გუნდის კაპიტანი თათია ლორთქიფანიძე შეჯიბრიდან ჩუმად მოხსნეს - „ხელისუფლებამ ეს არ იცოდა, ეს არის ძალოსნობის ფედერაციაში მოხარშული ამბავი, სადაც არიან „ნაცმოძრაობის“ ყოფილი ზონდერები“

ქალთა რიცხვში საერთაშორისო სპორტის ოსტატი, ძალოსანი თათია ლორთქიფანიძე სტატუსში აღდგენას და ძალოსანთა ევროპის ჩემპიონატში მონაწილობის მიღებას მოითხოვს. როგორც „ინტერპრესნიუსს“ თათია ლორთქიფანიძის მამამ, ყოფილმა დეპუტატმა, დიმიტრი ლორთქიფანიძემ განუცხადა, ბათუმში ძალოსანთა ევროპის ჩემპიონატმა დღეს სტარტი აიღო, რომელშიც მონაწილეობა უნდა მიეღო, გუნდის კაპიტანს, ძალოსან, თათია ლორთქიფანიძს, თუმცა ის შეჯიბრიდან ჩუმად მოხსნეს. დიმიტრი ლორთქიფანიძე მომხდარს „ნაციონალური მოძრაობის“ რევანშს უწოდებს და ამბობს, რომ ეს ყველაფერი მათ ოჯახს შეგნებულად მოუწყვეს იმ მიზეზით, რომ პოლიტიკური თავშესაფარი მოითხოვონ. ამასთან, ლორთქიფანიძემ ძალოსნობის ფედერაციის ყოფილ ხელმძღვანელ თემურ ჯანჯაღავასა და თათია ლორთქიფანიძეს შორის არსებულ დაპირისპირებაზეც ისაუბრა.

 

„თემურ ჯანჯაღავა არ არის ძალოსანი და შესაბამისად, უფლება არ აქვს ავარჯიშოს სპორტსმენი. მოვითხოვთ, თათიას სტატუსში აღდგენას, იმიტომ, რომ 10 აპრილს გამოსვლა აქვს ბათუმში და ვერიფიკაციიდან ჩუმად მოხსნეს. ეს არის პოლიტიკური და ყველანაირი ნიშნით დისკრიმინაცია, მაგრამ ამ შემთხვევაში მე ხელისუფლებას არ ვადანაშაულებ. ხელისუფლებამ ეს არ იცოდა. ეს არის ფედერაციაში შიგნით მოხარშული ამბავი, სადაც არიან „ნაციონალური მოძრაობის“ ყოფილი ზონდერები: კახი კახიაშვილი, გია ასანიძე, თემურ ჯანჯღავა და მათთან დაკავშირებული პირები, რომლებმაც ჩვენ, რეალურად, შეთქმულება მოგვიწყვეს. ეს არის ჩვენი ოჯახის წინააღმდეგ შეთქმულება, იმ კუთხით, რომ ჩვენ ხელისუფლებასთან პრეტენზია ვიქონიოთ. 

 

ახლა ბათუმში გაიხსნა ევროპის ჩემპიონატი ძალოსნობაში. სპორტის ამ სახეობაში საქართველოს ჰყავს ქალი წარმომადგენელი, 25 წლის თათია ლორთქიფანიძე. ის საერთაშორისო სპორტის ოსტატი, საქართველოს მრავალგზის რეკორდსმენი და არაერთი საერთაშორისო ტურნირის გამარჯვებულია. თათია ლორთქიფანიძე გადიოდა ინდივიდუალურ ვარჯიშს თავის მწვრთნელთან, გელა მახარაშვილთან ერთად. აღნიშნული საკითხი შეთანხმებული იყო ფედერაციასთან, იმიტომ, რომ თათია უარს ამბობდა თემურ ჯანჯღავასთან ვარჯიშზე. თემურ ჯანჯღავა იყო ქალთა ნაკრების მთავარი მწვრთნელი. თათია მასთან ვარჯიშზე უარს ამბობდა ორი მიზეზის გამო. პირველი, რომ ის იყო არაკვალიფიციური და აყენებდა ტრავმებს და მეორე, ადანაშაულებდა მას შევიწროვებაში, აყენებდა შეურაცხყოფას და ეს ყველაფერი ფიქსირდებოდა ფედერაციის პრეზიდენტ კახა კახიაშვილთან, როგორც ახსნა-განმარტების, ისე ზეპირსტყვიერების სახით, რათა მას ამ საკითხზე რეაგირება ჰქონოდა. ფედერაციაში ყველამ ყველაფერი იცის, მათ შორის, ლაშა ტალახაძემ და მისმა მწვრთნელმა. ეს კონფლიქტი დიდი ხანია გრძელდება, მაგრამ ვერავინ იფიქრებდა იმას, რომ ესენი თათია ლორთქიფანიძეს სიიდან საერთოდ ამოიღებდნენ. ფაქტობრივად, დაასრულებინეს ბავშვს სპორტული კარიერა და ჩაიდინეს მორალური მკვლელობა“, - განაცხადა დიმიტრი ლორთქიფანიძემ.





