საქართველოს ყოფილი ელჩი ხათუნა სალუქვაძე უარყოფს ინფორმაციას, რომ ლიეტუვაში ბინის ქირის დავალიანება აქვს

ლიეტუვაში საქართველოს ყოფილი ელჩი ხათუნა სალუქვაძე უარყოფს ინფორმაციას, რომ ლიეტუვაში ბინის ქირის დავალიანება აქვს. როგორც სალუქვაძემ საქართველოს პირველ არხს განუცხადა, ბინის მეპატრონე არაკეთილსინდისიერად მოიქცა და კონტრაქტით გათვალისწინებული თანხა გაზარდა. სალუქვაძის განცხადებით, დავა არის უსაფუძვლო. მისივე თქმით, ბინის მეპატრონემ მისი ქვეყნიდან წასვლით ისარგებლა. როგორც სალუქვაძე ამბობს, სტატია, რომ ლიეტუვის სასამართლომ მას ბინის ქირის დავალიანების გადახდა დაავალდებულა, მისთვის ზიანის მისაყენებლად, შეკვეთით დაიბეჭდა.

 

„აბსოლუტური სიცრუე და თითიდან გამოწოვილი ამბავია, დაიბეჭდა შეკვეთით. ზუსტად მითხრეს, რომ ვიღაცას აინტერესებდა და იმიტომ. რეპუტაციის დაზიანება აინტერესებდა ვიღაცას, როგორც დიპლომატის და ჩემი, როგორც ქართულ-ლიეტუვური ურთიერთობის სიმბოლო. დიდი ხანი მომიწია იქ ყოფნა, ექვსი წლის განმავლობაში და ლიეტუველებისთვის გავხდი სიმბოლო საქართველოსი. სწორედ ამისთვის ზიანის მიყენება იყო მიზანი. რაც დაწერა ლიეტუვურმა სააგენტომ და მისი გავრცელება მოხდა ქართული მედიით, არც გაუჩნდათ კითხვა, ხომ არ არის დეზინფორმაცია, ფეიკნიუსი, ვიღაცის ინტერესი და ამიტომ აიტაცეს. ფაქტი არის ის, ესპანეთის მოქალაქეს, ჩემი ბინის მეპატრონეს, ვის ბინაშიც ვცხოვრობდი ქირით, კონტრაქტით, ექვსი წლის განმავლობაში, თანხა რამდენჯერმე შეიცვალა და ბოლოს, როდესაც უნდა წამოვსულიყავი, მისი მადაც უზომოდ გაიზარდა, გადაწყვიტა ასე არაკეთილსინდისიერად ემოქმედა და მოეთხოვა მეტი, რასაც ვერ გადავიხდიდით, ვიხდიდით კონტრაქტით. ის ეცადა რომ მიეღო მეტი, მაგრამ გამორიცხულია რომ ყოფილიყო გადაუხდელობა და ე.წ. გადაგდება, იმიტომ რომ ნებისმიერი კონტრაქტის მექანიზმით არის ჩადებული დეპოზიტის თანხები. ეს ყველაფერი ელექტრონულია. ჩვენ ხომ სახელმწიფოს წარმოვადგენთ, სახელმწიფო გვეხმარება თანხების გადახდაში და გამორიცხულია, რომ როგორც ელჩს, სხვანაირად ყოფილიყო. დავა არის უსაფუძვლო, იქიდან გამომდინარე, რომ ფიზიკურად დავტოვე ქვეყანა და ისარგებლა ამ ადამიანმა. მაგრამ პირიქით, აქეთ მოვთხოვო პასუხი ცილისწამებისათვის მასაც და იმ მედიასაშუალებასაც, რომელმაც გაავრცელა“,- აცხადებს სალუქვაძე.

 

ყოფილი ელჩის თქმით, დადასტურების გარეშე ძნელია და მისი მხრიდან არ იქნება სწორი საუბარი იმაზე, თუ ვისი ინტერესები იკვეთება აღნიშნულ საქმეში. „ვარაუდით, მტკიცებულებების გარეშე ვერ გეტყვით, ვის ინტერესშია. ვაპირებ ბოლომდე და სრულად გამოვიკვლიო, რაც არის ამის მიღმა. ის, რომ დავალიანება დარჩა, ან არ იყო გადახდილი, არ შეესაბამება სინამდვილეს. მას სურდა მეტი ფულის მიღება. კონტრაქტი როდესაც ამოიწურა, ვიდრე ქვეყანას დავტოვებდი, ბინაში ვიხდიდი იმავე თანხას, 2900 ევროს ზეპირსიტყვიერი შეთანხმების საფუძველზე, რადგან ელჩის უფლებამოსილებას აღარ ვასრულებდი. მან გადაწყვიტა მოეთხოვა 5000 ევრო და ეს იყო შანტაჟი მისი მხრიდან, გაზრდილი მადა. უსიამოვნო ფაქტი იყო ის, რომ ამ ბინაში მოხდა ძარცვა, ჩემი და ჩემი ოჯახის, რამდენიმე თვით ადრე, ვიდრე გამოვემგზავრებოდი. ამაზე ინფორმირებული იყო ვილნიუსის პოლიცია, რომ მას უნდა უზრუნველყო სახლი უსაფრთხოების ზომებით, რაც მან არ შეასრულა და აქეთ იყო ოჯახის პრეტენზია მის მიმართ. თავის დროზე მოვერიდეთ ამ ფაქტის გახმაურებას, ურთიერთობებიდან გამომდინარე. ჯობდა, გახმაურებულიყო და იქნებ აღარ ექნებოდა მას ასეთი ბრალდებების საფუძველი“,- აცხადებს სალუქვაძე.

