თბილისის ბაგა-ბაღებს საკვები პროდუქტების შეძენა თავად მოუწევთ

თბილისის ბაგა-ბაღებს საკვები პროდუქტების შეძენა თავად მოუწევთ, - ამის შესახებ მერის მოადგილემ ილია ელოშვილმა გამართულ ბრიფინგზე განაცხადა.

 

როგორც ელოშვილმა აღნიშნა, ბაღები საკვებს გარდამავალ პერიოდში, ახალი კომპანიის გამოვლენამდე შეიძენენ.

 

„უკვე მეორე სასაწავლო წელია კომპანია "ნილი" ჩვენი ადმინისტრაციის მიერ შემოღებული და ასევე unicef-ის სტანდარტების დაცვით ახორციელებდა საკვები პროდუქტებით უზრუნველყოფას ბაღებისთვის. შეიძლება ითქვას, რომ მიწოდება ხდებოდა საკმაოდ ჯეროვნად, მიუხედავად მცირედი გადახვევებისა. საკვები იყო ხარისხიანი და კარგი. ჩვენ მუდმივად მხარდაჭერას ვუცხადებდით კომპანია "ნილს". საკვების შემოწმება ხდებოდა სხვადასხვა ინსტანციების მიერ, როგორც მერიის შიდა აუდიტის, ასევე სურსათის ეროვნული სააგენტოს და ბაღების მონიტორინგის მიერ. ბოლო პერიოდამდე "ნილი" საკმაოდ კარგად ასრულებდა თავის მოვალეობას, რასაც ვერ ვიტყვით უკანასკნელ ორ კვირაზე. არის მუდმივი შეფერხებები, დაგვიანებით საკვების მიტანა, საკვები ხშირ შემთხვევაში იყო უხარისხო და შეუძლებელი იყო მისი გამოყენება და მოგვიწია ჩანაცვლება. მაგრამ მიუხედავად ამისა, ამ ორი კვირის განმავლობაში შიდა ნაშთების გამოყენებით და სააგენტოს ძალისხმევით, ხარისხიანი საკვებით ხდებოდა მომარაგება“, - განაცხადა ელოშვილმა.

 

მისივე თქმით, კომპანიას მერიისგან გაფრთხილებაც მიღებული ჰქონდა.

 

„გაფრთხილებაც მივეცით კომპანია „ნილს“, მაგრამ უნდ ითქვას, რომ დღეს ისევ ანალოგიური მდგომარეობაა. კვლავ დაგვიანებით ხდება ბაღებში საკვების შეტანა და გვაქვს პრობლემები. ამგვარ რეჟიმში ვერ გავაგრძელებდით მუშაობას, შესაბამისად, მივიღეთ გადაწყვეტილება, რომ კომპანია „ნილს“ შეუწყდეს ხელშეკრულება. რამდენიმე კვირის განმავლობაში თვითონ ბაღები განახორციელებენ შესყიდვებს და არანაირი შეფერხება და ხარისხში გაუარესება ამ პერიოდში არ იქნება. ხოლო შემდგომში მოხდება კომპანიის ჩანაცვლება. საუბარია თვენახევრიან-ორთვიან პერიოდზე, სანამ გამოცხადდება საზაფხულო არდადეგები. არდადეგების პერიოდში რომელიმე სხვა კომპანიით ჩანაცვლება განხორციელდება. მომავალი წლისთვის კი გამოცხადდება ახალი ტენდერი“, - განაცხადა ელოშვილმა.

 

მისივე თქმით, მერიას მოლაპარაკებები რამდენიმე კომპანიასთან უკვე დაწყებული აქვს.

 

„თუკი არდადეგების დაწყებამდე პერიოდში ისინი გამოთქვამენ სურვილს, მოხდება ჩანაცვლება და გეცნობებათ აუცილებლად. კომპანიებს წინასწარ ვერ დავასახელებთ“, - განაცხადა ელოშვილმა.

 

რაც შეეხება საკვები პროდუქტების კონტროლს, ელოშვილის მტკიცებით, კონტროლი იგივე რეჟიმში და მექანიზმებით გაგრძელდება, როგორც აქამდე იყო.

 

„ჩვენთვის არანაირი მნიშვნელობა არ აქვს ვინ იქნება მიმწოდებელი, ბაღი თუ რომელიმე კომპანია, მთავარია საკვები რა ხარისხისაა, როგორი ჰიგიენური ნორმებით აწვდიან მას და რა პორციებით“, - განაცხადა ელოშვილმა.

 

მისივე თქმით, კომპანია „ნილს“ ყველა გადაცდომაზე, რაც კი აქამდე ჰქონდა, ჯარიმა დაკისრებული აქვს.


