„რატომ დაინტერესდნენ ეს ადამიანები 13 წლის შემდეგ ჩემი დაკითხვით - მე აუცილებლად მივიღებ ამ გამოწვევას და შემდეგ განცხადებებში ვიქნები უფრო ადეკვატური“

თბილისის საკრებულოს უმრავლესობის ყოფილი წევრი, ჯაბა ჯიშკარიანი, თბილისის პროკურატურაში, ე.წ. კორტების სპეცოპერაციასთან დაკავშირებით დაიკითხა. როგორც ჯიშკარიანმა „ინტერპრესნიუსს“ განუცხადა, დაკითხვაზე, პროკურატურის გამომძიებლების მხრიდან დასმული ძირითადი კითხვები მისი და ზურაბ ვაზაგაშვილის ურთიერთობას ეხებოდა. ჯიშკარიანი, ე.წ. კორტების საქმეზე, მომხდარიდან 13 წლის შემდეგ დაბარებას, ხელისუფლების მხრიდან გამოწვევად აფასებს.

 

„რაც შეეხება იმას, თუ რატომ დაინტერესდნენ ეს ადამიანები 13 წლის შემდეგ ჩემი დაკითხვით, 13 წლის განმავლობაში, ჩვენ აქტიურად ვაჟღერებდით ამა თუ იმ დარღვევების შესახებ არა მარტო „ქართული ოცნების“ ხელისუფლებაში, არამედ სააკაშვილის ხელისუფლების დროსაც და 13 წლის განმავლობაში, ყურს არ იბერტყავდა პროკურატურა. დღეს კი დადგა ჩემი გამოკითხვის აუცილებლობა. მათ ჩემი დაბარების მიზეზად განმიმარტეს, რომ ეს იყო დამნაშავე გიორგი ცააძის წერილი. გიორგი ცააძეს ბრალად ედება ზურაბ ვაზაგაშვილის მკვლელობა. სწორედ პატიმარმა გიორგი ცააძემ გააგზავნა წერილი და თქვა, რომ ეს ახალი გარემოება არისო. როდის ერთხელ გახდა გიორგი ცააძის წერილი ახალი გარემოება, არ მესმის და სწორედ ამასთან დაკავშირებით გამომკითხეს. უშუალოდ კითხვებს რაც შეეხება, ეს იყო: საიდან ვიცნობდი ზურა ვაზაგაშვილს, როდის გავიცანი ეს ადამიანი, როგორი ურთიერთობა მქონდა ბატონ იური ვაზაგაშვილთან და ბოლოს, საიდან მქონდა ეს ინფორმაცია. მე არ მითქვამს, რომ ყურმოკრული ინფორმაცია მქონდა. ვუთხარი, რომ ყველა ამ კამპანიის, რომლის ერთ-ერთი მთავარი მოთხოვნა იყო, რომ რეალური გამოძიება დამდგარიყო ვაზაგაშვილის საქმეზე, ლიდერი და სულისჩამდგმელი ვიყავი იმ ადამიანებთან ერთად, ვინც აწარმოებდა ამ ბრძოლას 2006-დან 2012 წლამდე და შემდეგაც. სწორდ ამასთან დაკავშირებით იყო ჩემი პროტესტი, როდესაც დალაქიშვილი დანიშნეს ქალაქის პოლიციის სამმართველოს უფროსად“, - განაცხადა ჯაბა ჯიშკარიანმა.

 

ჯაბა ჯიშკარიანი ხელისუფლებას და პროკურატურას ურჩევს, იმ საქმეებით დაინტერესდნენ, რომლებიც დღემდე გამოუძიებელია. „პროკურატურას და იმ გუნდს, ვინც ხელისუფლებაშია, ვურჩევ, რომ იმით კი არ დაინტერესდნენ ვინმე ჯალათი რით ახირდება და რას მოითხოვს, იმით დაინტერესდნენ ათი ათასობით საქმე რომ აქვთ შემოდებული თაროზე. მე არ მომწონს, რომ ვსაუბრობ ხელისუფლების ამ გამოწვევაზე. მე პირადად, გამოწვევას დავარქმევდი ამას ხელისუფლების მხრიდან. მე აუცილებლად მივიღებ ამ გამოწვევას და შემდეგ განცხადებებში ვიქნები უფრო ადეკვატური მათ ქმედებებთან. როგორი კითხვაც იქნება მათი მხრიდან, ისეთი პასუხი იქნება ჩემი მხრიდანაც“, - განაცხადა ჯიშკარიანმა „ინტერპრესნიუსთან“.

