კომპანია „სვეტის“ სამ შეჩერებულ პროექტს m2 გადაიბარებს - თბილისის მერი განცხადება

კომპანია „სვეტის“ სამ შეჩერებულ პროექტს m2 გადაიბარებს - ამის შესახებ კახა კალაძემ სპეციალურად გამართულ ბრიფინგზე განაცხადა.

 

"სანამ გამოვაცხადებდე იმ მნიშვნელოვან შეთანხმებას და გადაწყვეტილებას, რომელიც იქნა მიღწეული კონკრეტულ საკითხთან დაკავშირებით, მანამდე, მინდა ერთი პატარა ისტორია მოგიყვეთ. ისტორია, რომელიც რეალური ამბავია. ახალი არჩეული ვიყავი დედაქალაქის მერად და რამდენიმე თვეში მივიღე ეს შეტყობინება, რომელიც უკავშირდება ერთ კონკრეტულ ოჯახს, ერთ პატარა გოგონას, რომელიც გახლავთ სტუდენტი, ცხოვრობს თბილისში. მამა სამწუხაროდ გარდაეცვალა და მისი სურვილი, რომ ოჯახს ჰქონოდა საკუთარი ბინა, მის სიცოცხლეში შეუსრულებელი დარჩა. დედას მოუწია საზღვარგარეთ გამგზავრება, კონკრეტულად იტალიაში და იქ დაიწყო მუშაობა მომვლელად, იმისთვის, რომ ოჯახი ერჩინა. ეს ოჯახი ცხოვრობდა ნაქირავებში და როგორც ხდება ხოლმე, გარდაცვლილი მამის მეგობრებმა შეაგროვეს გარკვეული თანხა, დედასაც, რომელიც წლების განმავლობაში იტალიაში მუშაობდა, ჰქონდა ხელფასიდან დანაზოგი და ამ ოჯახმა შეიძინა ბინა. თუმცა, ეს ამბავი, სამწუხაროდ, ასე კეთილად არ მთავრდება, რადგან ამის მერე დაიწყო პრობლემები და ეს პრობლემა გახლდათ სამშენებლო კომპანია „სვეტი“. ამ ოჯახის მსგავსად, დაზარალებული არის 2500-მდე ოჯახი. ამ ოჯახის მსგავსად არიან დაზარალებული ადამიანები, რომლებიც აქ არიან წარმოდგენილნი და ელოდებიან გადაწყვეტილებას, რომელიც აქ იქნება გაჟღერებული.


ჩვენ ვლაპარაკობთ ისეთ ადამიანურ პრობლემაზე, რომელიც გულისხმობს, რომ წლების ნაგროვები დანაზოგით, შრომით, ყიდულობ ბინას და შემდეგ, ფულიც გეკარგება და ბინაც. ვფიქრობ, ყველას შეგვიძლია წარმოვიდგინოთ, რამდენად მძიმეა ეს ამბავი.


ეს შესავალი იმისთვის გავაკეთე, რომ დღევანდელი ამბავი განვიხილოთ არა როგორც მიმდინარე ახალი ამბავი, არამედ ამ ადამიანების თვალით, თითოეული დაზარალებულის თვალით  დავინახოთ, თუ რაოდენ მნიშვნელოვანია ეს პრობლემა.  


