„მე არ ვცვლი თქვენ ტერიტორიებს თქვენ გეოპოლიტიკურ ორიენტაციაში“ - რა უპასუხა პუტინმა სააკაშვილის შეთავაზებას

ჩვენ არ გვქონდა ისეთი დიპლომატიური პოზიცია, რომ კომისიის თავმჯდომარის თანამდებობაზე ჰაიდი ტალიავინის კანდიდატურა გაგვეპროტესტებინა. ეს იყო დრო, როდესაც სექტემბერში ბუშმა მითხრა, მიშა, ჩვენ მსოფლიო ეკონომიკური კრიზისი გვაქვს და თქვენთვის დრო არ გვაქვსო, – ამის შესახებ საქართველოს ყოფილმა პრეზიდენტმა, მიხეილ სააკაშვილმა ომისა და მშვიდობის გაშუქების ინსტიტუტისთვის (IWPR) მიცემულ ინტერვიუში განაცხადა.

 

საქართველოს ყოფილი პრეზიდენტი ტალიავინის კომისიას პოლიტიზებულს უწოდებს და ამბობს, რომ კომისიის უკან მთელი იდეა რუსეთისთვის პასუხისმგებლობის ჩამოშორება იყო. მიხეილ სააკაშვილის განცხადებით, ამერიკელები ამ კომისიის წინააღმდეგი იყვნენ და საქართველოს თანხმობის ან თანხმობის გარეშეც, ევროპელები ამას მაინც გააკეთებდნენ. საქართველოს ყოფილი პრეზიდენტი ამბობს, რომ საქართველოში ყოფნის დროს, ჰაიდი ტალიავინი პროსეპარატისტული იყო.

 

„ჩვენ არ გვქონდა ისეთი დიპლომატიური პოზიცია, რომ მისი კანდიდატურა გაგვეპროტესტებინა. ეს იყო დრო, როდესაც სექტემბერში ბუშმა მითხრა, „მიშა, ჩვენ მსოფლიო ეკონომიკური კრიზისი გვაქვს და თქვენთვის დრო არ გვაქვს“. ჩვენ მოკავშირე აღარ დაგვრჩა. როდესაც ასეთი საშინელი სიტუაციაა, კიდევ ევროკავშირის წინააღმდეგ უნდა წახვიდე? ისინი არ იყვნენ შესანიშნავი მოკავშირეები, მაგრამ ჩვენ არჩევანი არ გვქონდა“, – აცხადებს სააკაშვილი ინტერვიუში.

 

ამასთან, საქართველოს ყოფილმა პრეზიდენტმა კონდოლიზა რაისთან საუბრის დეტალები გაიხსენა და აღნიშნა, რომ თავის წიგნში რაისმა დეტალები აურია, როცა ამბობს, რომ, „მე გავაფრთხილე სააკაშვილი, არ ემოქმედა ზედაპირულად“. სააკაშვილის განცხადებით, ეს არასწორია, რადგან ის ამბობდა, რომ არ აჰყვეთ პროვოკაციას და ისინი არაფერს მოიმოქმედებენ. საქართველოს ყოფილი პრეზიდენტი ინტერვიუში იხსენებს 2007 წელს, პუტინის ყოფილ მრჩეველთან, ანდრეი ილარიონოვთან ლიეტუვაში შეხვედრას, როდესაც მან უთხრა, რომ რუსეთს საქართველოზე სამხედრო თავდასხმის გეგმა ჰქონდა. სააკაშვილი ასევე ამბობს, რომ 2008 წლის თებერვალში, დე ფაქტო ეს თავად პუტინმაც თქვა. მიხეილ სააკაშვილმა უარყო მოსაზრება, რომ მან კონფლიქტების დარეგულირების სანაცვლოდ, პუტინს, ნატო-ს წევრობის ამბიციებზე უარის თქმა შესთავაზა. „როდესაც მან ღიად დაიწყო ჩვენზე მუქარა, მან თქვა, „კარგი, თქვენ დასავლეთის ნაწილი ხართ. დასავლეთი აკეთებს რაღაცებს კოსოვოსთან მიმართებაში ახლა და ჩვენ უნდა გავაკეთოთ რაღაც თქვენ წინააღმდეგ“. ამაზე ჩემი პასუხი იყო, „შესაძლოა, ჩვენ არ ვიყოთ დასავლეთის ნაწილი. შეაჩერებს თუ არა ეს თქვენ მოქმედებებს და დაგვტოვებთ თუ არა მარტო?“, რაზეც მისი პასუხი ძალიან ცინიკური, „მე არ ვცვლი თქვენ ტერიტორიებს თქვენ გეოპოლიტიკურ ორიენტაციაში“. ეს იყო მისი პასუხი. ყველა ვარიანტი განიხილებოდა, თუმცა მათ ყველაფერზე უარი თქვეს“, – ამბობს მიხეილ სააკაშვილი ინტერვიუში.

