ახალშობილის გაყიდვის საქმეზე ახალი დეტალები ხდება ცნობილი

ახალშობილის გაყიდვის საქმეზე „ინტერპრესნიუსისთვის“ ახალი დეტალები ხდება ცნობილი. როგორც სააგენტოს ამ საქმეზე ერთ-ერთი ბრალდებული პირის ადვოკატმა ლევან ჯავახაძემ ექსკლუზიურად განუცხადა, გინეკოლოგმა ბესარიონ ღარიბაშვილმა მასთან კონსულტაციაზე მისულ ახალგაზრდა ქალს ირმა მაისურაძეს აბორტის გაკეთება გადააფიქრებინა და ბავშვის გაშვილებაზე დაითანხმა. ადვოკატის ინფორმაციით, 31 იანვარს ირმა მაისურაძე სხვა გინეკოლოგმა, კერძოდ გოჩა გელაშვილმა ამშობიარა. ჯავახაძის განცხადებით, საქმეში გინეკოლოგების გარდა, ჩართული იყო კიდევ ოთხი ქალი: დიანა კომახიძე, მზია უგრეხელიძე, ლაირა გრიგოლია და ქეთევან გეწაძე. აღნიშნულ საქმეში ადვოკატი ლევან ჯავახაძე ერთ-ერთი შუამავლის ლაირა გრიგოლიას ინტერესებს იცავს.

 

„ვინმე მეან-გინეკოლოგთან ბესარიონ ღარიბაშვილთან კონსულტაციაზე მივიდა ირმა მაისურაძე, რომელსაც აბორტის გაკეთება უნდოდა. როგორც ბრალის დადგენილებაში წერია, ბესარიონ ღარიბაშვილმა მას აბორტის გაკეთება გადააფიქრებინა და ბავშვის გაშვილება შესთავაზა. დაითანხმა ეს გოგონა ამაზე, რის შემდეგაც ორსულობა გაგრძელდა ჩვეულებრივად. 31 იანვარს გოგონა სხვა გინეკოლოგმა, გოჩა გელაშვილმა, ამშობიარა. ამის შემდეგ, ახალნამშობიარები გოგო საავადმყოფოდან გაწერეს, როგორც თინათინ ჩხეიძე და არა როგორც ირმა მაისურაძე. ამ ერთგვარ გარიგებაში ჩართული იყვნენ ქალბატონებიც: დიანა კომახიძე, მზია უგრეხელიძე, ლაირა გრიგოლია და ქეთევან გეწაძე. მზია უგრეხელიძის მხრიდან „მყიდველების“ მოძიება მოხდა, რომლებიც, როგორც ირკვევა ჩანერგილი აგენტები არიან. ახალშობილი გადასცეს ამ ვითომ მყიდველებს, ხოლო 6 თებერვალს ყველა მოქმედი პირი დააკავეს,“ - განაცხადა ლევან ჯავახაძემ.

 

ადვოკატის ინფორმაციით, საქმეში ბავშვის სანაცვლოდ აღებული კონკრეტული თანხა არ ფიგურირებს. მისივე თქმით, ის, რომ ბრალდებულებმა ახალშობილის სანაცვლოდ 13 ათასი დოლარი მოითხოვეს, ბრალის დადგენილებაში არ წერია. „არანაირი თანხა არც საქმეში და არც ბრალდებაში არ წერია. ფინანსური ინტერესი იყო, თუმცა კონკრეტული თანხის ოდენობა არსად არ ჩანს. 13 ათასმა დოლარმა საიდან გაიჟღერა, ვერ ვხვდები. იმის მტკიცებულება, რომ დედამ ბავშვის სანაცვლოდ თანხა მიიღო, არ გვაქვს,“ - აღნიშნა მან. კითხვაზე, როგორ გახსნეს სამართალდამცველებმა აღნიშნული საქმე, ადვოკატი პასუხობს, რომ ამ საქმეზე ფარული მიყურადება იმ წამიდან ხორციელდებოდა, როდესაც გარიგება შედგა.