მოკლედ, თბილისის მერიის, კომპანია m2-ის და ასევე, საინიციატივო ჯგუფის აქტიური მუშაობით, პროცესში ასევე, იმედის დაკარგვით ხანდახან, მაგრამ ყოველთვის გაგრძელების და საქმის ბოლომდე მიყვანის სურვილით, დღეს ეს პრობლემა მოგვარებულია. 2500-მდე  დაზარალებული ოჯახის საკითხი გადაწყვეტილია. დიდი მადლობა ამ ოჯახების სახელით მინდა გადავუხადო პირველ რიგში, საინიციატივო ჯგუფს, დიდი მადლობა მინდა გადავუხადო სამშენებლო კომპანია m2-ს, ძალიან დიდი მადლობა პროკურატურას, ფინანსთა სამინისტროს, ფინანსურ პოლიციას. ეს არის ნათელი მაგალითი იმისა, თუ როგორ შეიძლება სახელმწიფო უწყებების ერთობლივი მუშაობით, ადამიანების ჩართულობით პრობლემის გადაწყვეტა, რომელიც აწუხებდა ამ 2500-მდე ოჯახს. ერთი ანდაზის შთაგონება მაქვს, რომელიც ამას წინათ შემხვდა და მოვინიშნე. ამ კონტექსტში, ვფიქრობ, ზუსტად გამოხატავს ჩვენს და პირადად ჩემს განწყობას: „წარმატება არ არის საბოლოო, მარცხიც არ არის ტრაგედია, გაგრძელების სურვილია მთავარი“. შესაბამისად, ეს წარმატება არ არის საბოლოო, და ამ 2500 ოჯახის მსგავსად, არიან ადამიანები, რომლებიც სხვადასხვა სამშენებლო კომპანიების მიერ არიან დაზარალებულები. ამის ერთ-ერთი მაგალითია „ცენტრ პოინტის“ საკითხი, რომელზეც აქტიურად ვმუშაობთ და მჯერა, რომ აუცილებლად მივიყვანთ ამ საქმეს ბოლომდე და როგორც თქვენს შემთხვევაში დადებითად და წარმატებით განხორციელდა ეს მოლაპარაკებები, ანალოგიური მიდგომა იქნება „ცენტრ პოინტის“ დაზარალებულების მიმართ.


მე მინდა, ჩემს თითოეულ თანამშრომელს ძალიან დიდი მადლობა გადავუხადო. როცა ვუყურებ მათ საქმიანობას, შეიძლება თამამად ითქვას, რომ არსებობენ ადამიანები, რომლებიც შესაძლებლობებში ეძებენ პრობლემას, მაგრამ საბედნიეროდ, ასევე არსებობენ ადამიანები, რომლებიც ყველა პრობლემაში ეძებენ შესაძლებლობას.


ჩვენ, როგორც გითხარით, დაწყებული გვაქვს მუშაობა იმისთვის, რომ „ცენტრ პოინტის“ პრობლემაც მოგვარდეს და დარწმუნებული ვარ, ერთიანი ძალისხმევით და იმ შემართებით, რაც მერიის თითოეულ თანამშრომელს აქვს, ეს პრობლემაც ანალოგიურად იქნება მოგვარებული, როგორც ეს იყო „სვეტის“ მიერ დაზარალებულების შემთხვევაში. ძალიან დიდი მადლობა ყველას და პირველ რიგში თქვენ, რადგან თქვენ იყავით ის ადამიანები, რომლებიც ყოველდღიურ რეჟიმში თანამშრომლობდნენ ჩვენთან და რომ არა თქვენ, მერწმუნეთ, რომ შეუძლებელი იქნებოდა ამ პრობლემის მოგვარება, რადგან ძალიან ბევრი სირთულე იყო და რა სირთულეები იყო, თითოეულმა თქვენგანმა კარგად იცის.


მე ძალიან ბევრი შეტყობინება მომდის უცხოეთში მცხოვრები ჩვენი თანამემამულეებისგან, რომლებსაც ნაყიდი აქვთ ბინები ამ კომპანიაში. სამწუხაროდ, მათაც დაკარგეს ფული და უიმედოდ იყვნენ, თუმცა დღეს შეგვიძლია თამამად ვთქვათ, რომ ყველას პრობლემა არის მოგვარებული,"-განაცადა კახა კალაძემ.

