თბილისის „დინამო“ ბერლინის ტურნირის ვიცე-ჩემპიონი გახდა

გერმანიის დედაქალაქ ბერლინში დასრულებული ლეგენდების თასის ფინალში თბილისის "დინამოს" ვეტერანთა გუნდი "ჰერტას" შეხვდა, 2:5 დამარცხდა და ტურნირი ვიცე-ჩემპიონის რანგში დაასრულა...


თბილისის "დინამო" ტრადიციულ საფეხბურთო ტურნირში სტუმრის სტატუსით მონაწილეობდა. ჩვენმა გუნდმა პირველ სათამაშო დღეს A ჯგუფში 2 შეხვედრა გამართა - "ლევერკუზენთან" 4:2 გაიმარჯვა (ალექსანდრე იაშვილ-2კახა კალაძეოთარ მარცვალაძე), ხოლო "დორტმუნდთან" 2:3 (ალექსანდრე იაშვილი, ლაშა სალუქვაძე) დამარცხდა.

 

ჯგუფური ეტაპის ბოლო მატჩში "დინამო" გელზენკირხენის "შალკეს" შეხვდა. ჯგუფიდან გასასვლელად ქართველებს მოგება სჭირდებოდათ. ანგარიში კახა კალაძემ გახსნა, მალე ალექსანდრე იაშვილმა მეორედ აიღო მეტოქის კარი. ამას კალაძის მეორე გოლი მოჰყვა და "დინამო" პირველივე წუთებიდან სოლიდური უპირატესობით დაწინაურდნა. ტურნირის სტუმრები ამას არ დასჯერდნენ და მეტოქის კარში კიდევ 3 გოლი შეაგდეს - ოთარ მარცვალაძისა და დავით კვირკველიას გოლების შემდეგ დუბლი იაშვილმაც შეასრულა.

 

საბოლოოდ, თბილისის "დინამომ" 6:3 გაიმარჯვა და ნახევარფინალში პირველი ადგილით გავიდა, რადგან A ჯგუფის ლიდერი "დორტმუნდი" მოულოდნელად დამარცხდა "ლევერკუზენთან" მეორე ადგილზე გავიდა. ნახევარფინალში "დინამო" "ვერდერს" დაუპირისპირდა. თავიდან გერმანელები დაწინაურდნენ. "დინამო" სულაც ორჯერ იყო მდევრის როლში, მაგრამ მალე ყველაფერი შეიცვალა - ანგარიში პირველად იაშვილმა გაათანაბრა, მერე - კალაძემ, რომელმაც მალე დუბლი შეასრულა, "დინამო" პირველად დააწინაურა და პირველი ტაიმი თბილისელთა გამარჯვებით დასრულდა - 3:2.

 

კალაძემ მეორე ტაიმში მესამეც გაიტანა და ჰეთ თრიკი მიითვალა, ხოლო იაშვილმა - დუბლი. საბოლოოდ, "დინამომ" 5:2 გაიმარჯვა და ფინალში გავიდა. საინტერესოა, რომ თბილისელთა მეხუთე გოლზე ბერლინის "მაქს შმელინგ ჰალში" ჩვენთვის კარგად ნაცნობი და საყვარელი მელოდიის ("დინამო!","დინამო!") ინტერპრეტირებული ვარიანტი ააჟღერეს...

 

თბილისელები გადამწყვეტ შეხვედრაში ბერლინის "ჰერტას" შეხვდნენ, რომელიც ტურნირის ფავორიტი იყო და საკუთარ "კედლებში" თამაშობდა. B ჯგუფში ბერლინელებმა სამივე მატჩი მოიგეს და პირველ ადგილზე გავიდნენ, ნახევარფინალში კი "დორტმუნდს" სძლიეს. სამწუხაროდ, პირველ დღეს მიღებული ტრავმის გამო ლევან კობიაშვილმა ტურნირის მეორე დღე მთლიანად გამოტოვა.

