საერთაშორისო სავალუტო ფონდის ახალი ანგარიში - „მომავალ 2020-2024 წლებიც ჩვენ გვექნება რეგიონსა და ევროპაშიც ყველაზე მაღალი, 5-% იანი ზრდა“

გიორგი ცუცქირიძის ბლოგი:

 

საერთაშორისო სავალუტო ფონდის ახალი ანგარიში, რომელიც გასულ წელს აფასებს, განსაკუთრებით როგორც არასდროს, დღეს რამდენიმე მიმართულებით არის მნიშვნელოვანი:

 

1. 2019 წელს, ბოლო წლებში პირველად საქართველოს ეკონომიკის ზრდის ტემპმა საპროგნოზო მოლოდინს გადააჭარბა. წინასწარი შეფასებების მიხედვით 2019 წელს ეკონომიკურმა ზრდამ 5.2 პროცენტი შეადგინა, რაც სსფ-ს 4.6 პროცენტიან პროგნოზს აღემატება. ამასთან, ბოლო წლებში ყველაზე მაღალი ზრდის მაჩვენებელია 2014 წლიდან მოყოლებული.

2. ეკონომიკურ ზრდაზე მხოლოდ პოზიტიურად აისახა, როგორც წმინდა ექსპორტის ზრდის დინამიკა, ასევე მიმდინარე ანგარიშის დეფიციტის შემცირებაც, რომელიც რეკორდულად დაბალ მაჩვენებლამდე, მშპ-ს 4.4 პროცენტამდე დაფიქსირდა. ასეთი დაბალი მაჩვენებელი არასდროს გვქონია და ესეც ეკონომიკური პოლიტიკის სწორ სტრატეგიაზე მიუთითებს, რაც ექსპირტის და ადგილობრივი წარმოების ხელშეწყობაში მდგომარეობს.

3. დიდწილად ამის შედეგია, რომ მაღალი ადგილობრივი მოთხოვნის მიუხედავად, რაც ეკონომიკურ ზრდაზე დადებით ზეგავლენას ახდენდა და ადასტურებს სიღარიბის დონის შემცირებასაც, ექსპორტი 12.4 პროცენტით გაიზარდა წინა წელთან შედარებით, ხოლო თანხობრივად ექსპორტმა რეკორდულ მაჩვენებელს 3 771.5 მლნ. აშშ დოლარს მიაღწია. რაც მთავარია, წმინდა ექსპორტის ზრდის შედეგად, რაც ზრდის წამყვანი კონტრიბუტორია, სავაჭრო დეფიციტი 489.0 მლნ. აშშ. დოლარით შემცირდა.

4. მიმდინარე ანგარიშის დეფიციტის შემცირება, უზრუნველყოფს როგორც მაკროეკონომიკურ მდგრადობას, ასევე პოზიტიურად აისახება სავალუტო კურსზე.

5. მოხსენებაში ასევე ხაზგასმულია, რომ საგადასახადო რეფორმამ, დღგ-ის ავტომატური სისტემის შემოღებამ და შემოსავლების ზრდამ შესაძლებლი გახადა სახელმწიფო ინვესტიციების ზრდა რეკორდულ მაჩვენებლამდე (მშპ-ს 8 პროცენტამდე), რაც მთავარია, ფისკალური დეფიციტი არ გაზრდილა და მშპ-ს 2.1 პროცენტი შეადგინა. ეს ფაქტორიც მნიშვნელოვანია იმ თვალსაზრისით, რომ გარდა საგადასახადო შემოსვლების ზრდისა, ხელს უწყობს ბიზნეს აქტივობას და გვაძლევს კარგ შესაძლებლობას წარმატებით გადავიდეთ დღგ-ის რეფორმის ახალ ეტაპზე, რაც ევროპული დღგ-ის მოდელთან თავსებადობას ითვალისწინებს. ეს კი საშუალებას მოგვცემს უკვე უახლოეს წლებში არა მხოლოდ გავზარდოთ საგადასახადო შემოსავლები, არამედ მოვიზიდოთ მეტი ინვესტიცია ევროკავშირის ქვეყნებიდან, რაც მთავარია კიდევ უფრო შევამციროთ უმუშევრობა.