„არცერთი ჯარიმა არ გამოგვიტოვებია, თუმცა, კონტრაქტი ითვალისწინებს, რომ თუკი ეს ჯარიმები იმ რაოდენობისაა, რომ კომპანია ვერ გააგრძელებს სამუშაოების წარმოებას, კონტრაქტს ვწყვეტთ. ეს არის ჯარიმაც და ყველანაირი სანქციაც“, - განაცხადა ელოშვილმა და დასძინა, რომ ბაგა-ბაღების კვებით უზრუნველყოფისთვის ახალი ტენდერი ზაფხულის პერიოდში გამოცხადდება.





მსგავსი სიახლეები
„პოლიციელმა რომ თვალი დაკარგა, შუშის იყო?“
რუსთაველის გამზირზე, პარლამენტის შენობის წინ, სადაც საპროტესტო აქცია მიმდინარეობს, ინციდენტი მოხდა
პარლამენტის შენობის წინ მოშიმშილე ახალგაზრდა, რომელსაც სამედიცინო ჯგუფის დახმარება დასჭირდა, საავადმყოფოში გადაიყვანეს
„18 წლის გოგონამ, რომელიც ჩემი შვილის თანატოლია, აქციაზე თვალი დაკარგა - არ აქვს მნიშვნელობა, მას დაემართებოდა, თუ ჩემ შვილს, მე იგივე ტკივილი განვიცადე და მინდა მას ბოდიში მოვუხადო“
„უგულავამ 7 ნოემბერს გაზით მოწამლულებს მეორე დღეს გვახარა - სამაგიეროდ, გრიპი არ დაგემართებათო“
პარლამენტის შენობის წინ, სადაც მეექვსე დღეა საპროტესტო აქცია მიმდინარეობს, მოშიმშილე ახალგაზრდა შეუძლოდ გახდა
„ან ყველა დროში გმობ ძალადობას, ან მაიმუნობ! - არცერთი სიტყვის შემრჩენი არ ვარ იმათზე, ვინც "ნაცების" ყველა ძალადობას აპრავებდა და დღეს დიდ უფლებადამცველად მოევლინა ერს!“
„მტკნარი, უზნეო, მზაკვრული სიცრუეა ეს ყველაფერი! მერე იგივე ხალხი მე მეტყვის, ტროლების ფაბრიკა-ქარხნებიო“ - კოკა ყანდიაშვილი „ევროპას“ ტყუილში ამხელს
"მივმართავთ ხელისუფლებას, კანონის შესაძლებლობის ფარგლებში, გამოიჩინონ მაქსიმალური ლოიალობა განსასჯელთა მიმართ" - საპატრიარქო
ყაზბეგში ადგილობრივებმა ფესტივალის ტერიტორია დაარბიეს
„კონ­კრე­ტულ­მა პი­რებ­მა დღეს და­მა­ნა­ხეს ის, რომ თურ­მე ზაზა სა­რა­ლი­ძე მხო­ლოდ და მხო­ლოდ სა­ხელ­მწი­ფო გა­დატ­რი­ა­ლე­ბის­თვის ყო­ფი­ლა სა­ჭი­რო!“
უკრაინის ყოფილი პრეზიდენტი პეტრო პოროშენკო უკრაინის ხელისუფლებას მოუწოდებს, საქართველოსთან ავიარეისები გააიაფოს
უახლოესი დღეების ამინდის პროგნოზი
პარლამენტთან აქცია 19:00 საათზე განახლდება
„დროა, საქართველოს ხელისუფლებამ გაიგოს, რომ მათ რუსეთის გარდა არ ჰყავთ მეზობელი“ - რა თქვა სინამდვილეში კადიროვმა
"ქართული ოცნების" თავმჯდომარის ბიძინა „ივანიშვილის სახლთან სამართალდამცველები იმიტომ არიან მობილიზებული, რომ პარლამენტის წინ მიმდინარე აქციაზე გაჟღერდა, ისინი სწორედ ივანიშვილის სახლთან აპირებენ აქციის გამართვას“
„არ დავუშვათ საზოგადოების ერთმანეთთან წაკიდება, დესტაბილიზაცია და ქვეყნის ჩამოქცევა - ერთიანობის და გონიერების დროა!
„მოითხოვეს ნაცებმა კობახიძის გადაყენება და კობახიძე ფაფუ - ალბათ, ჩვენ ვერ მოვითხოვეთ, როგორც საჭირო იყო, ნაცების დასჯა“
„მოდის ძალიან საინტერესო ახალგაზრდა თაობა და სწორედ მათ მინდა დავუთმოთ „ლიბერალის“ უკვე 10-წლიანი პლატფორმა და ასპარეზიც!“
„ლიბერალი“ ჟურნალისტებმა და სამმა რედაქტორმა დატოვეს