მსგავსი სიახლეები
ქართულმა წყვილმა ფიგურულ სრიალში იუნიორთა გრან პრის ოქროს მედლები მოიპოვა
ბატუტზე მხტომელი ქართველი გოგონები იაპონიაში მსოფლიოს ჩემპიონები გახდნენ
ნონა გაფრინდაშვილი ისევ მსოფლიო ჩემპიონია
მსოფლიოს საუკეთესო ძალოსანმა ლაშა ტალახაძემ თურქეთში სამი ოქროს მედალი მოიპოვა
სამბისტი ვახტანგ ჩიდრაშვილი მსოფლიო ჩემპიონი მეექვსედ გახდა
მარიამ ჭანტურია ძიუდოში ევროპის ჩემპიონია
ძიუდოისტები ლაშა ბექაური და ვლადიმერ ახალკაცი მსოფლიო ჩემპიონები გახდნენ
ეთერ ლიპარტელიანი პირველი ქართველი ქალი ძიუდოისტია, რომელმაც მსოფლიოს ჩემპიონის ტიტული მოიპოვა
17 ოქტომბერს, თბილისში გოლფის საერთაშორისო ტურნირი “Taste & Play” საზეიმოდ გაიხსნება - დეტალები
ლუკა კურტანიძე მსოფლის სამგზის ჩემპიონი გახდა ვეტერან მოჭიდავეთა შორის
რა უპასუხა მილტონ ჰეიგმა იაპონელი მასპინძლების შეცდომას - რაგბის დასრულების შემდეგ ორგანიზატორებმა ვალერი მელაძის რუსული სიმღერა ჩართეს
საქართველოს მორაგბეთა ნაკრების მწვრთნელმა მილტონ ჰეიგმა, ურუგვაისთან გამარჯვების შემდეგ, გულშემატკივრებს მადლობა ქართულად გადაუხადა
ალინა ბუტაევას და ლუკა ბერულავას წყვილმა ოლიმპიური თამაშების ლიცენზია აიღო
ლაშა ტალახაძემ კიდევ ერთი მსოფლიო რეკორდი დაამყარა
"საქართველო უნდა დაამატონ 6 ერში, ისინი გაიზრდებიან ტოპ გუნდებთან ხშირი თამაშით და არა ოთხ წელიწადში ერთხელ"
„საქართველოს ჭიდაობის ფედერაციის პრეზიდენტმა გეგა გეგეშიძემ უარი განუცხადა სერბებს, რომ ჩემთვის მსოფლიო ჩემპიონატზე ასპარეზობის უფლება მოეცათ“
ბექა ლომთაძემ ფინალში რუსეთის წარმომადგენელი დაამარცხა და მსოფლიო ჩემპიონი გახდა
გენო პეტრიაშვილი მსოფლიო ჩემპიონი გახდა
პარიზის მსოფლიო ველორბოლის გამარჯვებული ქართველი ალექსანდრე გეგეჭკორი გახდა
ბევრ მწვრთნელს მაგალითად მოუყვანია შენგელიას საგოლე ალღო, მაგრამ იმასაც დასძენდნენ, ეს არ ისწავლება, გოლს შენგელიასავით უნდა გრძნობდეო.''