 

ცნობისთვის, ჯაბა ჯიშკარიანი დაკითხვაზე სატელევიზიო ეთერში გაკეთებული განცხადების საფუძველზე დაიბარეს, რომლის მიხედვით, „ზურაბ ვაზაგაშვილის მკვლელი გიგი დალაქიშვილი 2013 წელს შს ყოფილმა მინისტრმა, ალექსანდრე ჭიკაიძემ მთავარი სამმართველოს უფროსად დანიშნა და იმავე წელს გაათავისუფლა“.





მსგავსი სიახლეები
„15 წლის პირთან ნებაყოფლობითი სქესობრივი კავშირიც კი დანაშაულია -მიმდინარეობს გამოძიება ნათესაური კავშირების დადგენის მიზნით“
დააკავეს „თბილისის სატრანსპორტო კომპანიის“ თანამშრომელი, რომელმაც მოქალაქეს კონდუქტორად დანიშვნისთვის 700 ლარი გამოართვა
საგამოძიებო სამსახურმა განსაკუთრებით დიდი ოდენობით უაქციზო ალკოჰოლური სასმელის შენახვა-გადაზიდვის ოთხი ფაქტი გამოავლინა
წყალტუბოს მუნიციპალიტეტის სოფელ ზემო მესხეთში ტელეკომპანია "რუსთავი 2"-ის გადამღებ ჯგუფს ფიზიკურად გაუსწორდნენ
26 მაისის საქართველოს დამოუკიდებლობის დღისადმი მიძღვნილი საზეიმო ღონისძიებების მზადებისას და ღონისძიების დღეს, დედაქალაქში ავტომანქანების მოძრაობა შეიზღუდება
7 თვის ჩვილის მკვლელობაში ბრალდებულ არასრულწოვანს აღკვეთის ღონისძიების სახით პატიმრობა შეეფარდა
სუფსაში მომხდარი ავტოსაგზაო შემთხვევის შედეგად დაღუპულებიდან 3 - ერთი ოჯახის წევრი, მეოთხე კი მათი ნათესავია
საგამოძიებო სამსახურმა მარკირებას დაქვემდებარებული განსაკუთრებით დიდი ოდენობით აქციზური საქონლის აქციზური მარკის გარეშე შენახვა-გადაზიდვის რვა ფაქტი გამოავლინა
პოლიციამ რუსთავში გაუპატიურების მცდელობის ბრალდებით ის პირი დააკავა, ვინც ორი დღის წინ პარკში ახალგაზრდა ქალს თავს დაესხა
7 თვის შვილის მკვლელობაში ბრალდებულ არასრულწლოვან მ.შ-ზე პოლიციაში შტყობინება შარშან და შარშანწინაც შევიდა
7 თვის ჩვილის მკვლელობაში ბრალდებულ არასრულწლოვან დედას ბრალს დღეს წაუყენებენ
იტალიაში ტურისტულ ავტობუსში მყოფი საქართველოს 8 მოქალაქიდან არცერთი დაშავებულა
გარიგებულ მატჩების საქმეზე ბრალდებულებს სხვადასხვა ბრალი წარედგინათ
არასრულწლოვანმა გოგომ საკუთარი 7 თვის შვილი საწოლში გაგუდა
ცოლის და ორი მცირეწლოვანი შვილის სახლში გამოკეტვის გამო სამართალდამცავებმა მამაკაცი დააკავეს
საქართველოს ფინანსთა სამინისტროს საგამოძიებო სამსახურში, სამუშაო ვიზიტით, გაერთიანებული სამეფოს და ჩრდილოეთ ირლანდიის დელეგაცია იმყოფებოდა
საქართველოს უზენაესმა სასამართლომ არ დაკმაყოფილდა საქართველოს ყოფილი პრეზიდენტის მიხეილ სააკაშვილისა და მისი ადვოკატის საკასაციო საჩივარი ალექსანდრე გირგვლიანის საქმეზე
ცივი იარაღის გაყიდვისას, შსს-სთვის მყიდველის შესახებ ინფორმაციის წარდგენა სავალდებულო გახდება
საგამოძიებო სამსახურმა ჯგუფურად ყალბი საგადასახადო დოკუმენტების დამზადებისა და გამოყენების ფაქტზე ერთი პირი დააკავა
რუსთავის კულტურისა და დასვენების პარკში ქალზე უცნობმა მამაკაცმა ძალადობა სცადა