაკავშირებით იმართება და მისი მიზანია ჩინეთსა და საქართველოს შორის კულტურისა და განათლების სფეროში თანამშრომლობის გაღრმავება. ასევე, ხალხებს შორის ურთიერთგაგების გაზრდა და ორი ქვეყნის მჭიდრო ურთიერთობების განვითარება.

 

ღონისძიებას ესწრებოდნენ ჩინეთის სახალხო რესპუბლიკის საგანგებო და სრულუფლებიანი ელჩი საქართველოში ძი იანჩი, განათლების, მეცნიერების, კულტურისა და სპორტის მინისტრის მოადგილე ირინე აბულაძე, ქართველი სინოლოგები და სხვა მოწვეული სტუმრები.

 

„დღეს, ფარნების დღესასწაულს აღვნიშნავთ. ეს  მნიშვნელოვანი დღეა ჩინეთში. მინდა ყველას მოგილოცოთ გაზაფხულის დღესასწაული. ამ მნიშვნელოვან ღონისძიებას ესწრებიან: განათლების, მეცნიერების, კულტურისა და სპორტის მინისტრის მოადგილე, პარლამენტის წევრები და სინოლოგები.


აღსანიშნავია, რომ ჩინური ენა უფრო პოპულარული ხდება საქართველოში. 15 თებერვალს ხელი მოვაწერეთ მემორანდუმს, საქართველოს სკოლებში, ჩინური ენის სწავლების შესახებ.“
- განაცხადა
ჩინეთის სახალხო რესპუბლიკის საგანგებო და სრულუფლებიანმა ელჩმა საქართველოში - ძი იანჩიმ.

 

საქართველოში ჩინური ენის სწავლებას “ჯორჯიან თაიმსთან“  საუბარში გამოეხმაურა განათლების, მეცნიერების, კულტურისა და სპორტის მინისტრის მოადგილე ირინე აბულაძე.  მისი თქმით, ეს არის უფრო მეტი შესაძლებლობების მიცემა სკოლებისთვის და მოსწავლეებისთვის.

 

„განათლების სამინისტრომ ძალიან აქტიურად იმუშავა ჩნეთის სახალხო მთავრობასთან, საელჩოსთან და შესაბამის ინსტიტუტებთან, იმისათვის, რომ შემუშავებულიყო ჩინურის, როგორც მეორე ენის  სტანდარტი და პროგრამა განვითარებულიყო. ჩვენ უკვე რამდენიმე წელია ამ მიმართულებით ერთობლივ პროექტებს ვახორციელებთ. ჩინეთის მხარის დაფინანსებით, ახალგაზრდები ჩამოდიოდნენ საქართველოში და იმ სკოლის მოსწავლეებს, ვისაც სურვილი ჰქონდათ, ეს ახალგაზრდები ჩინური ენას ასწავლიდნენ. ასე იქცეოდა ზოგიერთი უნივერსიტეტიც. შემდეგ დავინახეთ, რომ მოთხოვნილება იზრდებოდა.

 

ასევე, გავითვალისწინოთ ის ფაქტიც, რომ  ჩვენსა და ჩინეთის სახალხო რესპუბლიკას შორის თანამშრომლობა ძლიერდება. 2018 წელს  საქართველოსა და ჩინეთს შორის თავისუფალი ვაჭრობის ხელშეკრულებას მოეწერა ხელი, რაც უფრო გაამყარებს და გააძლიერებს ეკონომიკურ ჭრილში თანამშრომლობას.

 

ენის განვითარება, უფრო მეტი შესაძლებლობებისა და არჩევანის  მიცემა ჩვენი სკოლებისთვისა და მოსწავლეებისთვის, ვფიქრობ, რომ წაადგება საქართველოში დასაქმებას,“- აღნიშნა ირინე აბულაძემ.

 

 

ღონისძიების მნიშვნელობაზე მედიაჰოლდინგ "ჯორჯიან თაიმსის" დამფუძნებელმა და პრეზიდენტმა მალხაზ გულაშვილმა ისაუბრა:

 

"ღონისძიება ჩინეთის საელჩოს მხრიდან მაღალ დონეზე იყო ორგანიზებული. მთავარი მესიჯები, რაც გაჟღერდა, გახლდათ ის, რომ ქართველები ჩინურად მღერიან და პირიქით, - რაც უკვე წინ გადადგმული ნაბიჯია. 


ზოგადად, ჩინეთის საელჩო გამოირჩევა სტრატეგიული ხედვითა  და ყველა მოვლენაზე ოპერატიული რეაგირებით. იგი საქართველოში აქტიურად  ცდილობს, რომ საზოგადოების ფართო ფენები მოიცვას, რასაც, რა თქმა უნდა,მივესალმები. ჩინეთი საქართველოსთვის სტრატეგიული პარტნიორია. ეს მიუთითებს იმაზეც, რომ ისტორიულად, აბრეშუმის გზა საქართველოს ტერიტორიაზე გადიოდა.  დღესაც ჩინეთი ითვლება ერთ-ერთ წამყვან სავაჭრო პარტნიორად ჩვენი ქვეყნისთვის. „ჯორჯიან თაიმსის“ მიერ ორგანიზებული კონფერენციაც, რომელიც ცოტა ხნის წინ ჩავატარეთ, ზუსტად ამას ეძღვნებოდა. 