 

„ფეხმძიმობის პერიოდშივე მიდიოდა ამ საქმის დამუშავება. იმ წამიდან, როცა გარიგება მოხდა, დაიწყო თვალთვალი, ფარული მიყურადება, ამათი შეხვედრების ვიდეო ჩაწერა და ა.შ. საკმაოდ მყარი საქმეა,“ - განაცხადა ადვოკატმა. კითხვაზე აღიარებენ თუ არა ბრალდებულები დანაშაულს, ლევან ჯავახაძე პასუხობს, რომ თავდაპირველად ისინი დუმილის უფლებას იყენებდნენ, თუმცა სასამართლოზე, სადაც მათთვის აღკვეთის ღონისძიების შეფარდებაზე მსჯელობდნენ, გაჟღერდა პოზიციები, რომ ისინი თავს დამნაშავედ სცნობენ. „აღკვეთამდე ყველამ შეინარჩუნა დუმილის უფლება, თუმცა აღკვეთის ღონისძიების შეფარდებისას გაჟღერდა პოზიციები, რომ ისინი თავს დამნაშავედ სცნობენ. ჩემი დაცვის ქვეშ მყოფმა ფაქტი დაადასტურა, ხოლო დანაშაულში მონაწილეობაზე ჯერ თავს იკავებს. რაც შეეხება დედას, მან ვერაფრის თქმა ვერ მოახერხა, რადგან შეუძლოდ გახდა და სასწრაფოთი გადაიყვანეს,“ - განაცხადა ლევან ჯავახაძემ.

 

„ინტერპრესნიუსთან“ საუბრისას ადვოკატი ლევან ჯავახაძე გირაოს ოდენობასაც აზუსტებს, რის სანაცვლოდაც ბრალდებულები გათავისუფლდნენ. კერძოდ, მისი თქმით, ბავშვის დედისთვის შეფარდებული გირაო 2 ათასი ლარია, გინეკოლოგებისთვის 7-7- ათასი ლარი, ხოლო შუამავლებისთვის 5-5 ათასი ლარი. ადვოკატი ასევე განმარტავს, რატომ მოხდა ბავშვის გაყიდვაში ბრალდებული პირების გირაოს სანაცვლოდ გათავისუფლება. „ტრეფიკინგსა (სსკ-ის 143 მუხლი) და იმ მუხლს (სსკ-ის 172) შორის, რომელიც ახლა ჩვენ ბრალად გვაქვს წარდგენილი, ძალიან პატარა სხვაობაა. აქ ეს სხვაობა გამოიხატება მხოლოდ იმაში, რომ 172-ე მუხლში არის ასეთი დათქმა: არასრუწლოვანის ყიდვა/გაყიდვა შვილად აყვანის მიზნით. ასეთი დათქმა ტრეფიკინგს არ აქვს,“ - განაცხადა ლევან ჯავახაძემ.

 

ცნობისთვის, გამოძიების ინფორმაციით, ბრალდებულებმა, დანაშაულებრივი განზრახვით, მოიძიეს ბავშვის შეძენის მსურველი პირი, რომელსაც ბავშვის შეძენის სანაცვლოდ, მოსთხოვეს 13 000 აშშ დოლარი. დანაშაულებრივი ქმედების დაფარვის მიზნით, წინასწარი შეთანხმებით, ბავშვის დედა, ფეხმძიმობის პერიოდში, შესაბამისი სამედიცინო პროცედურების გავლის და საავადმყოფოში მშობიარობის დროს, დარეგისტრირდა სხვა პირის გვარ-სახელით. საგამოძიებო სამსახურმა, მიმდინარე წლის 6 თებერვალს, განხორციელებული ახალშობილის გაყიდვის შემდეგ, დანაშაულებრივ სქემაში ჩართული შვიდივე პირი დააკავა, ხოლო, ახალშობილი დროებით მეთვალყურეობაში გადასცა სახელმწიფო ზრუნვისა და ტრეფიკიგნის მსხვერპლთა დაზარალებულთა დახმარების სააგენტოს. გამოძიება მიმდინარეობს საქართველოს სისხლის სამართლის კოდექსის 143-ე 2 პრიმა მუხლის მესამე ნაწილით, რაც სასჯელის სახით ითვალისწინებს თავისუფლების აღკვეთას 14-დან 17-წლამდე ვადით.





