თბილისში გამოფენა „დამზადებულია ბელარუსში“ და ბიზნეს ფორუმი გაიმართა

თბილისში ბელარუსული პროდუქციის გამოფენა „დამზადებულია ბელარუსში“ (made in Belarus) გაიმართა.

 

გამოფენა საქართველოსა და ბელარუსის სავაჭრო-სამრეწველო პალატების ორგანიზებით, საგამოფენო კომპლექს „ექსპო ჯორჯიაში“ ჩატარდა. გამოფენა საქართველოს პრემიერ-მინისტრმა, მამუკა ბახტაძემ გახსნა. 

 

„დღევანდელი გამოფენის და ბიზნესფორუმის შედეგად კიდევ უფრო მეტ ინვესტიციას მივიღებთბელარუსიდან და რაც მთავარია, ვუმასპინძლებთ მეტ ტურისტს ჩვენი მეგობარი ქვეყნიდან.დარწმუნებული ვარ, ეკონომიკური თანამშრომლობა, რომელიც შემდგომ წლებში იქნება საქართველოსა დაბელარუსს შორის, ბევრ სამუშაო ადგილს შექმნის როგორც ბელარუსში, ასევე საქართველოში",- განაცხადა მამუკა ბახტაძემ.

 

პრემიერ-მინისტრის თქმით, აღნიშნული გამოფენა კარგი შესაძლებლობაა არა მხოლოდ ქართულიკომპანიებისთვის ბელარუსულ საწარმოებთან საქმიანი კავშირის დასამყარებლად,  არამედ ქართველიმომხმარებლებისთვის, რათა მათ უკეთ გაიცნონ ბელარუსული პროდუქცია.

 

„ძალიან მიხარია, რომ ეს გამოფენა კარგ ტრადიციად იქცა ჩვენს ქალაქში. ჩვენ და ბელარუსებსგანსაკუთრებით მეგობრული და თბილი ურთიერთობები გვაკავშირებს და ჩვენ ამით ვამაყობთ. დღესსაქართველოში გვეწვია 150 კომპანია ბელარუსიდან, რაც კიდევ ერთხელ ხაზს უსვამს იმ გარემოებას, რომჩვენს ეკონომიკურ კავშირებს დიდი პოტენციალი აქვს. მიხარია, რომ სავაჭრო ურთიერთობა ორ ქვეყანასშორის იზრდება. ჩვენ დღეს იმაზეც შევთანხმდით, რომ ეს არ არის მაქსიმუმი, რაც შეგვიძლია. გვაქვსყველანაირი წინაპირობა იმისთვის, რომ სავაჭრო მოცულობა ორ ქვაყანას შორის მინიმუმ გავაორმაგოთ", - განაცხადა მამუკა ბახტაძემ.

 

 

ღონისძიების ფარგლებში საკუთარი პროდუქცია და მომსახურება 70-ზე მეტმა ბელარუსულმა კომპანიამ წარადგინა, რომელთა ნაწილი ქართულ ბაზარზე უკვე დამკვიდრებულია.

 

ბელარუსთან ერთობლივი საწარმოების მაგალითი უკვე გვაქვს, საუბარი იმაზეა, თუ როგორ შეიძლება თანამშრომლობა გავამყაროთ, - ამის შესახებ საქართველოს ეკონომიკისა და მდგრადი განვითარების მინისტრმა გიორგი ქობულიამ განაცხადა.

 

„ერთობლივი საწარმოების მაგალითი უკვე გვაქვს, ტრაქტორები, რომელიც აწყობილია ბელარუსისა და საქართველოს ერთობლივ საწარმოში შეგიძლიათ იხილოთ. ლაპარაკია ლიფტებზე, რაც უკვე დღეს აწყობის პროცესშია და არის ძალიან დიდი პოტენციალი ამ ლიფტების საერთო საწარმოს გაფართოების. გარდა ამისა, ლაპარაკია კომბაინური ტექნიკის წარმოებაზე, საერთო პროექტებზე მედიცინის სფეროში. ბელარუსული პროდუქცია საკმაოდ განვითარებულია ქირურგიასა და ქირურგიულ მოწყობილობებში, და ამაზეც იყო ლაპარაკი, თუ როგორ შეიძლება, თანამშრომლობა გავამყაროთ. სხვადასხვა სეგმენტში თანამშრომლობაზეა საუბარი და არ უნდა დაგვავიწყდეს, რომ ბელარუსი ჩვენთან კულტურულადაც და გეოგრაფიულადაც ახლო ქვეყანაა და ქართველ ხალხს, მოსახლეობას განსაკუთრებით უადვილდება ბელარუს კოლეგებთან და ბიზნესმენებთან ურთიერთობა", - აღნიშნა ქობულიამ.

 

მისი თქმით, დიდი ინვესტიციები განხორციელდება ტრანსპორტისა და ლოგისტიკის მიმართულებით.

 

„ინვესტიციების საკითხი ამჟამად განხილვის პროცესშია. საკმაოდ დიდი ინვესტიციები იქნება განხორციელებული ტრანსპორტსა და ლოგისტიკაში", - განაცხადა მინისტრმა.

 

გამოფენაზე წარდგენილი კომპანიების საქმიანობის სფეროებია: ნავთობქიმიური მრეწველობა, ფარმაცევტული ნაწარმი და სამედიცინო სერვისები, სამშენებლოს მასალები და ინფრასტრუქტურა, სოფლის მეურნეობა და საკვები პროდუქტები, ასევე მომსახურების სფერო და განათლება.