 

ფინალში ბერლინელებმა პირველი ორი გოლი სწრაფი კონტრშეტევებით გაიტანეს. ალექსანდრე იაშვილმა სხვაობა შეამცირა, მაგრამ "ჰერტამ" უპირატესობა მაინც გაზარდა, ლევან ცქიტიშვილმა კი მხოლოდ სხვაობის შემცირება მოახერხა. საბოლოოდ, "ჰერტამ" 5:2 მოიგო და ლეგენდების თასის მფლობელი გახდა. შესაბამისად, მეორე ადგილი ერგოთ თბილისის "დინამოს" ლეგენდებს, მაგრამ მარტო ეს არა...

 

მეორეადგილოსანი გუნდის კაპიტან კახა კალაძეს ორგანიზატორებმა სპეციალური თასი გადასცეს. ამას გარდა, დინამოელები ტურნირის ორგანიზატორებმა კიდევ სამი პრიზით დააჯილდოვეს - ალექსანდრე იაშვილი საუკეთესო ბომბარდირი (8 გოლი) გახდა და ტურნირის საუკეთესო მოთამაშედაც აღიარეს, ხოლო გიორგი ლომაია საუკეთესო მეკარე გახდა დორტმუნდელ რომან ვაიდენფელერთან ერთად.

 

 

 

 

 

lelo.ge





მსგავსი სიახლეები
2 ოქროს მედალი! - კუპატაძემ და ოძელაშვილმა მინსკში საქართველოს ჰიმნი ააჟღერეს
ლაშა ტალახაძე 2019 წლის საუკეთესო ძალოსანი გახდა
თავისუფალი სტილით მოჭიდავე გენო პეტრიაშვილი ევროპის ჩემპიონი გახდა
ორი ქართველი ფინალშია - გენო პეტრიაშვილი და ბექა ლომთაძე ოქროსთვის იბრძოლებენ
ნიკოლოზ შერაზადიშვილმა პარიზის გრანდ სლემზე ოქროს მედალი მოიგო
საქართველოს ეროვნულმა ნაკრებმა სპანეთის ნაკრები ანგარიშით 23:10 დაამარცხა
„ბორჯღალოსნებმა" რუმინეთის ნაკრებს უმასპინძლეს და ანგარიშით 41-13 დაამარცხეს
ლაშა ტალახაძემ ამ წუთებში მსოფლიო თასზე საოცარი წონა ასწია
ქუთაისის "ტორპედოს" მწვრთნელები, ადმინისტრაციის თანამშრომლები და გულშემატკივრები ხვალ რამაზ შენგელიას სახელობის სტადიონზე შეიკრიბებიან და პერმანენტულ აქციებს გამართავენ
კობი ბრაიანტის ვერტმფრენის ჩამოვარდნასთან დაკავშირებით გამომძიებლებმა განცხადება გააკეთეს
ვითიბი ბანკი, საქართველოს წყალბურთელთა ეროვნულ ნაკრებს, ევროპის ჩემპიონატზე წარმატებას ულოცავს
“რაგბის კავშირის ხელმძღვანელობის მოქმედებების ღერძი, ვაჭრული სულია” – “ლოკომოტივის” პრეზიდენტის სკანდალური განცხადება
სახელმწიფო ცერემონიების სასახლეში 2019 წლის სპორტული მოვლენების შემაჯამებელი ღონისძიება - „წლის სპორტსმენი“ მიმდინარეობს
არაოლიმპიურ სახეობებში 2019 წლის 10 საუკეთესო ქართველი სპორტსმენის დაჯილდოება გაიმართა
საქართველოს წყალბურთელთა ნაკრებმა ევროპირველობაზე საფრანგეთი 9:7 დაამარცხა
თბილისის „დინამო“ ბერლინის ტურნირის ვიცე-ჩემპიონი გახდა
ლეგენდების ტურნირში "დინამო თბილისის" გუნდი ნახევარფინალში გადავიდა
სტამბოლში, საერთაშორისო ტურნირზე, უკრაინელმა მოჭიდავემ ქართველ ფალავანს სახეში ხელი გაარტყა, რასაც მასობრივი ჩხუბი მოჰყვა
ლეგენდების ტურნირში "დინამო“ თბილისმა ლევერკუზენის "ბაიერი" დაამარცხა
საქართველოს სპორტულ ჟურნალისტთა ასოციაციამ 2019 წლის საუკეთესო სპორტსმენად ლაშა ტალააძე დაასახელა