"მართვის მოწმობის გამოცდის რეალურ მოძრაობაში ჩასატარებლად შესყიდული 7 მლნ ლარზე მეტი ღირებულების ქონება გამოუყენებელია"

სახელმწიფო აუდიტის სამსახურმა, შინაგან საქმეთა სამინისტროს სსიპ − მომსახურების სააგენტოს მიერ 2017 წელს განხორციელებული სახელმწიფო შესყიდვების შესაბამისობის აუდიტი ჩაატარა. ანგარიშის მიხედვით, შსს-ს მომსახურების სააგენტოს მიერ მართვის უფლების პრაქტიკული გამოცდის რეალური საგზაო მოძრაობის პირობებში ჩატარების მიზნით შესყიდული, 7 მლნ ლარის ღირებულების ქონება გამოუყენებელია, შესაბამისად, სახელმწიფო აუდიტი უწყების მიერ თანხების არაეფექტიან ხარჯვაზე მიუთითებს.

 

საქართველოსა და ევროკავშირს შორის ასოცირების შეთანხმებით, საქართველოს ვალდებულება ჰქონდა, სატრანსპორტო საშუალების მართვის უფლების პრაქტიკული გამოცდა 2018 წლის 1-ელ სექტემბრამდე ჩატარებულიყო რეალური საგზაო მოძრაობის პირობებში.

 

აუდიტის ანგარიშის მიხედვით, პროექტის განსახორციელებლად სააგენტომ შეისყიდა ავტომანქანები, მიკროავტობუსები, მოტოციკლები და აღჭურვა ისინი კამერებით, ასევე მოწყო მოედნები და გადაამზადა გამომცდელი პერსონალი. ჯამში 2017-2018 წლებში პროექტის განსახორციელებლად დაიხარჯა 7 მლნ ლარზე მეტი. შესაბამისად, სააგენტომ სრულყოფილად შეასრულა თავისი ვალდებულება ასოცირების შეთანხმების შესრულების მიზნით. თუმცა როგორც სახელმწიფო აუდიტის სამსახური მიუთითებს, იმის გამო, რომ აღნიშნული მიმართულებით საკანონმდებლო ბაზა არ იყო მომზადებული და მუნიციპალიტეტებს არ ჰქონდათ ინფრასტრუქტურული პროექტები დასრულებული, ასოცირების შეთანხმებით გათვალისწინებული მიზანი - გამოცდა ჩატარებელიყო რეალური საგზაო მოძრაობის პირობებში მიღწეული არაა.

 

სახელმწიფო აუდიტის სამსახური მიუთითებს, რომ 2018 წლის დეკემბრის მდგომარეობით, სააგენტოს მიერ შესყიდული ქონება გამოუყენებელია. ამასთან, საგამოცდო მანქანებს ამოეწურა 2-წლიანი საგარანტიო ვადიდან 1 წელი, თუმცა, აღსანიშნავია, რომ სააგენტომ კომპანიასთან შეთანხმებით ვადა დამატებით 1 წლით გააგრძელა. რაც შეეხება საგამოცდო სისტემას, მას გარანტიის ვადა ამოეწურა, შესაბამისად ტექნიკური ხარვეზის შემთხვევაში, არსებობდა რისკი, რომ სააგენტოს დამატებითი თანხების გადახდა მოუწევდა, თუმცა სააგენტოსა და კომპანიას შორის გაფორმდა შეთანხმება საგამოცდო სისტემაზე გარანტიის ვადის 1 წლით გაგრძელების თაობაზე.

 

თანხების არაეფექტიანი ხარჯვა სახელმწიფო აუდიტმა მომსახურების სააგენტოს მიერ ნომრის ამომცნობი კამერების შესყიდვაშიც გამოავლნა. კერძოდ, პროექტ „უსაფრთხო ქალაქი, უსაფრთხო რეგიონი, უსაფრთხო ქვეყანა“-ს ფარგლებში სამსახურმა გამარტივებული წესით შეისყიდა 28 ერთეული ნომრის ამომცნობი კამერა, რაშიც 100 660 ლარი გადაიხადა. როგორც აუდიტის ანგარიშიდან ირკვევა, იმის გათვალისწინებით, რომ შესყიდული კამერები 10 თვის განმავლობაში სააგენტოს საწყობში ინახებოდა, არ არსებობდა გადაუდებელი აუცილებლობით, გამარტივებული წესით, შესყიდვის საფუძველი.