 

ამასთან, ღონისძიების ფარგლებში გაიმართა ქართულ-ბელარუსული საქმიანი საბჭოს სხდომა, რომელიც საქართველოს სავაჭრო-სამრეწველო პალატის პრეზიდენტმა, ნინო ჩიქოვანმა გახსნა. საბჭოს სხდომაში  საქართველოს ეკონომიკისა და მდგრადი განვითარების მინისტრი გიორგი ქობულია, ბელარუსის რესპუბლიკის პრემიერ-მინისტრის მოადგილე მიხაილ რუსი და ბელარუსის სავაჭრო-სამრეწველო პალატის თავმჯდომარე სერგეი ნაშებკო მონაწილეობდნენ.

 

"ქართულ და ბელარუსულ კომპანიებს შორის 15 პარტნიორული ხელშეკრულება გაფორმდა,” - ამის შესახებ “ჯორჯიან თაიმსთან“ საუბარში საქართველოს სავაჭრო-სამრეწველო პალატის პრეზიდენტმა ნინო ჩიქოვანმა განაცხადა. 

 

როგორც ჩიქოვანი აღნიშნავს, ხელშეკრულებები ორ ქვეყანას შორის ვაჭრობის მოცულობის გაზრდას და პარტნიორების მოძიებას შეუწყობს ხელს. 

 

“ძირითადი სექტორებია - კვების ინდუსტრია, სოფლის მეურნეობა, ფარმაცევტული პროდუქცია, სასოფლო-სამეურნეო ტექნიკ და სამშენებლო მასალებია. ეს ძალიან მნიშვნელოვანია ორმხრივი სავაჭრო-საინვესტიციო ურთიერთობისთვის,” - აღნიშნა ნინო ჩიქოვანმა. 

 

საქართველოს სავაჭრო-სამრეწველო პალატის ინფორმაციით, საქმიანი საბჭოს ფარგლებში 14 ქართულმა და 14 ბელარუსულმა კომპანიამ ხელი მოაწერეს ხელშეკრულებებს, რომელთა ჯამური ღირებულებაც 2 806 780 აშშ დოლარია. მხარეებს შორის ხელშეკრულებები გაფორმდა მსხვილ სასოფლო-სამეურნეო ტექნიკაზე, ლიფტებზე, ქართული ჩაის ექსპორტზე და სამკურნალო პრეპარატების მიწოდებაზე. ასევე გაფორმდა შეთანხმებები სამეცნიერო სფეროში თანამშრომლობის კუთხით.





მსგავსი სიახლეები
ვითიბი ბანკის საზაფხული აქცია სამომხმარებლო სესხზე
მთავრობამ „ანაკლიის განვითარების კონსორციუმს" ვალდებულებების შესრულება კიდევ ერთხელ გადაუვადა
"ჩვენ გვჭირდება არა უბრალოდ დივერსიფიკაცია, არამედ გასაღების გლობალური ბაზრები“ - გიორგი ცუცქირიძე
ანაკლიის გზისა და რკინიგზის საპროექტო სამუშაოები აქტიურ ფაზაშია
„ჩვენ ვაშენებთ ორ ქარხანას - მზის პანელების, რომელიც ამერიკის ბაზარს მოამარაგებს და ელექტრომობილების - უახლოეს მომავალში ძალიან მნიშვნელოვან ინვესტიციებს ველოდებით აშშ-დან“
დღეს კომპანია „ველსის“ წიგნის - „ვაჭრობის საფუძვლები“ პრეზენტაცია გაიმართა
"ქალთა ეკონომიკური გაძლიერება უმნიშვნელოვანესია ინკლუზიური ეკონომიკური განვითარებისათვის"
17 ივნისიდან “მაგთი ფიქსის“ აბონენტებს საკომუნიკაციო მომსახურება აღარ შეეზღუდებათ
ერთი ამერიკული დოლარის ღირებულება 14 ივნისის 17:00 საათისთვის
ეკონომიკისა და მდგრადი განვითარების მინისტრი ნათია თურნავა აშშ-ის EXIM Bank-ის დირექტორთა საბჭოს წევრს ჯუდით პრაიორს შეხვდა
ერთი აშშ დოლარის ღირებულება 13 ივნისის საღამოს მონაცემებით
მიმდინარე წელს ინვესტიციების მოცულობა შარშანდელზე მეტი იქნება
"ჩვენი და აშშ-ის მთავრობის ხედვა ანაკლიის პროექტის შესახებ ერთმანეთის იდენტურია"- ნათია თურნავა
მარტყოფში პირველი ქართული ვისკის ქარხნის, JIMSHER-ის მშენებლობა დასრულდა
„ჩვენ გვსურს არა მარტო რეგიონული ცენტრი ვიყოთ, არამედ, გზაჯვარედინი აზიასა და ევროპას შორის“
ერთი ამერიკული დოლარის ღირებულება 12 ივნისის 17:00 საათისთვის
კონკუსის - #გახდიპირველი2-ის დაჯილდოება გაიმართა
ვითიბი ბანკის კლიენტი შესაძლებელია სახლიდან გაუსვლელად გახდეთ
"დაანონსებული"რევოლუცია არ იქნება! - ეს იმ ორას პარტიასაც დაზაფრავს, "ოპოზიციასაც" და ხელისუფლებასაც, რომელიც მზად იყო, გრუ-ს შვილობილი "ევროპული საქართველოსთვის" გადაებარებინა ხელისუფლება!“
17 ივნისიდან "მაგიკომის" აბონენტები "მაგთი ფიქსით" ვეღარ ისარგებლებენ