 

საქართველოს ყოფილი პრეზიდენტი ამბობს, რომ მეთიუ ბრაიზამ 2008 წელს სოჭში, ბუშისა და პუტინის შეხვედრის შესახებ უამბო. სააკაშვილის თქმით, შეხვედრაზე პუტინმა ყვირილი დაიწყო, რომ საქართველოსთან ომი იქნებოდა, ბუშმა კი არაფერი უპასუხა, რაც პუტინმა სისუსტედ და მწვანე შუქად ჩათვალა. „ჩვენ გვქონდა კოსოვოს მაგალითი და რადგან პუტინს სურდა სარკისებური მოქმედება, ვიფიქრეთ, რომ ის იმოქმედებდა ამ ტერიტორიებზე. ვიფიქრეთ, რომ ყველაზე ცუდი იქნებოდა მცირემასშტაბიანი ჩართულობა ამ ტერიტორიებზე და შორს არ წავიდოდა. არ ყოფილა თავდაცვითი სტრატეგია ფართომასშტაბიანი რუსული შემოჭრის წინააღმდეგ. ჩვენ გვქონდა გეგმები აფხაზეთთან მიმართებაში, რადგან ვფიქრობდით, რომ იქ იმოქმედებდნენ. საუბარი იყო თავდაცვით ხაზზე კოდორში ან ენგურზე. როდესაც საქმე სამხრეთ ოსეთს შეეხო, ჩვენ შეცდომა დაუშვით, რადგან ვფიქრობდით, რომ რუსებისთვის ამას აზრი არ ექნებოდა“, – აღნიშნა სააკაშვილმა.

 



წყარო: for.ge





მსგავსი სიახლეები
„სხვა საქმეზე ვიყავი კიევში ჩასული და მსოფლიოში ცნობილ რეფორმატორს და მაღალი დონის პოლიტიკოსს რომ შევხვდებოდი, ამაში ორი აზრი არ არსებობს“
„მე მგონი ხალხი დავაბნიეთ, ვის მოედანზეა ბურთი ბოლოს და ბოლოს" - მამუკა მდინარაძე
"დარწმუნებული ვარ, ქართული საზოგადოება, როგორც გონიერი და გამოცდილი, არ აჰყვება ემოციებს"
"ეს არის თავყრილობა, სადაც ადამიანები შავი ჭირივოთ ვერ იტანენ ერთმანეთს"- გოგა ხაინდრავა გაერთიანებულ ოპოზიციაზე
კორონავირუსის გამო, საელჩო კორეის რესპუბლიკაში მცხოვრებ საქართველოს მოქალაქეებს მიმართავს
„ირანული სტატისტიკა 10-ზეა გასამრავლებელი, იქ მასშტაბური ეპიდემიაა - ჩვენ კი სამშენებლო ბიზნესს, რომლის უკანაც რუსულ-ირანული ინტერესებია, ქვეყანას ვწირავთ!“
ელჩი კელი დეგნანი NDI-ს პრეზიდენტს, დერეკ მიტჩელს შეხვდა საქართველოს პოლიტიკურ და წინასაარჩევნო გარემოზე სასაუბროდ
„ძალიან ვწუხვარ, რომ დღეს აქ ყველა პოლიტიკური ძალა და საზოგადოება არ არის შეკრებილი - სამწუხაროდ, ამას წინ უძღოდა ის, რომ ვიღაცამ გაბედა და გააჟღერა საბჭოთა ჰიმნი“
გიორგი გახარია სამთავრობო ცვლილებებთან დაკავშირებით ჟურნალისტებს ურჩევს, გაზფხულს დაელოდონ
"ევროპული საქართველოს“ ოფისთან ახალგაზრდების ჯგუფმა მორიგი აქცია გამართა - ისინი საქართველოს პარლამენტში საბჭოთა კავშირის ჰიმნის ჩართვას აპროტესტებენ
„ივანიშვილს პრემიერად იმიტომ ვეპატიჟებოდი, რომ ფული დაეხარჯა, შემდეგ კი დავიჭერდი“
„მოდით, გავიხსენოთ რამდენიმე სუბიექტი მიშას დიპსამსახურიდან - მერე გადახედეთ ქაცარავას, იზორიას და დონდუას ბიოგრაფიებს და მერე „იცირკაჩეთ“ შალიკოს „შტაბკვარწირაში“
„წარმოიდგინეთ შავი სიის მაგიდა, რომელსაც ახლა მერაბიშვილი დაემატა“- ექსკლუზიური ინტერვიუ გოგა ხაინდრავასთან
"რაც არჩილ ტატუნაშვილმა ჩაიდინა, ბოლო წლების განმავლობაში გმირობის უდიდესი მაგალითი იყო"
„მერე პროკურატურა სასამართლოში საქმეს გაგზავნის და ვანოს სასამართლოში გამოიძახებენ - მაგრამ, ვანო ფა-ფუ!.. არც დაბრუნდება!“
"მგონია, მოლაპარაკების მაგიდასთან ვანო მერაბიშვილი არ მოვა" - ნინო ბურჯანაძე
"დამტკიცებულია, რომ ეს მთელი ბოროტება რუსეთიდან მოდის?" - გრიგორი კარასინი კიბერშეტევაზე
"ეს არის ქვეყნის უსაფრთხოების საკითხი და ჩვენ ამაზე ვმუშაობთ, ჩვენს სტრატეგიულ პარტნიორებთან ერთად"- გიორგი გახარია კიბერშეტევაზე
"მე არ დავიწყებ საუბარს, ვანო მერაბიშვილმა რა თქვა, როგორ თქვა, რა არ თქვა..." - ვახტანგ გომელაური
"ბოკერიას სტანდარტი პოლიტპატიმრობის შესახებ არ გავა არც ქვეყნის შიგნით და არც ქვეყნის გარეთ"