თავად ის ფაქტიც, რომ მე-5 კლასიდან სკოლებში ჩინური ენის სწავლება ინერგება, მისასალმებელია. მოგესხსენებათ, რომ ჩინეთიდან ყოველწლიურად 130 მილიონი ტურისტი გადის სხვადასხვა ქვეყნებში, აქედან 10 პროცენტი მაინც რომ მოიზიდოს საქართველომ, ამას სჭირდება გიდები. მოგეხსენებათ, რომ  ჩინელი მოსახლეობა გარდა ჩინურისა, სხვა ენას არ ფლობს. (იშვიათად ინგლისურს და რუსულს). შესაბამისად,  ჩინური ენის სწავლა გვჭირდება, რომ საქართველოს ეკონომიკა უფრო მეტად გაიზარდოს,“- აღნიშნა მალხაზ გულაშვილმა.

 

ღონისძიება შეაფასა ასევე, პოლიტიკურ მეცნიერებათა დოქტორმა, ასოცირებულმა პროფესორმა, სამხედრო პოლიტოლოგმა ვახტანგ მაისაიამ:


 

„დღევანდელი შეხვედრა ძალიან მნიშვნელოვანია, რადგან შეკრებილია ის საზოგადოება, რომელსაც მეტ-ნაკლებად შეხება აქვს ჩინეთთან, სამეცნიერო-აკადემიური, ბიზნესის და სხვა ურთიერთობიდან გამომდინარე. მგონია, რომ ასეთ შეხვედრას კიდევ უფრო დიდი წვლილი შეაქვს ქართულ-ჩინური ურთიერთობებისა და სტრატეგიული კავშირების განმტკიცებაში. ვიმედოვნებ, რომ ასეთი ტრადიციები, დღევანდელი ღონისძიების სახით, მომავალშიც გაგრძელდება.“- განაცხადა ვახტანგ მაისაიამ.

 

 





მსგავსი სიახლეები
ამ ეტაპზე ყველა დევნილი ოჯახის საცხოვრებლით უზრუნველყოფას 1.9 მილიარდ ლარამდე ესაჭიროება
როგორი ამინდია მოსალოდნელი საქართველოში
"დღეს „ნიუ ჰოსპიტალსს" შეემატა ახალი კორპუსი, სადაც წარმოდგენილი იქნება ჯანდაცვის ახალი მიმართულებები."- მამუკა ბახტაძე
„პირველი, რაც გააკეთა თქვენმა ხელისუფლებამ, ეგ იყო - სწორედ მაგ პარტიზანების კისერზეა უამრავი ქართველის მტრის განადგურება!“
თბილისში, დიდ დიღომში, ტექნიკის საწყობში გაჩენილი ხანძარი ლოკალიზებულია
მსოფლიო სამეცნიერო საზოგადოებამ აღიარა, რომ მეღვინეობის უძველესი კვალი საქართველოს ტერიტორიაზე იქნა აღმოჩენილი
„გენიალური რობერტ სტურუას ბრწყინვალე სპექტაკლი "ბედი ქართლისა" აუცილებლად უნდა ნახოთ და მიხვდებით, - რატომ კივიან კასტრატები!“
„ნოდარია დაქნეულო! ტროლები არის სწორედ ეგ, რასაც შენ იყენებ, მაგას ჰქვია მოსახლეობის დატროლვა! გადაეცი ნიკაია დაფერთხილს - 2003 წელი აღარ არის ახლა და აღარ ჭამს ხალხი მაგას!“
„ოცნების“ თავგადაკლული ხალხი რომ დღემდე უმუშევარია და იმ უზრდელი, ენაწაგდებული, ბობოლა ნაცის ცოლი სახელმწიფო სამსახურშია ბედნიერად დასაქმებული, ესაა დემოკრატიის მწვერვალი!“
„გილოცავთ ამ დიდებულ დღესასწაულს, მართლმადიდებლობის ზეიმს - ეკლესიამ გადაარჩინა საქართველო და ჩვენ ყველაფერი უნდა გავაკეთოთ იმისათვის, რომ მართლმადიდებლობა შევინარჩუნოთ“
„არსადაა წარწერა, ან ფირნიშები, თუ რა არის ეს? რისთვისაა ასე დაკონსერვებული - იმედი მაქვს, გამოსწორდება ეს ლაფსუსი, რაც ამ ისტორიული ნანგრევების მნიშვნელობას მნახველისათვის გასაგებს გახდის“
მამაკაცის წერილი ქალის შესახებ: - „მათ იციან, რომ მათ გარეშე არ შეგვიძლია, ისინი არიან ისინი''
„ამ ისტორიაში ერორის სარედაქციო პოლიტიკოსები ბიძინას ხელს, ან კიდევ უარესი, ბიძინას ყ..ს ხედავენ“
„იმ გამომგონებელ-აღმომჩენებს, რომლებიც ახლის შეცნობის მიზნით კვლევა-ძიებას ატარებდნენ, მხოლოდ ფულსა და მოგებაზე უნდა ეფიქრათ?“
„საქართველოს რკინიგზა“ ქუთაისში მომხდარ შემთხვევასთან დაკავშირებით განცხადებას ავრცელებს
ორთაჭალაში მშენებარე კორპუსიდან სამი მუშა გადმოვარდა - ერთი დაიღუპა
„ქართველ სამხედროებს გაუჩნდათ ინიციატივა, საბრძოლო უპირატესობა ეშერის მიმართულებითაც მოეპოვებინათ, მაგრამ თბილისიდან ამის ნება არ მისცეს“
„არც ამ ჟურნალისტების ბრალია, პატრიოტული ქაქის გასაღებით რომ არიან დაკავებულები - ისინი ასაღებენ იმ პროდუქტს, რაც უფრო მოთხოვნადია საზოგადოებისთვის“
დავეხმაროთ 8 წლის ობოლ გოგონას, რომელიც გლდანში, ძველ ვაგონში ცხოვრობს
სურსათის ეროვნული სააგენტო ფაროსანას საწინააღმდეგოდ მონიტორინგის პირველ ეტაპს იწყებს