6. აქვე ავღნიშნავ, რომ ინვესტიციების ზრდაზე დადებითად იასახება EuCham-ის "საუკეთესო ევროპული ქვეყნები ბიზნესისათვის" ახალი კვლევის შედეგებიც, სადაც საქართველო, ევროპის საუკეთესო ოცეულში მოხვდა 70 ქულით და მე-18 ადგილზე გავიდა. აღსანიშნავია , რომ ქვეყანა არა მხოლოდ რეგიონში , არამედ აღმოსავლეთ ევროპაში ზედიზედ მესამე წელია პირველ ადგილზეა, გარდა ამისა, საქართველომ შეფასების შკალაში 70 ქულიანი ზღვარი გადალახა და პირველად ე.წ . „ყვითელი“ ზონიდან „მწვანე“ ზონაში ანუ ყველაზე მაღალ ზონაში გადაინაცვლა.

7. სწორედ ამ დადებითი ტენდენციების შედეგია, რომ მომავალ 2020-2024 წლებიც ჩვენ გვექნება რეგიონში და ევროპაშიც ყველაზე მაღალი 5-% იანი ზრდა, რაც სიღარიბის დონის შემცირებასთან ერთად, დასაქმებუს ზრდასაც უზრუნველყოფს.





მსგავსი სიახლეები
"ჩვენი ეკონომიკის საფუძველია თავისუფალი და ძლიერი ქართული ბიზნესი, რომელიც ქმნის სამუშაო ადგილებს"
ცნობილი გახდა ინოვაციების და ტექნოლოგიების სააგენტოს თანადაფინანსების გრანტების პროგრამის გამარჯვებული სტარტაპები
ერთი აშშ დოლარის ღირებულება ამ დროისათვის
"ლარი მისი ბუნებრივი წონასწორობისკენ მიდის"- გიორგი ცუცქირიძე
„საქართველო მოთხილამურეების სამოთხეა“ - CNN Travel
ერთი ამერიკული დოლარის ღირებულება 24 თებერვლის 17:00 საათისთვის
ფინანსთა მინისტრი ვანო მაჭავარიანი თამბაქოს გაძვირებასთან დაკავშირებით ინფორმაციას უარყოფს
ქუთაისში, ჰუალინგის თავისუფალ ინდუსტრიულ ზონაში მზის პანელების მწარმოებელი ევროპაში ყველაზე დიდი ქარხანა გაიხსნა
„2022 წლამდე არანაირი ცვლილება არ იგეგმება სიგარეტზე - იმის განიუსება, რომ აქციზის განაკვეთი ოდესღაც შეიძლება 5 ლარი გახდეს, მთლად ჯანმრთელად არ გამოიყურება“
ერთი აშშ დოლარის ღირებულება ამ დროისათვის
"აზარტული თამაშებით გამოწვეული რისკების შესამცირებლად ფინანსთა სამინისტრო ახალ ინიციატივებზე მუშაობს"
„დარწმუნებული ვარ, აქაური ცალკეული საექსპერტო ჯგუფები და არასამთავროები დაიწყებენ იმის ტირაჟირებას, რომ წელს, პირველ კვარტალში, ეკონომიკური და ბიზნეს კლიმატი გაურესდება“
ერთი ამერიკული დოლარის ღირებულება 19 თებერვლის 17:00 საათისთვის
"ბელარუსი დაინტერესებულია საქართველოს, როგორც ლოგისტიკური ჰაბის პოტენციალით"
საქართველოში უმუშევრობა შემცირდა - საქსტატი
"უმუშევრობის დონის შემცირება არის შედეგი ქვეყანაში მიმდინარე ეკონომიკური რეფორმებისა"- გიორგი ცუცქირიძე
ქართული ავტო-ლიფტი - პარკირების პრობლემის ახლებური გადაწყვეტა
ერთი ამერიკული დოლარის ღირებულება 18 თებერვლის 17:00 საათისთვის
Forbes: საქართველო 2020 წლის 20 საუკეთესო ტურისტულ მიმართულებას შორის
ვითიბი ბანკის ავტომბილით უზრუნველყოფილი სესხის პირობები გაუმჯობესდა