"თბილისი წელს პირველად უმასპინძლებს უმაღლესი რანგის სამოყვარულო ტურნირს - Taste & Play" - ზურაბ ბოქოლიშვილი

17-19 ოქტომბერს, თბილისი გოლფის საერთაშორისო ტურნირს “Taste & Play”- უმასპინძლებს. „ჯორჯიან თაიმსი“ ამ თემაზე სასაუბროდ საორგანიზაციო კომიტეტის თავმჯდომარეს, ბატონ ზურაბ ბოქოლიშვილს დაუკავშირდა.

 

-რას გვეტყვით ტურნირის შესახებ?

 

-საქართველოს გოლფის ფედერაციის და საქართველოს სპორტული ტურიზმის ალიანსის ორგანიზებით, თბილისი წელს პირველად უმასპინძლებს უმაღლესი რანგის სამოყვარულო ტურნირს, - Taste & Play, რომლის პროგრამაშიც, სპორტული შემადგენელის, გოლფის გარდა, მთელი რიგი ღონისძიებებია დაგეგმილი; კულტურული, გასტრონომიული, ქვეყნის პოპულარიზაციისკენ მიმართული და სხვა.

 

-რატომ “ Taste & Play”?

 

-ტურნირის კონცეფცია ჩვენი ქვეყნის ტერიტორიულ ბრენდინგზეა დაფუძნებული. ჩვენ ვართ ღვინის სამშობლო, უნიკალური კულინარიული და გასტრონომიული ტრადიციების ქვეყანა. გოლფის და ამ კომპონენტების შერწყმა საკმაოდ მიმზიდველ პროდუქტს იძლევა. ამას მოწმობს უკვე მონაწილეთა მსურველთა რიცხვი და ვიმედოვნებთ,  რომ ჩვენი ტურნირი მნიშვნელოვან ადგილს დაიკავებს სპორტულ სამყაროში.

 

-გოლფი და საქართველო?

 

-გეთანხმებით, ის ახალი სპორტია ჩვენთვის, მაგრამ უაღრესად პერსპექტიული-ბევრი კუთხით. Tbilisi Hills Golf & Residencies-ის ამოქმედებამ საქართველოს გოლფის ფედერაციას და სხვა დაინტერესებულ სტრუქტურებს მოგვცა საშუალება განვავითაროთ სპორტის ეს სახეობა, რომელსაც სხვა დატვირთვაც აქვს. პირველ რიგში, ტურისტული შემადგენელი-გოლფ ტურისტები ყველაზე მიმზიდველ სეგმენტად ითვლება. ჩვენი მიზანია შევთავაზოთ მათ ძალიან საინტერესო, სწორად დაგეგმილი პროდუქტი, რომელიც ზოგადად არის ქვეყნის ეკონომიკური და ტურისტული პოტენციალის განვითარებისთვის მნიშვნელოვანი. ასევე ბიზნეს კომპონენტი, როდესაც გოლფ ივენთი წარმოაგენს კომუნიკაციის, ნეტვორკინგის საუკეთესო საშუალებას, შესაძლებლობას შენს მიზნობრივ აუდიტორიას შესთავაზო პროდუქტი თუ მომსახურება.

 

-ტურნირი კომერციულია, როგორია ადგილობრივი თუ გლობალური კომპანიების ჩართულობა?

 

-საკმაოდ აქტიური, ტურნირის პარტნიორები უკვე გახდნენ ერთ-ერთი უდიდესი სააუდიტორო კომპანია PKF, მსოფლიოში აღიარებული საათების მწარმოებელი Omega, სასტუმრო Wyndham Grand Tbilisi, ოფიციალური გადამზიდი იქნება Bene Exclusive, ოფიციალური ვისკი Jimsher. უახლოეს დღეებში დავაანონსებთ ტურნირის ოფიციალურ ღვინოს და ასევე, რამდენიმე ახალ გლობალურ პარტნიორს.

 

-ორი სიტყვით, რატომ უნდა დავესწროთ ტურნირს?

 

-გოლფი, ღვინო, კულინარია, კავშირები, კარგი გარემო, საინტერესო ხალხი, ბევრი ემოცია, - ყველაფერი ერთადაა თავმოყრილი. ამიტომაც, გიწვევთ...

 

-"ჯორჯიან თაიმსის" სახელით წარმატებას გისურვებთ!

 

 

 

 

 





მსგავსი სიახლეები
გურამ თუშიშვილი დიუსელდორფის გრანდ სლემის ოქროს მედლის მფლობელი გახდა
„90:94!!! ეს დაუჯერებელია - სერბეთში, სახლში დავამარცხეთ ამ ქვეყნის ნაკრები, მსოფლიოში ერთ-ერთი საუკეთესო გუნდი“
ტატო გრიგალაშვილმა ფინალში რუსი მეტოქე დაამარცხა და დიუსელდორფის გრანდ სლემის გამარჯვებული გახდა
საქართველოს მორაგბეთა ეროვნულმა ნაკრებმა ევროპის ჩემპიონატის მესამე შეხვედრაში ბელგიის ეროვნული ნაკრები დაამარცხა
2 ოქროს მედალი! - კუპატაძემ და ოძელაშვილმა მინსკში საქართველოს ჰიმნი ააჟღერეს
ლაშა ტალახაძე 2019 წლის საუკეთესო ძალოსანი გახდა
თავისუფალი სტილით მოჭიდავე გენო პეტრიაშვილი ევროპის ჩემპიონი გახდა
ორი ქართველი ფინალშია - გენო პეტრიაშვილი და ბექა ლომთაძე ოქროსთვის იბრძოლებენ
ნიკოლოზ შერაზადიშვილმა პარიზის გრანდ სლემზე ოქროს მედალი მოიგო
საქართველოს ეროვნულმა ნაკრებმა სპანეთის ნაკრები ანგარიშით 23:10 დაამარცხა
„ბორჯღალოსნებმა" რუმინეთის ნაკრებს უმასპინძლეს და ანგარიშით 41-13 დაამარცხეს
ლაშა ტალახაძემ ამ წუთებში მსოფლიო თასზე საოცარი წონა ასწია
ქუთაისის "ტორპედოს" მწვრთნელები, ადმინისტრაციის თანამშრომლები და გულშემატკივრები ხვალ რამაზ შენგელიას სახელობის სტადიონზე შეიკრიბებიან და პერმანენტულ აქციებს გამართავენ
კობი ბრაიანტის ვერტმფრენის ჩამოვარდნასთან დაკავშირებით გამომძიებლებმა განცხადება გააკეთეს
ვითიბი ბანკი, საქართველოს წყალბურთელთა ეროვნულ ნაკრებს, ევროპის ჩემპიონატზე წარმატებას ულოცავს
“რაგბის კავშირის ხელმძღვანელობის მოქმედებების ღერძი, ვაჭრული სულია” – “ლოკომოტივის” პრეზიდენტის სკანდალური განცხადება
სახელმწიფო ცერემონიების სასახლეში 2019 წლის სპორტული მოვლენების შემაჯამებელი ღონისძიება - „წლის სპორტსმენი“ მიმდინარეობს
არაოლიმპიურ სახეობებში 2019 წლის 10 საუკეთესო ქართველი სპორტსმენის დაჯილდოება გაიმართა
საქართველოს წყალბურთელთა ნაკრებმა ევროპირველობაზე საფრანგეთი 9:7 დაამარცხა
თბილისის „დინამო“ ბერლინის ტურნირის ვიცე-ჩემპიონი გახდა