მსგავსი სიახლეები
ყალბი საგადასახადო დოკუმენტების დამზადება - გამოყენებისა და დიდი ოდენობით ქონებრივი დაზიანების ფაქტზე ორი პირი დააკავეს
გარემოს დაბინძურებისთვის ჯარიმები მკაცრდება - შესაბამისი ცვლილებები „ნარჩენების მართვის კოდექსში“ შედის
გენერალური პროკურორი ირაკლი შოთაძე თანამშრომლებს შეხვდა
სასამართლომ მიხეილ კალანდია დავით სარალიძის მკვლელობაში დამნაშავედ ცნო
ვანო მერაბიშვილის მინისტრობის პერიოდში, შსს-ის მიერ ჩატარებული ღონისძიებების შედეგად მოკლული ადამიანების სია
სახელმწიფო უსაფრთხოების სამსახურის ანტიკორუფციულმა სააგენტომ დიდი ოდენობით თაღლითობის ფაქტზე 4 პირი დააკავა
„საჯაროდ ვაცხადებ, რომ ელისო კილაძე მიზანმიმართულად აქეზებდა და აქეზებს მალხაზ მაჩალიკაშვილს იოსებ გოგაშვილის წინააღმდეგ - მივმართავ გენპროკურატურას, დაიწყოს გამოძიება და დამკითხოს“
სოსო გოგაშვილი მაჩალიკაშვილების ოჯახის ადვოკატის მარიამ კუბლაშვილის დაკითხვას ითხოვს
„ტელეფონი გამოუტანა განვადებით, თურმე ამას დაულომბარდებია - ამის გამო მამამ შენიშვნა მისცა, ეს არ აპატია და მძინარეს სანადირო თოფით ესროლა“
ყალბი საგადასახადო დოკუმენტების დამზადება - გასაღების ორი ფაქტი გამოავლინდა, რაზეც ორი კომპანიის ხელმძღვანელი დააკავეს
საზღვაო ტრანსპორტის სააგენტოში ლიბერიის დროშის ქვეშ მცურავ გემზე მომხდარ თავდასხმას და საქართველოს მოქალაქეების გატაცებას ადასტურებენ
ტაქსის მძღოლის განზრახ მკვლელობის ბრალდებით დაკავებულ ნიკოლოზ ხადურს აღკვეთი ღონისძიების სახედ პატიმრობა შეეფარდა
„თუ ადამიანებმა დანაშაული ჩაიდინეს, უნდა გამოვიძიოთ - არასწორია არგუმენტი, რადგან საარჩევნო წელია, ჩადენილი დანაშაული არ გამოვიძიოთ“
გუდაურში მომხდარი მკვლელობის საქმის ექსკლუზიური დეტალები
პოლიციამ სამტრედიაში ცოლის მკვლელობის ბრალდებით ერთი პირი ცხელ კვალზე დააკავა
სოფელ ყარაჯალართან, დამწვარ ავტომანქანაში ტაქსის მძღოლის ცხედარი იპოვეს
ვინ არის გუშინ სასტიკად მოკლული 22 წლის ბიჭი და რა გახდა სისხლიანი გარჩევის მიზეზი
გუდაურში მომხდარი მკვლელობის და დაჭრის ფაქტი გახსნილია - დაკავებულია ერთი პირი
„კატეგორიულად მოვითხოვ, გია კრიალაშვილის მკვლელობის საქმეზე გაასამართლოთ მერაბიშვილი - მას მთავარ დანაშაულზე ჯერ პასუხი არ უგია!“
„გიგილოს ამ 48 მილიონის გაფლანგვაზე რომ გაიგიჟეს თავი, ვინმეს გახსოვთ ე.წ ''სამართალდამცავ ორგანოების განვითარების'' და ''ქართული არმიის განვითარების'' ფონდების საქმიანობა?“