 

ლიეტუვის მედიის ინფორმაციით, სასამართლომ ლიეტუვაში საქართველოს ყოფილ ელჩს, ხათუნა სალუქვაძეს ბინის ქირის დავალიანების გადახდა დაავალდებულა. როგორც მედია წერს, სალუქვაძეს სასამართლოში მის მიერ ნაქირავები ბინის მეპატრონემ, მანუელ რუის გარსიამ უჩივლა.

 

 

ინფორმაციას პირველი არხი ავრცელებს.





მსგავსი სიახლეები
გერმანიის გენერალურმა პროკურატურამ ზელიმხან ხანგოშვილის მკვლელობის საქმეზე გამოძიება რუსეთის სადაზვერვო სამმართველოს თანამშრომლების მიმართ დაიწყო - Der Spiegel
ევროპის საბჭოს მინისტრთა კომიტეტმა მოსკოვს 2006 წელს რუსეთიდან დეპორტირებულთა საქმეზე კომპენსაციის გადახდისკენ მოუწოდა
"დიპლომატები იმის გამო გავაძევეთ, რომ რუსეთი ამ მკვლელობის გამოძიებაში არ გვეხმარება"
გერმანიის საგარეო უწყებამ ზელიმხან ხანგოშვილის საქმესთან დაკავშირებით ორი რუსი დიპლომატი პერსონა ნონ-გრატად გამოაცხადა
ნატო-ს დაარსებიდან 70 წლის იუბილესთან დაკავშირებული 2-დღიანი სამიტი დასრულდა
ერდოღანი მაკრონს შეება: შე ტვინმკვდარო ემანუელ, როგორ ბედავ ნატოს შეურაცხყოფას?
"თურქეთი - ცუნამი, რუსეთი - გრიგალი, ჩინეთი - გლობალური დათბობა"
„მაგარი ბიჭია ხომ დიკაპრიო? ასე არა? მან ფული ამაზონისთვის ცეხლის წაკიდებაში გადაიხადა“ - ბრაზილიის პრეზიდენტი
"ჩვენ რევოლუციების ჭირი, დაავადება და ინფექცია შევაჩერეთ - მთელი მსოფლიო ხედავს, რომ ამან ქვეყნებს მხოლოდ უბედურება მოუტანა"
"თურქეთმა აღმოსავლეთ ევროპელები მძევლად აიყვანა და ნატო-ს აშანტაჟებს"-„როიტერსი“
სოციალურ ქსელებში ირაკლი ღარიბაშვილის სახელთან დაკავშირებული არაერთი ყალბი გვერდი იქმნება, რომლებიც საზოგადოების შეცდომაში შეყვანას და დეზინფორმირებას ისახავს მიზნად
"თურქეთმა არ დაუშვა ახალი ტერორისტული სახელმწიფოს ჩამოყალიბება"
"ჩვენ ვხედავთ ზოგიერთ ქვეყანაში როგორ უსწორდებიან დემონსტრანტებს, თუმცა საერთაშორისო ორგანიზაციები ხმას არ იღებენ"
ისრაელის გენერალურმა პროკურორმა პრემიერ-მინისტრ ბენიამინ ნეთანიაჰუს ქრთამის აღებისა და თაღლითობის საქმეზე ბრალი წაუყენა
იენს სტოლტენბერგმა ჩრდილოატლანტიკური ალიანსის წევრებს მოუწოდა, სათანადო მხარდაჭერა გაუწიონ შავი ზღვის რეგიონის ქვეყნებს, კერძოდ, უკრაინასა და საქართველოს
"საბჭოთა კავშირის დაშლის შედეგები იმაზე ბევრად უარესი აღმოჩნდა, ვიდრე ადამიანი ყველაზე ცუდ ფიქრებში წარმოიდგენდა"
უკრაინის უზენაესმა სასამართლომ მიხეილ სააკაშვილის ქვეყნიდან გაძევება კანონიერად ცნო
უკრაინაში, კიევთან ახლოს, „ისლამური სახელმწიფოს“ ერთ-ერთი საველე მეთაური, საქართველოს მოქალაქე ცეზარ ტოხოსაშვილი, იგივე ალ ბარა შიშანი დააკავეს
„საქართველოს პარლამენტმა ბოდიში უნდა მოიხადოს მართლმადიდებლობის საპარლამენტთაშორისო ასამბლეის წევრების წინაშე თბილისში გამართული ასამბლეის ჩაშლის გამო“
„გაზპრომმა" მნიშვნელოვან გამარჯვებას მიაღწია - მისი მეშვეობით რუსეთი კიდევ უფრო გაიძლიერებს ევროპის ქვეყნებზე, განსაკუთრებით, გერმანიაზე პოლიტიკური ზემოქმედების მექანიზმებს“