"პარლამენტის თავმჯდომარის ავტორობით მომზადებული კანონპროექტი ვერ პასუხობს არსებულ გამოწვევებს" - ნინო ლომჯარია

სახალხო დამცველის ნინო ლომჯარიას განცხადებით, მოსამართლეების არჩევასთან დაკავშირებით პარლამენტის თავმჯდომარის ავტორობით მომზადებული კანონპროექტი ვერ პასუხობს არსებულ გამოწვევებს.

 

ნინო ლომჯარიას განცხადებით, კრიტერიუმებისა და პროცედურების გაწერას არ უნდა ჰქონდეს მხოლოდ ფორმალური ხასიათი. მისი თქმით, მას უნდა შეეძლოს არსებითად შეცვალოს გადაწყვეტილებების მიღების ის პრაქტიკა, რასაც ადგილი აქვს იუსტიციის უმაღლესი საბჭოს ფარგლებში და უზრუნველყოს სამართლიანობა. წინააღმდეგ შემთხვევაში, მისი თქმით, პროცედურები და კრიტერიუმები გამოყენებული იქნება ფორმალური კანონიერების ხაზგასასმელად.

 

პარლამენტის თავმჯდომარის კაბინეტის მიერ წარმოდგენილ კანონპროექტთან მიმართებაში სახალხო დამცველს მიაჩნია, რომ უნდა შეიცვალოს შემდეგი არსებითი საკითხები: კრიტერიუმები; კენჭისყრის ფარულობა, ასევე პარლამენტმა უნდა უზრუნველყოს კენჭისყრის ღიაობის ვალდებულება საკანონმდებლო დონეზე; გარდა ამისა შეიცვალოს ინტერესთა კონფლიქტთან; ხმათა რაოდენობასა და კანდიდატთა რაოდენობასთან დაკავშირებული საკითხები.

 

"ამ გამოწვევების საპასუხოდ ძალიან მნიშვნელოვანია შესაბამისი კანონმდებლობის მიღება იმისთვის, რომ გაჯანსაღდეს პროცესი, გაიზარდოს ნდობა იუსტიციის საბჭოს გადაწყვეტილებების მიმართ. სახალხო დამცველს მოსაზრებები აქვს აღნიშნულ კანონპროექტთან დაკავშირებით. ჩვენ ამ მოსაზრებებს წარვუდგენთ ვენეციის კომისიას, რომელსაც უკვე აღნიშნული კანონპროექტი გადაეგზავნა. იმედი მაქვს, ვენეციის კომისია გაითვალისწინებს ამ მოსაზრებებს. თუმცა, დამატებით, მე, როგორც სახალხო დამცველი, როგორც ადგილობრივი ადამიანის უფლებათა დაცვის ეროვნული ინსტიტუტი, გამოვიყენებ ჩემს უფლებამოსილებას და მივმართავ ეუთოს, რომელსაც აქვს უფლებამოსილება, ომბუდსმენის მიმართვის საფუძველზე მოამზადოს დასკვნა და მოსაზრება იმ კანონპროექტებთან დაკავშირებით, რომლებიც ასევე შეეხება მართლმსაჯულების საკითხებს, შეისწავლოს კანონპრპექტი და მისი შესაბამისობა საერთაშორისო სტანდარტებთან და სახელმწიფოს მიერ ნაკისრ ვალდებულებთან. ამიტომ, ვფიქრობ, რომ ეუთოს ჩართვა ამ საკითხებში დამატებით ძალიან ღირებული და მნიშვნელოვანი იქნება. ასევე, რა თქმა უნდა, ჩვენ მჭიდროდ ვითანამშრომლებთ ოროვე ორგანიზაციასთან და მათი მხრიდან ძალიან მნიშვნელოვანი იქნება, რომ გათვალისწინებული იყოს ქვეყნის კონტექსტი. ჩვენ გვაქვს ექსტრაორდინალური ვითარება და შესაბამისად, გამოსავალიც დროულადაა სანახავი", - განაცხადა ლომჯარიამ.