 





მსგავსი სიახლეები
კასპის მუნიციპალიტეტის სოფელ დოესში, საკუთარ ბაღში ცეცხლის ანთებისას მამაკაცი დაიწვა და ადგილზე გარდაიცვალა
„მსოფლიო მზად უნდა იყოს კორონავირუსის შესაძლო პანდემიასთან დაკაშირებით“
იტალიიდან ჩამოსული ახალგაზრდა, რომელსაც ტემპერატურა დაუფიქსირდა, ქუთაისის ინფექციურ ცენტრში გადაიყვანეს
„საქართველო სიცოცხლით გავსებს“- რას ამბობენ უცხოელი ტურისტები საქართველოზე
უახლოესი დღეების ამინდის პროგნოზი
"მიმდინარეობს მსჯელობა, კორონავირუსის გამო გადაიხედება თუ არა იტალიასთან საჰაერო მიმოსვლის საკითხი"
რაგბის კავშირის მოქმედმა პრეზიდენტმა გოჩა სვანიძემ ხვალინდელ არჩევნებში შესაძლოა, საკუთარი კანდიდატურა მოხსნას - სანაცვლოდ იგი გარანტიებს ითხოვს
ხვალიდან დიდი მარხვის წინა კვირა, ანუ ყველიერის შვიდეული იწყება, რომელიც შენდობის კვირადღით დასრულდება
საავტომობილო გზების დეპარტამენტმა პროექტებზე დასაქმებულ ჩინურ კომპანიებს ჩინეთის სახალხო რესპუბლიკიდან დამატებითი სამუშაო ძალის შემოყვანაზე დროებით თავის შეკავება მოსთხოვა
„ეს არის პროვოკატორი, საქართველოს მტერი - "ჟურნალისტი", ანტიქართული პროვოკაციების ერთ-ერთი სულისჩამდგმელი - ნელ-ნელა დაიდება მისი პროვოკაციების სრული ნუსხა“
„მე, თქვენს მასწავლებელს და უფროსს, ეჭვი არ მეპარება, რომ ზუსტად შეასრულებთ მხედრულ მოვალეობას და პირნათლად წარსდგებით ქართული ისტორიის სამსჯავროს წინაშე“
"სიტყვით ევროპელები, საქმით ოკუპანტები" - სამოქალაქო აქტივისტების პერფორმანსი “ევროპული საქართველოს” ოფისთან
„ნაკრების გმირებს კვების ფულს რომ მოპარავ და რაგბის სტადიონის ადგილზე 8-სართულიან კორპუსს ააშენებ - სინდისი არ გაქვს?!“ - სანდრო ბრეგაძე გოჩა სვანიძეს მიმართავს
საქართველოს მთავრობის გადაწყვეტილებით, ამ ეტაპზე ირანიდან საქართველოში მგზავრების შემოყვანა შეჩერდა
თბილისის ინფექციურ საავადმყოფოში მოთავსებულ ირანის მოქალაქეებს კორონავირუსი არ აღმოაჩნდათ
სოფელ საქასრიას ავტომაგისტრალზე დასაქმებულებმა მუშაობა შეწყვიტეს, რადგან ობიექტზე ჩინეთიდან ჩამოსული მუშები ისე შეიყვანეს, რომ უსაფრთხოების ზომები დაცული არ ყოფილა
„ეკლესიას ებრძვიან, ეს ხომ ცხადია?! 60 წელზე მეტია, პატრიარქი სასულიერო პირია და სხვადასხვა სახით, სხვადასხვა ფორმით, სხვადასხვა ადამიანის ხელით ეს ბრძოლა არის მუდმივი“
„ქართული მარში“ კატეგორიულად მოითხოვს ირანის მოქალაქეებისთვის საზღვრის ჩაკეტვას - საქართველოს ხელისუფლება ვალდებულია, ჩაკეტოს საზღვარი, თორემ ხვალ გვიან იქნება!“
თბილისის ინფექციურ საავადმყოფოში ოთხი პაციენტი შეიყვანეს, რომლებიც თეირანი-თბილისის პირდაპირი რეისით ჩამოვიდნენ და აეროპორტშივე დაუდგინდათ ტემპერატურის მატება
საგარეო საქმეთა სამინისტრო საქართველოს მოქალაქეებს მოუწოდებს, კორონავირუსის გავრცელების გამო, თავი შეიკავონ ირანში მოგზაურობისგან“