თურქეთის ინტერვენცია სირიაში – დიდი საფრთხე რეგიონის, მათ შორის საქართველოს ეკონომიკისთვის

სირიაში თურქეთის სამხედრო აქტიურობას, რომელიც აშშ–ის მოკავშირე ქურთების წინააღმდეგაა მიმართული, უკვე მოჰყვა ანკარისთვის არასასურველი ეკონომიკური ეფექტი. ეს კი, დიდი ალბათობით, რეგიონის სხვა ქვეყნების ეკონომიკებსაც შეეხება.

თურქული ლირა აშშ დოლართან მიმართებაში ერთ დღეში 2%–ით გაუფასურდა, ამასთან ომის მოლოდინები აისახა საფონდო ინდექსზეც, BIST 100–ის ძირითადი აქციების ინდექსი 0,45%–ით შემცირდა.


რეგიონში შექმნილ ახალ გამოწვევებთან და მოსალოდნელ მძიმე ეკონომიკურ ეფექტებთან დაკავშირებით M2B ექსპერტს საბანკო–საფინანსო საკითხებში, პროფესორ გიორგი ცუცქირიძეს ესაუბრა.


– რამდენად რეალურია ვაშინგტონის მხრიდან ანკარისთვის მძლავრი სანქციების დაწესება?


– ის რომ ამერიკა სერიოზულ სანქციებზე წამსვლელია გარდა ტრამპის მუქარისა, ამერიკელი სენატორის დემოკრატიული პარტიიდან ლინდსი გრეჰემის განცხადებაც ცხადყოფს. თურქეთის მხრიდან სირიაში სამხედრო ოპერაციას გაგრძელების შემთხვევაში, კონგრესი ანკარისთვის სანქციების ორპარტიულ კანონპროექტს განიხილავს, ხოლო კრიზისის გაღრმავების სცენარში თურქეთისათვის არც ნატოს წევრობის შეჩერებაა არის გამორიცხული.


თუმცა, ასევე უნდა აღინიშნოს, რომ მართალია 7 ოქტომბერს, თურქეთის სამხედრო საჰაერო ძალებმა სირიის და ერაყის საზღვარზე ორი ხიდი გაანადგურეს, თურქეთმა ამ რაიონში ქურთების წინააღმდეგ სამხედრო ოპერაციის დაწყება, აშშ–ის მუქარის გამო, რამდენჯერმე უკვე გადადო.


– სირიაში განვითარებულ მოვლენების პესიმისტური სცენარით განვითარებაში, რა საფრთხეები ექმნება საქართველოს ეკონომიკას, რომლის მთავარი სავაჭრო პარტნიორიც თურქეთია?


– თუ ჩვენ გავაანალიზებთ გასულ წლებში თურქული კრიზისების ზეგავლენას ქართულ ეკონომიკაზე, იგი ნეგატიურ ხასიათს ატარებდა და პირველ რიგში ლირას რყევები სერიოზულად ზემოქმედებდა ლარის გაცვლით კურსზე აშშ დოლართან მიმართებაში. მაგრამ, შედარებით ხანგრძლივი კრიზისის შემთხვევაში, ანუ თუ თურქეთმა მაინც გადაწყვიტა სამხედრო ოპერაციის გაგრძელება და ჩაერთო ფართომაშტაბიან ომში სირიის დემოკრატიულ ძალებთან, რომლის შემადგენლობაში ქურთული რაზმებიც შედიან, ეს თურქულ ეკონომიკაზე არა თუ ნეგატიურად აისახება, არამედ ეკონომიკის ვარდნასთან ერთად თურქული ლირის მნიშვნელოვანი რყევებიც შეიძლება გამოიწვიოს, რადგან დაიწყება ქვეყნიდან უცხოური კაპიტალის მასიური გასვლა.


ამ შესაძლო სცენარის დადგომისას, მისი ზეგავლენა ჩვენს ეკონომიკაზეც არასახარბიელო იქნება. რადგან ჩვენ უნდა გამოვიდეთ იმ რეალობიდანაც, რომ თურქეთი არის ჩვენი წამყვანი სავაჭრო პარტნიორი ქვეყანა, რაც ნეგატიურ ზეგავლენას იქონიებს როგორც ინვესტიციებზე, ასევე ტურიზმზეც და ფულად გზავნილებზეც – ანუ სავალუტო შემოდინებებზე მთლიანად.


აქედან გამომდინარე, ომის სცენარი იქნება ჩვენთვისაც არასასურველი, თუმცა იმედი უნდა დავიტოვოთ, რომ ანკარა სიტუაციის ბოლომდე ესკალაციაზე მაინც არ წავა და პირველ რიგში სწორედ ეკონომიკური მრუდე პერსპექტივის გამო. თუმცა საქართველო ყველანაირი პესიმისტური სცენარისთვის მზად უნდა იყოს.





მსგავსი სიახლეები
ერთი აშშ დოლარის ღირებულება ამ დროისათვის
ერთი ამერიკული დოლარის ღირებულება 27 იანვრის 17:00 საათისთვის
რა არის „ფრონტერას“ მიზანი საქართველოში – რეალური საბადოების ძიება თუ სპეკულაციები აქციების ფასების ხელოვნურად გასაზრდელად
ერთი ამერიკული დოლარის ღირებულება 24 იანვრის 17:00 საათისთვის
ქუთაისის ელექტრომობილების ქარხანა პირველ ელექტრომობილს წელს აგვისტოში გამოუშვებს
ერთი აშშ დოლარის ღირებულება ამ დროისათვის
შოკოლადის მწარმოებელი ცნობილი შვეიცარიული კომპანია Camille Bloch-ი საქართველოში თხილის პლანტაციებს გააშენებს
ერთი აშშ დოლარის ღირებულება ამ დროისათვის
"კოკა-კოლა" დაინტერესებულია რეგიონში წარმოების გაფართოებით და განაგრძობს საქართველოში ინვესტიციების განხორციელებას"
"დღემდე საქართველოში გაცემულია 4200 წიაღისეულის მოპოვების ლიცენზია, აქედან 550 ლიცენზია მხოლოდ გასულ 2019 წელს გაიცა"
თემურ ბასილია: „კაზინოების ინკოგნიტო ბარათი უკვე პრაქტიკულად ფულის გათეთრებაა“
1 აშშ დოლარის ოფიციალური ღირებულება ამ დროისათვის
"ანაკლიის პორტი აშენდება, ეს ჩვენი სტრატეგიული პრიორიტეტია და არაფერი შეუშლის ხელს"
მამუკა ბახტაძე დავოსში, ბლოკჩეინის ეკონომიკურ ფორუმში მონაწილეობს
ერთი ამერიკული დოლარის ღირებულება ამ დროისათვის
რას ვყიდით და ვყიდულობთ რუსეთისგან - ტოპ-5 პროდუქტი
„ეს შეფასება კიდევ ერთხელ აშიშვლებს ქართული ოპოზიციის სიცრუესა და დეზინფორმაციაზე აგებული პოლიტიკის ხასიათს - კორუფციის ზრდაზე, „უუნარო მართველობაზე“ თუ ადამიანის უფლებების გაუარესებაზე“
2019 წელს „საქართველოს რკინიგზის“ სამგზავრო გადაყვანებში ისტორიული მაჩვენებლები დაფიქსირდა
იაპონიის ეკონომიკური სასწაული
1 აშშ დოლარის ოფიციალური ღირებულება ამ დროისათვის