 

ამასთან, სახალხო დამცველის თქმით, მნიშვნელოვანი იქნებოდა პარლამენტი დალოდებოდა ვენეციის კომისიის პასუხს, ვიდრე კანონპროექტის განხილვას დაიწყებდა.





მსგავსი სიახლეები
ზუგდიდში „ქართული ოცნების“ წევრებს შორის მიწის ნაკვეთზე დავას სროლა მოჰყვა
ზუგდიდის მუნიციპალიტეტის სოფელ გრიგოლიშში ცეცხლსასროლი იარაღით ახალგაზრდა მამაკაცი დაჭრეს
შინაგან საქმეთა სამინისტრო საუდის არაბეთის მოქალაქეებთან დაკავშირებით განცხადებას ავრცელებს
საქართველოს ფინანსთა სამინისტროს საგამოძიებო სამსახურმა ბელარუსის რესპუბლიკის სახელმწიფო კონტროლის კომიტეტის ფინანსური გამოძიების დეპარტამენტის დელეგაციის წარმომადგენლებს უმასპინძლა
„მიმდინარე გამოძიების მასალის გასაცნობად საქართველოს გენერალურმა პროკურატურამ ბაჩანა შენგელიას საგამოძიებო უწყებაში მისვლა შესთავაზა“
„რატომ დაინტერესდნენ ეს ადამიანები 13 წლის შემდეგ ჩემი დაკითხვით - მე აუცილებლად მივიღებ ამ გამოწვევას და შემდეგ განცხადებებში ვიქნები უფრო ადეკვატური“
საბაჟო საზღვარზე განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევისა და ქრთამის მიცემის ფაქტზე დაკავებულია სამი პირი
„მე დარწმუნებული ვარ, იმ პირობებში, რომ საქმე ამოსული იყო უზენაეს სასამართლოში, ერთადერთი სწორი გადაწყვეტილება მივიღე“
პროკურატურა ზვიად მთავრიშვილის გარდაცვალების საქმესთან დაკავშირებით განცხადებას ავრცელებს
ვენეციის კომისიის შეფასებით, უზენაესი სასამართლოს მოსამართლეობის კანდიდატების შერჩევისას, იუსტიციის უმაღლეს საბჭოში ფარული კენჭისყრა უნდა გაუქმდეს
"ყველამ უნდა გავაცნობიეროთ, რა არის ასეთი დიდი მსხვერპლის მიზეზი"- გიორგი გახარია ავტოავარიებზე
შსს ავტომობილის ნომრის ამომცნობ მობილურ სისტემებს ნერგავს
"თუ არ შევხედეთ ობიექტურ რეალობას და არ გავუსწორეთ თვალი, ამ პრობლემის მოგვარების არანაირი შანსი არ გვექნება"
„დილით რომ ბათუმისკენ მიმავალს ველოსიპეტიანი კაცი შემხვდა, ისევ ის არ იყო...თან გურული და ამ კაიფს გაუშვებდა ხელიდან“
ჩაქვში ავტოსაგზაო შემთხვევისას 12 წლის ბიჭი გარდაიცვალა
"პირველად მესმის, რასაც ახლა მეუბნებით - ცოტა უფრო მეტი ინფორმაცია უნდა მომაწოდოთ და აუცილებლად გაგცემთ პასუხს“
საგამოძიებო სამსახურმა დიდი ოდენობით სხვისი ქონების მოტყუებით დაუფლების მცდელობის ფაქტზე ერთი პირი დააკავა
"დღეს ვიშლებით იმ პირობით, რომ ჩვენ თანასოფლელს გამოუშვებენ, რომელიც აქციის მსვლელობისას დააკავეს - თუ არ გამოუშვებენ, ამ საღამოსვე შევიკრიბებით და აქციას გავმართავთ"
ოზურგეთის ბავშვთა საავადმყოფოს ეზოში მამკაცმა თავი ჩამოიხრჩო
თავდაცვის ეროვნულ აკადემიაში ამერიკელ კურსანტზე შესაძლო ძალადობის ფაქტი არ დადასტურდა