 

აუდიტის რეკომენდაციით, პროექტების სათანადო მართვისა და ეკონომიურობის უზრუნველსაყოფად, მნიშვნელოვანია სააგენტომ სამინისტროსთან ერთად შეიმუშაოს პროექტების მართვის ისეთი მექანიზმები/ პროცედურები და კონტროლის სისტემა, რომ დაცული იყოს თანმიმდევრულობისა და კოორდინირებული მუშაობის პრინციპები.





მსგავსი სიახლეები
„ვაუქმებთ პატრულირებას“, - ამის შესახებ ლევან ვასაძემ ვერის ბაღში შეკრებილ მოქალაქეებს განუცხადა
შინაგან საქმეთა სამინისტროს საგანგებო სიტუაცების მართვის სამსახური განცხადებას ავრცელებს
"მართლწესრიგის ოფიცრები კარდაკარ ივლიან და საზოგადოებას ინფორმაციას მიაწვდიან, რომ ნაადრევი ქორწინება დანაშაულია, რაც პოლიციას უნდა შეატყობინონ"
წნორში ყოფილი წისქვილკომბინატის შენობა დაიწვა, რომელსაც ინდოეთის მოქალაქეები ხორბლის და ქერის შესანახად იყენებდნენ
თურქეთში, ანტალიაში, საქართველოს მოქალაქე მოკლეს
ფოთში ტაეკვანდოში საქართველოს ღია ჩემპიონატზე ერთმანეთს ტაეკვანდოს ფედერაციის გამგეობის წევრები და მწვრთნელები ფიზიკურად დაუპირისპირდნენ
შინაგან საქმეთა სამინისტრო, როგორც მართლწესრიგის დაცვაზე პასუხისმგებელი უწყება, მოუწოდებს შეკრების მონაწილეებს, დაიცვან კანონის მოთხოვნები
მთავრობის ადმინისტრაციასთან, წუხანდელ აქციაზე დაკავებული პირებიდან სამს თბილისის საქალაქო სასამართლომ 1000-1000-ლარიანი გირაო დააკისრა
შინაგან საქმეთა სამინისტრო განცხადებას ავრცელებს და საზოგაოებას მოუწოებს
„თბილისი პრაიდის“ აქციის მონაწილეებმა მთავრობის ადმინისტრაციის მიმდებარე ტერიტორია დატოვეს
„მართლმადიდებელი მრევლი ამ ქვეყანაში უმრავლესობაა და როდემდე უნდა ჩაგრავდეს უმრავლესობას უმცირესობა?“
„თბილისი პრაიდის" მოწინააღმდეგეებმა, რომლებიც კონტრაქციას მართავენ, სახალხო დამცველის მოადგილეს, გიორგი ბურჯანაძეს სიტყვიერი შეურაცხყოფა მიაყენეს
„ერთი თვის წინ პროკურატურიდან მივიღე ოფიციალური დოკუმენტი, სადაც მეუბნებიან, რომ სააკაშვილის რეჟიმის დროს ჩემი პოლიტიკური დევნა ხორციელდებოდა კანონის სრული დაცვით“
მთავრობის კანცელარიასთან პოლიციისადმი დაუმორჩილებლობის მუხლით კონტრაქციის 4 მონაწილეა დაკავებული - ერთ-ერთი გურამ ფალავანდიშვილის შვილია
თუშეთში მანქანის გადავარდნასთან დაკავშირებით შინაგან საქმეთა სამინისტრო განცხადებას ავრცელებს
საერთაშორისო სამსახიობო სააგენტო „ასკონა ჰოლტი“ პაატა ბურჭულაძის საქმეზე გენერალური პროკურორისგან პასუხს ითხოვს
5 თვეში არასრულწლოვანი შვილების მიმართ ძალადობაში 110 მშობელი ამხილეს
ნიკა გვარამიამ რუსთავი-2-ს დავალება მისცა, გიორგი გახარიას პოლიტიკიდან გასაძევებლად იპოვონ კომპრომატები - ვიდრე გახარია იარსებებს, არჩევნებს ვერასოდეს მოვიგებთო!
„პირადად მე მზად ვარ, მივიღო ეს ადამიანები ჩემთან, ეპარქიაში და პირისპირ, გულდასმით ავუხსნა, თუ რატომ არ შეიძლება ჩატარდეს ეს მარში თუ აღლუმი ჩვენს სამშობლოში“
„არ შეიძლება, ანგელოზივით შვილი მიწაში ჩააწვინო და შენ თეატრალურის სტუდენტებზე ნიჭიერად თამაშობდე! - არ მიკვირს, განგებამ რატომ არგუნა ამ კაცს ასეთი განსაცდელი“